Morgunblaðið - 19.02.2003, Side 19

HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 19. FEBRÚAR 2003 19
SJÁLFSTÆÐISMENN í Hafnar-
firði vilja að þrýst verði á ríkisstjórn-
ina þannig að hluti af því fram-
kvæmdafé, sem ætlað er til
vegagerðar á næstu mánuðum, fari til
gerðar mislægra gatnamóta Reykja-
nesbrautar og Hlíðarbergs. Formað-
ur Skipulags- og byggingaráðs segir
meirihlutann til viðræðna um breyt-
ingar á ákvörðun sinni um að ráðist
verði í gerð hringtorgs á umræddum
stað bjóðist ríkið til að greiða fram-
kvæmdina. Hins vegar eigi hann eftir
að sjá að sá milljarður, sem ætlaður
er til framkvæmda á höfuðborgar-
svæðinu, renni allur til Hafnarfjarðar.
Á síðasta kjörtímabili, þegar Sjálf-
stæðisflokkur og Framsóknarflokkur
mynduðu meirihluta í Hafnarfirði,
var unnið að skipulagningu og hönn-
un umræddra gatnamóta. Þegar
Samfylkingin tók við meirihlutavöld-
um var stefnunni breytt og teknar
upp viðræður við Vegagerðina sem
leiddu til þess að ákveðið var að setja
upp hringtorg í stað mislægra gatna-
móta á umræddum stað.
Á von á hörðum
viðbrögðum íbúa
Á fundi bæjarráðs í síðustu viku
lögðu sjálfstæðimenn aftur til að fyrri
hugmyndir yrðu lagðar til grundvall-
ar úrbótum við Reykjanesbrautina og
að þrýstingi yrði beitt á ríkisvaldið og
vegagerðina til að veita aukið fé til
framkvæmdanna. Tillagan kom fram
í kjölfar fundar skipulags- og bygg-
ingaráðs þar sem kynnt voru drög að
yfirlýsingu bæjarins og Vegagerðar-
innar um hvernig staðið yrði að tvö-
földun brautarinnar.
Að sögn Magnúsar Gunnarssonar,
oddvita Sjálfstæðisflokksins, höfðu
framkvæmdirnar verið fullhannaðar
á sínum tíma og búið að fara með þær
í umhverfismat sem samþykki Skipu-
lagsstofnunar liggur fyrir á. Um sé að
ræða svokallaða gjálausn, sem gangi
út á að grafa veginn niður með mögu-
leika á að byggja yfir hann seinna
meir.
Magnús segir ekki hægt að sætta
sig við að Hafnfirðingar verði látnir
aka um hringtorg næstu 10–15 árin í
stað hindrunarlausrar hraðbrautar
sem næði frá Mjódd og til Keflavíkur.
„Ég á ekki von á öðru en að viðbrögð
íbúanna verði hörð við þessum fyr-
irætlunum,“ segir hann.
Að sögn Magnúsar var fyrirhugað
að bjóða verkið út í heild sinni og átti
framkvæmdatíminn fyrir verkið allt,
þar með talinn flutningur vegarins
suður fyrir kirkjugarð og tvöföldun
hans, að vera tvö ár. Vegagerðin hafi
verið búin að ákveða að fara í fram-
kvæmdina en hins vegar hafi kostn-
aður við hana aukist á hönnunartím-
anum. Telur hann að framreiknað
hafi hann verið áætlaður um tveir
milljarðar króna. „Ég sé ekki annað
en að með auknu fjármagni eins og
ríkisstjórnin er að boða nú hefði verið
hægt að hella sér í þessa framkvæmd
sem er tilbúin og samþykkt,“ segir
hann.
„Einfaldlega til takmarkað fé“
Samkvæmt yfirlýsingunni verður
ráðist í úrbætur á Reykjanesbraut frá
Hamarskotslæk suður að Hvamma-
braut. Gerð verða undirgöng við
Hamarskotslæk, mislæg gatnamót
við Kaldárselsveg og göngubrú vest-
an kirkjugarðs. Stefnt verður að lok-
um þessara framkvæmda í ágúst
2004, „enda liggur fyrir fjárveiting
vegna verksins,“ segir í yfirlýsing-
unni.
Þá munu aðilar yfirfara hönnun
kaflans frá Álftanesvegi suður fyrir
Lækjargötu. „Um yrði að ræða hring-
torg við Lækjargötu/Hlíðarberg
ásamt útvíkkun gatnamóta við Fjarð-
arhraun, ásamt að- og fráreinum á
kaflanum á milli gatnamótanna, enda
liggur fyrir fjárveiting vegna verks-
ins.“
Gunnar Svavarsson, formaður
skipulags- og byggingaráðs, segir að
ekki hafi verið tekin ákvörðun um að
breyta framkvæmdinni á ný þannig
að ráðist verði í áður ætlaða gjálausn.
Hann segir deiluna snúast um að
Samfylkingin telji að ekki sé til staðar
fjármagn í heildarframkvæmdina
eins og sjálfstæðismenn hafi hugsað
sér hana. „Þar af leiðandi teljum við
að það beri að framkvæma mun meiri
vegbætur á kaflanum fyrir það fé sem
til er,“ segir hann.
Sjálfstæðisflokkurinn hafi haldið
fram að peningar séu fyrir hendi en
fyrirspurnir meirihlutans til stjórn-
valda þar um hafi leitt annað í ljós.
„Þar af leiðandi finnst okkur málið
alltaf reka sig á endanum í það að það
er einfaldlega til takmarkað fé.“
En væri meirihlutinn til viðræðu
um að breyta ákvörðun sinni fengist
fé til verksins? „Ef ríkið fer í að klára
þennan kafla sem er fjórir kílómetrar
og grafa hann niður og byggja yfir þá
erum við alveg til umræðu um það.
En á meðan það er ekki viljum við ein-
faldlega leysa þessi umferðarmál á
annan hátt eins og við höfum sagt.“
Að sögn Gunnars er enginn ágrein-
ingur um að þrýsta á að sá milljarður,
sem ríkisvaldið hefur boðað að eigi að
fara í vegagerð á höfuðborgarsvæð-
inu, renni til framkvæmda í Hafnar-
firði. „Það er hins vegar örugglega
ágreiningur um það í kjördæminu og í
Reykjavík hvert þessir peningar eiga
að fara. Ég á eftir að sjá þá fara í
Hafnarfjörð, en ef við fáum þennan
milljarð getum við örugglega notað
hann og örugglega eina tvo í viðbót.“
Hann bendir á að í yfirlýsingu
Vegagerðarinnar og Hafnarfjarðar sé
tilgreint að ef meiri fjármunir berist í
verkið en áður var áætlað verði farið í
að gera samning um kostnaðarskipt-
ingu og annað er lýtur að fram-
kvæmdinni. Þá bókuðu fulltrúar
meirihlutans á bæjarráðsfundinum að
í yfirlýsingunni væri lögð áhersla á að
„engar breytingar verði gerðar á að-
al- og deiliskipulagi sem hindri gerð
mislægra gatnamóta í framtíðinni“.
Bókanir sjálfstæðismanna vegna tvöföldunar Reykjanesbrautar
Hluti framkvæmdafjár ríkis-
ins fari í mislæg gatnamót
Meirihlutinn seg-
ir marga bítast
um takmarkað fé
Hafnarfjörður
Morgunblaðið/Júlíus
Sjálfstæðismenn gagnrýna að hringtorg eigi að koma á gatnamótum
Reykjanesbrautar, Lækjargötu og Hlíðarbergs í stað mislægra gatnamóta
með svokallaðri gjálausn eins og fyrirhugað var í stjórnartíð þeirra.
UMHVERFIS- og heilbrigðisstofa
Reykjavíkur hefur fengið heimild
til að fjarlægja hrúgur af búfjár-
skít sem standa á jörðinni Norður-
Gröf á Kjalarnesi á kostnað eig-
anda þeirra. Eigandanum hafði
verið veittur frestur til 4. febrúar
sl. til að fjarlægja skarnið en ekki
orðið við tilmælunum.
Heimildin var veitt á fundi um-
hverfis- og heilbrigðisnefndar
Reykjavíkur síðastliðinn fimmtu-
dag en starfsmenn Umhverfis- og
heilbrigðisstofu telja hættu á að
mengun úr haugunum renni út í
Leirvogsá. Um er að ræða „fjölda
hlassa af hrossaskít, hænsnaskít
og einhverju sem líkist blöndu af
svína- og hænsnaskít,“ eins og
segir í bréfi Umhverfis- og heil-
brigðisstofu. Segja fulltrúar stof-
unnar sjón-, jarðvegs- og lyktar-
mengun af hrúgunum og benda á
að jarðvegsskemmdir hafi orðið í
kringum þær vegna umferðar
vinnuvéla.
Óttast salmonellu
Kom fram hjá Lúðvík Gústafs-
syni, deildarstjóra mengunar-
varna hjá Umhverfis- og heil-
brigðisstofu, í samtali við
Morgunblaðið 15. janúar sl. að
varhugavert væri að geyma skít-
inn á þennan hátt, m.a. vegna
hugsanlegs salmonellusmits þar
sem um hænsnaskít væri að ræða.
Leigutaki landsins hefur mót-
mælt ákvörðunum heilbrigðisyf-
irvalda í málinu og vísar í því sam-
bandi til umsagnar ráðunautar hjá
Búnaðarsambandi Kjalarnesþings
sem telur mengunarhættu af völd-
um skítsins hverfandi. Telur hann
Umhverfis- og heilbrigðisstofu
hafa farið offari í túlkun sinni á
reglugerðum í málinu.
Hefur eigandi hrúgnanna óskað
eftir að fá að dreifa skítnum eftir
15. mars næstkomandi. Sem fyrr
segir hyggjast heilbrigðisyfirvöld
fjarlægja haugana innan skamms
og verða því ekki við þeirri ósk.
Búfjárskít-
ur fjarlægð-
ur á kostn-
að eiganda
Kjalarnes
MOSFELLSBÆR hefur aug-
lýst deiliskipulag á lóð fyrir frí-
stundahús í grennd við Hafra-
vatn. Um er að ræða einn
sumarbústað en að sögn bæj-
arverkfræðings er það stefna
bæjarins að í hvert sinn sem
framkvæmdir eru fyrirhugaðar
á svæðinu þá þurfi að gera deili-
skipulag fyrir umrædda lóð og
auglýsa það.
Tryggvi Jónsson bæjarverk-
fræðingur segir ekkert deili-
skipulag til af svæðinu í heild en
lóðir þar séu í eigu fjölmargra
aðila. Þegar gera hafi átt deili-
skipulag fyrir svæðið allt fyrir
nokkrum árum hafi ekki náðst
samkomulag við eigendur um
það vegna þess kostnaðar sem
af því hlytist og ekki sé útlit
fyrir að slíkt samkomulag náist.
Því hafi fyrrgreind stefna verið
tekin upp enda ein og ein lóð á
sumarbústaðasvæðinu enn
óbyggð.
Deiliskipulag sum-
arbústaðar auglýst
Mosfellsbær
NÝR vefur Bessastaðahrepps hefur
verið tekinn í notkun en honum er
ætlað að veita gagnlegar og fræð-
andi upplýsingar til íbúa hreppsins.
Meðal nýjunga á vefnum eru um-
ræður þar sem fólk getur skipst á
skoðunum um málefni líðandi stund-
ar og atburðadagatal þar sem fylgj-
ast má með hvað er á döfinni í
hreppnum. Áfram verður unnið að
því að bæta inn upplýsingum á vef-
inn og eru ábendingar þar að lútandi
vel þegnar, segir í frétt á hinum nýja
vef, sem hefur slóðina www.bessa-
stadahreppur.is.
Nýr vefur tek-
inn í notkun
Bessastaðahreppur