Morgunblaðið - 06.09.2003, Blaðsíða 26

SUÐURNES
26 LAUGARDAGUR 6. SEPTEMBER 2003 MORGUNBLAÐIÐ
BLÁI herinn og herforingi hans,
Tómas J. Knútsson, fengu Umhverf-
isviðurkenningu Reykjanesbæjar
2003. Var viðurkenningin veitt í
fyrsta skipti í gær auk þess sem
þrenn hvatningarverðlaun voru af-
hent.
Við athöfn sem fram fór í sýning-
arsal Listasafns Reykjanesbæjar í
Duus-húsum í Keflavík kynnti Árni
Sigfússon bæjarstjóri umhverfis-
verðlaunin. Fram kom hjá honum að
ætlunin er að veita slík verðlaun ár-
lega til einstaklinga, félagasamtaka
og fyrirtækja sem skarað hafa fram-
úr í skynsamlegri verndun umhverf-
isins.
Nýir sópar í verðlaun
Hvatningarverðlaunin komu í hlut
veitingastaðarins Ráarinnar við
Hafnargötu og Björns Vífils Þor-
leifssonar eiganda hans. Árni sagði
að áður en Hafnargatan fékk sína
nýju mynd hefði Ráin borið af í
glæsileika, jafnt að utan sem innan
og framan og ekki síst aftan.
Sigurgeir Þorvaldsson fékk
hvatningarverðluanin fyrir að hafa
unnið að því í nærri tvo áratugi að
hreinsa bæjarfélagið af flöskum og
drykkjarílátum sem notendur hafa
skilið við sig, oft til mikilla lýta fyrir
umhverfi.
Loks fengu konur úr Rebekku-
stúku nr. 11 hjá Oddfellowreglunni
hvatningarverðlun. Þær fundu upp á
því snjallræði að mála og skreyta
strákústa til gjafa og sagði bæjar-
stjóri að með því hefðu þær fjölgað
verulega sópum í samfélaginu sem
ólíklegustu mönnum þætti gaman að
grípa til við að snyrta umhverfi sitt.
Afhenti bæjarstjóri öllum verð-
launahöfum einmitt slíka sópa sem
tákn fyrir umhverfisverðlaunin.
Þegar Árni afhenti Tómasi J.
Knútssyni umhverfisviðurkenn-
inguna rifjaði hann upp sögu Bláa
hersins. Umhverfissamtök sem síð-
ar hlutu þetta heiti eru félagsskapur
sportkafara úr Sportkafaraskóla Ís-
lands sem Tómas rekur í Keflavík.
Þeir byrjuðu á því að taka til í Kefla-
víkurhöfn fyrir um það bil sex árum
en hafa síðan unnið reglulega að
hreinsun hafna í Reykjanesbæ og
nágrannasveitarfélögum, einnig á
fjörum og hafa að undanförnu fært
víglínuna lengra upp á land.
Samtökin eru meðal annars í sam-
starfi við Reykjanesbæ um árlegt
hreinsunarátak í bænum. Þá hafa
samtökin og forsvarsmaður þeirra
veitt öðrum mikið aðhald á þessu
sviði. Áætlað er að frá upphafi hafi
liðsmenn Bláa hersins hreinsað um
40 tonn af rusli. Árni gat þess að
Blái herinn hefði notið einnar millj-
ónar kr. í styrk frá Reykjanesbæ í
þakklætisskyni fyrir mikilvægt
framlag.
Nýlega var Blái herinn tilnefndur
til Umhverfisverðlauna Norður-
landaráðs og er þar í úrslitum.
Árni beindi í lokin orðum sínum
til allra verðlaunahafa: „Þið veitið
fordæmi á ólíklegustu sviðum um-
hverfismála, þannig skulum við hafa
þessi verðlaun í framtíðinni.“
Blái herinn fékk fyrstu
umhverfisviðurkenninguna
Morgunblaðið/Helgi Bjarnason
Frá afhendingu umhverfisviðurkenninga. Árni Sigfússon, Tómas J. Knúts-
son, Ingibjörg Magnúsdóttir og Guðrún Árnadóttir úr Rebekkustúkunni og
Guðmundur Pétursson sem tók við verðlaunum Sigurgeirs Þorvaldssonar.
Reykjanesbær
TÓNLEIKAR fyrir unga
fólkið voru á dagskrá
Ljósanætur í Reykjanesbæ í gærkvöldi. Nokkrar hljóm-
sveitir léku á útisviðinu sem sett hefur verið upp neðan
við Hafnargötu. Þegar unga fólkið var að safnast að
sviðinu við upphaf tónleikanna voru liðsmenn heima-
hljómsveitarinnar Rich að stilla hljóðfærin. Fleiri
hljómsveitir, meðal annars Maus, stigu síðan á svið.
Morgunblaðið/Helgi Bjarnason
Unga fólkið safnast að sviðinu
Reykjanesbær
„ÉG vinn mikið út frá líkamanum,
hef stúderað hann gaumgæfilega,
tekið ljósmyndir og skoðað. Nú er
ég ófrísk og mjög upptekin af því,“
sagði listakonan Íris Eggertsdóttir
við opnun sinnar fyrstu einkasýn-
ingar eftir útskrift, „Með rauða
kúlu á maganum“.
Á sýningunni eru átta verk, öll
hárauð að lit, eins og nafn sýning-
arinnar gefur til kynna. Hún mun
standa yfir til kl. 18 á sunnudag, en
eftir það stefnir Íris á að koma
henni í hús í Reykjavík, þar sem
hún býr með fjölskyldu sinni.
„Það má snerta verkin,“ sagði Ír-
is við Árna Sigfússon bæjarstjóra
sem strauk varfærnislega yfir verk-
in, rétt eins og gjarnan er strokið
yfir maga ófrískra kvenna. Íris er
líka markvisst að vinna með þá
reynslu sem hún er að upplifa þessa
dagana, að ganga með barn. Hún
byrjar á samrunanum og endar í
miðju alheimsins, naflastreng sem
hangir út úr framstæðum maga.
Íris útskrifaðist með BA-próf frá
Listaháskóla Íslands sl. vor og er
þetta fyrsta einkasýning hennar
eftir útskrift. En hvers vegna valdi
Íris sýningu sinni þennan stað?
„Allt mitt er héðan og í þessu bæj-
arfélagi uppgötvaði ég að ég vildi
mennta mig í myndlist,“ sagði Íris,
sem flutti til Keflavíkur á unglings-
árum, náði sér í eiginmann, Jón Pál
Eyjólfsson leikara, og nam hann á
brott.
Með rauða kúlu á maganum er fyrsta einkasýning Írisar Eggertsdóttur
Verk sem má snerta
Morgunblaðið/Svanhildur Eiríksdóttir
Íris Eggertsdóttir segist vera að vinna með reynslu sína á sinni fyrstu
einkasýningu eftir útskrift. Hér stendur hún við verkið Miðju alheimsins.
Reykjanesbær
LJÓSANÓTT, menningar- og fjöl-
skyldudagar í Reykjanesbæ, nær há-
marki í kvöld. Hljómsveitin Hljómar
skemmta áður en kveikt er á lýsingu
Bergsins og flugeldum skotið á loft.
Dagskrá Ljósanætur hefur verið
vel sótt, meðal annars hnefaleika-
keppni í fyrradag og Ljósalagssam-
keppnin í gærkvöldi. Fjöldi sýninga
er í bænum og verða þær allar opnar
í dag og fram á sunnudag.
Í dag verður fjölbreytt dagskrá
um allan bæ en mest er þó um að
vera á Hafnargötunni, þar eru flestir
sýningarsalirnar og þar er útisvið.
Klukkan 15 verður Keflavíkur-
merkið afhjúpað á nýjum stað, Ós-
nefi neðan við gömlu Sundlaugina.
Klukkutíma síðar verður fyrsta
Stjörnuspor Reykjanesbæjar, til-
einkað hljómsveitinni Hljómum, af-
hjúpað á Hafnargötu.
Kvölddagskráin hefst í Gróf kl. 20.
Meðal þess sem um er að vera er
bryggjusöngur, Bæjarstjórabandið
hitar upp fyrir Hljóma sem stíga á
útisviðið kl. 21.20. Kl. 22 verður
kveikt á lýsingu Bergsins og síðan
verður mikil flugeldasýning. Ljósa-
næturhátíðinni lýkur á sunnudag.
Hljómar
leika á
Ljósanótt
Reykjanesbær
TENGLAR
.....................................................
www.ljosanott.is
VÍKURFRÉTTIR hafa opnað
ljósmyndasýningu í aðstöðu kylf-
inga í gamla HF-húsinu að Hafn-
argötu 2 í Keflavík. Sýningin er
opin á Ljósanótt.
Á sýningunni eru liðlega 60
ljósmyndir sem ljósmyndarar
blaðsins, aðallega þó Hilmar
Bragi Bárðarson og Páll Ketils-
son, hafa tekið. Flestar eru frá
þremur til fjórum síðustu árum
en nokkrar eldri eða allt frá því
Páll tók við útgáfu blaðsins fyrir
tuttugu árum.
Gestum sýningarinnar gefst
kostur á að greiða atkvæði í
keppninni um sumarstúlku Qmen
2003.
Morgunblaðið/Jóhannes Kr. Kristjánsson
Páll Ketilsson og Hilmar Bragi Bárðarson voru að hengja upp myndir
fram á síðustu stundu fyrir opnun sýningarinnar í gær.
Víkurfréttir sýna myndir
Reykjanesbær
MEÐAL myndlistarsýninga sem
ávallt eru á Ljósanótt er samsýning
félaga úr gömlu Baðstofunni. Sýn-
ingin er í Risinu, fundarsal bæjar-
stjórnar við Tjarnargötu.
Tíu þeirra sem byrjuðu með Er-
lingi Jónssyni í Baðstofunni í upphafi
áttunda áratugarins og haldið hafa
stöðugt áfram að mála, lengst af
undir handleiðslu Eiríks Smith,
halda hópinn og sýna saman.
Í Baðstofuhópnum eru Ásta Árna-
dóttir, Ásta Pálsdóttir, Guðmundur
Maríasson, Hreinn Guðmundsson,
Sigmar Vilhelmsson, Sigríður Rós-
inkarsdóttir, Soffía Þorkelsdóttir,
Steinar Geirdal og Þórunn Guð-
mundsdóttir. Erla Sigurbergsdóttir
er gestur þeirra á sýningunni.
Baðstofu-
félagar sýna
Reykjanesbær