Morgunblaðið - 12.10.2002, Page 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 12. OKTÓBER 2002 VERÐ Í LAUSASÖLU 190 KR. MEÐ VSK.
Valkostur
vandlátra
– leiðandi í lausnum
Skeifunni 17AcoTæknival Sími 550 4000 Fax 550 4001
FLÓÐVATN liggur víða yfir tún-
um á bænum Skálafelli í Suð-
ursveit eftir mikið hlaup í ánni
Kolgrímu, sem skolaði burtu
hringveginum á 100 metra kafla í
fyrrinótt. Vegagerðarmenn stóðu
í ströngu í vegaviðgerðum í gær
og legið hefur við slysum í flóð-
unum. Kolgríma bar með sér
stærðar ísjaka niður á tún Þor-
steins Sigfússonar, bónda á
Skálafelli, og foss hefur myndast
í túnjaðrinum þar sem nú þarf að
vaða í ökkladjúpu vatni eins og
þeir Ingi Steinn Þorsteinsson og
Sigfús Jónsson fengu óvænt að
reyna í gær.
Morgunblaðið/RAX
Flóða-
skemmdir í
Suðursveit
 Hringveginum/48–49
MÆÐGURNAR sem létust af
völdum áverka sem þær hlutu í
bílslysi í Skutulsfirði sl. sunnudag
hétu Þórdís Anna Pétursdóttir, 37
ára, fædd þann 5. júlí 1965 og læt-
ur eftir sig unnusta, og dætur
hennar Elín Ísabella Kristinsdótt-
ir, 9 ára, fædd 12. ágúst 1993 og
Mirra Blær Kristinsdóttir, 8 ára,
fædd 18. september 1994. Þær
voru allar til heimilis að Dynsölum
16 í Kópavogi.
Þórdís Anna
Pétursdóttir
Elín Ísabella
Kristinsdóttir
Mirra Blær
Kristinsdóttir
Mæðgurnar sem létust
HEILDARSKULDIR sjávarút-
vegsins lækkuðu um 10 milljarða
króna á fyrri helmingi ársins og
nema nú 205 milljörðum króna.
Þetta kom fram í máli Arnars Sig-
urmundssonar, formanns Samtaka
fiskvinnslustöðva, á aðalfundi sam-
takanna í gær.
Arnar sagði að samkvæmt upp-
lýsingum Seðlabanka Íslands sé
áætlað að heildarskuldir sjávarút-
vegsins hafi numið tæplega 205
milljörðum króna í júní á þessu ári.
Um síðustu áramót hafi skuldirnar
numið rúmlega 214 milljörðum og
hafi þær því lækkað um 10 milljarða
frá ársbyrjun. Af heildarskuldum er
talið að skuldir sjávarútvegsfyrir-
tækja við innlendar bankastofnanir
hafi numið liðlega 160 milljörðum
króna á miðju þessu ári.
Í máli Arnars kom ennfremur
fram að af 205 milljarða heildar-
skuldum er áætlað að liðlega 134
milljarðar eða rúmlega 65% hafi
verið í erlendum gjaldmiðlum, en
rúmlega 70 milljarðar eða tæplega
35% í íslenskum krónum. Heildar-
skuldir í sjávarútvegi hafa hækkað
um 63% frá ársbyrjun 1998, en á
sama tíma hefur útflutningsverð-
mæti sjávarafurða hækkað um rúm-
lega 30%. Miklar fjárfestingar í öll-
um greinum sjávarútvegs, ásamt
fjárfestingum erlendis og gengis-
breytingum, skýra að mestu aukn-
ingu heildarskulda á undanförnum
árum. Á sama hátt á betri afkoma
og gengishækkun krónunnar sinn
þátt í lækkun heildarskulda á þessu
ári.
Arnar sagði einnig að útflutnings-
verðmæti sjávarafurða hafi numið
um 122 milljörðum króna á síðasta
ári. Nú væri útlit fyrir að útflutn-
ingsverðmæti sjávarafurða hækkaði
nokkuð á þessu ári en fyrstu átta
mánuði þessa árs hafi það numið 87
milljörðum króna.
Tíu milljarða lækkun
á fyrri árshelmingi
 Mörg tækifæri/24
Heildarskuldir sjávarútvegsins nema 205 milljörðum
VERKLAGSREGLUR sem gilda
um sölu ríkisfyrirtækja voru ekki
brotnar við val á áhugaverðum
kaupanda á hlut ríkisins í Lands-
banka Íslands hf. Ekki verður dreg-
in önnur ályktun en sú niðurstaða að
ganga til beinna viðræðna við Sam-
son ehf. sé sannfærandi og eðlileg
miðað við þær forsendur og áherslur
sem lagðar voru til grundvallar.
Þetta er meginniðurstaðan í grein-
argerð Ríkisendurskoðunar um sölu
Landsbankans.
Í greinargerðinni eru þó jafn-
framt gerðar athugasemdir við at-
riði sem betur hefðu mátt fara og er
þar sumpart tekið undir bæði gagn-
rýni Steingríms Ara Arasonar, sem
sagði sig úr nefndinni i haust, og
þeirra þriggja fjárfesta sem buðu í
Landsbankann. Þannig telur Ríkis-
endurskoðun að æskilegt hefði verið
að fyrr í söluferlinu hefðu legið fyrir
nákvæmari og skýrari upplýsingar
um atriði sem höfðu afgerandi áhrif
á val á kjölfestufjárfesti og að
minnsta kosti leiðbeining um inn-
byrðis vægi þeirra. Í greinargerð-
inni kemur og fram að það sé sam-
dóma álit fulltrúa þeirra þriggja
fjárfesta, sem tilboð gerðu, að ekki
hafi verið staðið nægilega faglega að
verki og nær engar upplýsingar hafi
verið veittar um vægi þeirra atriða
sem þeir voru þó beðnir að gera sér-
staka grein fyrir.
Niðurstaðan ótvíræð og skýr
Forsætisráðherra, Davíð Odds-
son, segir í viðtali við Morgunblaðið,
að niðurstaða Ríkisendurskoðunar
sé ótvíræð og skýr og önnur meg-
inniðurstaða í greinargerðinni sé sú
að ásakanir þær, sem komu fram í
úrsagnarbréfi Steingríms Ara Ara-
sonar til sín, eigi ekki við rök að
styðjast. Og þar með sé bæði óvissu
og alls kyns sögusögnum varpað fyr-
ir róða. Forsætisráðherra segir að
tekið verði bæði mark og mið af
þeim athugasemdum sem komi fram
í greinargerð Ríkisendurskoðunar.
Ríkisendurskoðun um bankasölu
Reglur voru
ekki brotnar
 Eðlilegt/12–13
HRÁSKINKA frá Parma sem flutt
var inn vegna ítalskra daga í Nóatúni
seldist upp í gær, að sögn Eyglóar
Bjarkar Ólafsdóttur, markaðsstjóra
innflytjandans, Karls K. Karlssonar.
Von er á einu tonni af Parma-skinku
með flugi til landsins um helgina, en
óvíst er að hennar sögn hvort varan
verður komin í verslunina á laugar-
dag eða sunnudag.
Ekta Parma-skinka frá Ítalíu er nú
fáanleg hér á landi í fyrsta sinn og
segir Gísli Sverrir Halldórsson, sér-
greinadýralæknir inn- og útflutnings-
afurða hjá embætti yfirdýralæknis,
að ný reglugerð hafi verið sett í vor
um dýrasjúkdóma og varnir gegn
þeim. Leyfi fyrir innflutningi búfjár-
afurða sé enn háð sama ferli og áður.
„Hvað hrátt kjöt áhrærir má nú
sýna fram á aðrar framleiðsluaðferðir
en suðu og gerilsneiðingu sem yfir-
dýralæknir síðan samþykkir. Þessi
breyting opnar nýjar leiðir fyrir okk-
ur til þess að vinna eftir, varðandi
vörur sem áður var bannað að flytja
inn,“ segir hann.
Mögulegt
að flytja inn
ítalska
hráskinku
 Parma-skinka/30