Morgunblaðið - 10.10.2003, Qupperneq 29

LISTIR
MORGUNBLAÐIÐ FÖSTUDAGUR 10. OKTÓBER 2003 29
10% afsláttur af öllum og skóm fös., lau. og sun.
SMÁRALIND - KRINGLUNNI
Mikið úrval - Verð frá kr. 6.995
Stærðir frá 36-42
Ný sending frá og
OPNUÐ verður sýning áverkum Matthíasar Jo-hannessen skálds íbókasal Þjóðmenning-
arhússins í dag kl. 17. Sýningin er
liður í sýningarröðinni Skáld
mánaðarins. Við opnunina mun
Matthías lesa eigin ljóð.
Á sýningunni eru nokkur sýn-
ishorn af störfum Matthíasar sem
ljóðskálds, leikritaskálds og rit-
höfundar. Ljósmyndir frá lífi
hans og starfi prýða sýninguna.
„Þjóðmenningarhúsið er fín
umgjörð um skáldskap og fólkið
sem vinnur þar til fyrirmyndar.
Og þá ekki síður sérfræðingarnir
úr Landsbókasafni sem setja sýn-
inguna upp,“ sagði Matthías.
„Og þá hefur það ekki sízt glatt
mig að kynnast og vinna með
þeim sem starfrækja Skólavefinn,
allt sem þeir gera er af alúð og
tilfinningu fyrir viðkvæmum
gróðri skáldskaparins.
Af þessu má sjá að ég hef haft
einstaka ánægju af að vinna að
þessu verkefni og vona það verði
einhverjum hnýsilegt til fróðleiks
og þá einnig einhverrar upplyft-
ingar.
Að öðru leyti hefði mér aldrei
dottið í hug þegar ég var að að
lesa undir próf í lestrarsal þessa
virðulega húss í gamla daga, að
þar yrði ég einn góðan veðurdag
vistaður sem skáld mánaðarins,
enda farið með alla ljóðagerð eins
og mannsmorð í þá daga eins og
andrúmsloftið var. Þetta er eins
og hætta að hlæja í miðri
skrítlu!“
Skáld mánaðarins er samvinnu-
verkefni Þjóðmenningarhússins,
Landsbókasafns Íslands – há-
skólabókasafns og Skólavefjarins
ehf. Landsbókasafnið setur upp
sýningu í bókasal Þjóðmenningar-
hússins með útgefnum verkum og
handritum að verkum skáldanna,
og eftir atvikum þýðingum á er-
lend mál, ásamt bréfum, myndum
og/eða ýmsum munum sem þeim
tengjast. Þjóðmenningarhúsið
efnir til fyrirlestra, upplestra eða
annarra viðburða í tengslum við
sýningarnar.
Á heimasíðu fræðsluvefjarins
skolavefurinn.is er umfjöllun um
skáldin ásamt völdum verkum
eftir þau með orðskýringum,
verkefnum, upplestri og fleira.
Verk Matthíasar Johannessen sýnd í Þjóðmenningarhúsi
„Húsið er fín um-
gjörð um skáldskap“
Morgunblaðið/Einar Falur
Matthías Johannessen: „Ég hef
haft einstaka ánægju af að vinna
að þessu verkefni.“
Vængjahurðin er ljóðabók eftir Elísa-
betu Jökulsdóttur. Bókin hefur að
geyma yfir hundrað ástarljóð þar sem
hljómar nýr heit-
fengur og húm-
orískur tónn. Bók-
in er tíunda bók
höfundar. Í bók-
arkápu segir Krist-
ín Bjarnadóttir rit-
höfundur m.a.:
„Þetta eru merkileg ljóð, beint í æð
frá byrjun. Þau snúa mér á hvolf í til-
gerðarlausri auðmýkt og ástríðufullri
ósvífni. Ég sannfærist í hvelli um að
ljóðmælandinn þurfi að treysta mér
fyrir einhverju dýrmætu – trúa mér fyr-
ir heimi sem opnast þegar ýtt er við
Vængjahurðinni. Í ástarljóðum Elísa-
betar verður líkaminn guðdómlegur
og hugsanir eitthvað himneskt dóna-
legt.“
Höfundur gefur út. Bókin er 64 bls.,
prentuð í Prentment.
Ljóð
HLJÓMSVEITIN South
River Band (Syðri-Ár-
sveitin) kemur fram á
Tónahátíð í Þjórsárveri í
kvöld kl. 21. Hljómsveitin á
uppruna sinn á Kleifum í
Ólafsfirði. Hún er skipuð
átta hljóðfæraleikurum og
leggur hljómsveitin mikið
upp úr þátttöku áheyr-
enda. Öllum textum er
varpað á tjald. Leikið er á
harmoniku, gítar, mandól-
ín, fiðlu, kontrabasa og
trommur. Tónlistin kemur
frá ýmsum heimshornum.
Tónahátíðinni lýkur á
morgun með útgáfu-
tónleikum Ríó tríós.
Syðri-Ár-sveitin. Í hring frá vinstri: Þorvaldur
Ólafsson, Grétar Ingi Grétarsson, Ólafur
Sigurðsson, Helgi Þór Ingason, Kormákur
Bragason, Jón Árnason og Ólafur Þórðarson.
Á myndina vantar Gunnar Reyni Þorsteinsson.
Syðri-Ár-sveitin í Þjórsárveri
FORLAGIÐ hef-
ur kynnt helstu út-
gáfubækur sínar á
þessum haustmán-
uðum.
Þórunn Hrefna
Sigurjónsdóttir
hefur skráð sögu
barnastjörnunnar
Ruth Reginalds.
Ruth er dóttir
grísk-ensks manns
og íslenskrar konu og ólst upp í
Reykjavík, Keflavík og New York.
Ellefu ára gömul var hún orðin lands-
þekktur skemmtikraftur en frægðin
varð henni ekki til framdráttar í einka-
lífinu.
Ljóðskáldið Linda Vilhjálmsdóttir
sendir frá sér sína fyrstu prósabók,
Lygasögu. Fyrsta skáldsaga Guð-
mundar Steingrímssonar nefnist
Áhrif mín á mannkynssöguna. Sagan
greinir frá ljósmyndaranum Jóni sem
starfar á dagblaði í London en kemur
heim til fjölskyldu sinnar í Reykjavík í
jólafrí.
Öld bíla og kvikmynda
Örn Sigurðsson og Ingiberg
Bjarnason rekja sögu bílamenningar á
Íslandi. Bókin nefnist Íslenska bíla-
öldin. Rakin er saga íslenskrar bíla-
menningar allt frá árinu 1904 til dags-
ins í daga. Meginuppistaða bókarinnar
er myndefni úr ljósmyndasafni þeirra
feðga Bjarna Einarsson í Túni og
Ingibergs Bjarnasonar sem allt teng-
ist sögu bílsins. Áfangar í kvikmynda-
fræðum kemur út í ritstjórn Guðna
Elíssonar. Bókin er óbeint framhald
bókarinnar Heimur kvikmyndanna
sem út kom fyrir fimm árum.
Ármann Jakobsson er í hlutverki
leiðsögumanns í bókinni Tolkien og
Hringurinn. Hann fer með lesandann í
ferð um Miðgarð, rekur ættir álfa og
dverga og segir frá þeim fjölskrúðugu
hugmyndum sem liggja að baki verk-
inu.
Bók Michaels Moore, Heimskir,
hvítir karlar, fjallar um stjórnmál nú-
tímans. Eiríkur Örn Norðdahl íslensk-
ar.
Saga barnastjörnu
meðal útgáfuverka
hjá Forlaginu
Ruth
Reginalds
Linda
Vilhjálmsdóttir
J.R.R.
Tolkien
Sagnir, tímarit um sögulegt efni, er
komið út og er þetta 23. árgangur rits-
ins. Í ritinu kennir ýmissa grasa. Með-
al efnis eru greinar um íslenska kvik-
myndasögu, fóstureyðingar, módern-
ismann og nýraunsæið, kredidkort á
Íslandi, Halldór Laxness, íslenska
sagnfræði á Netinu og m.fl.
Að útgáfunni standa sagnfræði-
nemar við Háskóla Íslands.
Tímaritið er til sölu m.a. hjá Sögu-
félaginu í Fischersundi og Bóksölu
stúdenta.
Tímarit
♦ ♦ ♦
ÓPERUTVENNAN Madama Butter-
fly og Ítalska stúlkan í Alsír verður
aftur tekin til sýningar í Íslensku
óperunni nú um helgina og verða
þrjár sýningar í haust, 11., 19. og 25.
október. Sú breyting hefur orðið á
áhöfn sýningarinnar að Kurt
Kopecky, nýráðinn tónlistarstjóri
Íslensku óperunnar, leikur nú á
píanóið og sér um tónlistarstjórn í
stað Clives Pollards sem var í því
hlutverki á síðastliðnu vori.
Sagan hefst í Nagasakí og endar í
Alsír. Báðar fjalla óperurnar um ör-
lög kvenna sem hnepptar eru í ánauð
– önnur gerir sér ekki grein fyrir því
fyrr en of seint, hin er sér meðvitandi
um aðstæður sínar og hefur þess
vegna möguleika á að bjarga sér.
Höfundur útdráttanna er Ingólfur
Níels Árnason og er hann jafnframt
leikstjóri sýningarinnar. Sönghlut-
verk eru í höndum fastráðinna söngv-
ara Íslensku óperunnar, þeirra Huldu
Bjarkar Garðarsdóttur, Sesselju
Kristjánsdóttur, Davíðs Ólafssonar,
Jóhanns Friðgeirs Valdimarssonar og
Ólafs Kjartans Sigurðarsonar.
Óperutvenna
aftur á fjalirnar