Morgunblaðið - 28.02.2003, Blaðsíða 52

ÍÞRÓTTIR
52 FÖSTUDAGUR 28. FEBRÚAR 2003 MORGUNBLAÐIÐ
STEVE Coppell, knattspyrnustjóri
enska 1. deildarliðsins Brighton,
vonast eftir því að geta framlengt
lánssamninginn við Ívar Ingimars-
son og að hann leiki með liðinu út
leiktíðina. Brighton komst að
samkomulagi við Wolves um að fá
Ívar að láni í einn mánuð og renn-
ur sá samningur út þann 9. mars.
En þar sem Paul Ince er á leið í
tveggja leikja bann í liði Úlfanna
og liðið leikur 11 leiki á 35 dögum
getur farið svo að Dave Jones,
stjóri Wolves, þurfi að kalla á Ívar
til baka þegar leigutíminn er úti.
Ívar hefur leikið tvo síðustu
leiki Brighton í vörninni, sem báð-
ir hafa unnist, og hefur Copell
verið ánægður með framlag ís-
lenska lands-
liðsmannsins.
„Ívar var svo-
lítið tauga-
óstyrkur í
fyrsta heima-
leiknum á móti
Millwall um síð-
ustu helgi en
eftir að hann
vann nokkur
skallaeinvígi
komst hann í takt við leikinn. Ég
hef ekki miklar áhyggjur þegar
sóknarmenn eru í kringum Ívar
því ég veit að hann er mjög sterk-
ur og fær varnarmaður,“ segir
Copell en Ívar lék sem kunnugt er
undir hans stjórn hjá Brentford.
Brighton vill hafa
Ívar fram á vorið
Ívar
Ingimarsson
FÓLK

SAM Allardyce, knattspyrnu-
stjóri Bolton, hefur beðið leikmenn
liðsins afsökunar á ummælum sín-
um eftir jafnteflisleikinn gegn
Manchester United, 1:1, í ensku
úrvalsdeildinni um síðustu helgi.
United jafnaði metin þegar komið
var framyfir venjulegan leiktíma
og Allardyce skammaði Guðna
Bergsson og félaga í vörn Bolton
fyrir að fá markið á sig.

ALLARDYCE kveðst hafa skipt
um skoðun þegar hann sá upptökur
af markinu. „Ég varð að biðja þá
afsökunar, þeir áttu enga sök á
markinu,“ sagði Allardyce. Hann
er orðinn hvekktur á slíkum mörk-
um því Bolton hefur oft í vetur
misst sigurleiki niður í jafntefli á
síðustu stundu.

RYAN Giggs blés á þann orðróm
í gær að hann væri á förum frá
Manchester United í sumar til Int-
er á Ítalíu. „Ég er ánægður hjá
United og villa vera þar um kyrrt.
Þegar maður er ekki að leika vel
vilja svona sögur oft fara af stað en
ég hef alltaf sagt að framtíð mín er
hjá Manchester United,“ segir
Giggs við The Sun.

HOWARD Wilkinson knatt-
spyrnustjóri Sunderland hefur úti-
lokað á að bandaríski landsliðsmað-
urinn Claudio Reyna leiki meira
með liðinu á þessari leiktíð. Reyna
meiddist illa á hné í október en
hann var að vonast eftir því að geta
hjálpað Sunderland á lokasprett-
inum sem berst við að halda sér í
úrvalsdeildinni. Wilkinson segir á
heimasíðu Sunderland að bati
Reyna hafi verið hægari en ráð var
fyrir gert og ljóst sé að hann geti
ekki leikið meira á þessari leiktíð.

MORTEN Bjerre, danski lands-
liðsmaðurinn í handknattleik sem
leikur með Kiel, verður frá keppni
næstu vikurnar. Bjerre, sem hefur
verið einn besti leikmaður Kílar-
búa í vetur, meiddist á hné í
árekstri við landa sinn, Joachim
Boldsen, leik gegn Flensburg í bik-
arkeppninni í fyrrakvöld.

TARIBO West, hinn víðförli níg-
eríski knattspyrnumaður, þekktur
fyrir hárskraut í lokkum sínum, er
kominn til Serbíu/Svartfjalla-
lands. Þar er hann genginn til liðs
við Partizan Belgrad og leikur því
undir stjórn fyrrum fyrirliða þýska
landsliðsins, Lothars Matthäus,
sem tók við liði Partizan fyrir
skömmu.

MATTHÄUS fagnaði sigri í
fyrsta deildaleik liðsins undir hans
stjórn í fyrrakvöld en þá vann það
Hajduk Kula, 1:0. West var ekki
með í leiknum.

PHILIP Cocu, hollenski miðju-
maðurinn í liði Barcelona, meiddist
illa á hné í leik Börsunga við Inter í
Meistaradeildinni í fyrrakvöld og
er talið að hann verði frá æfingum
og keppni næstu tvo mánuðina.
ÍTÖLSKU knattspyrnukon-
urnar í sikileyska liðinu
Olanda skoruðu 120 sjálfs-
mörk í deildaleik á dögunum
og biðu lægri hlut fyrir mót-
herjum sínum, Diana 2000,
með markatölunni 127:0.
Þetta gerðu þær til að mót-
mæla því að næsti leikur á
undan, gegn liði að nafni Orsa
Barcellona, var dæmdur Ol-
anda tapaður. Þar notaði liðið
tvo leikmenn sem höfðu verið
úrskurðaðir í leikbann en fé-
lagið taldi sig ekki hafa fengið
tilkynningu um þann úrskurð.
Olanda-konur vonuðust til
þess að tekið yrði mark á mót-
mælum þeirra og leikurinn
yrði strikaður út. Svo fór
ekki, hann er skráður tap-
aður, 127:0, og þar með er
ljóst að Olanda vinnur sig
ekki upp um deild, eins og lið-
ið stefnir að með hjálp hag-
stæðrar markatölu.
Þetta er ekki met því að það
er ekki langt síðan að leik-
menn liðs frá eyríkinu Mad-
agaskar, Stade Olympique
l’Emyrne skoruðu 149 sjálfs-
mörk í leik. Þjálfari liðsins
gaf leikmönnum sínum skipun
um að skora í eigið mark eftir
að honum hafði mislíkað
ákvörðun dómarans í upphafi
leiks.
120 sjálfs-
mörk
UWE Rösler, þýski knattspyrnu-
maðurinn hjá Lilleström í Noregi,
hefur augastað á aðstoðarþjálf-
arastarfinu hjá félaginu sem nú er
laust eftir að Logi Ólafsson hætti
störfum á dögunum. Rösler, sem
lék um árabil með Manchester City
og með nokkrum þýskum liðum,
kom til Lilleström á síðasta sumri
og lék við hlið Ríkharðs Daðasonar
í fremstu víglínu á lokaspretti
deildakeppninnar.
Rösler sagðist í samtali við
Adressavisen stefna á feril í þjálf-
un, honum líkaði vel í Noregi og hjá
Lilleström en hann er giftur
norskri konu. „Ég vil gjarnan hefja
ferilinn sem aðstoðarþjálfari hjá
manni eins og Arne Erlandsen,“
sagði Rösler við blaðið. Erlandsen
er greinilega ánægður með Rösler
og segir hann frábæran í hverju því
sem hann taki sér fyrir hendur.
Með Lilleström leika Íslending-
arnir Gylfi Einarsson, Indriði Sig-
urðsson og Davíð Þór Viðarsson.
Rösler
vill starf
Loga
BIKARÚRSLITALEIKUR
karla í handknattleik sem
fram fór í Laugardalshöll síð-
asta laugardag hefur verið
mikið í umræðunni undan-
farna daga. Því miður ekki
aðeins vegna fyrsta sigurs HK í
bikarkeppninni frá upphafi.
Nokkrir ölvaðir áhorfendur náðu
að setja svip sinn á leikinn og undir
lokin gengu pústrar á milli stuðn-
ingsmanna liðanna. Mikið hefur
verið fjallað um þau atvik á spjall-
síðum félaganna tveggja síðustu
daga og þverskurðurinn af þeim
skrifum bendir til þess að Mosfell-
ingar hafi átt meiri þátt í því sem
þar gerðist en andstæðingar þeirra
úr Kópavogi.
Það er þó ekki aðalmálið og
reyndar telja margir að frétta-
flutningur af þessum atvikum hafi
verið heldur yfirdrifinn. Fram-
koma örfárra svartra sauða í hópi
um 1.500 áhorfenda, sem nær allir
höguðu sér vel og voru komnir í
Höllina til að skemmta sér, njóta
stundarinnar og styðja sitt félag
með ráðum og dáð, hefði ekki átt að
fá að skyggja á það sem bikarúr-
slitaleikur snýst fyrst og fremst
um.
Hvað um það – félögin tvö, Aft-
urelding og HK, vinna án efa úr
sínum málum og refsa syndaselun-
um eftir atvikum. Það sem eftir
stendur, og ekki má loka augunum
fyrir, er hinsvegar að HSÍ þarf að
huga betur að umgjörð stærstu
leikjanna sem sambandið stendur
að, sem og þau félög sem eiga
heimaleiki þegar dregur að loka-
úrslitum Íslandsmótsins.
Lykilatriði er að séð verði til
þess að áfengi sé ekki haft um hönd
á leikjunum. Þeir sem verst létu á
laugardaginn voru að sögn sjónar-
votta „vel nestaðir“, með fulla bak-
poka meðferðis (varla þurftu þeir
mikinn hlífðarfatnað í Laugardals-
höllinni!) og voru til ama og vand-
ræða strax fyrir leik og í hálfleik og
svo mjög að börnum stóð ógn af
þeim. Slíkt á ekki erindi á íþrótta-
kappleiki þar sem talsverður hluti
áhorfenda eru börn og unglingar.
Þessa menn átti að fjarlægja úr
húsinu þegar ljóst var í hvað
stefndi. Reyndar hefði aldrei átt að
hleypa þeim inn. Lítið varð hins
vegar vart við aðgerðir lögreglu í
Laugardalshöll. Í dagbók hennar í
Morgunblaðinu á þriðjudag
mátti þó lesa að hún hefði ver-
ið á staðnum en hennar hlut-
verk virðist aðallega hafa ver-
ið að veita bikarmeisturunum
heiðursfylgd suður í Kópa-
vog. Ölvaðir ólátabelgir, ósáttir við
úrslitin, fengu hins vegar að æða
óáreittir inn á völlinn að leik lokn-
um, þar sem þeir reyndu að trufla
fagnaðarlæti sigurliðsins.
Ólæti á íþróttakappleikjum hafa
sem betur fer verið nánast óþekkt
hér á landi og vonandi verður svo
áfram. Skipuleggjendur mega
samt ekki loka augunum fyrir þeim
möguleika að þau geti átt sér stað.
Í Laugardalshöllinni var stúkunni
skipt á milli stuðningsfólks félag-
anna tveggja, án þess þó að það
væri aðskilið. Líklega verður að
taka upp aðferðir sem þekktari eru
á knattspyrnuvöllum sunnar í álf-
unni, aðskilja stuðningshópana
með nokkrum auðum sætaröðum
og halda uppi gæslu á „hlutlausa
svæðinu“. Framvegis verður
íþróttafólkið að fá að njóta athygl-
innar til fullnustu – til þess er leik-
urinn gerður. Ekki þeir örfáu ein-
staklingar sem mæta á leikstað í
annarlegu ástandi, andlegu sem
líkamlegu.
Víðir Sigurðsson
Svartir sauðir
í sigurgleði
Morgunblaðið/Páll Grímsson
Kobe Bryant, sem er 24 ára leikmaður Los Angeles Lakers, er hér á vítalínunni í leik gegn Seattle,
er hann jafnaði met Jordans með því að skora yfir 40 stig í níunda leiknum í röð.