Morgunblaðið - 12.10.2002, Qupperneq 8

FRÉTTIR
8 LAUGARDAGUR 12. OKTÓBER 2002 MORGUNBLAÐIÐ
Ef þér eruð að hugsa um eitthvað billegt í matinn, frú, þá erum við að slátra núna.
Umburðarlyndi og ólíkar skoðanir
Trú, gildismat,
umburðarlyndi
RÁÐSTEFNA sember heitið „Um-burðarlyndi og
ólíkar lífsskoðanir í skóla-
starfi“ fer fram í stofu
M301 í Kennaraháskólan-
um við Stakkahlíð nk.
þriðjudag og stendur milli
klukkan 16.30 og 19. Séra
María Ágústsdóttir, hér-
aðsprestur Reykjavík-
urprófastsdæmis vestra,
er í forsvari fyrir ráðstefn-
una ásamt fleirum og svar-
aði hún nokkrum spurn-
ingum Morgunblaðsins.
– Hvert er tilefnið?
„Það er orðin nokkuð-
löng hefð fyrir samvinnu
kirkjunnar annars vegar
og grunn- og leikskólanna
hins vegar, skólabörnin
koma t.d. í kirkju fyrir jól-
in og starfsfólk kirkjunnar
hefur ennfremur komið í skólana,
aðallega leikskólana og talað við
börnin. Tilefnið er síðan vanga-
veltur sem upp hafa komið meðal
kirkjufólks um hlutverk og stöðu
kristninnar í leik- og grunnskóla-
starfi, einnig spurningar foreldra
þar að lútandi. Það hefur borið
nokkuð á þessu á undanförnum
misserum og við ætlum að freista
þess að taka á þessum málefnum
og átta okkur betur á þeim.“
– Varðandi heimsóknir skóla í
kirkjur og öfugt, hvernig snýr
svoleiðis gagnvart nýbúum sem
hafa aðra trú?
„Langflestir Íslendingar eru
kristnir og á það líka við um ný-
búana þó að nokkur hópur þeirra
játi aðra trú. Sjaldgæft er að mót-
bárur komi frá þeim sem ekki eru
kristnir, þvert á móti lýsir það
fólk áhuga á því að börn þess
kynnist þeirri trú sem hér ríkir og
mótað hefur þjóðfélagið. Þeir sem
fetta fingur út í þetta samstarf
eru yfirleitt Íslendingar sem af
einhverjum orsökum hafa kosið
að fjarlægjast kirkjuna.“
– Hvers vegna umburðar-
lyndi … er skortur á því?
„Við viljum hvetja til umræðu
um hugtakið sjálft. Hvað merkir
það? Hvernig ber að túlka það og
hvernig lýsir það sér. Ég hygg að
ýmsir geti haft misjafnar skoðanir
á því. Í tuttugu barna hópi má
gera ráð fyrir því að 17 til 18
barnanna séu skírð til kristinnar
trúar. Hver er þá réttur meiri-
hluta gegn minnihluta og öfugt?
Oft er spurt um rétt minnihluta
gagnvart meirihluta. En hvað um
umburðarlyndi gagnvart meiri-
hlutanum?
Fyrra framsöguerindið á ráð-
stefnunni er einmitt um umburð-
arlyndi. Sr. Sigurður Pálsson flyt-
ur þá fyrirlestur sem hann nefnir
„Umburðarlyndi í fjölmenningar-
legu samfélagi.“
– Og síðan er fjallað um ólíkar
lífsskoðanir í skólastarfi?
„Já, þar flytur Hanna Ragnars-
dóttir afar athyglisverðan fyrir-
lestur sem fjallar um það hvers
foreldrar barna í minnihlutahóp-
um vænta í skólastarf-
inu. Hún hefur rann-
sakað þetta síðustu
árin, sérstaklega á leik-
skólastiginu. Hún hef-
ur komist að niðurstöð-
um sem hún mun kynna á
ráðstefnunni, auk þess að leggja
fram tillögur að leiðum til að gera
betur en gert er og kynna ýmis
gögn sem hún hefur fyrirliggj-
andi.
Þá munum við hlýða á raddir
ólíkra hópa sem leggja orð í belg
um þessa málaflokka, Fanný K.
Tryggvadóttir frá Hvítasunnu-
söfnuðinum tekur til máls, einnig
Svanberg K. Jakobsson frá Vott-
um Jehóva og loks Sigurður Hólm
Gunnarsson frá Siðmennt. Síðan
munum við gefa okkur góðan tíma
í viðræður undir fundarstjórn
Gísla Tryggvasonar sem er for-
maður foreldrafélags leikskólans
Kjarrið í Kópavogi.“
– Á hvers vegum er ráðstefnan?
„Prófastsdæmin í Reykjavík,
eystra og vestra, hafa undirbúið
málþingið, en inn á borð til okkar
kom hugmynd frá foreldrafélag-
inu hjá Gísla Tryggvasyni að fjalla
um þessi mál, þ.e. gildismat,
trúarbrögð og umburðarlyndi í
leikskólum, á þessum nótum. Það
átti rætur að rekja til atburðanna
í Bandaríkjunum 11. september
sem skerptu áhugann á slíkum
umræðum. Enn fremur ýmislegt
sem á hefur gengið í íslensku
þjóðfélagi. Eins og ég gat um áð-
an, þá hefur verið nokkur sam-
vinna kirkju og skóla og auk þess
sem ég nefndi um heimsóknir, t.d.
á jólum, þá höfum við verið með
námskeið fyrir t.d. starfsfólk leik-
skóla um hvernig talað skuli um
hluti eins og páska og sorg við
börnin. Einnig höfum við boðið
grunnskólakennurum til okkar á
námskeið um ýmis mál sem fara
saman með okkur og þeim. Þann-
ig hefur samtal okkur verið við
vissa faghópa og höfum við fyrir
löngu séð alla kostina við slíkt
samstarf og nauðsyn þess að
glæða það enn frekar.
Við tókum þessum hug-
myndum þar af leið-
andi fagnandi því að við
vorum sjálf að hugsa á
þessum nótum.“
– Hverjir eiga helst erindi á
þessa ráðstefnu?
„Aðalmarkhópurinn, ef við get-
um kallað það svo, eru foreldrar
leik- og grunnskólabarna. Einnig
viljum við ná til alls þess fagfólks
sem kemur að þessum barnahópi.
Ráðstefnan er öllum opin og að-
gangur er ókeypis. Það er engin
skráning og allir velkomnir á
meðan húsrúm leyfir.“
María Ágústsdóttir

María Ágústsdóttir er fædd
20. febrúar 1968. Hún útskrif-
aðist úr guðfræðideild Háskóla
Íslands 1992. Vígðist síðan til
Dómkirkjunnar 1993 og starfaði
þá m.a. með leik- og grunn-
skólabörnum. Lauk kenn-
araprófi frá Háskóla Íslands
1994 og starfaði síðan um tíma í
afleysingum bæði sem sjúkra-
húsprestur og í Háteigskirkju.
Síðustu þrjú árin hefur hún verið
héraðsprestur í Reykjavík-
urprófastsdæmi vestra. María á
tvö börn, Kolbein, 8 ára, og
Ragnhildi, 5 ára.
Við viljum
hvetja til
umræðu