Morgunblaðið - 01.04.2003, Qupperneq 6

FRÉTTIR
6 ÞRIÐJUDAGUR 1. APRÍL 2003 MORGUNBLAÐIÐ
fyrirtaeki.is
Öll fyrirtækjaskráin okkar er nú á netinu í mjög aðgengilegu formi.
Skoðið síðurnar okkar og hafið samband.
Nýjung:
Farið inn á síðuna Atvinnutækifæri. Það gæti borgað sig.
fyrirtaeki.is
Erum með úrval fyrirtækja á skrá hjá okkur
á hverjum tíma.
Nánari upplýsingar aðeins á skrifstofunni.
Einar Örn Reynisson, lögg. fasteignasali.
VINSTRIHREYFINGIN – grænt
framboð (VG) leggur áherslu á endur-
skoðun skattkerfisins í þeim tilgangi
að létta skattbyrði af láglauna- og
millitekjuhópum. Þetta kom fram á
fundi sem forystumenn og frambjóð-
endur VG boðuðu til í gær, þar sem
kynntar voru málefnaáherslur flokks-
ins í komandi alþingiskosningum.
Forsvarsmenn VG sögðu að mark-
mið flokksins í kosningunum væri að
fella ríkisstjórnina og að stjórnarand-
staðan myndaði velferðarstjórn að
loknum kosningum. Gagnrýndu þeir
harðlega það sem þeir nefndu
„ábyrgðarlaus yfirboð stjórnarflokk-
anna í skattamálum“.
Forgangsverkefni VG í skattamál-
um eru eftirfarandi:
Að létta sköttum af lægstu launum
og lífeyri í áföngum með hækkun
skattleysismarka og tekjutengdum
endurgreiðslum.
Að draga úr skattlagningu meðal-
tekna og lægri tekna með stiglækk-
andi skattbyrði um leið og jaðaráhrif
verði takmörkuð.
Að hækka skattleysismörk eigna-
skatta.
Að fjármagnstekjur undir 100.000
kr. verði skattfrjálsar og tvö skatt-
þrep, 12% og 18%, verði til á hækk-
andi tekjur umfram þetta, sem skilað
geti allt að 2.000 milljóna kr. viðbót-
artekjum.
Að lítil og meðalstór fyrirtæki njóti
skattalegs hagræðis á fyrstu rekstr-
arárum.
Að tekjustofnar sveitarfélaga verði
breikkaðir.
„Við teljum mjög brýnt að gerðar
verði umfangsmiklar skattkerfis-
breytingar með það fyrir augum að
létta byrðar á lágtekju- og meðal-
tekjuhópum, færa skattbyrðina til
þannig að þeir komi til með að axla
meiri byrðar sem hafa til þess burði
og eru aflögufærir en síður hinir sem
hafa ekkert handa í milli,“ segir Ög-
mundur Jónasson alþingismaður.
Ögmundur og Steingrímur J. Sig-
fússon, formaður VG, sögðust ekki
vera talsmenn þess að draga úr skatt-
tekjum ríkisins. Sökuðu þeir ríkis-
stjórnarflokkana um ábyrgðarleysi
fyrir að lofa nú tugmilljarða skatta-
lækkunum og segjast um leið ætla að
auka útgjöld m.a. til barnabóta eða líf-
eyris.
Steingrímur sagði grundvallarmun
vera á skattastefnu VG og stefnu
stjórnarflokkanna sem lofuðu stór-
felldum almennum skattalækkunum.
„Ég er ekki viss um að allir hafi áttað
sig á hversu yfirgengileg loforð Sjálf-
stæðisflokksins eru í þessum efnum,“
sagði Steingrímur og benti á að sú
upphæð sem sjálfstæðismenn ætluðu
að lækka skatta um, yfir 20 milljarðar
króna, samsvaraði um það bil öllum
útgjöldum félagsmálaráðuneytisins á
heilu ári. Sjálfstæðisflokkurinn segð-
ist nú ætla bæði að afnema hátekju-
skattinn og lækka tekjuskattinn um 4
prósentustig. „Ef þetta gengi eftir
myndi þetta þýða 11 prósentustiga
skattalækkun hjá tekjuhæstu hópun-
um, sem færu úr 45% niður í 34%,“
sagði Steingrímur. „Eru menn sam-
mála því að þessi gæðingar, sem hafa
verið að taka sér ofurlaun, fái 11 pró-
sentustiga skattalækkun á örfáum
misserum?“ bætti hann við.
„Við ætlum ekki að skerða tekjur
ríkissjóðs, sem standa straum af
kostnaði við velferðarkerfið. Við ætl-
um hins vegar að beita okkur fyrir til-
færslum innan kerfisins,“ sagði Ög-
mundur. Sagði hann að
Sjálfstæðisflokkurinn og Framsókn-
arflokkurinn yrðu að svara því hvar
afla ætti tekna í staðinn fyrir þann
tekjusamdrátt sem óhjákvæmilega
fylgdi tillögum þeirra um skattalækk-
anir. „Eru þessir flokkar að boða
skólagjöld, aukna sjúklingaskatta og
beinar notendagreiðslur?“ sagði Ög-
mundur.
Spurður hvort VG litist betur á þær
tillögur sem heyrst hafa frá talsmanni
Samfylkingarinnar um að tekinn
verði upp fjölþrepaskattur í tekju-
skattskerfinu sagði Steingrímur: „Að
því marki sem hugsunin er í átt við
okkar, þ.e. að hlífa lægri launum við
skattlagningu, þá er svarið já, en það
er ekki endilega víst að fjölþrepakerf-
ið sé einfaldasta leiðin til þess að ná
fram þeim markmiðum.“
Auk skattamála leggur VG áherslu
á aðgerðir í fjölmörgum málaflokkum
s.s. jafnréttismálum, húsnæðismál-
um, heilbrigðismálum og byggða- og
umhverfismálum. Sett eru fram for-
gangsverkefni í hverjum málaflokki í
kosningastefnuskránni. Þar er m.a.
lagt til að tekið verði upp samræmt
húsnæðisframlag innan skattkerfis-
ins í stað vaxtabóta og húsaleigubóta,
ríkið tryggi allt að 1.800 millj. króna í
sameiginlegt átaksverkefni með
sveitarfélögum til að fella niður leik-
skólagjöld í áföngum, atvinnuleysis-
bætur hækki verulega, að öllum ung-
mennum verði tryggð ókeypis
lögmannsaðstoð í opinberum málum,
veiðiheimildir verði fyrndar út úr
kvótakerfinu á 20 árum, skólagjöld
verði afnumin í opinberum skólum og
að Ísland taki upp baráttu fyrir því á
alþjóðavettvangi að skuldir fátækra
ríkja verði afskrifaðar að fullu fyrir
2010.
Vinstrihreyfingin – grænt framboð kynnir kosningaáherslur fyrir alþingiskosningarnar
Skattbyrði létt
af láglauna- og
millitekjuhópum
Morgunblaðið/Jim Smart
Fulltrúar Vinstri hreyfingarinnar – græns framboðs, Ögmundur Jónasson, Katrín Jakobsdóttir, Steingrímur J.
Sigfússon og Svanhildur Kaaber, kynna stefnu flokksins í alþingiskosningunum í vor.
STRÍÐIÐ í Írak og stuðningur ís-
lenskra stjórnvalda við hernaðar-
aðgerðir Bandaríkjanna og Bret-
lands hefur tvímælalaust áhrif á
afstöðu kjósenda í kosningunum í
vor, sérstaklega meðal ungra
kjósenda, að mati Katrínar
Jakobsdóttur, formanns Ungra
Vinstri grænna. „Það eru gríð-
arlegar áhyggjur á meðal ungs
fólks. Við höfum fundið það mjög
mikið þegar við höfum farið í
framhaldsskóla að þetta er það
mál sem brennur helst á því,“
sagði hún á fundi með frétta-
mönnum í gær, þar sem m.a. var
kynnt afstaða Vinstrihreyfing-
arinnar-græns framboðs til
stríðsátakanna í Írak.
Þar segir m.a. að Ísland geti
enn „bætt nokkuð fyrir þann álits-
hnekki og smán sem ríkisstjórnin,
með Davíð Oddsson og Halldór
Ásgrímsson í broddi fylkingar,
hefur leitt yfir okkur öll með því
að hverfa nú þegar frá stuðningi
við þetta árásarstríð og láta taka
Ísland af lista yfir þau lönd sem
styðja framgöngu Bandaríkjanna
og Bretlands í Mið-Aust-
urlöndum. Því næst ber að taka
upp baráttu fyrir því á alþjóða-
vettvangi að bardögum verði
hætt, innrásarherirnir dragi lið
sitt til baka frá Írak, samið verði
um vopnahlé, hjálparstarf hafið
af fullum krafti og vopnaeftirlit
tekið upp að nýju.
Geri ríkisstjórnin ekkert í
þessa veru er óhjákvæmilegt að
líta svo á að hún sé, í trássi við
yfirgnæfandi meirihluta lands-
manna, að gangast í pólitíska og
siðferðilega ábyrgð fyrir þeim
stórfelldu og grófu mannréttinda-
brotum sem áframhaldandi
stríðsrekstur felur í sér,“ segir í
yfirlýsingu VG.
Ísland taki til baka stuðning
við árásarstríðið
JÓN Olgeirsson, fyrr-
verandi ræðismaður
Íslands í Grimsby á
Englandi, varð bráð-
kvaddur föstudaginn
28. mars sl.
Jón Olgeirsson
fæddist í Grimsby 8.
janúar 1945 og var því
58 ára þegar hann lést.
Foreldrar hans voru
Þórarinn Olgeirsson
og Guðrún Kristjana
(Nanna) Zoëga.
Um árabil var Jón
umboðsmaður ís-
lenskra fiskiskipa sem lönduðu í
Grimsby. Hann átti meðal annars
þátt í stofnun sölufyrir-
tækisins Fylkis í
Grimsby og annaðist
umboðssölu fyrir ís-
lenska fiskútflytjendur
auk þess sem hann var
íslenskum stjórnvöld-
um innan handar í sam-
skiptum við Breta
vegna útfærslu íslensku
landhelginnar í 200 míl-
ur, en hann var m.a.
sæmdur hinni íslensku
fálkaorðu fyrir störf sín.
Jón Olgeirsson eign-
aðist tvær dætur með
eiginkonu sinni, Rosmarie, og lifa
mæðgurnar hann.
Andlát
JÓN OLGEIRSSON
ÞAÐ vakti athygli á sunnudags-
kvöld þegar Ítalinn Paolo Turchi
gerði sér lítið fyrir og vann sér
inn fimm milljónir króna í þætt-
inum „Viltu vinna milljón?“ sem
sýndur er á Stöð 2. Paolo svaraði
öllum 15 spurningum stjórnand-
ans, Þorsteins J. Vilhjálmssonar,
hárrétt og varð þar með annar
þátttakandinn í þættinum til að
vinna sér inn fimm milljónir
króna.
Í gær var efnt til fagnaðarhófs á
ítalska veitingastaðnum Galileo til
að samgleðjast Paolo og fjölskyldu
hans. Hér er það Heimir Jónasson,
dagskrárstjóri Stöðvar 2, sem af-
hendir Paolo vinninginn góða við
sama tækifæri. Morgunblaðið/Jim Smart
Fagnað með
Paolo Turchi
STJÓRN Íslensku menntasamtak-
anna (ÍMS) býst við fleiri uppsögn-
um frá starfsfólki leikskólans
Tjarnaráss í Hafnarfirði enda óttast
hún að í gangi sé „sams konar múg-
sefjun og átti sér stað í Áslands-
skóla“. Stjórnin segist ekki í vafa um
að þetta sé hluti áætlunar bæjaryf-
irvalda um að fá samtökin til að gef-
ast upp til að komast hjá því að bjóða
yfirtöku á rekstrinum.
Þetta kemur fram í yfirlýsingu frá
stjórninni sem barst Morgunblaðinu
í gær. Eins og fram kom í Morg-
unblaðinu í síðustu viku hafa ÍMS
lýst sig tilbúin til að fara í viðræður
við bæjaryfirvöld um yfirtöku á
rekstri skólans. Bæjaryfirvöld hafa á
hinn bóginn sagt að þau hafi aldrei
gefið í skyn að þau hygðust taka yfir
reksturinn. Þessu mótmælir stjórn
ÍMS og bendir á að fræðslustjóri
Hafnarfjarðar hafi sagt í blaðaviðtali
að bæjaryfirvöld væru reiðubúin til
að taka yfir reksturinn ef viðræður
við ÍMS þróuðust í þá veru. Raun-
veruleg áætlun bæjaryfirvalda sé að
fá fram uppgjöf en ekki bjóða yfir-
töku því með því komist þau hjá
greiðslum sem óhjákvæmilega fylgi
yfirtöku.
„Við erum ekki í vafa um að þetta
sé hluti áætlunar bæjaryfirvalda um
að fá okkur til að gefast upp og við
búumst við sams konar múgsefjun
og átti sér stað í Áslandsskóla, þegar
starfsfólk lagði fram uppsagnir á
eina fundi sínum með ÍMS eftir að
bæjaryfirvöld og yfirmaður kenn-
arasambandsins unnu saman að yf-
irtöku Áslandsskóla. ÍMS eru að
skipuleggja fund með starfsfólki.“
ÍMS óttast múgsefjun
eins og í Áslandsskóla