Morgunblaðið - 15.10.2003, Blaðsíða 45
ÍÞRÓTTIR
MORGUNBLAÐIÐ MIÐVIKUDAGUR 15. OKTÓBER 2003 45
ÞRÁTT fyrir að vera aðeins 22 ára
gömul hefur Anna Kournikova
ákveðið að hætta að spila tennis
sem atvinnumaður, en Kournikova
er nú nr. 302 á heimslistanum. Sky-
fréttastofan greindi frá því í gær að
Kournikova hrfði ákveðið að leggja
spaðann á hilluna vegna meiðsla í
baki en hún hefur aðeins tekið þátt
í fimm mótum á þessu ári, en að
undanförnu hefur hún unnið m.a.
við gerð sjónvarpsþátta og leikið í
sjónvarpsþáttum.
Kournikova sló í gegn árið 1997
og náði því að komast í áttunda sæti
á heimslistanum þegar best lét.
Stórfyrirtæki hafa gert við hana
samstarfssamninga á undanförnum
árum en það má búast við að þeim
samningum verði rift.
Kournikova leggur
spaðann á hilluna
Reuters
Anna Kournikova
ROSENBORG og Bodö/Glimt
mætast í úrslitaleik norsku bikar-
keppninnar þann 9. nóvember nk. en
gríðarlegur áhugi var á undanúrslita-
leik Tromsö og Bodö/Glimt sem
fram fór í gær í Tromsö. Alls mættu
8.478 áhorfendur á Alfheim-völlinn
en gestirnir frá Bodö skoruðu öll
þrjú mörk leiksins og hafa tryggt sér
sæti í UEFA-keppninni þar sem Ros-
enborg er norskur meistari.
NORDHORN og Kiel gerðu jafn-
tefli, 29:29, í þýsku 1. deildinni í
handknattleik í gær. Holger Glan-
dorf skoraði 10 mörk fyrir Nordhorn
en Roman Pungartnik 8 fyrir Kiel.
Flensburg, Kiel og Hamborg hafa öll
14 stig og eru á toppnum en Nord-
horn er í sjötta sæti með 11 stig.
ÍSLENDINGASLAGUR verður í 3.
umferð þýsku bikarkeppninnar í
handknattleik en Magdeburg, lið
Alfreðs Gíslasonar og Sigfúsar Sig-
urðssonar, dróst á móti Grosswall-
stadt, liði Snorra Steins Guðjóns-
sonar. Guðjón Valur Sigurðsson og
félagar hans í Essen mæta Flens-
burg á útivelli og Massenheim, lið
Einars Arnar Jónssonar og Rúnars
Sigtryggssonar leikur gegn Eisen-
ach.
FÓLK
Birmingham er í fjórða sæti deild-arinnar með 15 stig en liðið hef-
ur ekki tapað leik á heimavelli sínum,
St. Andrews, sl. átta mánuði eða frá
því að Chelsea lagði liðið í febrúar.
Varnarleikur liðsins hefur verið
þeirra aðalsmerki það sem af er leik-
tíðinni enda hefur liðið haldið hreinu í
6 leikjum af 8.
Eiður Smári Guðjohnsen, fyrirliði
íslenska landsliðsins, kom inná sem
varamaður á 77. mínútu er hann leysti
Jimmy Floyd Hasselbaink af hólmi í
fremstu víglínu. Hernan Crespo var
einnig í byrjunarliði Chelsea að þessu
sinni. Eiður Smári fékk engin tæki-
færi til þess að athafna sig í vítateign-
um gegn sterkri vörn heimamanna.
Claudio Ranieri, knattspyrnustjóri
Chelsea, sagði að liðið hefði ætlað sér
að brjóta niður varnarmúrinn sem
Birmingham hefði hlaðið svo vel í
upphafi leiktíðar. „Við reyndum að
skapa okkur marktækifæri en það er
erfitt ef mótherjarnir verjast með 8
eða 9 leikmönnum.“ Hann bætti því
við að í herbúðum Chelsea ríkti til-
hlökkun fyrir leikinn gegn Arsenal.
„Það verður skemmtilegur og spenn-
andi leikur.“
Varnarleikurinn var í aðalhlutverk-
inu í gær hjá báðum liðum en Jimmy
Floyd Hasselbaink fékk besta færi
leiksins en Maik Taylor, markvörður
Birmingham, sá við hollenska lands-
liðsmanninum.
Mikael Forsell, framherji Birming-
ham, fékk ekki leyfi frá forráðamönn-
um Chelsea til þess að leika að þessu
sinni en hann er í láni frá Lundúnalið-
inu og hefur leikið vel með Birming-
ham.
Reuters
Wayne Bridge og félagar hans í liði Chelsea eru á flugi þessa stundina. Hér stekkur enski lands-
liðsmaðurinn yfir Damien Johnson leikmann Birmingham City á St. Andrews í gærkvöldi.
Chelsea í
efsta sætið
BIRMINGHAM og Chelsea skildu jöfn í markalausum leik í ensku úr-
valsdeildinni í gærkvöld og klifraði Lundúnaliðið upp fyrir Arsenal
og í efsta sæti deildarinnar – með 20 stig líkt og grannaliðið en þeir
bláklæddu eru með betri markatölu. Arsenal og Chelsea eigast við
um næstu helgi á Highbury, heimavelli Arsenal.
ÍSLANDSMEISTARALIÐ Kefla-
víkur í körfuknattleik kvenna byrjar
vel í Intersportdeildinni og hefur lið-
ið unnið báða leiki sína til þessa með
nokkrum yfirburðum. Í gær lagði
Keflavík lið ÍR að velli, 83:48, þar
sem að Birna Valgarðsdóttir skoraði
21 stig fyrir Keflavík en Eplunus
Brooks lét mest að sér kveða í liði ÍR
og skoraði 18 stig.
ÍR kom verulega á óvart í fyrstu
umferðinni er liðið lagði KR að velli
með 20 stiga mun, en í gær náði liðið
sér ekki á strik.
Erla Þorsteinsdóttir, leikmaður
Keflvíkinga, var flutt á sjúkrahús
með sjúkrabifreið í gær eftir að hún
hafði fengið höfuðhögg í rimmu sinni
við Eplunus Brooks í fyrsta leik-
hluta. Hjörtur Harðarson, þjálfari
Keflvíkinga, sagði í gær að Erla
hefði fengið heilahristing en í dag
yrði gengið úr skugga um hvort
kjálki hennar hefði brotnað.
Erla kjálkabrotin?
JÓHANNES Karl Guðjónsson var á skotskónum með varaliði Wolv-
es í gærkvöld en hann skoraði mark liðsins í 1:1 jafntefli á móti
Middlesbrough á útivelli. Jóhannes Karl lék allan leikinn á miðj-
unni og Ívar Ingimarsson lék sömuleiðis allan tímann í stöðu mið-
varðar. Jóhannes skoraði markið með föstu skoti af um 20 metra
færi í fyrri hálfleik en Middlesbrough jafnaði metin í þeim síðari.
„Það var mikilvægt að standa sig í leiknum þar sem Paul Ince er
í banni á móti Fulham á laugardaginn og vonandi fæ ég tækifæri
að taka hans stöðu,“ sagði Jóhannes í samtali við Morgunblaðið í
gær.
Úlfarnir eru í neðsta sæti ensku úrvalsdeildarinnar en þeir unnu
sinn fyrsta sigur í deildinni í síðustu umferð þegar þeir báru sigur-
orð af Manchester City.
Jóhannes Karl
skoraði fyrir Úlfana