Morgunblaðið - 29.04.2003, Qupperneq 19

HÖFUÐBORGARSVÆÐIÐ
MORGUNBLAÐIÐ ÞRIÐJUDAGUR 29. APRÍL 2003 19
SKÓLANEFND Seltjarnarnesbæj-
ar hefur samþykkt að fela starfshópi
sem undirbýr breytingar og endur-
bætur á Mýrarhúsaskóla að skoða
sérstaklega, í samráði við fagaðila,
hvar hægt er að koma fyrir eldunar-
aðstöðu og matsal fyrir nemendur
Mýrarhúsaskóla. Starfshópnum er
falið að koma með tillögur til skóla-
nefndar. Stefnt er að því að koma upp
mötuneyti og matsal sem fyrst og
jafna þannig aðstöðu nemenda á Sel-
tjarnarnesi. Skólanefnd samþykkti
einnig á fundi sínum á dögunum að
kaup á matarbökkum fyrir nemendur
Mýrarhúsaskóla væru fyrst og fremst
bráðabirgðalausn.
Fulltrúar Neslistans í bæjarstjórn
Seltjarnarness fagna því í bókun sinni
frá fundi í síðustu viku að loks hefur
verið ákveðið að koma upp mötuneyti
í Mýrarhúsaskóla og jafna þannig að-
stöðu nemenda á Seltjarnarnesi.
„Þetta mál hefur verið baráttumál
Neslistans undanfarin ár og verið til
umræðu í bæði skólanefnd og bæjar-
stjórn. Neslistinn hefur ítrekað bókað
og flutt tillögur um málið í bæjar-
stjórn en hingað til án árangurs. En
nú virðist loks vera komin samstaða
um málið og ber að fagna því.“
Mötuneyti
í Mýrar-
húsaskóla
Seltjarnarnes
TILLAGA að breytingu á deiliskipu-
lagi Spangarinnar í Grafarvogi er nú
auglýst. Spöngin afmarkast af Borg-
arvegi, Spönginni, Móavegi og Mosa-
vegi.
Tillagan tekur til allra lóða við
Spöngina með lóðarnúmer 1 og 7-47
og gerir m.a. ráð fyrir sameiningu lóð-
arhluta þannig að stök númer frá 7-41
við Spöngina verði á sameiginlegri
lóð. „Segja má að tillagan geri ráð fyr-
ir makaskipti á lóðum,“ útskýrir
Ágústa Sveinbjörnsdóttir hjá skipu-
lagsfulltrúa Reykjavíkur. „Lóð sem
ætluð var fyrir útibú Borgarbóka-
safns er lögð af og sameinuð versl-
unarlóð til að hægt sé að stækka
verslun Bónuss og í staðinn er gert
ráð fyrir byggingarreit fyrir útibú
borgarbókarsafn og aðra skylda starf-
semi sunnan við Spöngina á rýmri lóð
sem ætluð var fyrir skyndabitastað og
smurstöð. Lóð sem ætluð var fyrir
leigubílastaur hefur verið stækkuð og
er þar komið fyrir byggingarreit fyrir
skyndibitastað. Með tillögunni er ver-
ið að flytja til og rýmka um fyrirhug-
aða starfsemi.“
Í gögnum sem fylgja tillögunni seg-
ir að heimiluð sé stækkun á verslunar-
húsi á lóð númer 9 en niður fellur
byggingarréttur á lóð nr. 7. Spöngin 1
er stækkuð úr um það bil 1.000 í um
1.850 m² og nýtingu breytt þannig að
að þar megi byggja allt að 350 m² veit-
ingastað með allt að 35 bílastæðum og
möguleika á afgreiðslu á skyndibitum
um lúgu. Séð verður fyrir stæðum
fyrir leigubíla á sameiginlegu bíla-
stæði verslunarmiðstöðvar.
Einnig gerir tillagan ráð fyrir að
lóðir nr. 43 og 45 verði ætlaðar fyrir
útibú Borgarbókasafns eða skylda
starfsemi. Gert er ráð fyrir stækkun
lóðarinnar til austurs í um það bil
3.600 m² og að nýtingarhlutfall geti
orðið allt að 0,5.
Tillagan liggur frammi í upplýs-
ingaskála skipulags- og byggingar-
sviðs í Borgartúni 3, 1. hæð til 4. júní
nk. Einnig er hægt að skoða tillöguna
á heimasíðu skipulags og byggingar-
sviðs, skipbygg.is. Eru þeir sem telja
sig eiga hagsmuna að gæta hvattir til
að kynna sér tillöguna. Ábendingum
og athugasemdum við hana skal skila
skriflega til skipulagsfulltrúa eigi síð-
ar en 4. júní 2003.
Þeir sem ekki gera athugasemdir
innan tilskilins frests teljast sam-
þykkja tillöguna.
Morgunblaðið/Kristinn
Samkvæmt tillögu að deiliskipulagi Spangarinnar má byggja þar 350 fer-
metra skyndibitastað og fleiri bílastæði.
Stærri lóðir og
skyndibitastaður
Spöngin
Deiliskipulag Spangarinnar auglýst
HÁSKÓLANEMAR og grunn-
skólabörn sem hafa kynnst í
gegnum mentorverkefnið Vináttu
hittust og skemmtu sér saman í
Fjölskyldu- og húsdýragarðinum
um helgina þar sem farið var í
leiki og borðað saman.
Mentorverkefnið Vinátta felst í
því að háskólastúdentar verja
þremur stundum á viku á skóla-
árinu í samveru með grunn-
skólabörnum á aldrinum 7–12 ára
og veita þeim stuðning og hvatn-
ingu. Í vetur voru þátttakendur
144, 72 grunnskólanemar og 72
mentorar.
Um er að ræða þriggja ára til-
rauna- og þróunarverkefni, byggt
á alþjóðlegri fyrirmynd. Það hófst
haustið 2001 í samvinnu við Há-
skóla Íslands, Kennaraháskóla Ís-
lands og tvo grunnskóla í Reykja-
vík en styrktaraðili þess er
Velferðarsjóður barna á Íslandi.
Skólaárið 2001–2002 tóku 35
stúdentar og jafnmargir grunn-
skólanemar þátt í verkefninu og
hefur þáttaka aukist um meira en
helming skólaárið 2002–2003. Þá
hafa þrír skólar bæst við og eru
þeir alls fimm á þessu ári, Austur-
bæjar-, Breiðagerðis-, Fella-, Há-
teigs- og Langholtsskóli.
Í verkefninu er lögð áhersla á
gagnkvæman ávinning og hags-
muni samfélagsins af því að börn
og ungmenni læri af aðstæðum
hvert annars. Nemendur háskól-
anna fá tækifæri til að verða fyr-
irmynd og jákvætt afl í lífi grunn-
skólabarna og börnin fá tækifæri
til að mynda tengsl við þroskaðan
aðila utan fjölskyldunnar.
Um helmingur barnanna í men-
torverkefninu Vináttu er af er-
lendum uppruna og í samskiptum
kynnast mentorar og börn menn-
ingu hvert annars.
Morgunblaðið/Brynjar Gauti
Mentorar og grunnskólanemar hittust og skemmtu sér saman um helgina.
Lok mentorverkefnisins Vináttu í Húsdýragarðinum
Læra af
aðstæð-
um hvert
annars
FIMMTUDAGINN 1. maí verður
opið hús á Króki milli kl. 14 og 16.
Menningar- og safnanefnd Garða-
bæjar býður Garðbæingum sem og
öðrum íbúum höfuðborgarsvæðisins
velkomna á Krók.
Krókur á Garðaholti er lítill báru-
járnsklæddur burstabær sem var
endurbyggður úr torfbæ árið 1923.
Bærinn er í dag með þremur burst-
um en árið 1923 var miðburst bæj-
arins byggð og bæjarhúsin þá aðeins
baðstofa og eldhús auk lítils skúrs
við útidyrnar. Krókur er í nágrenni
samkomuhússins á Garðaholti.
Síðustu ábúendur á Króki voru
Þorbjörg Stefanía Guðjónsdóttir og
Vilmundur Gíslason. Í Króki var bú-
ið allt til ársins 1985 þegar Þorbjörg
lést. Afkomendur Þorbjargar og Vil-
mundar í Króki gáfu Garðabæ bæj-
arhúsin í Króki ásamt útihúsum og
innbúi árið 1998 með því skilyrði að
bærinn yrði endurbyggður. Jón
Nordsteien arkitekt stjórnaði endur-
gerð bæjarins og Einar Hjartarson
húsasmíðameistari var fenginn til að
vinna verkið. Systurnar Elín og Vil-
borg Vilmundardætur höfðu umsjón
með uppröðun húsmuna. Bærinn er
gott dæmi um húsakost og lifnaðar-
hætti alþýðufólks á þessum lands-
hluta á fyrri hluta 20. aldar.
Í sumar verður Krókur opinn fyrir
almenning einu sinni til tvisvar í
viku. Sumaropnun verður auglýst
nánar síðar.
Opið hús á Króki 1. maí
Garðabær