Morgunblaðið - 15.10.2003, Qupperneq 18

HÖFUÐBORGARSVÆÐIÐ
18 MIÐVIKUDAGUR 15. OKTÓBER 2003 MORGUNBLAÐIÐ
Uppgræðsla | Hafnarfjarðarbær hefur
samið við Landgræðsluna um að fjármagna
uppgræðslu í Krísuvík, og munu bærinn og
landgræðslan deila jafnt kostnaði af dreif-
ingu lífræns áburðar í samræmi við fram-
vindu verkefnisins ef samið verður við
þriðja aðila um dreifinguna.
„Þetta er búið að vera í undirbúningi
lengi og það er búið að gera þennan samn-
ing um að auka uppgræðslustarf í Krísuvík
umfram það sem unnið hefur verið und-
anfarin ár,“ segir Gunnar Svavarsson, for-
maður bæjarráðs Hafnarfjarðar. „Ef það
verður samið við þriðja aðila vegna upp-
græðslu með lífrænum áburði þá eru báðir
samningsaðilar reiðubúnir til að greiða allt
að 300 þúsund króna framlag vegna dreif-
ingar í samræmi við framvindu verkefn-
isins.“
  
Bonsai-garði lokað | Fimmta starfsári
Bonsai-garðsins í Hellisgerði í Hafnarfirði
er nú lokið og búið er að koma plöntunum
fyrir í vetrargeymslu. Aðsókn að garðinum
var mjög góð í sumar, en um 2.800 gestir
heimsóttu garðinn og er garðyrkjustjóri
bæjarins, Björn Bögeskov Hilmarsson,
mjög ánægður með aðsóknina.
Garðurinn er sá eini sinnar tegundar hér
á landi og er bara opinn á sumrin. Garð-
urinn var opnaður 2. júní síðastliðinn og var
ákveðið að hann yrði opinn út september en
það er mánuði styttra en verið hefur. Bætt
var við plöntum og aukið var við fjölbreytni
í uppsetningu á þeim og til þess var hraunið
notað í auknum mæli. Bonsai-garðurinn í
Hellisgerði verður opnaður að nýju í vor.
Kópavogi | Í nýju bryggjuhverfi á
Kársnesi, sem áætlað er að verði
tilbúið í kringum 2010, er gert ráð
fyrir þriggja til fimm hæða fjölbýlis-
húsum með samtals 450 íbúðum.
Lægstu húsin verða við sjávarkant-
inn til að skerða sem minnst útsýni.
Birgir Sigurðsson, skipulagsstjóri
Kópavogsbæjar, segir að nýja
hverfið sé hugsað fyrir alla þjóð-
félagshópa. Þarna verði góð að-
staða fyrir barnafólk, þriggja eða
fjögurra deilda leikskóli, sparkvell-
ir o.fl.
Á kynningarfundi á mánudags-
kvöld komu fram nokkrar áhyggjur
af auknum umferðarþunga um
Kársnesbraut á annatíma. „Aðkom-
an að hverfinu er um Kársnesbraut
og Vesturvör. Það er talað um að
það verði um 4.000 bíla aukning og
núverandi gatnakerfi kemur til með
að anna því,“ segir Birgir. Því ætti
ekki að þurfa miklar gatnafram-
kvæmdir vegna nýja hverfisins.
Bryggjuhverfið: Loftmynd af því hvernig fyrirhugað er að bryggjuhverfið falli inn í nánasta umhverfi.
Tölvuteikning af fyrirhuguðu bryggjuhverfi á Kársnesi.
Gert ráð fyrir þriggja
til fimm hæða fjölbýli
Nýtt bryggjuhverfi á Kársnesi verður tilbúið 2010
Árbæ | Borgarstjóri átti fund með
íbúum Árbæjar, Ártúnsholts, Graf-
arholts og Seláss á mánudags-
kvöld, en borgarstjóri fundar
þessa dagana með íbúum mismun-
andi hverfa Reykjavíkur.
Á fundinum kom meðal annars
fram að verið er að vinna í því að
flytja fyrirtækin Björgun, BM
Vallá og Ísaga úr hverfinu, en íbú-
ar hafa kvartað nokkuð yfir m.a.
sandfoki frá fyrirtækjunum. Dag-
ur B. Eggertsson, formaður hverf-
isráðs Árbæjar, segir að ekki sé
hægt að segja til um hvenær af
flutningunum verði, fyrst þurfi að
finna fyrirtækjunum nýjan stað
fyrir starfsemi sína.
Framtíðaruppbygging Fylkis
Á fundinum kynnti Örn Haf-
steinsson, framkvæmdastjóri
Fylkis, hugmyndir félagsins um
framtíðaruppbyggingu á aðstöðu
félagsins fyrir íbúum og borg-
arstjóra. Einnig var annars rætt
vítt og breitt um málefni hverf-
isins og íbúar spurðu Þórólf Árna-
son borgarstjóra um fjölmargt
sem kom Árbænum við, svo sem
göngustíga, umferð, hraðahindr-
anir o.fl.
Næsti hverfafundur borg-
arstjóra verður með Breiðhylt-
ingum í Gerðubergi klukkan 20 í
kvöld.
Borgarstjóri
fundaði í Árbæ
Hafnarfirði | Björgunarsveit Hafnarfjarðar er nú í viðræðum við
Hafnarfjarðarbæ um að fá lóð við gömlu höfnina til að byggja
sérhæft húsnæði fyrir alla starfsemi sveitarinnar, en hún er nú
með aðstöðu m.a. í gömlu slökkviliðsstöðinni við Flatahraun.
Ágúst Pétursson, formaður björgunarsveitarinnar, segir
starfsemina nú á tveimur stöðum, sem geti m.a. skert viðbragðs-
flýti komi til útkalls.
Þegar slökkviliðið flutti starfsemi sína úr slökkvistöðinni við
Flatahraun flutti Björgunarsveit Hafnarfjarðar inn, en að sögn
Ágústs var húsnæðið á Flatahrauninu aldrei hugsað sem var-
anlegt húsnæði fyrir sveitina. Hún þurfi helst að vera miðsvæðis
við sjóinn til að rekstur björgunarskipsins gangi upp. „Við erum
nýbúnir að fá stórt og mikið björgunarskip sem við þurfum að
gera út og erum björgunarsveit sem vinnur bæði á landi og sjó.
Við viljum vera með allt á einum stað, niðri við höfnina,“ segir
Ágúst.
Sveitin þarf um 900 fermetra húsnæði fyrir alla sína starf-
semi, björgunarskip, bíla, tæki og köfunardeild.
Stjórn björgunarsveitarinnar sendi bæjarstjóra bréf í byrjun
september, og gerði grein fyrir erindinu í bæjarráði í framhaldi
af því. Málinu var vísað til frekari úrvinnslu á skipulags- og fjár-
málasviði og er í þeim farvegi í dag. Ágúst segist ekki vita hve-
nær von sé á svörum frá Hafnarfjarðarbæ. Hann segir að yfir-
völd hafi tekið jákvætt í erindið og því sé góð von til þess að af
þessu verði. Morgunblaðið/Arnaldur
Vilja að-
stöðu við
höfnina
RAKASKEMMDIR á parketi í nýju
húsnæði Orkuveitu Reykjavíkur
(OR) eru óverulegar og kostnaður
við að lagfæra parketið er því lítill,
að sögn forsvarsmanna OR.
Nokkuð var fjallað um skemmdir
á nýlögðu parketi í nýjum höfuð-
stöðvum Orkuveitunnar á Bæjar-
hálsi 1 fyrr á árinu, en nú er komið í
ljós að auðvelt er að laga skemmdir
sem orðið hafa og ekki þarf að skipta
um parket heldur verður það parket
sem lagt var lagfært, segir Hannes
Fr. Sigurðsson, deildarstjóri um-
sýslu fasteigna hjá OR.
„Það er ekki verið að skipta um
neitt parket og það er ekki verið að
endurnýja neitt, enda ekkert ónýtt,“
segir Hannes.
„Það kom fram það vandamál eftir
að starfsemin hófst í húsinu að park-
etið byrjaði að losna og lyfta sér á af-
mörkuðum stöðum. Talið er að
ástæðuna megi rekja til nokkura
ólíkra þátta. Það hafa verið sagaðar
rásir í parketið til að losa um
spennuna. Hugsunin er að láta það
setjast aftur á næstu 15-16 mánuð-
um meðan gólfið er að jafna sig og
ganga svo frá því aftur.“
Aðspurður um endanlegan kostn-
að vegna viðgerðana segir Hannes
hann vera óverulegan. Hann segir að
allt í allt muni þetta vera um eins til
tveggja mánaða vinna fyrir tvo iðn-
aðarmenn.
Ánægja með vinnuaðstöðu
Nýja húsnæðið hefur að öðru leyti
komið mjög vel út, segir Hannes:
„Vinnuaðstaðan fyrir okkur starfs-
fólkið er alveg frábær og húsið virk-
ar mjög vel. Menn eru í mjög góðu
sambandi hver við annan í þessu
opna rými. Fólk hittist á óformleg-
um fundum um allt hús og er í stöð-
ugum samskiptum og vinnulag mikið
auðveldara. Mesta breytingin er
samt sú að nú erum við öll að verða
komin á einn stað. Þegar útivinnu-
flokkarnir okkar koma af Eirhöfða
hingað uppeftir er öll starfssemin
komin og þá kemst allt húsið í notk-
un. Það verður góð stund fyrir okkur
starfsfólkið.“
Kostn-
aður við
viðgerð-
ir lítill
Höfuðstöðvar OR