Morgunblaðið - 28.02.2003, Blaðsíða 60

60 FÖSTUDAGUR 28. FEBRÚAR 2003 MORGUNBLAÐIÐ
SUMIR einstaklingar passa ekki
inn í hefðbundið formið. Eru fæddir
með annað sjónarhorn á tilveruna
en almúginn sem í ráðaleysi stimpl-
ar þá gjarnan „kynlega kvisti“ eða
eitthvað ámóta. Mörkin þeirra
liggja handan línu meðaljónsins, þar
er heimurinn hans Nóa (Tómas
Lemarquis), söguhetjunnar í Nóa
albínóa.
Óvenjumikil eftirvænting lá í loft-
inu á frumsýningarkvöldið þar sem
ferill myndarinnar hefur verið
óhefðbundinn og glæsilegur. Nói
albinói kom fyrst fyrir sjónir á kvik-
myndahátíðum í Frakklandi, Hol-
landi og Svíþjóð þar sem myndin
gerði sér lítið fyrir og vann til verð-
launa á þeim öllum. Var m.a. kjörin
besta norræna myndin og hlaut
FIRPESCI-verðlaun gagnrýnenda
í Gautaborg. Líkt og dæmin sanna
þurfa vegtyllur ekkert endilega að
segja mikið en þetta áhrifaríka
byrjendaverk Dags Kára stendur
undir væntingum. Myndin er seið-
andi tragikómedía þar sem bæði
dramatíkin og ennfrekar spaugið er
alþjóðlegt, víðsfjarri þeim heimaln-
ingshætti sem við eigum oftar enn
ekki að venjast í íslenskum mynd-
um. Hláturinn kemur frá hjartanu,
ekki meltingarfærunum. Efnið jað-
arkennt að sjá en þau áhrif fara
minnkandi eftir því sem líður á sýn-
inguna. Það blása ferskir vindar um
mörkina hans Nóa, einangrað
krummaskuð við ysta haf.
Táningurinn Nói er öðruvísi en
bæjarbúar, sérstæður í útliti, hlýðir
ekki viðteknum reglum og er því af
flestum álitinn þorpsfíflið. Gefur
frat í skólann, er utanveltu í innilok-
uðu samfélaginu sem kúrir hálfkæft
í fannfergi undir snarbröttu fjalli
þar sem snjóhengjur boða yfirvof-
andi vá, úti fyrir ströndinni gnauðar
Íshafið. Nói á skjól hjá ömmu sinni
(Anna Friðriksdóttir), pabbi hans
(Þröstur Leó), er misheppnaður
draumóramaður sem hefur dagað
uppi undir stýri þorpsleigubílsins
og fær útrás fyrir brostnar vonir í
drykkju og karókísöng á kránni.
Ljósu punktarnir í lífi piltsins eru
ískalt malt, bóksalinn (Hjalti Rögn-
valdsson) og aðkomustúlkan Íris
(Elín Hansdóttir), sem kveikir nýj-
ar væntingar í brjósti hans. Nói
hyggst flýja með henni úr einangr-
uninni en kemst ekki langt. Það er
síðan náttúran sjálf sem byltir ver-
öld uppreisnarmannsins.
Lengst af er Nói albínói bráð-
fyndin, dökkleit gamanmynd þar
sem hvert atriðið öðru betra kitlar
hláturtaugarnar; morgunleikfimi
ömmunnar, sláturgerðin, banka-
ránið, fjarstýring grafarans, flótta-
tilraunin, svo mætti lengi telja.
Flest snúast um hálfglataðar til-
raunir viðkomandi að koma ætlun-
arverki sínu í framkvæmd. Þrátt
fyrir gamansemina er dramatíkin
jafnan skammt undan, loftið lævi
blandið. Persónurnar eru, þrátt
fyrri allt, ekki eintóna grínaktugar
heldur vel mótaðar og skrifaðar og
búa flestar yfir e.k. tímabundnum
vonbrigðum og skorti á lífsfyllingu
undir yfirborðinu. Í myndarbyrjun
er Nói að moka sig út úr híbýlum
sínum inn í grámósku hversdags-
leikans, en undir lokin, eftir allt sem
á hefur dunið, vaknar pálmaströnd-
in til lífsins. Hann á eftir að spjara
sig og sanna að enginn er spámaður
í eigin föðurlandi.
Fagmennska Dags Kára og fé-
laga, ekki síst leikhópsins í heild, er
það sem skiptir sköpum. Allt al-
vörufólk sem vinnur hvert atriði,
stórt og smátt af fáséðri vandvirkni.
Handritið og leik-
stjórnin óaðfinnanleg,
Degi Kára tekst ætl-
unarverkið fullkom-
lega, að skapa lág-
stemmda, einangraða
veröld með ljóslifandi
mannlífsflóru í óljósri
fortíð. Tónlistin hans
hljómar undir magn-
aðri og áhrifaríkri
kvikmyndatöku og
Dagur Kári á heiður-
inn að saumlausri
klippingu ásamt Val-
dísi Óskarsdóttur.
Leikhópurinn í Nóa
albínóa er jafnvel
skærasta rósin í
hnappagat þessa
óvænta gleðigjafa.
Myndin hefði tæpast
orðið til öðruvísi en
fyrir tilstuðlan Tómas-
ar. Sterkt og hispurs-
laust útlitið er í hróp-
andi andstöðu við aðra
og myndavélin gleypir hverja
minnstu hreyfingu hans og svip-
brigði en Tómas er ekki einasta
„fótógenískur“ heldur og býsna fær
leikari. Val á Elínu Hansdóttur í
hlutverk aðkomustúlkunnar er
ámóta snjallt, hún býr yfir þeim
sjarma sem þarf til að vekja Nóa til
meðvitundar, skilur hlutverkið til
hlítar og óþekkt andlit hennar
hjálpar áhorfandanum að skilja bet-
ur stöðu persónunnar. Anna Frið-
riksdóttir er þriðji, óþekkti leikar-
inn sem smellpassar í hlutverk sitt.
Að auki prýðir myndina hópur val-
inkunnra leikara sem standa sig
með ágætum, ég kemst þó ekki hjá
því að kippa Þresti Leó út úr þess-
um fína félagsskap – hann er hreint
út sagt stórkostlegur.
Zik Zak-tvíeykið á heiður skilinn
fyrir metnað og þor í efnisvali.
Myndirnar þeirra hafa allar verið
athyglisverðar, öðruvísi og ekki
klæðskerasniðnar samkvæmt mark-
aðsformúlu. Ég vona að kvikmynda-
húsgestir taki Nóa albínóa fagn-
andi.
Mörkin
hans Nóa
Hver eru mörkin hans Nóa? Í umsögn segist Sæbjörn Valdimarsson vona að kvikmynda-
húsagestir taki Nóa albínóa fagnandi.
KVIKMYNDIR
Sambíóin
Leikstjórn og handrit: Dagur Kári. Kvik-
myndatökustjóri: Rasmus Videbæk. Tón-
list: Dagur Kári og Slow Blow. Klipping:
Dagur Kári og Valdís Óskarsdóttir. Aðal-
leikendur: Tómas Lemarquis, Þröstur Leó
Gunnarsson, Elín Hansdóttir, Hjalti Rögn-
valdsson, Anna Friðriksdóttir, Pétur Ein-
arsson, Guðmundur Ólafsson, Kjartan
Bjargmundsson, Greipur Gíslason, Þor-
steinn Gunnarsson. Framleiðendur: Þór
Snær Sigurjónsson og Skúli Fr. Malm-
quist. 90 mín. Zik Zak Filmworks o.fl.
Gerð með stuðningi frá Íslenska kvik-
myndasjóðnum. Ísland (Þýskaland, Dan-
mörk, Bretland), 2003.
NÓI ALBÍNÓI Sæbjörn Valdimarsson
ÁLFABAKKI / KRINGLAN / KEFLAVÍK / AKUREYRI
Sýnd kl. 4 og 6. Ísl. tal. / Sýnd kl. 4 og 6. Ísl. tal. / Sýnd kl. 6. Ísl. tal. / Sýnd kl. 6.
ÁLFABAKKI / KRINGLAN
Sýnd kl. 3.40, 5.50, 8 og 10.10. / Sýnd kl. 3.45, 5.50, 8 og 10.10.
Frumsýning á fyrstu stórmynd ársins
Vinsælasta myndin í Banda-
ríkjunum. 2 vikur á toppnum.
Stútfull af topp tónlist og
brjálæðri spennu.
Missið ekki af þessari mögn-
uðu mynd.
Sumir tala um það, en aðrir
fara alla leið
Svalar stelpur.
hörkuspenna og fjö
Með hasargellunni
Michelle Rodriguez
úr „The Fast and
the Furiour“.
Sýnd kl. 6, 8 og 10.
Sýnd kl. 10.40. Enskur texti. Strangl.B.i. 16.
Sýnd kl. 5.30, 8 og 10..
Sýnd kl. 8. Sýnd kl. 6.
Sýnd kl. 8 og 10.10.
Magnaðasti spennuhrollur ársins sem hefur
allstaðar slegið í gegn.
Hefur verið líkt við “The Sixth Sense”
Stórkostlegt framhald af barna og
fjölskyldumynd Disney sem allir
þekkja!
Áður en þú deyrð, færðu að sjá
SV MBL
KVIKMYNDIR.IS
SV MBL
HK DV

SG Rás 2
Radio X
Sýnd kl. 6. Ísl.tal.
Sýnd kl. 5.45, 8 og 10.15. B.i. 16.