Morgunblaðið - 06.09.2003, Blaðsíða 16

ERLENT
16 LAUGARDAGUR 6. SEPTEMBER 2003 MORGUNBLAÐIÐ
FORINGI í Hamas, herskárri
hreyfingu Palestínumanna, og ísr-
aelskur hermaður biðu bana í Nabl-
us á Vesturbakkanum í gær þegar
ísraelskir hermenn reyndu að hand-
taka Hamas-manninn.
Talsmaður Ísraelshers sagði að
Hamas-foringinn, Mohammed al-
Hanbali, 27 ára, hefði verið leiðtogi
vopnaðs hóps Hamas í Nablus og
staðið fyrir drápum á tugum Ísraela,
m.a. nítján sem létu lífið í sprengju-
tilræði í Jerúsalem í júní í fyrra.
Ísraelsher sagði að Hanbali hefði
hleypt af byssu á hermennina þegar
þeir hefðu króað hann af á fjórðu
hæð sjö hæða byggingar sem var
seinna sprengd í loft upp eftir að
íbúunum hafði verið skipað að fara
út úr henni.
Einn hermannanna féll í árásinni
og fjórir þeirra særðust, þar af einn
alvarlega. Hanbali er tólfti Hamas-
maðurinn sem fallið hefur í árásum
Ísraelshers frá því að ísraelsk yf-
irvöld lýstu yfir allsherjarstríði á
hendur hreyfingunni í vikunni sem
leið. Ísraelar segjast hafa rétt til að
ráðast á vopnaða liðsmenn Hamas
þar sem Mahmud Abbas, forsætis-
ráðherra Palestínumanna, hefur
neitað að skera upp herör gegn
hreyfingunni af ótta við borgara-
styrjöld.
Abbas sakaður
um svik
Abbas áréttaði þessa afstöðu sína
í ræðu sem hann flutti á palestínska
þinginu í fyrradag og kvaðst ætla að
reyna að semja um vopnahlé við
Hamas. Hann sagði að samninga-
viðræðurnar hefðu verið hafnar á
ný.
Arabíska dagblaðið Al-Hayat
sagði hins vegar að viðræðurnar,
sem fóru fram í Kaíró, hefðu farið út
um þúfur á miðvikudag.
Silvan Shalom, utanríkisráðherra
Ísraels, sagði að sú afstaða Abbas að
reyna að semja við Hamas fremur
en að skera upp herör gegn hreyf-
ingunni væri „mjög alvarleg“. „Líkt
og Yasser Arafat [leiðtogi Palestínu-
manna] neitar hann að leysa hryðju-
verkahópana upp og, rétt eins og
Arafat, svíkur hann loforðin sem
hann hefur gefið.“
AP
Palestínumenn í Nablus virða fyrir sér rústir sjö hæða byggingar sem Ísraelsher sprengdi í loft upp í gær.
Hamas-foringi
og ísraelskur
hermaður falla
Nablus. AFP.
STJÓRN Kína sagðist í gær sam-
þykkja þá ákvörðun yfirvalda í
Hong Kong að falla í bili frá um-
deildri lagasetningu um aðgerðir
gegn undirróðri og niðurrifsstarf-
semi en lögin hafa mætt mikilli and-
spyrnu meðal íbúa borgarinnar. Í
yfirlýsingu Kínastjórnar sagði að í
lögunum um sérréttindi Hong Kong
innan ríkisins væru ákvæði um að
málefni af umræddu tagi væru á
ábyrgð yfirvalda í borginni sjálfri.
Tung Chee-hwa, æðsti fulltrúi
kínverskra stjórnvalda í Hong
Kong, sagði ákvörðunina tekna
vegna þess hve áhyggjufullir borg-
arbúar hefðu verið vegna laganna.
Þá sagðist hann hafa orðið var við
það að borgarbúar hefðu fyrst og
fremst haft áhyggjur af áhrifum
þeirra á efnahag borgarinnar og að
hann vonaðist til að afturköllunin
yrði til þess að glæða efnahaginn.
Er Hu Jintao, forseti Kína og Wen
Jiabao forsætisráðherra heimsóttu
Hong Kong í lok júlí lögðu þeir hart
að Tung að koma tillögunum í gegn
um þing borgarinnar.
Fréttamaður BBC segir að
stjórnvöld í Peking muni nú reyna
að breiða yfir ósigurinn með því að
benda á að þau hafi með ákvörðun
sinni sýnt að þau virði sérréttindin
sem samið var um að Hong Kong
myndi njóta fyrstu 50 árin undir
kínverskri stjórn. Kína fékk á ný yf-
irráð borgarinnar í sínar hendur ár-
ið 1997 er Bretar hurfu þaðan.
Efnahag borgarinnar hefur hrakað
mjög síðustu árin og óvinsældir
Tungs aukist að sama skapi.
Talið er að fjölmennustu mót-
mæli í sögu borgarinnar hafi farið
fram er lögunum var mótmælt í júlí.
Þá lögðu um 500.000 þátttakendur í
aðgerðunum áherslu á ótta sinn við
að lögin myndu skerða pólitískt
frelsi.
Lög gegn undir-
róðri í Hong Kong
dregin til baka
Peking, Hong Kong. AFP.
GÓÐUR meirihluti er fyrir því á
danska þinginu, að áfengissjúk-
lingum verði gefinn kostur á
eins konar nauðungarmeðferð
við sjúkdómnum. Þá er átt við,
að samþykki þeir það sjálfir,
verða þeir lokaðir inni þar til
meðferð lýkur. Ekki eru allir á
einu máli um ágæti hugmynd-
arinnar en hún endurspeglar
vaxandi umræðu um áfengisböl-
ið og þann mikla kostnað, sem
það hefur í för með sér fyrir
samfélagið, jafnt fjárhagslegan
sem félagslegan.
Það eru jafnaðarmenn, sem
eru í stjórnarandstöðu, sem
leggja þetta til en ein megin-
áherslan í fjárlagatillögum
þeirra er aukin barátta gegn
áfengis- og vímuefnavandanum.
Sandy Brinck, talsmaður jafn-
aðarmanna í félagsmálum, sagði
er hún kynnti tillöguna, að
hugsanlega væru gerðar allt of
miklar kröfur til margra illa
haldinna áfengissjúklinga enda
mjög algengt, að þeir gæfust
upp og gengju út af meðferð-
arstofnunum. Kom þetta fram á
fréttavef Jyllands-Posten í gær.
Eva Kjer Hansen, talsmaður
Venstre, fagnaði tillögunni og
kvaðst vilja hafa um hana sam-
starf við jafnaðarmenn og þá
hefur Danski þjóðarflokkurinn
einnig lýst stuðningi við hana.
250.000 í brýnni þörf
Mads Uffe Pedersen, for-
stöðumaður vímuefnarann-
sóknastofu við Árósaháskóla,
telur tillöguna miða í rétta átt
en óttast samt, að hún muni
litlu breyta. Meginvandinn sé
sá, að allt of fáir áfengissjúk-
lingar leiti sér hjálpar og með-
ferðarúrræðin auk þess ekki
nógu góð. Telur hann, að
250.000 Danir þurfi á tafarlausri
hjálp að halda og áætlar, að
annar eða báðir foreldrar 60.000
barna séu ofurseldir áfengis-
fíkninni.
Aðrir sérfræðingar benda á,
að nauðung beri sjaldan góðan
ávöxt auk þess sem það sé ekki
hægt að svipta fólk réttindum
sínum hvað sem líði undirskrift
þess. Til að svipta fólk sjálfræði
þurfi það að vera haldið alvar-
legum geðkvilla.
AP
Drukkinn maður leggst til svefns á gangstétt í San Francisco.
Nýjar hugmyndir
um áfengismeðferð
Danska þingið tekur vel í
sjálfviljuga nauðungarvistun
HEIMAVARNARÁÐUNEYTIÐ í
Bandaríkjunum hefur varað við því
að hryðjuverkamenn al-Qaeda
kunni að reyna að ræna flugvélum,
sem fljúga yfir Bandaríkin eða ná-
lægt þeim án þess að lenda þar, til
að fljúga þeim á bandarískar bygg-
ingar. Ráðuneytið segist hafa fengið
leyniþjónustugögn um að hryðju-
verkamennirnir kunni að grípa til
þessa ráðs vegna hertra öryggisráð-
stafana í Bandaríkjunum eftir
hryðjuverkin fyrir tæpum tveimur
árum.
Fréttasjónvarpið CNN hafði eftir
embættismanni í ráðuneytinu að
flestar flugvélanna, sem passa við
þessa lýsingu, fljúgi til eða frá Kan-
ada. Bandarískir embættismenn
hafi því að undanförnu unnið með
kanadískum yfirvöldum að því að
efla öryggisgæslu á kanadískum
flugvöllum. Bandarískir embættis-
menn segja hins vegar ekki vera
forsendur fyrir því í alþjóðalögum
að Bandaríkin krefjist þess af öðr-
um ríkjum að öryggisgæsla verði
efld vegna flugs sem ekki er á leið
til Bandaríkjanna.
Árásir á mannvirki?
Heimavarnaráðuneytið hefur
einnig varað við því að hryðjuverka-
menn kunni að gera árásir á ýmis
mikilvæg mannvirki í Bandaríkjun-
um, meðal annars orkuver, eða staði
þar sem öryggisgæsla er lítil, svo
sem veitingahús, hótel og fjölbýlis-
hús. Þá hefur verið varað við því að
liðsmenn al-Qaeda kunni að reyna
að dreifa sýklum og eiturefnum með
því að koma þeim í vatns- og
matvælabirgðir.
Fjögurra manna leitað
Bandaríska alríkislögreglan, FBI,
tilkynnti í gær að hún hefði hafið
leit út um allan heim að fjórum
mönnum sem grunaðir eru um að
vera viðriðnir hryðjuverkasamsæri.
Mennirnir eru Adnan G. El Shukrij-
umah, 28 ára Sádi-Arabi, Karim El
Mejjat, 35 ára Marokkómaður með
franskt vegabréf, Zubayr Al-Rimi,
29 ára Sádi-Arabi, og Abderraouf
Jdey, 38 ára Túnismaður.
Varað
við flug-
ránum
Washington. AP.
Öryggisgæsla
efld á kanadísk-
um flugvöllum
BRESKA lögreglan rannsakar nú
skuldabréf að nafnvirði nærri 7
milljarða punda, nærri 900 millj-
arða króna, sem lagt var hald á í
aðgerðum gegn kólumbískum fíkni-
efnahring. Enn er óljóst hvort
skuldabréfin eru fölsuð en séu þau
það ekki er ljóst að um er að ræða
eitthvert þyngsta högg sem alþjóð-
legir fíkniefnasalar hafa orðið fyr-
ir.
Er sérsveitir lögðu til atlögu við
hús mannanna í London og Essex-
héraði var aðeins gert ráð fyrir að
finna þar fíkniefni en skuldabréfin
umræddu voru eins og hver annar
happafengur. Einnig var lagt hald
á um 55 þúsund e-töflur, 15 kg af
amfetamíndufti og bíla, skartgripi,
fasteignir og reiðufé sem metið er á
alls um 7 milljónir punda, um 900
milljónir króna.
Fram kemur á fréttavef breska
ríkisútvarpsins, BBC, að aðgerð-
irnar fóru fram í júlí og ágúst en
ekki var skýrt frá þeim fyrr en nú
til að gefa lögreglu í Kólumbíu tóm
til að fylgja þeim eftir þar í landi.
Skrifstofa ríkissaksóknaraemb-
ættisins í Bogota, höfuðborg Kól-
umbíu, skýrði frá málinu í gær. Níu
Bretar voru handteknir og ákærðir
fyrir að leggja á ráðin um að flytja
inn kókaín og e-töflur. Mennirnir
voru úrskurðaðir í gæsluvarðhald í
Bretlandi í sumar en mál þeirra
verður tekið fyrir í nóvember. Fjór-
ir til viðbótar voru handteknir í
Bretlandi en þeim hefur verið
sleppt. Þá voru tveir handteknir í
Kólumbíu.
Lögregla í Kólumbíu segir að um
sé að ræða mikilvægan áfanga í
baráttunni gegn fíkniefnasölu og
peningaþvætti. Talið er að fíkniefn-
in hafi verið send frá Kólumbíu til
Evrópu gegnum Ekvador og
Mexíkó. Meira berst af kókaíni á al-
þjóðlegan markað frá Kólumbíu en
nokkru öðru ríki í heiminum.
Baráttan gegn fíkniefnahringjum
Bretar leggja
hald á skuldabréf
London. AP.