Morgunblaðið - 19.02.2003, Page 10

FRÉTTIR
10 MIÐVIKUDAGUR 19. FEBRÚAR 2003 MORGUNBLAÐIÐ
KRISTINN H. Gunnarsson, þing-
flokksformaður Framsóknarflokks-
ins, mælti í gær fyrir frumvarpi til
laga sem gerir ráð fyrir að ákveðin
verkefni sem nú heyra undir sjáv-
arútvegsráðuneytið verði flutt und-
ir umhverfisráðuneytið. „Er þar
um að ræða hafrannsóknir, friðun
og ákvörðun um heildaraflamark úr
einstökum fiskstofnum,“ segir í
greinargerð frumvarpsins.
„Samhliða er gert ráð fyrir því
að yfirstjórn Hafrannsóknastofnun-
arinnar verði færð frá sjávarút-
vegsráðuneyti til umhverfisráðu-
neytis. Nái þessi breyting fram að
ganga mun umhverfisráðuneyti
ákvarða heildaraflamark ár hvert,
hafa umsjón með rannsóknum og
gera tillögur varðandi almennt
skipulag veiða innan efnahagslög-
sögunnar, ekki síst þær er tengjast
hafsbotninum. Þá mun ráðuneytið
veita ráðgjöf um friðunaraðgerðir
og notkun veiðarfæra, jafnframt
því að setja almennar reglur um
notkun veiðarfæra. Sjávarútvegs-
ráðuneyti mun eftir sem áður ann-
ast stjórn veiðanna innan framan-
greindra marka og hafa yfirumsjón
með eftirliti með veiðum og mati á
sjávarafurðum.“
Í greinargerð segir ennfremur
að nauðsynlegt þyki að gera um-
rædda breytingu og leggja þannig
ríkari áherslu en verið hefur á um-
hverfisþátt rannsókna og stjórn á
álagi við hagnýtingu auðlindanna.
„Þetta er ítrekað með því að færa
mikilvægar ákvarðanir og tillögu-
gerð úr höndum beinna hagsmuna-
aðila til umhverfisráðuneytis. Ekki
er eðlilegt að hagsmunaaðilar geti
ráðið miklu um ákvörðun sem þá
varðar miklu fjárhagslega þegar í
húfi eru náttúruauðlindir sem þjóð-
in byggir afkomu sína á í svo ríkum
mæli sem raun ber vitni. Það skipt-
ir miklu máli að við ákvarðanir um
hagnýtingu auðlindar sé litið til
langs tíma og þjóðarhags.“
Í atkvæðagreiðslu á þingi í dag
er stefnt að því að vísa frumvarp-
inu til annarrar umræðu og til við-
komandi fagnefndar þingsins.
Ákvörðun um aflamark verði
færð undir umhverfisráðuneytið
ÞINGFUNDUR hefst kl. 13.30
í dag. Að loknum atkvæða-
greiðslum verða á dagskrá
undirbúnar fyrirspurnir til
ráðherra.
UTANRÍKISRÁÐHERRA
Svía, Anna Lindh, sem kemur í
dag í opinbera heimsókn til Ís-
lands í boði Halldórs Ásgríms-
sonar, heldur
opinn fyrir-
lestur í Há-
skóla Íslands á
morgun. Þar
mun hún ræða
reynslu Svía af
verunni í Evr-
ópusamband-
inu, ESB,
framtíð sambandsins og hugs-
anlegt hlutverk Norðurland-
anna innan þess.
Fundurinn er haldinn á veg-
um Stofnunar stjórnsýslufræða
og stjórnmála, í samstarfi við
utanríkisráðuneytið, sænska
sendiráðið og Alþjóðamála-
stofnun Háskóla Íslands.
Fundarstaður er Oddi, stofa
101, og hefst fyrirlesturinn kl.
12.
Anna Lindh hefur verið ut-
anríkisráðherra Svíþjóðar frá
1998. Hún hefur verið virkur
félagi í sænska Sósíaldemó-
krataflokknum frá unga aldri,
varð þingmaður aðeins 24 ára
og var umhverfisráðherra Sví-
þjóðar 1994–1998.
Ræðir
reynslu
Svía af
ESB-aðild
Anna Lindh
ALLS níu samtök og ríflega 680 ein-
staklingar, innlendir sem erlendir,
hafa sent forsætisráðuneytinu mót-
mæli vegna fyrirhugaðrar Kára-
hnjúkavirkjunar. Þetta kemur fram í
skriflegu svari forsætisráðherra,
Davíðs Oddssonar, við fyrirspurn
Kolbrúnar Halldórsdóttur, þing-
manns Vinstrihreyfingarinnar –
græns framboðs. Svarinu var dreift
á Alþingi í gær.
Þar kemur fram að mótmælin frá
einstaklingunum hafi verið send með
tölvupósti. Í nánast öllum tilfellum
séu mótmælasendingarnar eins, þ.e.
innihald þeirra er það sama. Þær eru
auk þess ýmist á ensku eða íslensku.
Þá kemur fram í svarinu að eft-
irfarandi samtök hafi sent ráðuneyt-
inu mótmæli vegna Kárahnjúka-
virkjunar: BirdLife Inernational,
Bridge House, The British Associa-
tion for Shooting and Conservation,
Föreningen Natur och Samhälle i
Norden, Northumberland Wildlife
Trust, The Royal Society for the
Protection af Birds, Sierra Club,
Vogelbescherming Nederland (Bird-
Life) og The Wildfowl & Wetlands
Trust.
Ríflega 680
tölvubréf vegna
Kárahnjúka-
virkjunar
RÍKISSAKSÓKNARI hefur stað-
fest niðurstöðu lögreglustjórans í
Reykjavík um að fella niður rann-
sókn á meintri refsiverðri hátt-
semi í tengslum við flugslysið í
Skerjafirði þann 7. ágúst 2000.
Jafnframt fól ríkissaksóknari lög-
reglunni að veita föður eins þeirra
sem fórust í flugslysinu aðgang að
öllum gögnum lögreglurannsókn-
arinnar.
Sex manns fórust í slysinu, eða
síðar, af áverkum sem þeir hlutu,
þegar TF-GTI hrapaði í Skerja-
fjörðinn. Flugvélin var í eigu
Leiguflugs Ísleifs Ottesen ehf.
(LÍO).
Í bréfi ríkissaksóknara til þeirra
er tekið fram að það sé ekki í
verkahring lögreglu að rannsaka
flugslys, heldur eingöngu hvort
refsivert brot hafi verið framið í
tengslum við slysið. Ríkissaksókn-
ari staðfestir þá niðurstöðu lög-
reglunnar í Reykjavík að hvorki
liggi fyrir grunur um refsiverð
brot af hálfu LÍO né starfsmanna
Flugmálastjórnar Íslands. Varð-
andi kærur sem lúta að starfshátt-
um Flugmálastjórnar, vakti lög-
regla athygli á eftirlitshlutverki
æðra stjórnvalds. Í rannsóknar-
beiðni Friðriks Þórs Guðmunds-
sonar, sem er faðir pilts sem fórst
í flugslysinu, voru tilgreind ýmis
atriði sem hann taldi sig hafa
áreiðanlegar heimildir fyrir því að
hefði verið ábótavant í flugrekstri
TF-GTI. Í bréfi ríkissaksóknara
segir að lögreglustjórinn í Reykja-
vík hafi tekið þessi atriði til athug-
unar. Sú rannsókn hafi hlotið að
fjalla fyrst og fremst um það að
upplýsa hvort einhver annar en
flugmaður vélarinnar hefði framið
brot í tengslum við flugslysið sem
kynni að leiða til refsiábyrgðar.
Ríkissaksóknari segir ljóst að út-
færsla farþegalista og hleðsla flug-
vélarinnar hafi ekki staðið í or-
sakasamhengi við flugslysið. Þá sé
ekki tilefni til að fjalla frekar um
hvort ákvæði um blindflug hafi
verið brotin. Fyrir liggi að LÍO
hafi ekki fullnægt JAR-reglum um
flug- og vinnutíma. Með hliðsjón af
öðrum atriðum, einkum því að
flugfélagið hafði lagt nýja flug-
rekstrarhandbók inn hjá Flug-
málastjórn til staðfestingar, fellst
ríkissaksóknari á að þetta atriði sé
ekki líklegt til sakfellis í refsimáli.
Varðandi eldsneytismagn á flug-
vélina er bent á að flugstjóri skuli
ganga úr skugga um að nægt elds-
neyti sé á flugvélinni.
Staðfestir að lögreglu-
rannsókn skuli hætt
Fær aðgang að
öllum rannsókn-
argögnum
HJÖRLEIFUR Guttormsson,
fyrrum iðnaðarráðherra, hefur
sent Umhverfisstofnun at-
hugasemdir vegna tillagna
stjórnvalda að starfsleyfi fyrir
322 þúsund tonna álver Alcoa í
Reyðarfirði og gert við þær
margar athugasemdir. Hjör-
leifur hefur einnig kært til um-
hverfisráðherra þá ákvörðun
Skipulagsstofnunar að álverið
þurfi ekki að fara í sérstakt
umhverfismat.
Hjörleifur telur, að Holl-
ustuvernd ríkisins, sem nú er
hluti af Umhverfisstofnun, hafi
verið óheimilt að auglýsa til-
lögu að starfsleyfi 322 þúsund
tonna álverksmiðju Alcoa á
Reyðarfirði þann 17. desember
2002 og svo sé enn, á meðan
ekki liggur fyrir niðurstaða um
matsskyldu framkvæmdarinn-
ar. Umhverfisráðherra hafi nú
til meðferðar kæru vegna úr-
skurðar Skipulagsstofnunar
um matsskyldu og málið sé því
óafgreitt á stjórnsýslustigi.
Hjörleifur gerir einnig
margar efnislegar athuga-
semdir við fram komnar til-
lögur Hollustuverndar að
starfsleyfi fyrir álverksmiðj-
una og telur mikið skorta á að
þær uppfylli kröfur og skilyrði
sem setja ber um rekstur slíks
fyrirtækis.
Hjörleifur lýsir þeirri skoð-
un, að auglýsing Hollustu-
verndar frá 17. desember 2002
á tillögum að starfsleyfi fyrir
Reyðarál sé marklaus. Ný aug-
lýsing starfsleyfistillagna fyrir
umrætt álver sé þá fyrst tíma-
bær að niðurstaða liggi fyrir
um mat á umhverfisáhrifum
nefndrar verksmiðju.
Kæra til
umhverfis-
ráðherra
vegna ál-
vers Alcoa
KJÖRFORELDRAR sem fá börn
til ættleiðingar frá öðrum löndum
eiga ekki kost á styrkjum vegna
ættleiðingarinnar úr ríkissjóði.
Slíkir styrkir eru hins vegar veitt-
ir á hinum Norðurlöndunum; þ.e. í
Danmörku, Noregi, Finnlandi og
Svíþjóð. Þetta kemur fram í skrif-
legu svari dómsmálaráðherra, Sól-
veigar Pétursdóttur, við fyrir-
spurn Guðrúnar Ögmundsdóttur,
þingmanns Samfylkingarinnar.
Svarinu hefur verið dreift á Al-
þingi.
Í svarinu kemur fram að í Dan-
mörku séu umræddir styrkir fyrir
hvert barn rúmlega 400 þúsund ís-
lenskar krónur. Í Finnlandi eru
slíkir styrkir á milli 160 þúsund og
380 þúsund krónur. Í Noregi er
styrkurinn fyrir hvert barn rúm-
lega 250 þúsund krónur og í Sví-
þjóð er styrkurinn um 360 þúsund
krónur.
Styrkir til ættleiðingar
barna frá öðrum löndum
Ísland eina
landið sem
veitir ekki
styrki
JÓN Kristjánsson heilbrigðis-
ráðherra tók á mánudag formlega
í notkun nýtt sjálfvirkt blóð-
gjafaboðunarkerfi fyrir Blóðbank-
ann. Með kerfinu er hægt að boða
blóðgjafa með tölvupósti, SMS og
WAP í farsíma. Það sem er ein-
stakt við nýtt kerfi, sem Framtíð-
artækni ehf. hannaði, er að það er
gagnvirkt og blóðgjafar eiga þess
kost að svara boðuninni og segja til
um hvaða dag þeir vilja koma í
blóðgjöf.
Á myndinn er Erna Björg Guð-
mundsdóttir að huga að Frosta
Gíslasyni á meðan blóðinu var dælt
úr honum í nýjum blóðsöfnunarbíl
sem Jón skoðaði einnig við þetta
tækifæri ásamt aðstoðarmanni sín-
um, Elsu B. Friðfinnsdóttur. Ætl-
unin er að nýta nýja tækni við boð-
un blóðgjafa og heimsóknir bílsins
á stærri vinnustaði og í nágranna-
sveitarfélögin.
Morgunblaðið/Kristinn
Blóðgjafaboðunarkerfi formlega opnað