Morgunblaðið - 28.02.2003, Blaðsíða 55
ÍÞRÓTTIR
MORGUNBLAÐIÐ FÖSTUDAGUR 28. FEBRÚAR 2003 55
ANTONIS Nikopolidis, mark-
vörður Panathinaikos, var hetja
liðs síns þegar það tapaði 2:0 í síð-
ari leik liðsins í UEFA-bikarnum
fyrir Anderlecht í Belgíu. Grikkir
unnu fyrri leikinn 3:0 og halda því
áfram í keppninni. Mikið gekk á
og tveir grískir leikmenn voru
reknir af velli, sá fyrri 42. mínútu
þannig að þeir léku einum færri al-
veg þar til undir lok leiksins þegar
annar var rekinn af velli.
PORTO er annað portúgalska
liðið í átta liða úrslitum UEFA-
bikarsins, hitt er Boavista, komst
auðveldlega áfram með því að gera
2:2 jafntefli við Denizlispor en lið-
ið vann 6:1 í fyrri leiknum í Tyrk-
landi.
BESIKTAS komst hins vegar
áfram með góðum 4:2 sigri á
Slavia Prag og heldur uppi heiðri
Tyrklands.
FRANSKA kvennalandsliðið í
knattspyrnu, sem er í riðli með Ís-
landi í undankeppni EM, sigraði
Holland, 2:1, í vináttulandsleik á
þriðjudaginn. Corinne Petit skor-
aði fyrra markið og Viguer gerði
sigurmark franska liðsins rétt fyr-
ir leikslok. Ísland mætir Frakk-
landi hér heima í september og
ytra á næsta ári.
ÍTALÍA sigraði England, 1:0, í
vináttulandsleik sama dag og skor-
aði Moriac Piacchi sigurmarkið.
Karen Burke, fyrrum leikmaður
ÍBV, var í enska hópnum en kom
ekki við sögu í leiknum.
ASHLEY Cole leikur ekki með
Arsenal næstu vikurnar því hann
gekkst undir aðgerð vegna kvið-
slits í gær. Meiðslin hafa verið að
hrjá bakvörðinn í vetur og ekki
var hjá því komist að framkvæma
aðgerðina.
BRIAN Jones frá Kanada bætti
í gær heimsmetið í 400 metra fjór-
sundi í 25 metra laug á kanadíska
meistaramótinu í sundi í fyrrinótt.
Jones synti vegalendina á 2.02,72
mínútum og bætti fimm ára gam-
alt með Matthews Dunn um eina
og hálfa sekúndu.
FRANSKI landsliðsmaðurinn
Bixente Lizarazu skrifaði í gær
undir nýjan eins árs samning við
Bayern München. Lizarazu er 33
ára gamall og á að baki 79 lands-
leiki fyrir Frakka, hefur verið í
herbúðum Bayern frá árinu 1997.
TVENN íslensk dómarapör
verða í eldlínunni á Evrópumót-
unum í handknattleik um helgina.
Stefán Arnaldsson og Gunnar
Viðarsson dæma leik Lemgo frá
Þýskalandi og Pick Szeged frá
Ungverjalandi í 8-liða úrslitum
Evrópukeppni bikarhafa sem fram
fer í Þýskalandi og Guðjón L. Sig-
urðsson og Ólafur Haraldsson
dæma leik Creteil frá Frakklandi
og Krasnodar frá Rússlandi sem
fram fer í Frakklandi.
FÓLK
Liverpool stóð vel að vígi fyrirleikinn, vann 1:0 í Frakklandi í
fyrri leiknum en gekk erfiðlega að
skora í gær. Það var ekki fyrr en
Michael Owen braut ísinn í síðari
hálfleik að stuðningsmenn félagsins
önduðu léttar. Þetta var sjötta mark
Owens í keppninni í ár og 20. mark
hans í Evrópukeppni og jafnaði
hann þar með met Ian Rush hjá fé-
laginu. „Við lékum mun betur í síð-
ari hálfleik og fengum þá nokkur
færi, nokkuð sem gerðist ekki oft
fyrir hlé,“ sagði Owen. Danny
Murphy gerði síðara mark leiksins
og tryggði Liverpool sæti í næstu
umferð en þar mætir Liverpool
Celtic.
Skotarnir fóru til Stuttgart með
gott veganesti þar sem þeir unnu 3:1
í Glasgow. Gestirnir í Stuttgart
fengu sannkallaða óskabyrjun, kom-
ust í 2:0 eftir stundarfjórðungs leik
og 40.000 stuðningsmenn Stuttgart
setti hljóða en 5.000 stuðningsmenn
Celtic fögnuðu ógurlega.
Heimamenn gáfust þó ekki upp og
náðu að minnka muninn fyrir hlé.
En þrátt fyrir að sækja stíft gekk
erfiðlega að skora og það var ekki
fyrr en fimmtán mínútur voru eftir
að Stuttgart jafnaði. Þeir tvíefldust
við það, skutu í stöng og hvaðeina.
Varnarmenn Celtic sluppu með
skrekkinn hvað eftir annað en þegar
þrjár mínútur voru eftir komust
heimamenn yfir og nú vantaði þá að-
eins tvö mörk til að slá Skotana út.
Það tókst ekki enda skammur tími
til stefnu, en Celtic slapp með
skrekkinn. „Þetta var frábært og
það verður gaman að mæta Liver-
pool, en ég er hræddur um að við
verðum að verjast betur en við gerð-
um í síðari hálfleik í kvöld,“ sagði
Martin O’Neill, þjálfari Celtic eftir
leikinn, en Liverpool og Celtic léku
síðast árið 1997-98 í UEFA bikar-
keppninni.
Eyjólfur með Herthu
Eyjólfur Sverrisson kom inn á hjá
Herthu Berlín þegar liðið tapaði 1:0 í
Boavista og féll þar með úr keppni
þar sem Portúgalar gerðu tvö mörk í
Berlín þegar þeir töpuðu 3:2. Markið
kom á 86. mínútu, tveimur mínútum
áður en Eyjólfur kom inn á.
Herthumenn léku einum færri frá
65. mínútu þegar Pal Dardai var
rekinn af velli. Heimamenn misstu
mann af velli með rautt spjald á 81.
mínútu og jafnaðist þá leikurinn en
gestunum tókst ekki að skora.
Owen jafn-
aði met
Ians Rush
LIVERPOOL komst í gærkvöldi í 8 liða úrslit UEFA-bikarsins með því
að sigra Auxerre á Anfield. Besiktas, Celtic, Porto, Malaga, Panathin-
aikos og Boavista komust einnig áfram en einum leik var frestað.
BANDARÍKJAMENN hafa valið
13 ára strák, Freddie Adu að
nafni, í drengjalandslið sitt í
knattspyrnu, sem skipað er leik-
mönnum undir 17 ára að aldri.
Adu þykir gífurlegt efni og mörg
af stórliðum heimsins hafa fylgst
náið með honum, en ítalska félag-
ið Inter frá Mílanó gerði honum
tilboð þegar hann var aðeins 11
ára gamall. Adu er frá Ghana en
flutti með fjölskyldu sinni til
Bandaríkjanna fyrir fimm árum
og er nýbúinn að fá bandarískan
ríkisborgararétt. Hann er í 18
manna hópi Bandaríkjanna sem
eru á leið í undankeppni fyrir
heimsmeistaramótið í þessum ald-
ursflokki.
Þrettán
ára í
landslið
JACQUES Rogge, forseti Al-
þjóðaólympíunefndarinnar (IOC),
sagðist í gær mjög ánægður með að
Grikkir hefðu loksins gengið á við-
unandi hátt frá öryggisþættinum
varðandi Ólympíuleikana sem
halda á í Aþenu á næsta ári.
Grikkir gengu í gær frá því
munnlega við forráðamenn fyr-
irtækis í Bandaríkjunum að það
hafi yfirumsjón með allir örygg-
isgæslu á leikunum.
„Við í framkvæmdastjórn IOC er-
um mjög ánægðir að heyra að búið
sé að ganga frá þessum málum,“
sagði Rogge en hann hefur ekki
haft mikla ástæðu að undanförnu til
að hrósa Grikkjum enda margt tals-
vert á eftir áætlun hjá þeim.
Þrátt fyrir að búið sé að ganga
frá munnlegum samningi þá er eft-
ir að ganga frá einu smáatriði –
greiðslunni. Bandaríska fyrirtækið
Science Applications International
Corp eða SAIC, bauð 317,9 millj-
ónir evra en Grikkir höfðu gert ráð
fyrir að nota 260 milljónir evra í
verkefnið. Verði fyrirtækið ekki
tilbúið til að lækka verðið munu
Grikkir snúa sér til annars fyr-
irtækis, segja stjórnvöld í Grikk-
landi.
Rogge ánægður
með Grikkina
Heimamenn, sem áttu harma aðhefna, byrjuðu leikinn af meiri
krafti og voru líklegir til afreka. En
þrátt fyrir góða spila-
mennsku SR voru það
gestirnir frá Akureyri
sem skoruðu fyrstu
tvö mörkin á þriggja
mínútna kafla, það fyrra gerði Izak
Hudson og það seinna Stefán
Hrafnsson eftir góðan einleik. Eftir
það skiptust liðin á sóknum en flest-
ar runnu þær í sandinn. Heimamenn
minnkuðu muninn fjórum mínútum
fyrir lok fyrstu lotu og staðan því 1:2.
Önnur lota var fjörug, SA virtust
vera með góð tök á leiknum þegar
þeir skoruðu sitt þriðja mark en leik-
menn SR tvíefldust við mótlætið –
skoruðu næstu tvö mörk og jöfnuðu
leikinn 3:3. En heimamenn héldu
ekki jöfnu lengi, eftir mistök í vörn
þeirra skoraði Jón Þór Ásgrímsson
fyrir SA og 20 sekúndum síðar
skoraði Sigurður Sigurðsson annað
mark og gestirnir fóru með tveggja
marka forskot í síðasta leikhlutann.
Lokalotan var bragðdauf framan
af, leikmenn beggja liða virtust
þreyttir eftir harðan og erfiðan leik
og gestirnir frá Akureyri gátu unað
sáttir við stöðuna. En fimm mínútum
fyrir leikslok skiptu leikmenn SR um
gír og lögðu í stórsókn, þeir náðu að
minnka muninn og einni mínútu síð-
ar jafnaði kantmaðurinn Snorri
Rafnsson fyrir heimamenn. Eftir
venjulegan leiktíma var staðan því
5:5 og framlenging óumflýjanleg.
Ekkert mark var þó skorað í fram-
lengingunni og var því gripið til víta-
keppni. Tólf víti þurfti til að skera úr
um sigurliðið en aðeins var skorað úr
þremur vítum. Sigurmarkið skoraði
Kenneth Corp fyrir SA. „Þetta var
jafn leikur en ég held að það hafi ver-
ið dugnaður okkar í lokin sem skóp
sigurinn. Þetta var erfiður leikur og
ég er örþreyttur. Við ætlum okkur
að sjálfsögðu sigur í næsta leik og
titilinn,“ sagði bjargvættur SA,
Kenneth Corp, að leikslokum.
Morgunblaðið/Jim Smart
Kenneth Corp, lengst til hægri, gerði sigurmark SA í víta-
keppninni í gær. Hér á hann í höggi við James Devine úr SR.
Annar sig-
ur Akur-
eyringa
„LEIKURINN var besta skemmtun sem sést hefur í höllinni,“ sagði
áhorfandi í Skautahöll Reykjavíkur eftir annan úrslitaleik Skauta-
félags Reykjavíkur og Skautafélags Akureyrar. Leiknum, sem var
bráðskemmtilegur og hnífjafn, lauk með sigri SA en úrslitin réðust
ekki fyrr en í vítakeppni. SA hefur því unnið tvo leiki og þarf því að-
eins að vinna næsta leik til að standa uppi sem Íslandsmeistarar – í
ellefta skipti á þrettán tímabilum.
Andri
Karl
skrifar