Morgunblaðið - 17.09.2003, Qupperneq 6
RÍKISLÖGREGLUSTJÓRI hefur
ákært mann á fimmtugsaldri fyrir
brot á lögum um virðisaukaskatt
með því að hafa í sjálfstæðri at-
vinnustarfsemi á árunum 1995-2002
gefið út sölureikninga án þess að
hafa skráð virðisaukaskattsnúmer,
vanrækt að skila virðisaukaskatts-
skýrslum og ekki staðið tollstjór-
anum í Reykjavík skil á inn-
heimtum virðisaukaskatti að
fjárhæð 5.732.046 krónur.
Hann er einnig ákærður fyrir
bókhaldsbrot með því að hafa látið
hjá líða að færa bókhald vegna
sjálfstæðrar atvinnustarfsemi sinn-
ar á framangreindu árabili. Málið
var þingfest fyrir Héraðsdómi
Reykjavíkur í gær.
Sviku út alls á
níundu milljón króna
Þá hafa tveir menn, á fertugs- og
fimmtugsaldri, verið ákærðir fyrir
brot gegn lögum um virðisauka-
skatt, tekjuskatt og eignarskatt og
lög um tekjustofna sveitarfélaga og
fyrir bókhaldsbrot og svonefnt
skjalabrot. Stunduðu þeir sjálf-
stæðan atvinnurekstur á sviði veit-
ingastarfsemi. Eru þeir ákærðir
fyrir að standa ekki skil á virðis-
aukaskatti, samtals að upphæð
3.305.975 krónur, og fyrir að van-
telja skattskyldar tekjur af eigin at-
vinnurekstri og koma sér þannig
undan greiðslu tekjuskatts og út-
svars, samtals að upphæð 5.088.604
krónur. Mennirnir eru báðir ákærð-
ir fyrir skjalabrot með því að hafa í
blekkingarskyni og til að komast
undan skattskilum notað efnislega
ranga reikninga sem afhentir voru
starfsmönnum níu tilgreindra veit-
ingahúsa í tengslum við virðisauka-
skattskylda sölu á vinnu til
húsanna. Báðir gáfu reikningana út
á nafni og kennitölu manna sem
voru sölunni óviðkomandi og fengu
þá undirritaða af þeim. Í ákæru
segir að mönnunum hafi borið að
gefa reikningana út í eigin nafni.
Málið var þingfest fyrir Héraðs-
dómi Reykjavíkur í gær.
Þá hefur ríkissaksóknari ákært
hjón fyrir brot gegn lögum um op-
inbera staðgreiðslu gjalda með því
að standa ekki sýslumanninum í
Keflavík skil á opinberum gjöldum
sem þau héldu eftir af launum
starfsmanna sinna, alls 883.378
krónur. Málið var þingfest fyrir
Héraðsdómi Reykjaness í gær-
morgun.
Þrjár ákærur
þingfestar fyrir
brot á skattalögum
FRÉTTIR
6 MIÐVIKUDAGUR 17. SEPTEMBER 2003 MORGUNBLAÐIÐ
ALMENNINGI var í gær boðið að reynsluaka
bílum knúnum metangasi til að kynna sér
þennan umhverfisvæna möguleika, og var
kynningin hluti af Evrópsku samgöngu-
vikunni sem nú stendur yfir.
Hægt er að framleiða nóg metangas á urð-
unarsvæði höfuðborgarinnar til að knýja
2.500 til 3.000 bíla og möguleiki á meiri fram-
leiðslu, t.d. úr skólpi og á svínabúum ef þörf
krefur, segir Björn H. Halldórsson, fram-
kvæmdastjóri Metan. Metan er lofttegund
sem m.a. myndast á urðunarstöðum sorps við
niðurbrot á lífrænum úrgangi. Hérlendis er
metangasi safnað saman á urðunarstað höf-
uðborgarsvæðisins í Álfsnesi og hreinsað til
þess að það sé nothæft sem eldsneyti á bíla.
„Þetta er raunhæfur kostur fyrir hvern
sem er vegna þess að bílarnir ganga fyrir
bensíni ef maður verður gaslaus. Svo í sjálfu
sér getur hver sem er notað þessa bíla. En
kannski er metanið raunhæfasti kosturinn
fyrir fyrirtæki sem eru með bíla á stanslausri
keyrslu,“ segir Björn.
Í dag ganga 44 bílar fyrir metangasi á göt-
um borgarinnar, flestir í eigu fyrirtækja eða
stofnanna, m.a. Sorpu, Reykjavíkurborgar, Ís-
landspósts og Landssímans. Bílarnir eru allir
með bensínvél og er hægt að skipta frá því að
brenna metangasi yfir í bensín með því að ýta
á einn takka, án þess að stöðva bílinn eða
drepa á vélinni.
Samkvæmt upplýsingum frá Metan þarf
113 bíla knúna metangasi til að menga á við
einn bensínbíl, sé öll mengun við að t.d.
hreinsa og flytja bensínið tekin með í reikn-
inginn, og er metan því mun umhverfisvænni
valkostur en bensín og díselolía, segir Björn.
Bílar sem ganga fyrir metangasi eru dýrari í
innkaupum en hefðbundnir bílar, en á móti
kemur að eldsneytiskostnaður fyrir metangas
er um 80 krónur fyrir hvern rúmmetra, sem
samsvarar því gróflega að bensínlítrinn kost-
aði 74 krónur.
Ekki í samkeppni við vetni
Aðspurður segir Björn að verkefni um nýt-
ingu á metangasi annars vegar og vetni hins
vegar séu ekki í samkeppni, heldur sé þeim
ætlað að bæta hvert annað upp. Hann segir
ljóst að metangasið sé umhverfisvænn mögu-
leiki sem sé fyrir hendi í dag, á meðan vetnið
sé klárlega lausn framtíðarinnar sem sé enn
verið að þróa.
Þema gærdagsins var minni mengun í um-
ferðinni, en dagurinn var annar dagur Evr-
ópsku samgönguvikunnar 2003. Opnuð var
sýning á teikningum grunnskólabarna í
Kringlunni. Þar fengu börn í 1. til 3. bekk
grunnskóla í Breiðholti lausan tauminn til að
tjá sig um það hvernig sé að ferðast um borg-
ina eða í hverfinu þeirra.
„Eins og börnum einum er lagið settu þau
fram mál sitt myndrænt á þann hátt sem hrífur
mann,“ segir Jóhanna Magnúsdóttir, verkefn-
isstjóri Samgönguvikunnar í Reykjavík. „Þau
hafa mikinn áhuga á umferðinni og því að allir
komist leiðar sinnar, hvort sem þeir eru á
hækjum, í hjólastól eða hvernig það nú er.“
Jóhanna segir að með samgönguvikunni sé
verið að reyna að höfða til sem flestra hópa í
þjóðfélaginu: „Tilgangurinn er að stuðla að
aukinni vitund borgarbúa um nauðsyn þess að
minnka mengun af völdum umferðar, og þar
af leiðandi séu meiri lífsgæði í borginni og að
þetta verði ennþá betri borg að búa í. Hugsun
er fyrst til athafna. Það þarf að koma því inn
að þetta sé eitthvað sem þurfi að hugsa um, að
menga minna í umferðinni.“
Í umhverfisvikunni er leitast við að vekja fólk til vitundar um nauðsyn þess að minnka mengun
Kynntu bifreiðar
knúnar metangasi
Morgunblaðið/Jim Smart
Samtals eru 44 metanbílar á götum borgarinnar í dag, flestir minni bílar í eigu fyrirtækja.
Hjólreiðadagur í dag
EVRÓPSK samgönguvika heldur áfram
og er dagurinn í dag hjólreiðadagur. Á
hjólreiðadaginn eru allir hvattir til að
nota reiðhjólin og spara bílinn eins og
hægt er.
„Við erum að benda á aðrar leiðir, að
reiðhjólið geti verið, og sé, samgöngu-
tæki,“ segir Jóhanna Magnúsdóttir, verk-
efnisstjóri Samgönguvikunnar í Reykja-
vík. Í dag verða afhjúpaðar merkingar
við hjóla- og göngustíga við Fossvogsbrú.
ANDRA Jamil Ásgeirssyni, 9 ára,
varð heldur betur bilt við um
daginn þegar hann var við sjó-
birtingsveiðar við Ölfusárbrú en í
eitt skiptið sem hann kastaði
spúninum út flaug stærðarinnar
rita á girnið og festi vænginn í
því. „Ég var að veiða fisk en svo
bara veiddi ég fugl,“ segir Andri
og viðurkennir að hafa orðið
nokkuð hissa. Fuglinum tókst
ekki að losa sig svo Andri Jamil
varð að draga hann niður eins og
flugdreka en fékk hjálp við það
frá frænda sínum.
Þeim tókst að losa rituna og að
lokum var henni sleppt á svip-
aðan hátt og krakkarnir í Vest-
mannaeyjum gera við lundapysj-
urnar. Andri segir fuglinn hafa
verið frelsinu feginn. „Hún var
pínu hrædd,“ segir hann en þver-
tekur fyrir að hafa verið hrædd-
ur sjálfur. Auk fuglsins veiddi
Andri stærðar sjóbirting en hann
er með mikla veiðidellu og segir
stangveiðina vera það skemmti-
legasta sem hann stundi. Blaða-
maður spyr hvort hann ætli
kannski að snúa sér að fuglaveið-
um. „Ég veit það ekki,“ segir
Andri og brosir feimnislega.
Ljósmynd/Einar D. G. Gunnlaugsson
Andri Jamil Ásgeirsson, 9 ára, með rituna sem flæktist í veiðilínunni.
Ætlaði sér að veiða
fisk en klófesti fugl
Forseti bæjarstjórn-
ar Seyðisfjarðar
Sam-
komu-
lagi
verði rift
BÆJARSTJÓRN Seyðisfjarð-
ar hefur ekki rætt formlega
hvernig bregðast skuli við fyr-
irhugaðri lokun fiskvinnslunnar
Dvergasteins. Cecil Haralds-
son, forseti bæjarstjórnarinnar,
útilokar ekki að hægt sé að rifta
samkomulagi sem gert var við
sameiningu Dvergasteins og
Skagstrendings árið 1997 vegna
vanefnda.
Í Morgunblaðinu í gær var
haft eftir framkvæmdastjóra
Útgerðarfélags Akureyringa að
ekkert væri því til fyrirstöðu að
Seyðfirðingar keyptu aftur
þann kvóta sem færður var á
Skagstrending þegar fyrirtæk-
ið sameinaðist Dvergasteini ár-
ið 1997. Um var að ræða ríflega
400 þorskígildistonn og var
kvótinn þá metinn, ásamt eign-
um Dvergasteins, á um 147
milljónir króna og fengu eig-
endur Dvergasteins hlutafé í
Skagstrendingi sem þeim nam.
Ætla má að markaðsvirði kvót-
ans sé í dag vel yfir 400 milljónir
króna.
Kaupin gangi til baka
Cecil segist ekki vilja útiloka
neitt í þessu sambandi, enda
hafi bæjarstjórn ekki fjallað
formlega um málið. Hann úti-
lokar ekki að Seyðfirðingar
kaupi kvótann til baka á mark-
aðsvirði. „Ég væri hinsvegar
tilbúinn til að láta samkomulag
það sem gert var við Skags-
trending á sínum tíma ganga til
baka. Það liggur fyrir að ekki
hefur verið staðið við þær efndir
sem samkomulagið kvað á um,
það er um uppbyggingu á öfl-
ugri vinnslu á síld og loðnu hér á
Seyðisfirði. Því er ekki fráleitt
að við fengjum aftur kvótann og
frystihúsið en skiluðum pening-
unum, 147 milljónum króna.“
Bæjarstjórn Seyðisfjarðar
fundar í dag og átti Cecil von á
að þar yrðu málefni Dverga-
steins til umræðu.
ÞÓRÓLFUR Árnason, borgarstjóri,
segir hugmynd borgarverkfræðings
um að framhaldsskólanemar fái
ókeypis í strætó til að draga úr um-
ferð áhugaverða og hún beri vott um
að borgarverkfræðingur sé tilbúinn
til að fara óhefðbundnar leiðir til
lausnar á þekktum vandamálum.
Framundan eru miklar breytingar
hjá Strætó, að sögn Þórólfs, nýtt
samræmt leiðakerfi, tilkoma vetnis-
vagna og ekki síst upptaka smart-
korta við greiðslu.
„Sú tækni á eftir að bjóða upp á
ýmsa möguleika á nýjungum í gjald-
skrármálum, hugsanlega að veita
sérstökum aldurshópum afslætti í
því skyni að létta á umferðarmann-
virkjum og draga úr mengun,“ segir
Þórólfur.
Þórólfur segir að þetta sé komið
undir hverju sveitarfélagi fyrir sig
því með nýja kerfinu geti hvert
þeirra sjö sveitarfélaga sem að
Strætó bs. standa ákveðið gjaldskrá
fyrir sína íbúa. „Ég er tilbúinn til að
skoða ýmsa kosti í því sambandi
megi það verða til þess að efla al-
menningssamgöngur í höfuðborg-
inni.“
Borgarstjóri um Strætó
Skoða nýjar leiðir í
gjaldskrármálum