Morgunblaðið - 28.02.2003, Blaðsíða 8

FRÉTTIR
8 FÖSTUDAGUR 28. FEBRÚAR 2003 MORGUNBLAÐIÐ
Nei, Solla platari, við viljum ekki vera memm.
ÚTÞRÁ 2003
Mótvægi vegna
atvinnuástands
ÚTÞRÁ 2003 er yfir-skrift kynningarsem haldin er í
Hinu húsinu í dag, föstu-
daginn 28. febrúar, milli
klukkan 16 og 18. Á kynn-
ingunni stendur ungu fólki
á aldrinum 15 til 25 ára til
boða að kynna sér fjöl-
breytt tækifæri varðandi
nám, leik og stöf erlendis.
Auður Kristín Welding er í
forsvari fyrir kynninguna.
– Hvað er ÚTÞRÁ 2003
og hver átti frumkvæðið?
„ÚTÞRÁ 2003 er kynn-
ing á námi, leik og starfi
erlendis fyrir ungt fólk á
aldrinum 15 til 25 ára og
er eitt af framlögum Húss-
ins til dagskrár Vetrarhá-
tíðar. Hugmyndin varð til
hjá Upplýsingamiðstöð Hins
hússins og hugsað sem mótvægi
vegna yfirvofandi atvinnuleysis
hjá ungu fólki. Þannig fannst okk-
ur nauðsynlegt að fá alla þessa að-
ila á einn stað til að einfalda að-
gang ungs fólks að þeim
möguleikum sem þeim býðst til
náms, leiks og starfa erlendis.
Einnig hefur þetta mælst vel fyrir
hjá samstarfsaðilunum, þ.e. að
hittast og bera saman bækur sín-
ar.“
– Hvað er um atvinnumálefni
ungs fólks að segja nú um stund-
ir?
„Fjölmiðlar hafa gert því ágæt
skil undanfarið að atvinnu-
ástandið er ekki bjart um þessar
mundir og þá ekki síst meðal ungs
fólks, að ekki sé talað um þegar
skólafólk kemur út á vinnumark-
aðinn yfir sumartímann. Aftur á
móti eru góðu fréttirnar þær að
Vinnumiðlun skólafólks verður
opnuð mánudaginn 3. mars næst-
komandi og við vonumst til að
geta greitt götu flestra umsækj-
enda í sumar.“
– Hvernig fer ÚTÞRÁ 2003
fram og hverjir taka þátt í þessu
með Hinu húsinu?
„Kynningin verður á lofti Hins
hússins milli klukkan 16 og 18.
Hægt verður að rölta um og
skoða úrvalið, fá sér heitt súkku-
laði og spjalla. Auk okkar standa
eftirtaldir aðilar að kynningunni:
AFS á Íslandi, Alþjóðaskrifstofa
Háskóla Íslands, Alþjóðleg ung-
mennaskipti (AUS), ESS-vinnu-
miðlunin, Nordjobb, Snorri West
verkefnið, Stúdentaferðir og
Ungt fólk í Evrópu.“
– Gætu ekki verið fleiri aðilar
úti um borg og bí sem gætu einnig
komið að þessu?
„Jú, það eru fleiri aðilar, ein-
staklingar og fyrirtæki. Þeir hafa
sumir sett sig í samband við okk-
ur. Við ætlum hins vegar að virkja
þá aðila sem hafa skipulagt þetta
með okkur frá byrjun. Fleiri geta
komið að þessu síðar.“
– Hvað eruð þið að sýna og
bjóða, nefndu okkur tvö til þrjú
dæmi?
„Það er að sjálfsögðu erfitt að
gera upp á milli þeirra aragrúa
tækifæra sem ungu
fólki bjóðast erlendis,
en meðal annars má
nefna áhugavert sam-
starfsverkefni milli Ís-
lands og Kanada, Ungt
fólk í Evrópu sem er ein styrkja-
áætlana Evrópusambandsins og
að sjálfsögðu verður Nordjobb
einnig á staðnum. Einnig má
minnast á Eurodesk gagnagrunn
upplýsingamiðstöðva ungs fólks
víðsvegar um Evrópu en hann
nýtist okkur vel hjá Hinu húsinu
til að veita skjót svör við þeim fyr-
irspurnum sem berast okkur um
nám og störf í Evrópu.“
– Þetta hefur ekki verið gert
áður … er hugsanlegt að standa
fyrir sams konar uppákomu aftur,
jafnvel árlega?
„Við vonum að sjálfsögðu að
ungmennin nýti sér þetta tæki-
færi til að kynna sér þá möguleika
sem eru í boði. Ef vel heppnast þá
er mikill hugur í fólki að gera
þetta að árlegum viðburði.“
– Er þetta alfarið fyrir atvinnu-
laus ungmenni og ungt fólk sem
er að koma úr skóla?
„Nei, allt ungt fólk á aldrinum
15 til 25 ára er velkomið.“
– Eruð þið ströng á þessu ald-
urstakmarki … hvað ef það kem-
ur t.d. einhver 26 ára til ykkar?
„Við erum ekki svo ströng og
auðvitað er engum vísað frá.
Þetta er hins vegar mjög algengt
aldurstakmark á mörgum af þeim
verkefnum sem hér um ræðir og
við eitthvað verðum við að miða.“
– Þið óttist ekkert að þið fáið
bágt fyrir að hvetja ungt fólk til
landflótta?
„Þvert á móti viljum við einmitt
hvetja ungt fólk til að eygja tæki-
færi annars staðar þegar erfitt er
um vik heima fyrir. Þarna er
möguleiki til að kynnast einhverju
nýju, öðlast reynslu og víkka sjón-
deildarhringinn margumtalaða.
Áhuginn er til staðar, við erum
einfaldlega að auðvelda aðgengi
að upplýsingum. Sitjið ekki heima
aðgerðalaus!“
– Er mikið um að
unga fólkið sitji heima
aðgerðalaust?
„Ég get ekkert full-
yrt um það, en það er
þó tilfinning að svo sé í
einhverjum mæli. Það er að
minnsta kosti alveg ljóst að unga
fólkið hefur áhyggjur af því
ástandi sem upp er komið og með
þessu viljum við að það setjist upp
og hugsi sem svo, hvað get ég
gert í staðinn ef ég fæ ekki hefð-
bundna sumarvinnu? Við viljum
að þetta fólk viti að það eru fleiri
möguleikar þó að fasta sumar-
vinnan hjá borginni bjóðist ekki.“
Auður Kristín Welding
 Auður Kristín Welding er
fædd í Reykjavík 11. mars 1974.
Var skiptinemi við Bundes Real
Gymnasium í Vínarborg 1991–
1992 og stúdent frá Fjölbraut í
Breiðholti 1995. B.ed frá Kenn-
araháskóla Íslands, þroska-
þjálfasviði 1998 og starfaði hjá
Styrktarfélagi lamaðra og fatl-
aðra með námi. Vann sem
þroskaþjálfi, síðar yfirþroska-
þjálfi, á sambýli við Holtaveg
1998–2001. Hóf störf hjá Hinu
húsinu 2001 sem þroskaþjálfi við
Sérsveitina, tómstundir og ráð-
gjöf fyrir fatlaða. Verkefnastjóri
Upplýsingamiðstöðvar og Vinnu-
miðlunar skólafólks síðan í nóv-
ember á síðasta ári.
Auðvelda
aðgengi að
upplýsingum