Morgunblaðið - 15.02.2003, Side 6

FRÉTTIR
6 LAUGARDAGUR 15. FEBRÚAR 2003 MORGUNBLAÐIÐ
VUR
V I
ÐS
K IP
TAÞJÓNUSTA
U
TA
N
R Í K I S R Á Ð U N
E Y
T I
S
I N
S
í verki með íslenskri útrás
www.vur.is
„Viðskiptaþjónusta VUR er einhver
mikilvægasta aðstoð sem ég hef
fengið við markaðssetningu á Penzími
erlendis. Viðskiptafulltrúarnir í
Frakklandi og Þýskalandi hafa veitt
djúpa sýn á heimamarkaði sína með
skýrslum og opnað þar mikilvæg
sambönd. Ef misskilnings hefur gætt
í samskiptum við milliliði eða
tækniörðugleikar orðið, hef ég getað
reitt mig á stuðning
viðskiptafulltrúanna og leiðsögn.
Jafnframt veit ég að VUR hefur opin
augu fyrir viðskiptatækifærum og
upplýsingum sem gagnleg hafa reynst
Ensímtækni á ókunnum og fjarlægum
slóðum.“
Jón Bragi Bjarnason, prófessor,
framkv.stjóri Ensímtækni
E
F
L
IR
/
H
N
O
T
S
K
Ó
G
U
R
V
U
R
6
0
0
0
3
Dýpri sýn á
markaði fyrir
Pensím
HALLDÓR Ásgrímsson utanríkis-
ráðherra segist ekki sjá nein vanda-
mál fólgin í því að nota þann milljarð,
sem höfuðborgarsvæðinu var úthlut-
að til framkvæmda, til flutnings
Hringbrautar. Þessir fjármunir eru
hluti höfuðborgarsvæðisins af þeim
sex milljörðum sem ríkisstjórnin
veitti til framkvæmda næstu 18 mán-
uði til að sporna við atvinnuleysi.
„Við forsætisráðherra töldum mik-
ilvægt að þetta fjármagn gagnaðist
Miklubrautinni, sérstaklega frá
gatnamótum Kringlumýrarbrautar
og vestur í bæ,“ sagði Halldór við
Morgunblaðið. Hann hefur á undan-
förnum dögum verið í viðræðum við
fulltrúa Reykjavíkurborgar og Vega-
gerðina um fyrirhugaðar fram-
kvæmdir.
Brýnasta verkefnið
„Ég tel að þessi leið, frá gatnamót-
um Kringlumýrarbrautar og vestur í
bæ, sé brýnasta verkið innan marka
höfuðborgarinnar fyrir utan þær
framkvæmdir sem eru núna að fara af
stað og þar ber hæst gatnamótin við
Stekkjarbakka sem eru mjög mikil-
væg fyrir okkur sem búum í Breið-
holtinu.“
Halldór telur vel hægt að nýta
þetta fjármagn í færslu Hringbrautar
á næstu 18 mánuðum þar sem mest af
undirbúningsvinnunni hefur þegar
verið unnin.
„Allt bendir til þess að hægt sé að
hefja framkvæmdir við færslu Hring-
brautar fyrri hluta næsta hausts. Á
árunum 2003 til 2006 er hægt að ætla
einum milljarði til þessa verks. Með
því að flýta þessum framkvæmdum
skapast svigrúm til þess að fara að
vinna í gatnamótunum við Kringlu-
mýrarbraut og Miklubraut í beinu
framhaldi af því.“
Halldór sagði að fyrri áætlanir hafi
kveðið á um að megin þungi fram-
kvæmda við færslu Hringbrautar hafi
átt að eiga sér stað árið 2005, en nú
geti þær farið fram að mestu á þessu
ári og því næsta. „Ég sé ekki að þetta
verði nokkurt vandamál. Með góðu
samstarfi borgarinnar og Vegagerð-
arinnar gæti orðið grundvallarbreyt-
ing á þessari leið á næstu árum.“
Halldór sagði undirbúning við
færslu Hringbrautar á lokastigi og að
umhverfismat gæti hafist á næstunni.
„Því mati ætti að geta verið lokið í
sumar og þá er framkvæmdin tilbúin
til útboðs fyrri hluta haustsins. Sam-
hliða er hægt að undirbúa gatnamót
Kringlumýrarbrautar og Miklubraut-
ar. Þau eru að vísu mjög dýr, eru talin
kosta að minnsta kosti 1,3 milljarða,“
sagði Halldór sem jafnframt telur að
með þessu fjármagni skapist svigrúm
til þess að hefja þær framkvæmdir
fyrr en ella hefði orðið.
Áætlað er að Hringbrautin færist
suður, þannig að hún liggi fjær Land-
spítala en nær Bifreiðastöð Íslands.
Enn er óvíst hve langan tíma fram-
kvæmdir muni taka.
Framkvæmdir við Hring-
braut gætu hafist á þessu ári
Tölvumyndin sýnir hvar Hringbrautin mun liggja í boga fyrir sunnan Umferðarmiðstöðina.
STARFSFÓLK matvöruverslunar-
innar Nettó í Mjódd þurfti í gær að
grípa til þess ráðs að skammta kjúk-
linga til viðskiptavina sinna þannig
að hver fengi ekki fleiri en 10 stykki.
Mikill atgangur átti sér stað þegar
verðið á frosnum, heilum kjúklingi
fór á tilboðsverð, 259 krónur kíló-
grammið. Elías Þorvarðarson versl-
unarstjóri segir skömmtunina gerða
til að koma í veg fyrir að veitingahús
og aðrar verslanir kaupi upp til-
boðskjúklinginn.
„Við þurfum að hafa töluvert fyrir
því að fá inn nógu mikið magn þegar
við erum með jafnstór tilboð og
þetta. Það þurfum við að gera til
þess hreinlega að eiga nóg fyrir
kúnnann svo þetta sé ekki uppselt
strax í byrjun dags,“ segir Elías.
Hann segist hafa keypt inn 25 vöru-
bretti af kjúklingi en var ekki viss
um að það dygði út gærdaginn, en
klukkan 17 var hann búinn að selja 8
tonn.
Verslanir og veitingahús
vildu kaupa heilu brettin
„Ég tók upp á því að skammta
þegar ég hitti menn hérna frammi
sem vildu helst bara fá heilu brettin.
Þá fór ég að spjalla við þá og komst
að því að þetta væru menn sem eru í
verslunarrekstri eða með veitinga-
hús. Þeir sáu þarna fram á að gera
helmingi betri kaup heldur en að
kaupa þetta beint af framleið-
endum,“ segir Elías. Hann segir að
líkja megi þessu við verðstríðið á
bókum fyrir jólin en þá hafi hann
þurft að gæta þess að aðrir versl-
unareigendur keyptu ekki upp lag-
erinn.
„Þetta tilboð er fyrst og fremst
ætlað okkar kúnnum og ég gæti
ekki boðið þeim upp á svona gott
verð ef þetta færi allt jafnóðum í
aðrar verslanir eða veitingahús.“
Elías segir verslanir Nettó fá kjúk-
linginn á svona lágu verði þar sem
þær hafi átt góð viðskipti við stærstu
kjúklingabúin í gegnum tíðina.
„Við erum ekki að borga með
þessu. Það hafa gerst furðulegir
hlutir á kjúklingamarkaðnum und-
anfarið og við sjáum fram á að það
sama gerist í lambakjötinu í haust.
Þetta skilar sér til neytenda, að
minnsta kosti til skamms tíma,“ seg-
ir Elías og bætir við að Nettó sé fyrst
og fremst að gæta hagsmuna við-
skiptavina sinna.
„Það er offramleiðsla á mark-
aðnum í dag, uppsöfnun hjá fram-
leiðendum og þeir þurfa bara að losa
birgðir og koma þessu frá sér.“ Elías
segir neytendur mjög hrifna af kjúk-
lingi um þessar mundir. „Það er
ekki nokkur vara sem höfðar jafn-
mikið til neytenda í dag og kjúkling-
ur.“
Morgunblaðið/Kristinn
Elías Þorvarðarson, verslunarstjóri
í Nettó, skoðar kjúklingaborðið.
Þurfa að
skammta
kjúklinga
VIÐUREIGN millli Borgarholts-
skóla og Fjölbrautaskólans í
Breiðholti í ræðukeppni fram-
haldsskólanna, Morfís, var haldin
á leynilegum stað í gærkvöld og
eingöngu takmörkuðum fjölda
nemenda hleypt inn. Upphaflega
stóð til að halda keppnina í Borg-
arholtsskóla, en töldu skólameist-
arar skólanna tveggja að þeir
gætu ekki staðið fyrir keppni þar
sem svo viðkvæmt efni væri til
umræðu og var keppnin því flutt í
Seljaskóla eftir að landlæknir
hafði blandað sér í málið.
Skipulag Morfís-keppna er að
liðin tala með eða á móti því um-
ræðuefni sem valið hefur verið að
fjalla um hverju sinni Þannig kom
það í hlut nemenda í Borgarholts-
skóla að mæla með sjálfsvígum og
Breiðhyltinga að mæla á móti.
Skólarnir geta ekki tekið
ábyrgð á umræðuefninu
„Við litum svo á að skólinn gæti
ekki staðið fyrir því að halda þessa
ræðukeppni fyrir alla nemendur
með þessu efni, með eða á móti
sjálfsvígum. Það er í rauninni okk-
ar afstaða og síðan hefur það verið
leyst. Það er leiðinlegt að þetta
skyldi fara af stað, en við fengum
ekki fréttir af ræðuefninu fyrr en í
[fyrradag],“ segir Ólafur Sigurðs-
son, skólameistari í Borgarholts-
skóla. Hann segir óviðeigendi að
fjallað sé um sjálfsvíg með þessum
hætti í ræðukeppni og að skólarnir
hafi ekki getað tekið ábyrgð á því
að bera þetta á borð fyrir nem-
endur skólanna.
Jóhann Fjalar Skaptason, einn
keppenda úr Borgarholtsskóla,
segir að samkomulag hafi verið
gert við nemendur um að keppnin
yrði haldin í Seljaskóla og var 50
nemendum úr hvorum skóla fyrir
sig hleypt inn á keppnina eftir
nafnalista og urðu allir sem komu
inn að hafa náð 18 ára aldri. Kepp-
endur hefðu lagt mikla vinnu í
undirbúning og því hafi verið
ákveðið að hætta ekki við keppn-
ina. „Við hefðum auðvitað viljað
keppa á heimavelli en við skiljum
alveg afstöðu skólans í þessu og
erum sáttir við þetta eins og stað-
an er núna,“ segir Jóhann Fjalar.
„Þetta er vissulega hættulegt
umræðuefni, en þetta er bara
ræðukeppni þar sem tvö lið rök-
ræða. Umræðuefnin hafa í gegnum
tíðina verið alveg fáránleg,“ segir
Jóhann. Hann segir að liðin hafi í
sameiningu ákveðið umræðuefnið
en að í framtíðinni verði betur
hugað að þessu vali. „Við lærum af
þessu,“ segir hann og játar því að
það verði erfitt að mæla með
sjálfsvígum. „Við erum að sjálf-
sögðu ekki fylgjandi sjálfsvígum í
alvörunni, en við verðum að finna
einhvern pól í þessu,“ sagði Jó-
hann.
Sjálfsvíg óviðeigandi um-
ræðuefni í ræðukeppni
Morgunblaðið/Kristinn
Liðsmenn FB hlýða á frummælanda Borgarholtsskóla.
Morfískeppni var haldin á leynilegum stað í gærkvöldi
og takmörkuðum fjölda nemenda hleypt á keppnina