Morgunblaðið - 28.02.2003, Blaðsíða 53

ÍÞRÓTTIR
MORGUNBLAÐIÐ FÖSTUDAGUR 28. FEBRÚAR 2003 53

GUNNAR Berg Viktorsson skor-
aði 1 mark fyrir París SG sem sigraði
Créteil, 24:21, á útivelli í frönsku 1.
deildinni í handknattleik í fyrrakvöld.
París er í fjórða sæti deildarinnar
með 34 stig. Montpellier er efst með
46 stig, Chambéry er í öðru með 43
og Créteil í þriðja með 42 stig.

CIUDAD Real sigraði Galdar,
23:19, í spænsku 1. deildinni. Rúnar
Sigtryggsson var ekki í leikmanna-
hópi Ciudad Real að þessu sinni.
Spænski landsliðsmaðurinn Talant
Dujshebaev kom inn í lið Ciudad eftir
meiðsli og var markahæstur sinna
manna með 7 mörk.

ÓLAFUR Stefánsson er í 17. sæti
yfir markahæstu leikmenn í þýsku
Bundesligunni í handknattleik. Ólaf-
ur hefur skorað 107 mörk fyrir
Magdeburg á leiktíðinni. Guðjón
Valur Sigurðsson, Essen, er í 33.
sæti með 86 mörk, Sigfús Sigurðs-
son, Magdeburg, hefur skorað 79
mörk, Sigurður Bjarnason, Wetzlar,
67, Einar Örn Jónsson, Massenheim,
hefur skorað 57 mörk, Róbert Sig-
hvatsson, Wetzlar, 55 og Patrekur
Jóhannesson, Essen, 52.

LARS Christiansen, Flensburg, er
markahæstur með 169 mörk, Kóreu-
maðurinn Kyung-Shin Yoon, Gumm-
ersbach, með 165 og Jan Filip, tékk-
neski hornamaðurinn hjá Nordhorn,
er í þriðja sæti með 158 mörk.

ÞÓREY Edda Elísdóttir og Vala
Flosadóttir taka þátt í stangar-
stökkskeppni á opna sænska meist-
aramótinu, sem fer fram í Stokk-
hólmi um helgina.

SUNNA Gestsdóttir, sem endur-
heimti met sitt í 200 m hlaupi innan-
húss á opna danska meistaramótinu
um sl. helgi, keppir í 60 m og 200 m
hlaupi og einnig í langstökki.

JÓHANN B. Guðmundsson skor-
aði mark Lyn úr vítaspyrnu þegar
norska liðið tapaði fyrir San José frá
Bandaríkjunum, 3:1, á La Manga
mótinu í knattspyrnu á Spáni í gær.
Lyn, undir stjórn Teits Þórðarsonar,
hefur þar með tapað öllum fjórum
leikjum sínum á La Manga og sjö af
átta leikjum sínum á undirbúnings-
tímabilinu. Helgi Sigurðsson lék í
fremstu víglínu hjá Lyn í gær.

SVÍINN Freddie Ljungberg skor-
aði í leik með varaliði Arsenal á mið-
vikudag. Markið dugði þó ekki til sig-
rus, þar sem Charlton vann, 4:1.
Ljungberg hefur ekki leikið með að-
alliði Arsenal síðan í desember og að-
eins ellefu leiki í vetur. Arsene
Wenger, knattspyrnustjóri Arsenal,
vonar að Svíinn verði orðinn góður
þegar lokaspretturinn hefst.

ÞAÐ gæti farið svo að Ryan Giggs,
Paul Scholes og Wes Brown geti ekki
leikið með Manchester United gegn
Liverpool í úrslitaleik deildarbikar-
keppninnar á sunnudag. Þeir eru
meiddir, en Mikael Silvestre, sem
hefur verið meiddur á ökkla, hefur
æft að fullu og er klár í slaginn.
FÓLK
BANDARÍSKI körfuknattleiks-
maðurinn Fred Williams er geng-
inn til liðs við Loga Gunnarsson og
félaga í þýska 2. deildar liðinu
Ulm. Williams lék með Þórsurum á
Akureyri tímabilið 1995–96 og
skoraði þá 25,2 stig að meðaltali
fyrir þá í leik, mest 43 stig í leik
gegn Breiðabliki. Williams er 29
ára og hefur leikið með þýsku lið-
unum Lich og Bamberg undanfarin
ár, og hefur skorað 14–15 stig að
meðaltali í leik. Með því að fá hann
í sínar raðir hyggjast forráðamenn
Ulm styrkja lið sitt enn frekar í
lokaslagnum um sæti í 1. deildinni.
Fyrrverandi
Þórsari
til Ulm„MIG er farið að klæja í lófana eftirþví að keppa,“ sagði Magnús Aron
Hallgrímsson, kringlukastari úr
Breiðabliki, sem á morgun tekur
þátt í Vetrarkastmóti Evrópu sem
haldið er í smábænum Gioia Tauro á
Suður-Ítalíu á vegum Frjálsíþrótta-
sambands Evrópu, EAA. Þetta er
þriðja árið í röð sem EAA heldur
mót af þessu tagi fyrir evrópska
kastara, en auk kringlukasts er
keppt í spjótkasti, kúluvarpi og
sleggjukasti í flokkum karla og
kvenna. Magnús var ekki með á
tveimur fyrri mótanna sem fram
fóru í Króatíu í fyrra og í Frakk-
landi fyrir tveimur árum.
Magnús kom til Gioia Tauro á
mánudaginn ásamt þjálfara sínum,
Vésteini Hafsteinssyni, og hefur ver-
ið við æfingar síðan. „Það er kær-
komið að fá tækifæri til að keppa og
brjóta þannig upp langan æfingavet-
ur,“ segir Magnús. Hann hefur lítið
getað kastað utandyra í Svíþjóð síð-
ustu þrjár vikur vegna snjóa. Segist
hann hafa notað tímann vel á Ítalíu
og líti bjartsýnum augum til keppn-
innar sem gert er ráð fyrir að 31
kringlukastari taki þátt í.
„Ég hef verið að kasta rúma 60
metra á æfingum og vonast til geta
fylgt því eftir á laugardaginn. Þá
verð ég sáttur. Ég er að minnsta
kosti í góðri æfingu og tel mig
reiðubúinn fyrir átökin,“ sagði
Magnús í gær.
Alls er 31 keppandi skráður til
leiks og keppt verður í tveimur hóp-
um. Magnús sagðist reikna með að
vera í fyrri hópi kastara þar sem
hann væri í 21. sæti keppenda ef litið
væri til árangurs síðasta árs. Eist-
lendingurinn Aleksander Tammert
á besta árangur þeirra sem skráðir
eru til leiks, 67,75 m. Magnús á best
63,09. Hann var að jafna sig á
meiðslum í fyrra og náði sér ekki á
strik og kastaði þá lengst 59,52.
Magnús Aron farið
að klæja í lófana
Magnús Aron
FRIÐRIK Ragnarsson, þjálfari
körfuknattleiksliðs Njarðvíkur, hef-
ur verið úrskurðaður í eins leiks
bann af aganefnd KKÍ. Bannið tek-
ur gildi á hádegi í dag og hann get-
ur því ekki stýrt liði sínu í Suð-
urnesjaslagnum gegn Grindavík í
úrvalsdeildinni í kvöld. Friðrik fékk
bannið vegna aðfinnslna við dómara
eftir leik Njarðvíkur gegn Skalla-
grími á dögunum. Einar Jóhanns-
son, þjálfari kvennaliðs Njarðvíkur,
mun leysa Friðrik af hólmi í kvöld.
Njarðvík teflir fram nýja Banda-
ríkjamanninum, Gregory Harris, í
leiknum við Grindavík í kvöld en
hann kom til félagsins í vikunni til
reynslu. Hann á að leysa af hólmi
landa sinn, Gary Hunter, sem var
sagt upp störfum fyrir skömmu.
Friðrik í eins
leiks banni
Í yfirlitsgrein okkar hér í blaðinufyrir keppnistímabilið í NBA-
deildinni mátti lesa eftirfarandi þeg-
ar rætt var um gengi
meistara meistara
Los Angeles Lakers:
„Kobe Bryant bætti
á sig sjö kílóum af
vöðvum eftir strangt lyftingarpró-
gramm í sumar. Takið eftir Kobe í
vetur, hann á stutt eftir til að ná
sama gæðaflokki og Michael
Jordan.“ Þegar þetta var skrifað var
ekki fyrirsjánlegt hvað stutt hann
átti eftir í raun og veru til að ná
Jordan.
Í leikjunum þrettán að undan-
förnu hefur Lakers fagnað sigri í ell-
efu þeirra, sem gefur til kynna að
Bryant skilur nú betur en nokkurn-
tímann áður hvað er mikilvægast af
öllu – að fagna sigri. Ef litið er á
gengi Bryants, sem er aðeins 24 ára,
það sem af er keppnistímabilinu
samanborið viðgengi Michaels Jord-
ans á sama aldri, keppnistímabilið
1987-1988, kemur í ljós að þessir
kappar eru mjög jafnir að getu.
Jordan skoraði fimm stigum meira,
hafði aðeins betri skotnýtingu og
skoraði úr tveimur fleiri vítaskotum í
leik. Aftur á móti hefur Bryant mun
betri nýtingu úr þriggja stiga skot-
um, hefur fleiri stoðsendingar og
fleiri fráköst. Þegar allt er tekið með
í reikninginn er afar erfitt að gera
upp á milli þessara tveggja frábæru
körfuknattleiksmanna.
„Kobe er ekki eins
góður og ég var“
Jordan var beðinn að segja álit sitt
á Bryant fyrir stuttu um framgöngu
hans inni á vellinum. „Kobe veit
núna nákvæmlega hvað allt þetta
snýst um. Honum hefur tekist að
skora öll þessi stig innan leikkerfis
Lakers, sem er oft erfitt þegar leik-
maður er í svona stuði. Hann hefur
komið knettinum til samherja þegar
vörn andstæðinganna hefur einbeitt
sér að honum og það gerir sóknina
hættulegri fyrir andstæðingana.
Kobe hefur þó ekki verið hræddur
við að taka sóknarleikinn í sínar
hendur þegar honum hefur fundist
hann vera heitur. Leikmaður sem er
í stöðu Kobes verður að hætta að
hugsa um 40 stigin til að vera viss um
að aðrir leikmenn séu með í sókninni
– til að tryggja sigur. Það er það
mikilvægasta af öllu.“
Jordan var spurður um hvort
Kobe væri orðinn eins góður og hann
var sjálfur á hátindi sínum. „Ég
myndi ekki segja að hann væri eins
góður og ég var, en hann hefur sama
vilja til að verða besti leikmaður
deildarinnar og ég hafði,“ sagði
Jordan.
Kobe gaf O’Neal eftir sviðið
Bryant lék vel í sigurleiknum á
Clippers, 109:98. Hann gaf þó lyk-
ilhlutverkið í sókninni til Shaquille
O’Neal í síðari hálfleik eftir að mið-
herji Clippers lenti í villuvandræð-
um. O’Neal skoraði 33 stig og var
óspar á lof á Kobe. „Hann hefur aldr-
ei látið gengi sitt að undanförnu hafa
áhrif á hvað er mikilvægast fyrir lið-
ið. Hann er frábær leikmaður, sem
hugsar mest um sigur.“
Bryant sjálfur tók öllu með ró eftir
leikinn og sagði: „Allt tekur enda –
ég hef ekki verið að hugsa um að
skora endalaust yfir fjörutíu stig í
leik. Við vinnum enga meistaratitla
ef ég myndi aðeins hugsa um að
skora fjörutíu stig í leik. Að vissu
leyti er ég feginn að þessu er lokið,
þar sem allar umræður um mig og
stigamet hafa tekið of mikla athygli
frá gengi liðsins og leikmanna þess.“
Þegar hann var spurður hvað hafi
verið mikilvægast við gott gengi
hans í undanförnum leikjum var
Kobe fljótur að svara: „Það er ekki
spurning, það er að við unnum
marga leiki á sama tíma. Ég einbeitti
mér að því að gera það sem þurfti til
að við fögnuðum sigrum. Ég veit
ekki hvort met Chamberlains verði
nokkurntímanm slegið. Wilt var
skrímsli í sókninni.“
Kobe Bryant jafnaði stigamet Jordans í NBA-deild-
inni en met Wilts Chamberlains stendur óhaggað
Morgunblaðið/Páll Grímsson
Kobe Bryant hefur ekki hugsað eingöngu um sjálfan sig heldur
fyrst og fremst um liðsheildina hjá Lakers og sigur.
„Feginn
að þessu
er lokið“
KOBE Bryant, hinn knái leikmaður Los Angeles Lakers, er mann-
legur – það kom að því að hann náði ekki að skora meira en 40 stig í
leik, þegar Lakers mætti Clippers í nágrannaslagnum í Staples
Center á þriðjudagskvöld. Eftir að hafa skorað yfir 40 stig í níu leikj-
um í röð varð Kobe að sætta sig við að ná „aðeins“ að skora 32 stig.
Kobe skoraði reyndar 35 stig eða meira í 13 leikjum í röð og í þess-
um leikjum hefur hann skorað 42,4 stig að meðaltali í leik. Hann
hefur jafnað besta gengi kóngsins Michaels Jordans frá1986, en
vantaði fimm leiki til að jafna met Wilts Chamberlains, sem skoraði
40 stig eða meira í fjórtán leikjum í röð – já, tvisvar á sama keppn-
istímabilinu er hann var upp á sitt besta!
Gunnar
Valgeirsson
skrifar frá
Los Angeles
’ Hann hefur aldrei látið gengi
sitt að undanförnu
hafa áhrif á hvað
er mikilvægast
fyrir liðið. ‘