Morgunblaðið - 06.09.2003, Blaðsíða 28

ÁRBORGARSVÆÐIÐ
28 LAUGARDAGUR 6. SEPTEMBER 2003 MORGUNBLAÐIÐ
HANN heitir Úlfar Jón Andrésson,
er einungis 15 ára gamall, en hann
og fjölskylda hans leggja töluvert á
sig til þess að hann geti stundað
eftirlætisíþróttina sína. Úlfar fer til
Reykjavíkur í það minnsta sex daga
í viku til að taka þátt í æfingunum
og leikjum. Sú íþróttagrein sem
heillaði Úlfar er hokkí. „Ég byrjaði
um jólin, þegar ég var sex ára. Ég
sá þetta í sjónvarpinu og fékk í
framhaldi af því skauta í jólagjöf,“
segir Úlfar Jón. Síðan hefur hann
æft á hokkískautum.
Í fyrra æfði Úlfar sex sinnum í
viku, alla daga nema laugardaga.
Leikir eru oftast um helgar og þá
ýmist á laugardögum eða sunnu-
dögum. Einu sinni í viku fer Úlfar í
bæinn á æfingu fyrir skóla, þá
stendur æfingin frá klukkan sex til
sjö um morguninn. Foreldrar Úlf-
ars, þau Steinunn Sigurðardóttir og
Andrés Úlfarsson, hafa stutt hann
dyggilega í hokkíinu og keyra hann
alltaf í bæinn á æfingar. „Að vísu
voru æfingarnar hjá Sólveigu syst-
ur minni oft á sama tíma og mínar
æfingar í fyrra og mamma og pabbi
voru svo heppin að hún er komin
með bílpróf og gat keyrt,“ segir
Úlfar. Fram að þeim tíma hafa for-
eldrarnir keyrt hann í bæinn og eft-
ir því sem Úlfar segir aldrei orðið
neitt verulega leið á því. Sólveig
systir Úlfars hefur stundað list-
dans, eða syncro sem er hópdans, í
mörg ár og m.a. tekið þátt í heims-
meistaramótum síðustu árin.
Stefnir á framhaldsnám
erlendis
En hvernig sér Úlfar framtíðina
fyrir sér. „Mig langar til að komast
í framhaldsnám þar sem ég get
stundað hokkí með náminu. Ég er
lítið farinn að kanna það en langar
mest að fara til Svíþjóðar eða
Bandaríkjanna. En ég verð alltaf í
hokkíinu, þegar ég hætti að keppa
þá fer ég í Old boys og verð þar til
sjötugs.“ Í sumar sem leið var Úlf-
ari ásamt Elmari, frá Skautafélagi
Akureyrar boðið á námskeið í Finn-
landi. „Tveimur til fjórum bestu frá
hverju landi, þar sem hokkí er spil-
að, var boðið til Finnlands og við
Elmar vorum valdir og vorum í æf-
ingabúðunum þar í viku. Þaðan fór
ég til Svíþjóðar og hitti félaga mína
úr Skautafélagi Reykjavíkur. Í
Landskrona í Svíþjóð vorum við í
hokkískóla í eina viku. Að þeirri
viku liðinni fórum við tveir til Dan-
merkur í hokkískóla. Sá skóli er
rétt fyrir utan Kaupmannahöfn, að
því loknu var flogið aftur heim til
Íslands. Sá sem þjálfaði okkur í
Danmörku, er þjálfari besta hokkí-
liðs Danmerkur, liðið hefur orðið
Danmerkurmeistarar sl. 10 ár.
Hann bauð okkur að koma og æfa
með sínu liði í viku í vetur.“
Um þessar mundir æfir Úlfar og
leikur með þriðja, öðrum, fyrsta og
meistaraflokki, og segir hann að
hann geti aðeins leikið upp fyrir sig
í aldri. Eftir mánuð fer hann út til
Svíþjóðar að keppa og síðastliðinn
vetur varð hann ásamt leikmönnum
yngri en átján ára heimsmeistarar í
þriðju deild. Hvað kemur strák úr
Hveragerði til að stunda íþrótt sem
eingöngu er hægt að æfa í Reykja-
vík? „Þetta er hraði, harka og bara
ótrúlega skemmtilegt, ég hætti
þessu aldrei,“ segir Úlfar og við-
urkennir ekki að hafa nokkru sinni
hugsað um að sleppa einni æfingu.
En hefur hann ekki smitað strák-
ana hér og fengið þá til að koma og
æfa hokkí. Úlfar segir að margir
hafi ætlað að byrja, en það nenni
enginn að keyra svona langt á æf-
ingar.
Rekur eigið fyrirtæki
Undanfarin þrjú sumur hefur
Úlfar tekið að sér að slá garða fyrir
fólk og rekur sitt eigið fyrirtæki.
Foreldrar hans og systir keyra fyr-
ir hann kerruna með vélunum, um
bæinn. Úlfar segist að meðaltali
geta slegið sjö garða á dag, hann
þurfi að kaupa sér eina sláttuvél á
ári sem kosti u.þ.b. sextíu þúsund,
en hann hafi ágætt upp úr þessu.
Þegar hann hóf reksturinn fyrir
þremur árum, sendi hann vélarnar í
viðgerð til Reykjavíkur en „núna
gerum við pabbi við allt sjálfir“.
Leikur hokkí í
fjórum deildum
Hveragerði
Morgunblaðið/Margrét Ísaksdóttir
Úlfar Jón á ísnum, ásamt föður sínum, Andrési Úlfarssyni.
HEIÐURSHJÓNIN Jóhannes Guð-
mundsson og Auðbjörg Guðmunds-
dóttir á Illugastöðum buðu ásamt
fjölskyldu sinni til mikillar veislu
þann 29. ágúst s.l. Tilefnið var 90 ára
afmæli Jóhannesar og einnig að þau
hjón áttu 60 ára brúðkaupsafmæli í
júní sl. Fjöldi fólks heimsótti þau
hjón í góðu veðri og nutu veislufanga
í tjaldi á hlaðinu. Gestum var síðan
heimilt að ganga um hinn sögufræga
bæ og skoða húsakynni og einstætt
innbú þeirra hjóna, sem um margt
minnir á ættarsafn. Sjálft húsið hef-
ur fengið vandað viðhald að hluta og
er margt innanstokks upprunalegt.
Morgunblaðið/Karl Ásgeir Sigurgeirsson
Á myndinni eru Jóhannes og Auðbjörg með Jónínu dóttur sinni (lengst til
vinstri á myndinni) og Bjarneyju Valdemarsdóttur tengdadóttur.
Afmælisveisla á
Illugastöðum
Hvammstangi
BRÚARHLAUP Selfoss fer fram í
13. skipti í dag, laugardaginn 6.
september. Keppnisvegalengdir
verða, hálfmaraþon (21,1 km), 10
km, 5 km og 2,5 km. Einnig er
keppt í hjólreiðum 5 km (malbik)
og 12,5 km (leiðin er bæði malbik
og malarvegur). Tímataka er í öll-
um vegalengdum, bæði hlaupa og
hjólreiða.
Allir hlauparar og hjólreiða-
menn verða ræstir á Ölfusárbrú.
Hjólreiðar hefjast kl. 13:00, hálf-
maraþon kl. 13:30 og aðrar vega-
lengdir kl. 14:00.
Allir þátttakendur fá við skrán-
ingu keppnisbol og verðlaunapen-
ing við komu í mark. Skráning-
argjöld eru 1000,- kr fyrir 12 ára
og eldri og 500,- kr fyrir 11 ára og
yngri, í allar keppnisgreinar.
Allar hlaupaleiðir eru löggildar
og mældar upp af viðurkenndum
aðila.
Skráning hefur farið fram und-
anfarna daga en fer einnig fram á
hlaupadag frá kl. 10:00 í Hótel Sel-
foss. Afhending keppnisgagna er á
hlaupadag í Hótel Selfoss frá kl.
10:00.
Verðlaun eru veitt fyrir þrjú
fyrstu sætin í hálfmaraþoni, bæði
kyn. Einnig fyrir fyrsta sæti í 10
km hlaupi, bæði kyn. Einnig verða
dregin út útdráttarverðlaun úr
hópi allra keppenda.
Úrslit verða birt á hlaupasíð-
unni, Hlaup.is og á heimasíðu
sveitarfélagsins Árborgar, Árborg-
.is.
Morgunblaðið/Sigurður Jónsson
Ölfusárbrú er alltaf þéttskipuð hlaupurum þegar þeir leggja af stað í Brú-
arhlaupið. Frá hlaupinu í fyrra.
Brúar-
hlaup Sel-
foss í dag
Selfoss
LANDIÐ
MÝVARGUR hefur verið allmikill í
sumar í Mývatnssveit og meira en
mörg undanfarin ár. Þetta á sér
skýringu í miklum þörungagróðri í
Mývatni sem berst niður í Laxá og er
þar aðalfæða mýlirfunnar. Bitmý
angrar fólk og búsmala en lirfan er
miklivæg fæða urriðans í Laxá. Við
fjallskil nú í haust hefur komið fram
sauðfé sem verulega er skemmt af
bitmýi. Svo er að sjá sem flugan
leggi einstakar kindur í einelti en
láti aðrar óskemmdar. Verstu sárin
verða umhverfis augu og á eyrum.
Þannig geta skepnurnar orðið hálf-
blindar. Í miklum vargi leitar sauðfé
í hella og undir börð og reynir þann-
ig að komast undan þessum fjanda.
Á sama tíma sem bitmý hefur sig
mjög í frami hefur rykmý látið lítið á
sér kræla og er það sökum átuskorts
í vatninu, að sögn Árna Einarssonar,
en lirfa rykmýs þroskast á botni Mý-
vatns. Rykmýið er aðalfæða bleikj-
unnar í vatninu og fer þar nú saman
ekkert mý og lítil veiði.
Mývargur fer
illa með sauðfé
Mývatnssveit
Morgunblaðið/BFH
Örn bóndi býst hér til að bera græð-
andi smyrsl á sár einnar kindar sem
var illa útleikin af mýbiti.
LENGI hafa Mývetningar og ýmsir
fleiri ræktað kartöflur til heimilisnota
í Bjarnarflagi með góðum árangri. Á
þessu sumri sprettur allur jarðar-
gróður ágætlega og því hafa menn
síðan um miðjan júlí sótt kartöflur í
garða sína þar. Hér eru hjónin í Engi-
dal, þau Kristlaug Pálsdóttir og Mjó-
firðingurinn Guðmundur Wíum, að
hreinsa upp úr garði sínum og munu
þau vera hin fyrstu sem svo gera hér
á þessu hausti. Uppskeran er ágæt.
Þau hjón halda búskap í Mjóadal með
nokkrar kindur. Bærinn þeirra er á
heiðinni milli Stangar í Mývatnssveit
og Víðikers í Bárðardal og ekki í al-
faraleið. Þar um hlaðið er þokkalega
góður sumarvegur milli sveita. Ann-
ars eiga þau sitt annað heimili á
Húsavík þar sem Guðmundur sækir
þeirra hlut af þorskkvótanum á trillu
við hentugleika.
Morgunblaðið/BFH
Ágæt kartöfluuppskera
Mývatn