Morgunblaðið - 16.10.2003, Qupperneq 41

BRÉF TIL BLAÐSINS
MORGUNBLAÐIÐ FIMMTUDAGUR 16. OKTÓBER 2003 41
ÁKVEÐIÐ hefur verið að að fresta
stækkun Grand hótels Reykjavíkur
um eitt ár. Helgast frestunin af ýms-
um utanaðkomandi aðstæðum svo
og af þeirri miklu vinnu við endan-
lega hönnun byggingarinnar. Útlit
er fyrir því að endanlegar teikningar
verði samþykktar á næstu dögum.
Verkfræðihönnun er vel á veg komin
og er fyrirhugað að fara í útboð á
næstu mánuðum og að framkvæmd-
ir geti hafist næsta haust. Ætlunin
er að opna stækkað hótel í mars
2006. Einnig er ætlunin að fram-
kvæma á næstu mánuðum ýmsar
þær breytingar við eldri bygginguna
sem flýta munu fyrir væntanlegri
stækkun.
Ástæða er til að lýsa furðu yfir
ummælum í kynningarbæklingi fé-
lagsins TR ehf. um Grand hótel
Reykjavík. En þetta nýstofnaða fé-
lag, TR ehf. sem stendur fyrir vænt-
anlegri byggingu tónlistarhúss og
ráðstefnumiðstöðvar á hafnarbakk-
anum í Reykjavík og er í eigu
Reykjavíkurborgar og ríkisins,
dylgjar um vangetu eigenda Grand
hótels Reykjavíkur til að stækka það
í bæklingi sem félagið hefur gefið út
til kynningar á sínu verkefni. Er full-
yrt að eigendur Grand hótels séu
ófúsir eða óhæfir eða „unwilling or
unable“ til að ráðast í stækkunina.
Er óskiljanlegt að svo ósmekklega
sé veist að eigendum Grand hótels.
Eru dylgjur þessar brot á góðum
viðskiptaháttum og TR ehf. til lítils
sóma.
Það er eitt að gefa út pésa um
verkefni sem byggir á mikilli bjart-
sýni og miklum væntingum en ann-
að, í því skyni að gera verkefnið álit-
legra, að vera með dylgjur og
skítkast út í aðra sem eru starfandi
úti í hinum harða heimi samkeppn-
innar og hafa greitt fyrir sína að-
stöðu fullu verði.
Staðreyndin er sú að eigendur
Grand hótels Reykjavíkur hafa vilj-
að fara að öllu með gát og vanda
framkvæmdir eins og kostur er.
Unnið hefur verið með ýmsar tillög-
ur um stækkun og þær þróaðar
áfram í því skyni að vanda sem best
til verksins enda er um kostnaðar-
sama og viðamikla framkvæmd að
ræða sem standa mun um ókomin ár.
Sú aðgát og vandvirkni við stækk-
unaráformin þýðir auðvitað alls ekki
að eigendur Grand hótels Reykja-
víkur séu „unwilling or unable“ til
framkvæmda svo vitnað sé til skýrsl-
unnar.
Hvað varðar bækling TR ehf. og
þær forsendur sem þar eru greindar
um verkefni félagsins þá er bent á að
í forsendum gætir mikillar bjartsýni.
Sýnist nauðsynlegt að stjórnmála-
menn og fagmenn gagnrýni forsend-
ur verkefnisins á faglegan hátt áður
en ráðist verður í framkvæmd sem
nemur á annan tug milljarða. Ella
kann illa að fara.
ÓLAFUR TORFASON,
f.h. Grand hótels
Reykjavíkur hf.
SIGNÝ GUÐMUNDSDÓTTIR,
f.h. Húseignarfélagsins
Sigtún 38 ehf.
Dylgjur í kynningar-
bæklingi TR ehf.
Frá Ólafi Torfasyni og Signýju
Guðmundsdóttur
Nýbýlavegi 12 • 200 Kópavogi • Sími 554 4433
Opið virka daga 10-18, laugardaga 11-15
Föt fyrir
allar konur
Kringlan 8-12, sími 568 6211
Skóhöllin, Firði, sími 555 4420
KRINGLUKAST
fim - fös - lau - sun
Nýtt kortatímabil
2.990
áður 4.990
st. 36-42
svartir/brúnir
3.990
áður 6.990
st. 40-47
svartir
2.990
áður 3.990
loðfóðruð gúmmístígvél
st. 21-39
rauðir/bláir/svartir
2.990
áður 4.990
st. 36-41
brúnir
Hverafold 1-3 • Torgið • Grafarvogi • Sími 577 4949
Opnunartími: Kl. 11-18 mánudag-föstudags,
kl. 12-16 laugardag
Gallabuxna-
tilboð
16. okt.
17. okt.
18. okt.
30% afsláttur