Morgunblaðið - 16.10.2003, Qupperneq 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 16. OKTÓBER 2003 VERÐ Í LAUSASÖLU 190 KR. MEÐ VSK.
Sími 588 1200
Brautryðjandi í
lægra lyfjaverði.
Gerðu verðsamanburð!
TÖLUVERT vantar upp á að
fjárveitingar til framhaldsskóla í
fjárlagafrumvarpi næsta árs séu
í samræmi við fjölda nemenda
sem stunda nám við skólana og
reiknilíkan sem framlögin eiga að
miðast við að mati skólameistara.
Ingibjörg Guðmundsdóttir,
skólameistari og formaður Fé-
lags íslenskra framhaldsskóla,
segir að um niðurskurð sé að
ræða í frumvarpinu. Ekki liggi
nákvæmlega fyrir um hversu háa
fjárhæð sé að ræða en ætla megi
að hún geti verið á bilinu 600 til
800 milljónir kr.
Áætluð útgjöld vegna kennslu í
framhaldsskólum eru byggð á
reiknilíkani fyrir fjárveitingar til
í frumvarpinu sem reiknilíkanið
gerir ráð fyrir.
Yngvi Pétursson, rektor MR,
segist ekki fá betur séð en að
töluvert vanti upp á að fjárveit-
ingar til skólans séu í samræmi
við reiknilíkanið. „Hjá okkur
virðist vera um að ræða vanmat
um 50 nemendaígildi,“ segir hann
og bendir á að fjöldi nemenda
miðist við ákveðinn samning
hverju sinni.
Stjórnir Skólameistarafélags
Íslands og Félags íslenskra
framhaldsskóla ætla að óska eftir
fundi með menntamálaráðherra
vegna málsins.
skólanna og svonefndum skóla-
samningum sem menntamála-
ráðuneytið hefur gert við
skólana. Að mati skólameistarans
sem rætt var við má gera ráð
fyrir að nokkrum hundruðum
fleiri nemendur séu við nám í
framhaldsskólum en gert er ráð
fyrir í framlögum til kennslu í
framhaldsskólum í fjárlagafrum-
varpi næsta árs.
Segja stöðuna slæma
„Staðan er mjög slæm. Okkur
sýnist að það vanti heilmikið fé
til þess að reka framhalds-
skólana,“ segir Ingibjörg. Að
sögn hennar virðist ekki vera
lagt það fé til framhaldsskólanna
Framhaldsskólamenn telja nemendur vantalda
Auka þarf framlög
um 6–800 milljónir

Telja/11
STARFSMENN fjarskiptastöðv-
arinnar í Gufunesi stóðu í stórræð-
um í gærkvöldi. Ráðist var í miklar
björgunaraðgerðir til að ná ketti
út úr holræsi, en hann hafði skrið-
ið þar inn og fest sig.
„Þetta er svona mannlegur þátt-
ur sem við vorum að glíma við,“
segir Hafsteinn Guðmundsson
vaktstjóri. „Við heyrðum í greyinu
mjálma um sjöleytið og fórum að
skoða nánar hvaðan mjálmið kæmi
og heyrðum að það kom úr nið-
urfalli á bílaplaninu. Við hringdum
þá í Stífluþjónustuna Val Helga-
son, og komu þeir með myndavél
til að skoða ræsið. Kötturinn virt-
ist fastur, við reyndum að toga
hann út en allt kom fyrir ekki, svo
við fengum gröfu hjá Ásberg verk-
tökum sem eru að byggja hér á
lóðinni og grófum niður á rörið
bak við köttinn og mölvuðum það
til þess að komast að honum. Við
vissum að hann var með lífsmarki,
enda svaraði hann þegar við köll-
uðum á hann.“
Eftir þriggja tíma björgunar-
aðgerðir náðist kötturinn loks út,
sprækur en býsna máttfarinn og
skítugur fress, Áki að nafni. Strax
var haft samband við eiganda Áka
og kom þá á daginn að hann hafði
verið týndur í viku.
Fagnaðarfundir
„Við erum svo fjölskylduvæn
hér hjá Landssímanum, við erum
alltaf að bjarga mannslífum, en
höfum aldrei lent í því að bjarga
ketti áður. Hingað komu tveir
hjálpsamir lögregluþjónar og tóku
þátt í björgunarstarfinu og alls
voru um tíu til tólf manns á svæð-
inu þegar mest var, svo þetta var
mikið samvinnuverkefni.“
Að sögn Írisar Bjargar Guð-
bjartsdóttur, eiganda Áka, er líðan
hans eftir atvikum góð. „Það er
búið að baða hann og gefa honum
að borða. Hann var glorsoltinn og
virkilega lúinn. Það verður gleði-
stund þegar synir mínir tveir
vakna í fyrramálið. Þá förum við
líka með hann á dýraspítalann til
að láta skoða hann, gefa vítamín
og láta lækni kíkja á hann.“
Fressinn Áki mjálmaði á hjálp
Það voru fagnaðarfundir þegar Áki hitti eiganda sinn, Írisi
Björgu, eftir viku aðskilnað í kulda og vosbúð.
Áki húkir hræddur og kaldur inni í rörinu
og mjálmar eftir hjálp.
Morgunblaðið/Árni Sæberg
Bjargvætturinn Ragnar Kummer lyftir Áka fagnandi upp úr skítugu og blautu ræsinu.
Fjölmennt lið
kom til bjargar
STJARNAN í Garðabæ hefur til skoð-
unar að leggja gervigras á aðalvöll félags-
ins og óskaði eftir stuðningi KSÍ við þá
aðgerð. Stjórn KSÍ hefur nú samþykkt að
veita Stjörnunni þann stuðning þannig að
leikir félagsins í öllum mótum á vegum
KSÍ geti farið fram á gervigrasvellinum
að því gefnu að hann uppfylli kröfur sem
mannvirkjanefnd KSÍ gerir til slíkra
valla.
Eggert Magnússon, formaður KSÍ,
segir að þróunin á þessu sviði sé nú mjög
hröð. „Bæði Evrópuknattspyrnusam-
bandið og Alþjóða knattspyrnusambandið
eru núna að nálgast þann punkt þar sem
tekin verður ákvörðun um það að leyfa að
spila á gervigrasi í Evrópukeppnum og
heimsmeistarakeppnum, þ.e.a.s. á gervi-
grasi sem uppfyllir þá staðla sem þeir
munu gera kröfu um.“
Ör framþróun í
íslenskri knattspyrnu
„Við horfum fram til þess að það verði
ör framþróun í íslenskri knattspyrnu þeg-
ar heimilt verður að spila alla alvöruleiki
á gervigrasi, gervigrasið er framtíðin í
löndunum í kringum okkur. Þá eru menn
að spila við sömu aðstæður hvort sem er í
janúar eða ágúst. Þá er líka komið alvöru
tækifæri til þess að fjölga verulega í
deildum og spila lengur. Ég held að þetta
sé fyrsta skrefið í þróun sem mun hrinda
af stað verulegri framþróun í knattspyrn-
unni hér og er stutt í að verði að veru-
leika,“ segir Eggert.
Eggert segir þróunina hafa verið það
hraða að undanförnu og gæðin á gervi-
grasinu vera orðin það mikil að útlit sé
fyrir að Evrópuknattspyrnusambandið og
FIFA muni gefa leyfi fyrir því að keppt
verði á gervigrasi í síðasta lagi árið 2005.
Styttist í að
keppt verði
á gervigrasi
TÓFUM hefur fjölgað hratt á
Austurlandi að undanförnu og hafa
þær ráðist á fé nálægt bæjum.
Hafa bændur í Djúpavogs- og
Breiðdalshreppum fundið haust-
lömb sín illa til reika og vart með
lífsmarki eftir dýrbíta og eru mjög
uggandi vegna þeirra kinda sem
enn eru á fjalli.
Verður tófu vart á láglendi um
allan landsfjórðunginn og hafa
menn síðustu daga séð tófur
skokka samhliða veginum yfir
Fagradal, milli Egilsstaða og
Reyðarfjarðar, en sérstaklega
virðist áberandi hversu tófa fer nú
nálægt mannabústöðum til sveita.
Guðmundur Valur Gunnarsson,
bóndi á Lindarbrekku í Hamars-
firði, segist aldrei hafa vitað til
þess áður að svo mikið væri um
dýrbíta sem nú og kennir því um að
tófu fari nú hratt fjölgandi og einn-
ig minnkandi eljusemi við að eyða
þeim.
Dýrbítar
ráðast á fé

Hröð/21
FRUMFLUTNINGUR á Split Sides, nýju
verki eftir hinn heimsþekkta danshöfund
Merce Cunningham, fór fram á þriðju-
dagskvöldið í Brooklyn Academy of Music
í New York. Verkið er fjörutíu mínútur,
skiptist í tvo hluta og sjá tvær rokksveitir
um tónlistina, breska sveitin Radiohead og
Sigur Rós sem hér sést á mynd.
Sigur Rós notaðist við ballettskó, sem
búið var að setja hljóðnema í, til að fram-
kalla tónlist sína. Radiohead mætti með
kjöltutölvur og ýmiss konar hljóðskæla.
Tónlistin var spunnin á staðnum af báðum
sveitum.
Ljósmynd/Jack Vartoogian
Léku á
ballettskó
♦ ♦ ♦