Morgunblaðið - 17.09.2003, Side 49

ÍÞRÓTTIR
MORGUNBLAÐIÐ MIÐVIKUDAGUR 17. SEPTEMBER 2003 49
Barna- og unglingaráð
knattspyrnudeildar HK
auglýsir eftir þjálfurum næsta keppnistímabil fyrir eftirfarandi
flokka: 3. flokk karla, 3, 4 og 5 flokk kvenna.
HK leggur metnað í að bjóða upp á fyrsta flokks íþrótta- og
félagslegt uppeldi og þjálfarar félagsins þurfa því að hafa
mikinn metnað og færni í sínu starfi.
Nánari upplýsingar um stöðurnar veita:
Vilmar Pétursson s. 891 9999, vilmar@img.is
Víðir Sigurðsson s. 898 8009, vs@mbl.is
Umsóknum má skila á ofangreind netföng eða til
Unglingaráðs HK,
Digranes v/Skálaheiði,
200 Kópavogur.
HELENA Ólafsdóttir, landsliðs-
þjálfari kvenna í knattspyrnu, hef-
ur gert þrjár breytingar á landslið-
inu sem fer til Póllands í næstu viku
og spilar þar í Evrópukeppni lands-
liða laugardaginn 27. september.
Ísland vann fyrri leik þjóðanna á
Laugardalsvellinum síðasta laug-
ardag með yfirburðum, 10:0. Þær
Edda Garðarsdóttir og María Björg
Ágústsdóttir komust ekki í leikinn
á laugardaginn vegna náms síns í
Bandaríkjunum en þær verða með í
Póllandi. Þá kemur Guðrún Sóley
Gunnarsdóttir inn í hópinn á ný en
hún hefur verið frá keppni síðan á
miðju sumri vegna meiðsla.
Hópurinn er þannig skipaður:
Þóra Björg Helgadóttir, KR, og
María B. Ágústsdóttir, Stjörnunni,
markverðir.
Aðrir leikmenn eru Björg Ásta
Þórðardóttir og Erna B. Sigurð-
ardóttir, Breiðabliki, Erla Hend-
riksdóttir, FV Kaupmannahöfn,
Margrét Lára Viðarsdóttir og Olga
Færseth, ÍBV, Edda Garðarsdóttir,
Embla S. Grétarsdóttir, Guðrún
Sóley Gunnarsdóttir, Hólmfríður
Magnúsdóttir, Hrefna H. Jóhann-
esdóttir og Þórunn H. Jónsdóttir,
allar KR. Ásthildur Helgadóttir,
Malmö FF, og Íris Andrésdóttir,
Laufey Jóhannsdóttir, Laufey
Ólafsdóttir og Málfríður E. Sigurð-
ardóttir, allar úr Val.
Þrjár breytingar
fyrir Póllandsför
„ÞETTA eru hræðilegar fréttir fyr-
ir kvennaknattspyrnuna og koma
mér geysilega á óvart. Ég hélt að
staðan væri miklu betri, vissi að það
voru ákveðnir byrjunarörðugleikar
við að koma deildinni af stað á sín-
um tíma en grunaði ekki að hún
væri svona illa sett,“ sagði Margrét
Ólafsdóttir, fyrrum landsliðskona,
sem lék með Philadelphia Charge í
bandarísku WUSA-deildinni árið
2001.
„Ég tel mig hafa verið mjög
heppna að hafa fengið tækifæri til
að reyna mig í þessari deild. Það
var meiriháttar reynsla sem ég
hefði aldrei viljað missa af, topp-
urinn á mínum ferli. Það var mjög
vel að öllu staðið hjá Charge, allt
stóðst varðandi greiðslur og engin
vandamál. Það var góð aðsókn á
okkar leiki og mikil stemmning og
það kemur mér því í opna skjöldu
að svona skuli hafa farið.
Ég held að þetta hafi gífurleg
áhrif á kvennaknattspyrnuna í
heiminum. Þarna var allt banda-
ríska landsliðið og flestar þær
bestu frá öðrum þjóðum og þetta
var eina deildin sinnar tegundar.
Ég batt vonir við að liðum yrði
fjölgað smám saman og þar með
fengju þær mörgu íslensku stúlkur
sem stunda nám í Bandaríkjunum
aukin tækifæri til að komast inn í
deildina. Nú er spurning hvað
bandaríska landsliðið gerir, hvort
það fer aftur að spila eins og fé-
lagslið allt árið eins og það gerði
áður en deildin var stofnuð, en það
verður afar slæmt fyrir leikmenn
þess og aðra, að hafa ekki að neinu
að stefna,“ sagði Margrét Ólafs-
dóttir.
„Hræðilegar
fréttir fyrir
kvennaknatt-
spyrnuna“
Margrét Ólafsdóttir
ÞAÐ er einmitt lítil aðsókn ogtakmarkaður áhugi stórra
styrktaraðila sem veldur þessari
ákvörðun, en hún kemur sem reið-
arslag fyrir bandarískar knatt-
spyrnukonur, aðeins fimm dögum
áður en þær hefja keppni í úrslita-
keppni HM sem hefst einmitt í
Bandaríkjunum á sunnudaginn.
Nítján af tuttugu leikmönnum
bandaríska landsliðsins, sem á
heimsmeistaratitil að verja, léku í
WUSA-deildinni í ár en þetta er
eina atvinnudeild kvenna í heimin-
um og hún hefur laðað að sér flestar
bestu knattspyrnukonur annarra
þjóða.
Þegar deildin var stofnuð í árs-
byrjun 2001 var stofnkostnaðurinn
um 3,2 milljarðar króna og fjárfest-
ar lögðu til um 4,8 milljarða. Mun
verr gekk þó að fá þá til liðs við
deildina en áætlað var. Stefnt var að
því að fá átta stór fyrirtæki til að
standa á bakvið hana en aðeins tvö
styrktu hana í þeim mæli sem von-
ast var eftir, Hyundai og Johnson &
Johnson. Tapið á deildinni hefur
verið gríðarlegt, um 3,7 milljarðar
árið 2001, tæpir 2 milljarðar árið
2002 og áætlað tap á deildinni í ár
nemur um 1,4 milljarði króna.
Gripið var til ýmissa sparnaðar-
aðgerða fyrir nýlokið tímabil, leik-
mannahópar voru minnkaðir úr 18
leikmönnum í 16 og launahæstu kon-
urnar, svo sem Mia Hamm, tóku á
sig launalækkun og fengu um 4,8
milljónir króna í árslaun í stað 6,4
milljóna árið 2002. En allt kom fyrir
ekki. Sjónvarpsáhorf og þar með
tekjur tengdar því hefur ekki verið
eins og vonast var eftir og meðalað-
sókn á leiki deildarinnar í ár var að-
eins um 6.600 manns á leik, miðað
við um 8.100 tímabilið 2002.
Stjórn WUSA lokar þó engum
dyrum og vonast til þess að frammi-
staða bandaríska landsliðsins í
heimsmeistarakeppninni og aukinn
áhugi á kvennaknattspyrnu í kring-
um hana leiði til þess að nýir fjár-
festar sjái sér hag í að koma deild-
inni til bjargar.
Bestu knattspyrnukonur heims
standa frammi fyrir því að geta ekki
stundað íþróttina sem atvinnumenn
á næsta ári og fyrir þær bandarísku
er ástandið sérstaklega alvarlegt því
þar í landi er engin önnur deilda-
keppni í gangi eftir að háskóla lýkur.
Burðarásar bandaríska landsliðs-
ins voru með tárin í augunum þegar
þær ræddu við fjölmiðla um þessa
alvarlegu stöðu í gær.
Mia Hamm ekki
búin að gefast upp
„Ég er ekki búin að gefast upp, ég
hef svo mikla trú á okkar leikmönn-
um og því sem þessi deild hefur upp
á að bjóða,“ sagði Mia Hamm, fræg-
asta knattspyrnukona heims.
„Vandamálið er ekki að kvenna-
íþróttir geti ekki slegið í gegn.
Vandamálið er að sannfæra stóru
fyrirtækin um að það borgi sig að
styrkja kvennaíþróttir. Þau telja sig
vera að taka áhættu og það er um-
hugsunarefni,“ sagði Julia Foudy,
fyrirliði bandaríska landsliðsins.
„Það verður hræðilegt ef deildin
hættir störfum. Bandarískar knatt-
spyrnukonur sem vilja halda áfram
að spila þegar háskóla lýkur verða
að fara í hálf-atvinnumennsku í Evr-
ópu. Og hvernig eiga ungar og efni-
legar stúlkur að vinna sig inn í
landsliðið?“ sagði Shannon Boxx,
sem einmitt sló í gegn í deildakeppn-
inni í sumar með New York Power,
spilaði sinn fyrsta landsleik í ágúst
og verður líklega í byrjunarliði
Bandaríkjanna á HM.
Tenging við karla-
deildina eina leiðin?
John Hendricks, stofnandi og
stjórnarformaður deildarinnar,
sagði að ákveðið hefði verið að til-
kynna strax hvernig komið væri, á
meðan enn væri hægt að greiða
skuldir og gera viðunandi starfs-
lokasamninga við alla starfsmenn.
Hendricks sagði að sennilega væri
eina leiðin til að halda atvinnudeild
kvenna gangandi að tengja hana við
atvinnudeild karla, MLS-deildina,
eða jafnvel við amerísku ruðnings-
deildina, á sama hátt og atvinnu-
deildin í körfubolta kvenna væri í
samvinnu við NBA-deild karla.
Tvær íslenskar knattspyrnukonur
hafa leikið í WUSA-deildinni, Mar-
grét Ólafsdóttir og Rakel Ögmunds-
dóttir, sem léku með Philadelphia
Charge árið 2001. Þær spiluðu báðar
18 af 22 leikjum liðsins en Margréti
var ekki boðinn samningur eftir
tímabilið og Rakel slasaðist illa áður
en tímabilið 2002 hófst og hefur ekki
spilað síðan.
Bandaríska kvenna-
deildin lögð niður
STJÓRN bandarísku atvinnu-
deildarinnar í knattspyrnu
kvenna, WUSA, tilkynnti í gær
að keppni í deildinni yrði lögð
niður vegna fjárhagslegra örð-
ugleika. Þriðja keppnistímabili
deildarinnar, sem var sett á
laggirnar 2001, lauk í ágúst
þegar Washington Freedom
sigraði Atlanta Beat í úrslitaleik
frammi fyrir rúmlega 7 þúsund
áhorfendum í San Diego.
Morgunblaðið/Árni Sæberg
Gústaf Bjarnason, fyrrverandi leikmaður Hauka sem leikur nú með Stjörnunni, reynir hér að
brjóta sér leið framhjá Haukamanninum Vigni Svavarssyni.