Morgunblaðið - 06.11.2003, Blaðsíða 35

MINNINGAR
MORGUNBLAÐIÐ FIMMTUDAGUR 6. NÓVEMBER 2003 35
bara slegið saman afmælisveislum í
framtíðinni, þú svaraðir „já það pass-
ar, þegar hún verður fertug verð ég
níutíu og fimm“ og við hlógum. Það
var mun sennilegra en sú staðreynd
að nú tæpum þremur mánuðum
seinna ert þú dáinn. Þegar ég byrjaði
í skólanum í ágúst varstu á leið í
rannsókn, einhver ónot í þér sagð-
irðu, sem reyndist svo vera krabbi.
Síðan hefur tíminn liðið hratt, alltof
hratt.
Ég man líka fyrir sléttum tíu árum
þegar ég byrjaði að vinna hjá þér,
hvað mér leið strax vel. Það var eins
og að vera kominn heim þar sem
maður fær stuðninginn og hlýjuna.
Þú varst svona eins og pabbi okkar
allra – strákanna þinna. Mér líður
a.m.k. eins og ég hafi nú misst pabba
minn tvisvar. Ég skil hve mikill miss-
irinn er fyrir fjölskyldu þína og ég
mun aldrei gleyma þér. Þú reyndist
mér rosalega vel og ég mun sakna þín
að eilífu. Ég vil fá að þakka þér Steini
minn fyrir alla dagana, sæta sem
súra, er við áttum og mikið hefði ég
viljað þú hefðir getað verið lengur.
Ég vil senda öllum úr Víðilundi 7
ásamt ættingjum og öllum þeim sem
hafa starfað hjá Gólf- & veggefnum
mínar dýpstu samúðarkveðjur.
Aron N. Þorfinnsson.
Það er stórt skarð komið í raðir
dúklagningamanna. Félagi okkar og
vinur, Steinþór Eyþórsson, er látinn,
langt um aldur fram. Steinþór var
iðulega innan okkar raða kallaður
Steini stóri, þar kom tvennt til. Steini
var óvenju hávaxinn og gerðarlegur
maður auk þess sem hann var foringi
og leiðtogi sem fremstur gekk. Mað-
urinn sem hélt félaginu saman þegar
brast í stoðum og almenn félagsleg
deyfð tröllreið samfélaginu.
Steini starfaði í stjórn félagsins í 24
ár, þar af formaður í 11 ár. Lítið félag
sem okkar hefur ekki efni á launuð-
um starfskröftum og því er álagið á
stjórnarmenn þeim mun meira.
Steini var allt í öllu, framkvæmdi allt
af sömu fórnfúsu ljúfmennskunni.
Hann stjórnaði mælingastofunni,
sat í prófnefnd, stjórnaði samninga-
nefndum, sinnti neytendamálum, sá
um úthlutun sumarbústaða og svo
mætti lengi telja. Steinþór lét sig
málefni alls byggingageirans varða.
Hann var mikill áhugamaður um
samvinnu meistarafélaganna og átti
sæti í stjórn Meistarasambands
byggingamanna og síðan Meistara-
og verktakasambands bygging-
manna.
Steinþór rak eitt stærsta fyrirtæk-
ið á okkar sviði og stóð fyrir mörgum
af stærstu verkunum í Reykjavík og
nágrenni. Þar var fagmennskan alltaf
í fyrirrúmi og aldrei heyrðum við af
óánægju verkkaupa. Hann ávann sér
mikið traust og viðskiptavinir leituðu
til hans aftur. Starfsmenn voru flestir
fyrrverandi lærlingar Steina sem
héldu svo áfram að vinna hjá honum
því þeir vildu hvergi annars staðar
vera.
Félag dúklagninga- og veggfóðr-
arameistara er ekki samt og áður.
Foringi er fallinn og það verður erfitt
að fylla skarð hans. Þótt Steini hafi
nýverið hætt sem formaður leituðum
við stöðugt til hans og nutum leið-
sagnar sem var ómetanleg. Steini
stóri verður ávallt í minningu okkar
og framganga hans verður okkur
hvatning til að halda starfi félagsins
áfram.
Við vottum fjölskyldu Steinþórs
okkar dýpstu samúð. Eiriku sem
missir sína stoð og styttu, Þórarni
sem er ekki aðeins að missa föður
sinn heldur einnig samstarfsmann og
læriföður, Margréti og Eiríki sem
eru að missa svo óendanlega mikið.
Félag dúklagninga-
og veggfóðrarameistara.
Fallinn er frá óvænt og um aldur
fram einn af traustustu félögum Kiw-
anisklúbbsins Setbergs, Steinþór
Eyþórsson. Hann gekk til liðs við
klúbbinn fyrir 24 árum þegar klúbb-
urinn var ennþá á bernskuskeiði.
Steinþór varð stax virkur og dugandi
félagi, sem lét sig aldrei vanta þegar
leysa þurfti verkefni á vegum klúbbs-
ins eða þegar klúbbfélagar komu
saman á góðri stundu. Steinþór var
alla tíð studdur í þessum verkum sín-
um af konu sinni Eiríku, sem er ein af
stofnendum Sinawikklúbbs Garða-
bæjar.
Á starfsárum sínum í klúbbnum
gegndi Steinþór öllum embættum í
stjórnum og nefndum klúbbsins.
Hann varð fyrst forseti 1987 til 1988
og síðan í annað sinni 2002 til 2003 og
hafði alveg nýverið lokið því embætti
þegar hann féll frá. Síðasti fundur
sem Steinþór sat var stjórnarskipta-
fundur í klúbbnum hinn 18. október
síðastliðinn.
Þá var hann af stjórn Ægissvæðis
sæmdur heiðurstitlinum frábær for-
seti fyrir störf sín í svæðinu á liðnu
starfsári. Hann fékk einnig, við þetta
tækifæri, sérstaka viðurkenningu frá
félögum sínum í Setbergi fyrir frá-
bær störf í þágu klúbbsins fyrr og
síðar.
Eitt af síðustu hugðarefnum Stein-
þórs, varðandi starf klúbbsins, var að
koma því til leiðar að umdæmisþing
Kiwanis 2005 verði haldið í Garðabæ.
Hann hafði mikinn metnað fyrir hönd
bæði bæjarfélagsins og klúbbsins og
sá fyrir sér að það gæti orðið báðum
til vegsauka ef vel tækist til.
Við félagar Steinþórs í Setbergi
þökkum honum frábært samstarf og
vináttu alla tíð. Fjölskyldu hans vott-
um við okkar dýpstu samúð.
Félagar í Kiwanisklúbbnum
Setbergi.
,,Það syrtir að er sumir kveðja.“
Það syrti svo sannarlega að í hugum
okkar þegar góðvinur og nágranni
okkar, Steinþór Eyþórsson, kvaddi
þetta jarðlíf langt um aldur fram, eft-
ir stutta baráttu við illvígan sjúkdóm.
Það var sorglegt að sjá þennan
stóra og sterka mann brotna niður á
aðeins tveimur mánuðum.
Fyrir nær þremur áratugum þeg-
ar við fluttum í Garðabæinn, voru
Steinþór og Eiríka kona hans fyrstu
nágrannarnir sem við kynntumst.
Aðeins var lágt trjáhekk á milli
lóða okkar, sem í gegnum árin,
myndaðist ævinlega geil í, vegna
samgangs á milli húsanna.
Fljótlega fékk Steinþór okkur til
að ganga til liðs við Kiwanishreyf-
inguna en hann var þá orðinn félagi í
Kiwanisklúbbnum Setbergi hér í
Garðabæ, sem hann alla tíð síðan var
mikill áhugamaður fyrir.
Í annað sinn gegndi hann embætti
forseta klúbbsins síðastliðið ár með
prýði. Það var auðséð að viljaþrekið
hafði yfirhöndina að síðustu. Hann
stóð meðan stætt var.
Margar góðar og glaðar stundir
höfum við átt saman í gegnum árin.
Steinþór var vinsæll og skemmtileg-
ur, hann var hrókur alls fagnaðar á
gleðistundum, jafnt innan lands sem
utan.
Þau hjón voru sérlega samrýnd,
greiðvikin og veitul svo af bar.
Ekki er hægt að hugsa sér betri
nágranna. Það hefur verið gleðilegt
að fylgjast með börnunum þeirra
þremur verða að fulltíða fólki og
stofna sínar fjölskyldur.
Steinþór var hörkuduglegur at-
hafnamaður í sinni starfsgrein og eft-
irsóttur til starfa, ósérhlífinn, vinnu-
samur og vandvirkur. Nú hin síðari
ár var hann aðeins farinn að taka sér
frí, þar sem fyrirtækið var í góðum
höndum sonar hans. Hann var mikill
og góður fjölskyldufaðir, sem vildi
hjálpa börnunum sínum til uppbygg-
inga sinna heimila.
Okkur finnst það mikil forréttindi í
lífinu að hafa kynnst Steinþóri og
hafa öðlast hans vináttu, fyrir það
viljum við þakka, ótaldar ánægju-
stundir og greiðvikni.
Við biðjum góðan Guð að vaka yfir
og vernda eiginkonuna Eiríku, sem
hann virti mikið, börnin þeirra Mar-
gréti, Þórarin og Eirík ásamt mökum
þeirra og barnabörnin tvö Steinþór
Örn og Helenu Sif.
Fjölskyldan var honum alltaf efst í
huga. Hann lagði mikið á sig til að
byggja upp sitt fallega heimili og þar
eignaðist hann bestu stundir sínar.
Við hjónin þökkum honum góða
kynningu á lífsleiðinni og minnumst
hans með virðingu og þökk.
Hrafnhildur og
Sigurður Axelsson.
Elsku vinir, þó að sorgin sé
gleðinni yfirsterkari á stundu sem
þessari gleðst ég yfir þeim tíma sem
ég hef átt með ykkar góðu fjölskyldu
í gegnum tíðina. Minningin um
Steina mun alltaf dvelja hjá mér. Það
er fögur minning um góðan mann
sem hugsaði vel um fjölskyldu sína
sem og aðra samferðamenn.
Þrátt fyrir að ég nái ekki að vera
með ykkur í dag sendi ég ykkur mína
hlýjustu strauma og krafta. Í dag
mun ég eiga rólega stund þar sem ég
mun kveðja elsku Steina með mínum
eigin hætti.
Kæru Eiríka, Margrét, Þórarinn,
Eiríkur og fjölskyldur, ég bið góðan
Guð og alla hans fögru engla að vaka
yfir ykkur og styðja.
Ég aldrei hef lofað að brautin sé bein,
og blómaskreyttir gangstígar alla leið heim.
Ég get ekki boðið þér gleði án sorgar,
á göngunni með mér til himinsins borgar.
En ég get lofað þér aðstoð og styrk,
og alltaf skín ljós þó að brautin sé myrk.
Og leið að því hugann að lofað ég hef,
að leiða þig sjálfur hvert einasta skref.
(Höfundur óþekktur.)
Guð geymi ykkur.
Ykkar
Svanbjörg Helena.
Símar 581 3300 - 896 8242
Allan sólarhringinn - Áratuga reynsla
Suðurhlíð 35 — Fossvogi — www.utforin.is
Sverrir Olsen,
útfararstjóri.
Sverrir Einarsson,
útfararstjóri.
Bryndís Valbjarnardóttir,
útfararstjóri.
Baldur Frederiksen,
útfararstjóri.
ÚTFARARSTOFA ÍSLANDS
Lundi V/Nýbýlaveg
564 4566 • www.solsteinar.is
Sími 562 0200
Erfisdrykkjur
Innilegar þakkir færum við þeim fjölmörgu, sem
sýndu okkur samúð og vinarhug við fráfall
föður okkar, tengdaföður, afa og langafa,
BJÖRGVINS KRISTINS GUÐJÓNSSONAR
frá Þorlákshöfn.
Guð blessi ykkur öll.
Hörður Björgvinsson, Guðbjörg K. Hjörleifsdóttir,
Guðbjörg Björgvinsdóttir, Magnús H. Sigurðsson,
Ingibjörg E. Björgvinsdóttir,
Katrín J. Björgvinsdóttir,
Helga Dagbjartsdóttir, Guðjón Ólafsson,
barnabörn og barnabarnabörn.
Innilega þökkum við auðsýnda samúð og
vináttu vegna andláts eiginmanns míns, föður
okkar, tengdaföður og afa,
GARÐARS JÓNSSONAR
fv. skógarvarðar,
Hlaðavöllum 8,
Selfossi.
Móeiður Helgadóttir,
Anna Garðarsdóttir, Þorvarður Örnólfsson,
Helgi Garðarsson, Kristín Ólafsdóttir,
Haukur Garðarsson, Ragnhildur Guðrún Guðmundsdóttir
og barnabörnin.
Ástkær móðir okkar, tengdamóðir, amma og
langamma,
STEFANÍA GUÐMUNDSDÓTTIR,
hjúkrunarheimilinu Eir,
áður Hjaltabakka 28,
verður jarðsungin frá Fríkirkjunni í Reykjavík
föstudaginn 7. nóvember kl. 15.00.
Jörundur S. Guðmundsson, Anna Vigdís Jónsdóttir,
Jón Guðmundsson, Kristjana Eiðsdóttir,
Finnur Guðmundsson,
Sigríður S. Guðmundsdóttir, Örn Steinar Sigurðsson,
Gísli S. Guðmundsson, Þórdís Baldursdóttir
og fjölskyldur.
Ástkær eiginmaður minn, faðir minn, tengda-
faðir, afi og langafi,
ANDRÉS HANNESSON
frá Litlu Háeyri, Eyrarbakka,
Setbergi 15,
Þorlákshöfn,
lést á Kumbaravogi mánudaginn 20. október sl.
Jarðarförin hefur farið fram í kyrrþey að ósk
hins látna.
Þökkum auðsýnda samúð.
Sérstakar þakkir til starfsfólksins á Kumbaravogi.
Guðleif Vigfúsdóttir,
Vigfús Valur Andrésson,
Charlotta Halldórsdóttir,
afa- og langafabörn.
Móðir okkar, tengdamóðir, amma og lang-
amma,
FRIÐRIKA KRISTJÁNSDÓTTIR
frá Fremstafelli,
verður jarðsungin frá Þorgeirskirkju, Ljósavatni,
laugardaginn 8. nóvember kl. 13.30.
Ásdís Jónsdóttir,
Aðalbjörg Jónsdóttir, Þórir Jónsson,
Rósa Jónsdóttir,
Rannveig Jónsdóttir, Tómas Agnarsson,
Þorgeir Jónsson, Elfa Jóhannsdóttir,
barnabörn og barnabarnabörn.
Minningargreinum þarf að
fylgja formáli með upplýsing-
um um hvar og hvenær sá sem
fjallað er um er fæddur, hvar
og hvenær dáinn, um foreldra
hans, systkini, maka og börn og
loks hvaðan útförin verður gerð
og klukkan hvað. Ætlast er til
að þetta komi aðeins fram í for-
málanum, sem er feitletraður,
en ekki í greinunum sjálfum.
Formáli
minning-
argreina