Morgunblaðið - 06.11.2003, Blaðsíða 49

FÓLK Í FRÉTTUM
MORGUNBLAÐIÐ FIMMTUDAGUR 6. NÓVEMBER 2003 49
Wijnen/Winter/Thor Tríó
Þetta er hollenskt/íslenskt tríó.
Gítaristinn Andrés Þór Gunnlaugsson
nam i Hollandi og kynntist þar
meðleikurum sínum Bob Wijnen
orgelleikara og Rene Winter
trommara. Þeir leika hammondjazz
með dúndrandi sveiflu.
NASA kl. 20:30. - kr. 1.500
Nordic Heart
Kristjana Stefánsdóttir og Birgitte
Lyregaard syngja með Agnari Má
Magnússyni á píanó, Claus
Kaarsgaard bassa, Jakob
Frandsen gítar og Eric Qvick á
trommur. Þau flytja ljúfa, norræna tóna sem höfða til
hjartans. NASA kl. 22:00. - kr. 1.800
BET Jazz Channel tekur báða þessa tónleika upp á
myndband til útsendinga vestra. Viltu lenda í sjónvarpinu?
4. - 9. nóvember 2003
Í kvöld
Forsala aðgöngumiða í JAPIS Laugavegi og Uppplýsingmiðstöð
Ferðamanna, Aðalstræti 2. www.ReykjavikJazz.com/
Sýningar í Tjarnarbíói, Tjarnargötu 12:
Frumsýning 6. nóvember - uppselt
Sunnud. 16. nóvember kl. 14:00
Sunnud. 23. nóvember kl. 14:00
Laugard. 29. nóvember kl. 14:00
Miðasala í síma 866 0011
ÞEGAR ég renn í hlaðiðhjá Ólafi Þórðarsyni íÞingholtunum heilsarmér þar í tröppunum
Helgi P. Þekkir mig greinilega frá
því að ég spjallaði við þá síðast.
Það sem átti að vera fremur hefð-
bundið „spurt og svarað“ viðtal
vegna nýju plötunnar snýst óðar
upp í stemningslýsingu. Því fljót-
lega fann ég að ég var kominn á
miðja æfingu, Ríóliðar og aðstoð-
armenn þeirra hálfpartinn búnir að
umkringja mig í stofunni með
hljóðfærunum sínum. Eftir að hafa
spilað fyrir mig eitt lag þar sem ég
sat makindalega í stofusófanum
þvarr mér allur viðtalskraftur.
Þetta var eiginlega of notalegt
svona í enda dags.
„Við tökum þetta bara „fluga á
vegg“,“ segi ég við Óla og hann
nikkar brosandi til mín.
„Þú fylgist þá bara með!“
„Lífræn“ plata
Utan af landi inniheldur fjórtán
ný lög, öll eftir Gunnar Þórðarson
sem situr skáhallt á móti mér á
sokkaleistunum og mundar gít-
arinn. Einnig eru þarna þeir Björn
Thoroddsen gítarleikari, Matthías
Stefánsson, sem í þetta sinnið leik-
ur á fiðlu, og Gunnar Reynir Þor-
steinsson sem leikur á slagverk.
Þeir eru álíka afslappaðir og Gunn-
ar, sérstaklega Matthías sem er í
forláta afainniskóm og í grænum
lopasokkum.
Lagið sem dýrkaði upp téða
flugu er fyrsta lag plötunnar,
„Alltaf einn“ þar sem Helgi syngur
eins og engill. Þeir Óli og Gústi
radda fumlaust með og þó það sé
klisjukennt að segja það þá virðast
þeir ekki hafa gleymt neinu þessir
þremenningar. A.m.k. er allt
mögulegt ryð fyrir löngu fokið
burt eins og landið forðum daga.
„Við ætluðum ekki að gera svona
plötu í upphafi,“ tjáir Ólafur mér.
„Síðan leituðum við til Gunna og
hann snaraði út lögunum eins og
hendi væri veifað.“
Næst er það „Af stað“, lag með
kántríbrag. Björn Thoroddsen
leikur hressilegt inngangsstef og
svo er ... farið af stað! Æfingin er
ekki stíf, menn kallast á milli,
hvísla með sér textana og það er
stoppað ef farið er of hægt – eða of
hratt – í gang. Óli syngur að-
alröddina.
„Við ákváðum að gera plötu með
lögum sem hægt væri að flytja
hvar og hvenær sem er,“ segir Óli
og skýrir þar með spekina á bak
við þessa „lífrænu“ plötu. Hljóm-
urinn er opinn og „stofulegur“, raf-
magnið í lágmarki en spilagleðin í
hámarki.
Og þá kemur ljósmyndarinn.
Ólafur húrrar öllu liðinu út á götu
og hljóðfærunum líka og íbúar
Þingholts verða vitni að alvöru
götuspileríi í síðdeginu.
Gleðisveitin Ríó
Næst er það „Víkurnar“ og
blaðamaður er farinn að syngja
ósjálfrátt með.
„Þið verðið svo að vera með í
gömlu lögunum,“ segir Ólafur þeg-
ar lagið er búið og bendir til þeirra
Matthíasar og Gunnars Reynis.
„Það gengur ekki að vera að skipta
ykkur alltaf útaf á tónleikum.“
Björn spyr þá hvort að hvert
mannsbarn kunni ekki öll Ríólög-
in? Matthías brosir. „Við reynum
þetta.“
Næst er það „Lilla símamær“
glettið lag sem Ágúst syngur. Ólaf-
ur bregður á leik í viðlaginu og
Helgi brosir. Það er sannarlega
létt yfir mannskapnum. Ríó er
hreinræktuð gleðisveit, það mega
þeir skuldlaust eiga.
Nú er tekið til við hið sígilda
„Eitthvað undarlegt“, fyrsta gamla
lagið á þessari æfingu. Ágúst syng-
ur það með sinni mjúku, viðkvæmu
tenórrödd og nú skal Matthías
fylgja með á fiðlunni!
Blaðamaður kveður hins vegar
með kurt í lok lagsins. Hann er bú-
inn að vera tæpa klukkustund á
æfingunni og „dauðalínan“ færist
óðfluga nær.
Þegar hann hverfur út um dyrn-
ar heyrir hann Ólaf tala óðamála
um hvort þeir eigi nú að renna sér
í gegnum rokksyrpuna. . .
Ríó kynnir nýja plötu í Austurbæ
…og af stað
Utan af landi er fyrsta plata Ríó með
nýju efni í heil sjö ár. Arnar Eggert
Thoroddsen kíkti á æfingu og gerðist
„fluga á vegg“.
Morgunblaðið/Jim Smart
Stórsveitin Ríó tríó lætur gamminn geisa.
Útgáfutónleikar Ríó verða í kvöld
í Austurbæ. Þeir hefjast kl.
21.00 og er miðaverð 2000 kr.
Utan af landi er komin í búðir.
arnart@mbl.is
Fyrir
flottar
konur
Bankastræti 11
sími 551 3930
Fréttir
í tölvupósti