Morgunblaðið - 15.02.2003, Síða 59

MORGUNBLAÐIÐ LAUGARDAGUR 15. FEBRÚAR 2003 59
Sveit Frímanns Stefánssonar
Akureyrarmeistari
Þriðjudaginn 11. febrúar lauk að-
alsveitakeppni Bridsfélags Akureyr-
ar og er óhætt að segja að þá hafi
spennan náð hámarki. Sveit Spari-
sjóðs Norðlendinga hafði leitt í úr-
slitunum með sveit Frímanns Stef-
ánssonar ekki langt undan. Síðan
mættust þessar tvær sveitir í síðasta
leiknum og náði sveit Frímanns fullu
húsi og tókst með því að skjótast upp
fyrir sveit Sparisjóðs Norðlendinga
og tryggja sér titilinn Akureyrar-
meistari.
Staða efstu sveita er þannig:
Sveit Frímanns Stefánssonar 180
Sveit Sparisjóðs Norðlendinga 167
Sveit Páls Pálssonar 166
Sveit Jóns Björnssonar 153
Sveit Stefáns Sveinbjörnssonar 150
Næstkomandi þriðjudag verður
spilaður einmenningur og vonandi
mæta sem flestir, en spilamennskan
hefst að venju kl. 19.30.
Sunnudaginn var spiluðum við tví-
menning að venju. Allgóð þátttaka
var, 10 pör mættu til leiks í skemmti-
legri spilamennsku. Staða efstu para
var þannig:
Frímann Stefánss. – Ragnheiður Har. 139
Hermann Huijbens – Stefán Vilhjálmss. 129
Jón Björnsson – Björn Þorláksson 122
Spilaður verður sunnudagsbrids
að venju í Hamri og vonumst við til
að sem flestir sjái sér fært að mæta.
Gestrisnir Vestlendingar
Vesturlandsmótið í sveitakeppni
var spilað helgina 8. og 9. febrúar á
Hótel Borgarnesi. 10 sveitir tóku
þátt í mótinu, þar af 8 af Vesturlandi
en tvær með vestlensku ívafi.
Keppnin var jöfn og spennandi en
það fór svo að lokum að sveit Skag-
ans af Akranesi varð Vesturlands-
meistari rétt á undan sveit Vírnets
úr Borgarnesi. Í þriðja sæti varð
sveit Árna Bragasonar af Akranesi.
Mótið var jafnframt keppni um fjög-
ur sæti í undankeppni Íslandsmóts-
ins og þar skutust gestasveitir
Tryggingastofunnar og Garðars Þ.
Garðarssonar í 3. og 4. sætið en aðrir
sitja eftir með sárt ennið og mörg
spil sem betur máttu fara. Heildar-
staða var eftirfarandi en úrslit og allt
annað má nálgast á vefslóðinni
http://www.islandia.is/svenni/:
Skaginn 168
Karl Alfreðsson, Viktor Björnsson, Tryggvi
Bjarnason og Þorgeir Jósefsson
Vírnet 152
Kristján B. Snorrason, Alda Guðnadóttir,
Rúnar Ragnarsson, Jón Ágúst Guðmunds-
son og Guðjón Karlsson
Tryggingastofan 146
Stefán Garðarsson, Guðlaugur Bessason,
Sigfús Þórðarson, Erla Sigurjónsdóttir
Garðar Þ. Garðarsson 143
Garðar Þ. Garðarsson, Garðar Garðarsson,
Kristján Kristjánsson og Þorgeir Ver Hall-
dórsson.
BRIDS
Umsjón Arnór G.
Ragnarsson
ANNAÐ KVÖLD, sunnud. 16. febr.,
kl. 20 stundvíslega verður kvöld-
messa í Grensáskirkju eins og jafn-
an þriðja sunnudag í mánuði yfir
vetrartímann.
Form kvöldmessunnar er einfalt
og aðgengilegt, sungnir léttir
söngvar og áhersla lögð á bænina
en töluðu máli stillt í hóf. Að venju
er altarisganga. Kirkjukórinn leið-
ir söng undir stjórn organistans
Árna Arinbjarnarsonar.
Í þessari kvöldmessu verða
kynntir til sögunnar tveir nýráðnir
starfsmenn Grensássafnaðar, þau
Valdís Árnadóttir kirkjuvörður og
Halldór Elías Guðmundsson djákni
sem ráðinn hefur verið fram-
kvæmdastjóri safnaðarstarfsins.
Að kvöldmessu lokinni er á boð-
stólum kaffi og djús ásamt meðlæti.
Um morguninn verður barna-
guðsþjónusta. Stoppleikhópurinn
sýnir leikritið „Palli var einn í
heiminum“ sem á erindi til barna
og fullorðinna. Almenn guðsþjón-
usta verður því ekki á sama tíma.
Verum velkomin í Grensáskirkju
á sunnudagsmorgun og sunnudags-
kvöld.
Kvennakirkjan
í Neskirkju
KVENNAKIRKJAN heldur afmæl-
ismessu í Neskirkju sunnudaginn
16. febrúar kl. 20.30. Messan er
helguð 10 ára starfi Kvennakirkj-
unnar sem hófst með messu í Kópa-
vogskirkju 14. febrúar 1993. Séra
Auður Eir Vilhjálmsdóttir prédik-
ar. Guðný Guðmundsdóttir segir
frá byrjun starfsins. Þórunn Guð-
mundsdóttir og Anna Pálína Árna-
dóttir syngja einsöng og Hallfríður
Ólafsdóttir leikur á flautu.
Kór Kvennakirkjunnar leiðir
söng við undirleik Aðalheiðar Þor-
steinsdóttur. Sungin verða vinsæl-
ustu lög Kvennakirkjunnar sem nú
eru komin út í sönghefti sem Skál-
holtsútgáfan gefur út. Á eftir verð-
ur afmæliskaffi í safnaðarheim-
ilinu.
Mánudaginn 17. febrúar hefst
námskeiðið Mildar og máttugar í
húsnæði Kvennakirkjunnar,
Kvennagarði í Kjörgarði, Lauga-
vegi 59. Námskeiðið hefst kl. 17.30
og fjallar um það hvernig við náum
tökum á tilfinningum okkar, eðli-
legum tilfinningum sem fylgja lífs-
baráttunni, með aðstoð kvenna-
guðfræðinnar. Byggt verður á
bókinni Vinátta Guðs eftir séra
Auði Eir sem er leiðbeinandi á nám-
skeiðinu ásamt hjúkrunarfræðing-
unum Sigrúnu Gunnarsdótur og
Þóru Björnsdóttur.
Þriðjudaginn 18. febrúar kl.
17.30 hefst á sama stað námskeið
um notkun Biblíunnar í daglegu
lífi. Hvaða ráð gefur hún okkur?
Hvernig eigum við að finna þau?
Hvernig varð Biblían til?
Ársafmæli
fermingarinnar í
Garðaprestakalli
ÁRSAFMÆLI fermingarinnar
verður í Garðaprestakalli í dag,
laugardag kl. 15, í safnaðarheimili
Vídalínskirkju.
Dagskrá ársafmælis ferming-
arinnar hefst með helgistund í
kirkjunni. Síðan færum við okkur
yfir í safnaðarsalinn, þar sem
veitingar eru bornar fram, við
höfum happadrætti fyrir börnin og
þá foreldra sem hafa mætt með
barni sínu eða börnum til fagnaðar-
ins.
Skemmtiatriði er frá börnunum.
Þorsteinn Haukur Þorsteinsson,
forvarnafulltrúi frá Tollstjóraemb-
ættinu í Reykjavík, kemur og ræðir
við börnin um ýmislegt sem má til
varnar verða gagnvart sölumönn-
um dauðans, fíkniefnasölunum.
Þorsteinn verður með fíkniefnaleit-
arhundinn „Bassa“ með sér og seg-
ir okkur frá hvernig starf þeirra
gengur fyrir sig.
Það er von okkar í kirkjunni að
,,Ársafmælið“ megi verða til að
styrkja þau vináttubönd sem við
bundumst í fermingarstarfinu svo
að þau endist út ævina. Þannig vilj-
um við undirstrika að börnin eiga
ávallt ,,hauk í horni“ þar sem kirkj-
an þeirra er.
Þess má geta að þegar við hófum
að bjóða fermingarbörnunum til
,,Ársafmælisins“, hér í Garða-
prestakalli, mun það ekki hafa ver-
ið viðhaft í öðrum sóknum landsins
áður.
Að lokum má geta þess að við
höfum viðhaft þann sið í Garða-
prestakalli undanfarin fimm ár að
við heimsækjum fermingarbörnin á
fermingardaginn og færum þeim
skjal til minningar um þennan
merkisdag í lífi sínu.
Hans Markús Hafsteinsson,
sóknarprestur, og
Friðrik J. Hjartar prestur.
Kvöldvaka í Fríkirkj-
unni í Hafnarfirði
ANNAÐ kvöld, sunnudagskvöldið
16. febrúar verður kvöldvaka í Frí-
kirkjunni í Hafnarfirði og hefst
kl.20. Að venju mun Örn Arnarson
ásamt hljómsveit og félögum úr kór
kirkjunnar leiða tónlist og söng. Yf-
irskrift kvöldvökunnar er að þessu
sinni: Guð, skapari himins og jarðar
og verður m.a, fjallað um sköp-
unarsögurnar í Biblíunni í ljósi trú-
ar og vísinda. Allir sálmarnir sem
fluttir verða tengjast þessu umfjöll-
unarefni. Að lokinni kvöldvöku
verður svo heitt á könnunni í safn-
aðarheimilinu.
Miðborgarprestur
fjallar um unga fólkið
í Seltjarnarneskirkju
Á MORGUN, sunnudaginn 16. febr-
úar, flytur séra Jóna Hrönn Bolla-
dóttir miðborgarprestur hugvekju í
Seltjarnarneskirkju, í messu, sem
hefst kl. 11:00. Yfirskrift hugvekj-
unnar er: „Hver er vandi okkar í
samskiptum við ungt fólk“ sem á
sérstakt erindi við foreldra ung-
linga.
Séra Jóna Hrönn hefur gegnt
embætti miðborgarprests frá árinu
1998 og þekkir því vel þau vanda-
mál og freistingar sem stöðugt
ögra velferð og heilbrigði ungs
fólks í þessu þjóðfélagi nútímans.
Það er því mikill fengur fyrir Sel-
tjarnarnessöfnuð að fá séra Jónu
Hrönn til þess að fjalla um sam-
skipti fullorðna fólksins við unga
fólkið, sem innan tíðar erfir landið.
Að messu lokinni verður kirkju-
kaffi í safnaðarheimilinu þar sem
kirkjugestir geta rætt málin við
hana.
Prestur verður séra Sigurður
Grétar Helgason, Kammerkór Sel-
tjarnarneskirkju syngur og org-
anleikari er Viera Manásek. Sunnu-
dagaskólinn verður á sama tíma.
Kópavogskirkja –
nýir höklar
Í GUÐSÞJÓNUSTU kl. 14 á sunnu-
dag verða helgaðir þrír nýir höklar
sem gerðir voru af Sigrúnu Jóns-
dóttur, kirkjulistamanni. Í guðs-
þjónustunni syngja félagar úr kór
Kópavogskirkju og Samkór Kópa-
vogs kemur í heimsókn og syngur
undir stjórn Julian Hewlett. Ritn-
ingarlestra les Ragnheiður Karists
Pétursdóttir cand theol og sókn-
arprestur prédikar og þjónar fyrir
altari.
Sr. Ægir Fr. Sigurgeirsson.
Örvænting
og von í dægur-
lagatextum
ERU dægurlagatextar nokkuð ann-
að en yfirborðskennt blaður um ást
og afbrýði eða leynast einnig á
þeim vettvangi textar sem takast af
alvöru á við hinstu rök tilverunnar?
Speglast ef til vill glíma nútíma-
mannsins skýrast þar?
Gunnar J. Gunnarsson lektor
mun flytja fyrirlestur með tón-
dæmum á fræðslumorgni í Hall-
grímskirkju á morgun, sunnudag
kl. 10 um örvæntingu og von í
nokkrum dægurlagatextum.
Skemmst er að minnast erinda um
trú og efa í tónlist U2 sem Gunnar
flutti á Kirkjudögum árið 2001 og
vöktu mikla athygli. Að fræðslu-
morgni loknum kl. 11 hefst guðs-
þjónusta í kirkjunni í umsjá séra
Jóns Dalbú Hróbjartssonar.
Æðruleysismessa
í Dómkirkjunni
ÆÐRULEYSISMESSA verður í
Dómkirkjunni sunnudagskvöldið
16. febrúar. Hún hefst kl. 20. Mess-
an er öðrum þræði miðuð við þá
sem leita sér hjálpar eftir tólf spora
kerfi AA-samtakanna en vissulega
öllum opin. Messan er með létt-
leikablæ og byggist á einlægni og
frískleika.
Tónlistarflutningur verður að
venju í höndum Birgis og Harðar
Bragasona, Hjörleifs Valssonar og
Önnu Sigríðar Helgadóttur. Sér-
stakur gestur að þessu sinni verður
færeyska söngkonan Eivör Páls-
dóttir. Hún hefur dvalið á Íslandi í
vetur og heillað landann með fögr-
um söng.
Séra Anna Sigríður Pálsdóttir
predikar og séra Jóna Hrönn Bolla-
dóttir flytur bæn. Séra Hjálmar
Jónsson leiðir messuna.
Allir hjartanlega velkomnir.
Opið hús eldri borgara
í Hallgrímskirkju
OPIÐ hús verður í Hallgrímskirkju
miðvikudaginn 19. febrúar kl. 14.
Dagskrá verður um Kína í umsjá
Unnar Guðjónsdóttur, myndasýn-
ing og dans. Hugvekju flytur séra
María Ágústsdóttir. Allir velkomn-
ir.
Kvöldguðsþjónusta
í Seljakirkju
SUNNUDAGINN 16. febrúar kl. 20
verður guðsþjónusta í Seljakirkju.
Sr. Bolli Pétur Bollason prédikar
og létt tónlist verður leidd af Þor-
valdi Halldórssyni og mun hann
hafa sér til fulltingis kirkjukór
Seljakirkju auk kirkjugesta. Boðið
verður til altaris. Verið velkomin.
Krúttakór og
brúðuleikhús
FJÖLSKYLDUGUÐSÞJÓNUSTA
verður í Langholtskirkju á sunnu-
daginn kl. 11. Þar á öll fjölskyldan
saman stund í kirkjunni.
Krúttakórinn sem í eru börn 4–7
ára syngur fyrir söfnuðinn ásamt
því að leiða almennan söng. Þá
munu góðir gestir koma í heimsókn
en brúðuleikhús undir stjórn Helgu
Steffensen mun flytja tvo stutta
leikþætti. Allir eru velkomnir til
stundarinnar og er boðið upp á
kaffi og djús í safnaðarheimilinu á
eftir.
Kynning á bókum
í Glerárkirkju
Í DAG, laugardaginn 15. febrúar
kl. 14, verður kynning á bókum eft-
ir dr. Jörg Zink í Glerárkirkju.
María Eiríksdóttir fjallar um per-
sónuleg kynni sín af rithöfundinum
og heimsókn hans til Íslands. Séra
Jörg Zink varð áttræður í nóv-
ember sl. Í tilefni af því birtust
margar blaðagreinar um hann og
víðtæk áhrif hans, einnig utan
Þýskalands, en hann er oft borinn
saman við Martin Luther. Þýðingar
hans á biblíunni hafa slegið í gegn,
einnig hugvekjur hans sem vekja
von í hrelldum heimi. Hann nær til
nútímamannsins, einnig til þeirra
sem hafa fjarlægst kirkjuna.
Stór dagur í
Grensáskirkju
Morgunblaðið/Arnaldur
Grensáskirkja
KIRKJUSTARF