Morgunblaðið - 06.09.2003, Blaðsíða 53

KNATTSPYRNA
MORGUNBLAÐIÐ LAUGARDAGUR 6. SEPTEMBER 2003 53
Arnar Þór Viðarsson, leikmaðurhjá belgíska liðinu Lokeren, er
einn af aðeins þremur leikmönnum
sem hafa verið í byrjunarliði Íslands
í öllum sex leikjunum í þessari Evr-
ópukeppni. Hinir eru Árni Gautur
Arason og Eiður Smári Guðjohnsen.
Arnar Þór sagði við Morgunblaðið að
íslenska liðið væri á leið í sannkall-
aðan draumaleik gegn Þjóðverjum á
Laugardalsvelli í dag.
„Þetta er leikurinn sem allir gutt-
ar á Íslandi vildu komast í að spila,
og í okkar hópi eru tuttugu leikmenn
sem allir vilja vera með, en af því
getur því miður ekki orðið. Það er
draumur að taka þátt í þessu, sam-
keppnin um að komast í liðið hefur
eflaust aldrei verið meiri, en við bú-
um okkur undir þennan leik sem
einn hópur og þeir sem hefja leikinn
fá fullan stuðning frá hinum. Síðan
þurfa allir að gera sitt besta og vilj-
inn þarf að vera fyrir hendi. Ef þetta
er fyrir hendi, þá er allt hægt. Auð-
vitað verður þetta þrælerfiður leikur
en ef við verðum þéttir fyrir og gef-
um ekki færi á okkur eru möguleik-
arnir einhverjir þótt fyrirfram teljist
þeir ekki miklir.“
Arnar Þór sagði að það væri
skemmtileg tilfinning að vera í efsta
sæti fimmta riðils undankeppni Evr-
ópukeppninnar.
„Já, það er búið að vera gaman að
skoða stöðuna síðan 20. ágúst þegar
við unnum Færeyinga og komust í
efsta sæti riðilsins og væri ekki
slæmt að geta haldið henni svona að-
eins lengur. Það væri frábært ef okk-
ur tækist að koma Íslandi á enn
hærra plan í fótboltanum. Þetta
verður erfitt og við þurfum á öllum
stuðningi áhorfenda að halda sem völ
er á. Við glímum við alvörulið í þess-
um leik, sem er það skemmtilegasta í
fótboltanum. Það eru svona leikir
sem eru dýrmætastir, og þá er líka
eins gott að við séum tilbúnir í slag-
inn þegar flautað verður til leiks og
sýnum að við eigum skilið að vera
þar sem við erum,“ sagði Arnar Þór
Viðarsson.
Leikur
sem allir
vilja spila
Þórður sagði við Morgunblaðið ígær að síðasta vika hefði verið
fullbókuð hjá sér. „Ég fór í gegnum
alla þýsku fjölmiðla-
flóruna eins og hún
lagði sig og þurfti að
svara mörgum
spurningum blaða,
útvarps- og sjónvarpsstöðva. Þýsku
fjölmiðlarnir vildu vita allt um ís-
lenska liðið, sérstaklega hvernig það
hefði eiginlega getað gerst að við
værum í þeirri stöðu sem við blasir í
dag, og þessi umfjöllun var mjög já-
kvæð í okkar garð í öllum tilvikum.“
Þórður hefur spilað lengi í Þýska-
landi, hann lék með Bochum frá 1993
til 1997 og kom aftur til félagsins fyr-
ir rúmu ári. Fyrir hann er því leik-
urinn gegn Þjóðverjum öðruvísi en
aðrir landsleikir.
„Það er mjög sérstök tilfinning að
eiga að fara að mæta leikmönnum
sem ég spila gegn um hverja helgi í
Þýskalandi. Þetta er spennandi og
skemmtilegt verkefni, og svo bætist
við að við erum í fyrsta sæti riðilsins
og eigum í fyrsta skipti einhverja
möguleika á að ná lengra en áður.“
Hann sagði að íslensku leikmenn-
irnir kæmu alls óhræddir til leiks
þótt mótherjinn væri ógnvænlegur.
„Við förum mjög raunsæir í þennan
leik og það eina sem við ætlum að
gera á Laugardalsvellinum er að
njóta augnabliksins til hins ýtrasta.
Við verðum að mæta til leiks með því
hugarfari að eftir hann getum við
horft í spegil og sagt: Við gerðum allt
sem við gátum. Takist það hef ég
fulla trú á að við gegnum knúið fram
hagstæð úrslit. Það verða allir að
leggja sig sérstaklega vel fram og
eiga góðan dag, og um leið þurfa
Þjóðverjar að hitta á slæman dag.
Það er ekki verra ef aðeins blæs á þá
á laugardaginn.“
Þórður sagði að þýska liðið væri
mjög sterkt og heilsteypt. „Það er
með öfluga vörn og gríðarlega
reyndan markvörð. Á miðjunni eru
hættulegir leikmenn, Ballack, Neu-
ville, Schneider og Deisler, sem
kemur inn í liðið á ný. Frammi er
Klose, mjög öflugur skallamaður,
sem þeir reyna að hitta á með háum
sendingum og fylgja síðan á eftir þar
sem þeir eru með mjög góða skot-
menn.
Þýskaland er öðruvísi stórþjóð en
flestar sem við höfum mætt. Leik-
menn liðsins eru margir hverjir ekki
vel þekktir hér á Íslandi en eru frá-
bærir knattspyrnumenn. En liðs-
heildin er miklu sterkari en hjá öðr-
um liðum og það er það sem ég ber
mesta virðingu fyrir í þeirra fari. Það
er verst að þurfa að mæta Þjóðverj-
um núna, í lok riðlakeppninnar, það
hefði verið betra að eiga við þá í upp-
hafi hennar. En við tökum stöðunni
eins og hún er. Við erum vel settir og
ef við náum jafntefli gegn Þjóðverj-
um erum við áfram á toppi riðilsins.
Framhaldið ræðst síðan talsvert af
því hvernig fer þegar Þjóðverjar og
Skotar mætast á miðvikudaginn,“
sagði Þórður Guðjónsson.
Morgunblaðið/Árni Sæberg
Mikið mun mæða á Eiði Smára Guðjohnsen, fyrirliða íslenska landsliðsins, í leiknum í dag. Þjóðverjar ætla sér að hafa sérstakar
gætur á honum og jafnvel setja á hann „yfirfrakka“, þ.e. að einn varnarmaður Þjóðverja elti hann um allan völl.
Bræðurnir Kristján Örn Sigurðsson t.v. og Lárus Orri Sigurðsson eru í fyrsta sinn saman í íslenska
landsliðshópnum. Kristján var valinn nú í fyrsta sinn en Lárus hefur átt sæti í liðinu í nokkur ár.
„Við ætlum að njóta
augnabliksins“
ÞÓRÐUR Guðjónsson hefur haft í nógu að snúast undanfarna daga,
ekki síst áður en hann kom til Íslands til að búa sig undir landsleik-
inn við Þjóðverja. Hann er eini leikmaður íslenska liðsins sem spilar
í þýsku 1. deildinni og að vonum hefur athygli þýskra fjölmiðla
beinst að honum í stórum stíl.
Eftir
Víði
Sigurðsson