Morgunblaðið - 09.04.2003, Blaðsíða 51
MORGUNBLAÐIÐ MIÐVIKUDAGUR 9. APRÍL 2003 51
SÍÐASTLIÐIÐ föstudagskvöld fóru
úrslit fram í MORFÍS, Mælsku- og
rökræðukeppni framhaldsskóla á
ÍSlandi. Til úrslita kepptu Verzl-
unarskóli Íslands og Menntaskólinn
í Reykjavík og fór fyrrnefndi skól-
inn með sigur af hólmi. Leikar fóru
fram í Austurbæ en umræðuefnið
var „Eru karlmenn að standa sig
illa?“. Verzlingar mæltu á móti, og
sögðu karlmenn þvert á móti standa
sig vel. Geta karlmenn því borið
höfuðið hátt, af rökum ræðuliðs
Verzlunarskólans að dæma.
Alls voru gefin ríflega 3.000 stig í
keppninni og skildu ekki nema 26
stig liðin að. Ræðumaður kvöldsins
og þar með ræðumaður Íslands var
valinn stuðningsmaður MR-inga,
Jóhann Alfreð Kristinsson. Auk
hans skipuðu lið MR þeir Einar Örn
Gíslason liðsstjóri, Árni Egill Örn-
ólfsson frummælandi og Einar Sig-
urjón Oddsson meðmælandi.
Morgunblaðið setti sig í samband
við liðsstjóra Verzlinga, Baldur
Kristjánsson, en hann er jafnframt
nýbakaður forseti Nemendafélags
skólans. Honum til fulltingis voru
þeir Björn Bragi Arnarsson frum-
mælandi, Jónas Oddur Jónasson
meðmælandi og Breki Logason
stuðningsmaður.
„Þetta voru þrotlausar æfingar
ca. viku fyrir keppni,“ upplýsir
Baldur og er að vonum ánægður
með árangurinn góða.
„Efnið er rökrætt fram og aftur
og reynt að sjá allar hliðar áður en
ákveðið er hvaða pól skal taka. Við
nutum góðs af reynslu þjálfaranna
okkar, en þeir voru Eirikur Sördal,
Hafsteinn Þór Hauksson og Ómar
Örn Bjarnason.“
Baldur segir að ekki sé æft allt
árið, líkt og gert sé í Gettu betur.
Hins vegar sé innanskólakeppni
haldin á skólaárinu og þar séu kom-
andi liðsmenn iðulega uppgötvaðir.
En þrátt fyrir gott gengi liðsins er
Baldur ekki alls kostar sáttur við
þróun keppninnar sjálfrar.
„Þar kemur margt til,“ útskýrir
hann. „T.d. hefur þetta alltaf verið
haldið í Háskólabíói en í ár komust
færri að en vildu, þar sem Aust-
urbær er minni. Þá hefur þessu allt-
af verið sjónvarpað en því var ekki
að heilsa í ár. Mér finnst þessi
keppni eiga meira skilið og ég tel
hana vera stærri en svo. Það þarf að
rífa þetta upp.“
Gagnrýnar raddir hafa sagt að á
tímabili hafi keppnin verið komin út
í fullmikil fíflalæti.
„Húmorinn hefur alltaf spilað
ríkan þátt í þessu,“ segir Baldur.
„En ég er á því að rökin eigi að vera
í forgrunni enda er þetta mælsku-
og rökræðukeppni. Við í Verzl-
unarskólanum höfum a.m.k. lagt á
það ríka áherslu.“
Baldur segir aðspurður að lið sitt
hafi verið skipað mjög ólíkum ein-
staklingum; sá flippaði, sá yfirveg-
aði og sá trausti – allir hafi þeir ver-
ið þarna. Sjálfum sér lýsir hann sem
einhvers konar blöndu af þessu öllu.
„En nú er það skólinn,“ segir
Baldur og viðurkennir að hann hafi
setið á hakanum að undanförnu. En
eins og sönnum Íslendingi sæmir er
hann bjartsýnn og má líka vel vera
það.
„Þetta reddast!“ segir hann því
að lokum og brosir.
Verzlunarskóli Íslands sigraði í MORFÍS
Karlmenn í
góðum málum
Morgunblaðið/Golli
Kátir MORFÍS-kappar: Björn Bragi, Jónas Oddur, Breki og Baldur.
TENGLAR
.....................................................
www.morfis.is
Nýr og betriHverfisgötu 551 9000
www.regnboginn.is
Sýnd kl. 10.20. B.i. 16. Sýnd kl. 8.Sýnd kl. 5.30. B.i. 12.
HK DV
ÓHT Rás 2
Kvikmyndir.com
6 ÓSKARSVERÐLAUNM.A. BESTA MYNDIN
SV MBL
HJ MBL
HK DV
Kvikmyndir.com
NICOLE KIDMAN BESTA LEIKKONA Í
AÐALHLUTVERKI
2 ÓSKARS-VERÐLAUN
ÓHT Rás 2
kvikmyndir.com
Sýnd kl. 5.20, 8 og 10.40. B.i 14.
Epísk stórmynd í anda The English
Patient. Frá leikstjóra Elizabeth. Með
stórstjörnunum Kate Hudson og
Heath Ledger. Missið ekki af þessari!
Sýnd kl. 5.30, 8 og 10.20. Bi 12. Sýnd kl. 5.40, 8 og 10.20. B.i 12
www.laugarasbio.is
RADIO X
KVIKMYNDIR.COM
SG DV
ÓHT RÁS 2
Sýnd kl. 8 og 10. B.i. 16. Sýnd kl. 5.30.
Þegar röðin er komin að þér
þá flýrðu ekki dauðann!
SV MBL
Jackie Chan og Owen Wilson eru mættir aftur ferskari
en nokkru sinni fyrr í geggjaðri grínspennumynd.
Sýnd kl. 5.45, 8 og 10.15.
Sýnd kl. 6, 8 og 10. B.i. 12.
KVIKMYNDIN
Hafið verður
frumsýnd víðast
hvar í vor eða
haust, að sögn
Baltasar Kor-
máks, leikstjóra
myndarinnar, sem
hefur farið víða að
undanförnu til að
kynna myndina.
Baltasar fór m.a. til
Finnlands og Noregs til að kynna hana
og hlaupa viðtölin á tugum.
Í Helsinki var myndin fyrst sýnd
völdum gestum í útibíói við kaffihúsið
Engel á aðaltorgi borgarinnar og létu
áhorfendur kuldalegt veður ekki á sig
fá.
Hafið tekur ennfremur þátt í yfir-
standandi hátíð tileinkaðri evrópskri
kvikmyndagerð í Lecce á Ítalíu, Festi-
val of European Cinema.
Áætlað er að myndin fari samtals á
milli 40 og 50 kvikmyndahátíðir, að
sögn Baltasars, allt frá Danmörku til
Hong Kong.
Ljóst er að Baltasar er þó spennt-
astur fyrir því þegar öldur Hafsins
brotna við Ameríkustrendur en myndin
verður frumsýnd vestra 23. maí. „Hún
er búin að fara út um allan heim og er á
miklu ferðalagi. Stærsta málið er þessi
opnun í Bandaríkjunum, sem er sögu-
leg í íslensku samhengi. Þetta er lang-
viðamesta dreifing sem íslensk kvik-
mynd hefur farið í í Bandaríkjunum.“
Baltasar heldur út á undan myndinni
til að sinna kynningarstarfi. „Ég er að
fara til Bandaríkjanna í lok þessa mán-
aðar í ferðalag um öll Bandaríkin. Ég er
að fara til New York, San Francisco,
Los Angeles og Washington til að
kynna hana. Myndin kemur hálfum
mánuði síðar.“
Baltasar var einnig tíður gestur í
norskum fjölmiðlum þegar hann dvaldi
þar á dögunum. Verdens Gang birti
grein um uppfærslu á Litlu hryllings-
búðinni, sem Baltasar kom að í Noregi
fyrir tveimur árum, á neikvæðum nót-
um og ásökuðu leikarar úr sýningunni
hann um fjármálaóreiðu.
Baltasar segir málið vera mesta mis-
skilning. „Það kom grein daginn eftir
þar sem lögfræðingur leikaranna sagði
að þetta væri bull,“ segir hann en þriðja
daginn birtist síðan jákvætt heilsíðuvið-
tal við Baltasar. „Þeir hlupu soldið á sig.
Þeir reyndu að henda kökum í mig en
þær enduðu bara í andlitinu á þeim
sjálfum. Það var engin frétt í þessu.
Verdens Gang var eina blaðið sem
fjallaði eitthvað um þetta,“ segir hann.
Á leið til Bandaríkjanna
Hafið
á ferð
og flugi
Hilmir Snær leikur
eitt aðalhlutverkið
í Hafinu.