Morgunblaðið - 13.11.2003, Blaðsíða 22
AUSTURLAND
22 FIMMTUDAGUR 13. NÓVEMBER 2003 MORGUNBLAÐIÐ
#26 LOPASOKKAR
ICELAND REVIEW
ÁSKRIFTARSÍMI 512-7517
askrift@icelandreview.com
HVERS VEGNA ÍSLAND?
40 ÁSTÆ‹UR
Eskifjörður | Bæjarráð Fjarða-
byggðar hafnar því að hin gamla
kirkja Eskfirðinga, sem byggð var
árið 1900 og stendur nú nær lóð-
arlaus í miðju íbúðarhverfi, verði
varðveitt. Ný kirkja var reist fyrir
örfáum árum í jaðri bæjarins á
Eskifirði og þjónar hún einnig sem
menningarmiðstöð.
Bæjarráð Fjarðabyggðar tók á
þriðjudag fyrir erindi Húsafriðun-
arnefndar ríkisins, þar sem farið
er fram á að sveitarfélagið finni
Eskifjarðarkirkju veglegt hlutverk
til framtíðar. Sóknarnefnd kirkj-
unnar hafði þá þegar sótt um leyfi
fyrir því að láta rífa hana, þar sem
hún væri ónýt, jafnframt því að
umhverfisnefnd sveitarfélagsins
hafði með sérstakri bókun bent á
takmarkaða notkunarmöguleika og
erfiða aðkomu að húsinu.
Kirkjan fjarri því
að teljast ónýt
Að mati bæjarráðs eru ekki for-
sendur fyrir því að húsið verði
varðveitt og eru helstu röksemdir
ráðsins fyrir þeirri afstöðu lélegt
ástand kirkjunnar til nokkurra
ára, lóðarleysi og staða hennar í
miðju íbúðarhverfi.
Að mati húsafriðunarnefndar er
kirkjan fjarri því að teljast ónýt,
þrátt fyrir að austurgafl sé mjög
fúinn. Kirkjan sé einnig merkileg
og eigi aðeins eina sína líka í land-
inu; Tálknafjarðarkirkju.
204 kirkjur víðs vegar á landinu
njóta nú húsafriðunar og myndi
húsfriðunarsjóður styrkja viðgerð-
ir á Eskifjarðarkirkju. Magnús
Skúlason hjá húsafriðunarnefnd
segir nefndina einarða í þeirri af-
stöðu að vernda beri kirkjuna og
að áður hafi þurft að berjast fyrir
áframhaldandi tilvist gamalla
kirkna á landinu.
Ekki hefur verið tekin ákvörðun
um hvenær rífa á kirkjuna og lík-
legt að húsafriðunarnefnd láti ekki
við svo búið standa.
Bæjarráð hafnar
varðveislu Eski-
fjarðarkirkju
Morgunblaðið/Helgi Garðarsson
Gamla Eskifjarðarkirkjan er orðin bitbein nútímans: Sumir vilja rífa hana
og segja ónýta, aðrir telja hana fagurt merki um reisulega kirkjubyggingu.
Húsafriðunarnefnd segir kirkjuna merkilega og varðveisluskylda
Öryggi | Fjarðabyggð hefur samið
við öryggisvörslufyrirtækið Sec-
uritas um gæslu í öllum grunn-
skólum, leikskólum og söfnum sveit-
arfélagsins um nætur og helgar.
Fyrirtækið ætlar að opna útibú í
Fjarðabyggð í kjölfarið og bjóða íbú-
unum upp á þjónustu sína.
Ljósmyndasýning | Helgi Garð-
arsson ljósmyndari hefur opnað sýn-
ingu í Kirkju- og menningarmiðstöð-
inni á Eskifirði. Á sýningunni eru
landslags-, portrett- og mannlífs-
myndir frá Eskifirði og nærliggjandi
byggðarlögum. Sýningin er opin
virka daga kl. 17 til 19 og á laug-
ardögum frá kl. 13 til 16. Hún stend-
ur til 28. nóvember.
Snæfell | Slysavarnafélagið
Landsbjörg hefur, í samvinnu við
ferðaþjónustuaðila á Austurlandi,
sett upp tvo fjarskiptaendurvarpa
fyrir björgunarsveitir og ferða-
þjónustu á Snæfelli.
Endurvarparnir eru settir upp í
kjölfar framkvæmdanna á Kára-
hnjúkasvæðinu, en skv. upplýs-
ingum frá Landsvirkjun voru í
lok október um 900 manns við
störf á virkjunarsvæðinu, auk
fjölda ferðamanna sem fara um
svæðið. Var í kjölfar þess talin
þörf á meira fjarskiptaöryggi og
var endurvörpunum valinn staður
á Snæfelli, þar sem það stendur
hátt yfir landinu og tryggir gott
fjarskiptasamband.
49 fjarskiptaendurvarpar
um land allt
Slysavarnafélagið Landsbjörg
rekur nú sjálfstætt fjarskiptakerfi
sem byggist á VHF tíðni og eru
49 fjarskiptaendurvarpar dreifðir
um landið til að tryggja fjar-
skiptasamband björgunarsveita.
Endurvarparnir á Snæfelli eru
með björgunarsveitarrás 3 og rás
ferðaþjónustuaðila er 42, en
björgunarsveitir geta einnig not-
að þá rás ef nauðsyn krefur.
Betra fjarskipta-
samband á fjöllum
Egilsstaðir | Ný hestamiðstöð verður
byggð upp á jörðinni Fossgerði
skammt norðan Egilsstaða og núver-
andi aðstöðu hestamanna í útjaðri
Egilsstaðabæjar lokað um mitt
næsta ár.
Hestamenn á Egilsstöðum hafa
fram að þessu flestir haft aðstöðu í
Votahvammi í útjaðri bæjarins á
bökkum Eyvindarár og svæðið verið
kallað Truntubakkar, enda til
skamms tíma heldur óásjálegt. Hafa
deilur um aðstöðu hestamanna á
svæðinu staðið í fjöldamörg ár og
hagsmunaaðilar og sveitarfélagið
ítrekað reynt að leysa þær deilur með
ýmsum tillögum.
Nýlega þurftu rekstraraðilar og
eigendur Fossgerðisbúsins, kjúk-
linga- og eggjabús skammt frá Egils-
stöðum, að leggja af rekstur sinn
vegna samkeppnisörðugleika og
bentu hestamenn á þann möguleika
að jörðin yrði keypt og nýtt fyrir
hestamenn.
Austur-Hérað hefur nú keypt um
90% jarðarinnar og hestamenn hluta
húseigna.
Jafnframt hefur verið undirritaður
samstarfs- og uppbyggingarsamn-
ingur til 25 ára milli sveitarfélagsins
og Hesteigendafélagsins Fossgerðis.
Markmið samningsins er að koma
upp á jörðinni Fossgerði framtíð-
araðstöðu fyrir hestamennsku.
Stíur fyrir unga
hestamenn niðurgreiddar
„Samningurinn tekur á föstum
upphæðum,“ segir Eiríkur Bj. Björg-
vinsson, bæjarstjóri Austur-Héraðs.
„Sveitarfélagið mun leggja til átta
milljónir króna sérstaklega vegna
kaupa á húseignum. Samningurinn
tekur líka til þess að við munum
kaupa 99,72 ha af Fossgerðisjörðinni
á fimm milljónir króna. Síðan er í
samningnum kveðið á um að sveitar-
félagið muni leggja hestamannafélag-
inu til 800 þúsund krónur árlega, vísi-
tölutengt, vegna æskulýðsstarfs, sem
er í raun rekstrarstyrkur í aðstöðu
fyrir börn og unglinga. Átta millj-
ónirnar eru einnig skilyrtar á þann
veg að börn og unglingar í sveitarfé-
laginu eigi ákveðin pláss í þessum
hesthúsum og við erum þannig að
kaupa um tíu stíur fyrir tuttugu hesta
þeim til handa.“
Eiríkur segir að sveitarfélagið
muni afhenda hestamönnum um sex-
tíu hektara lands til afnota í byrjun
og ætlunin sé einnig að styrkja félag-
ið næstu fimm árin sem nemur op-
inberum gjöldum.
Eiríkur leggur áherslu á að und-
irbúningsvinna sú, sem innt hefur
verið af hendi síðustu áratugina við
leit að hentugu svæði fyrir hesta-
menn, hafi skilað sér í þessari far-
sælu lausn og bæjarstjórn og for-
svarsmenn hestamanna hafi lagt
mikið af mörkum til að leysa málið.
Austur-Hérað mun í framhaldinu
deiliskipuleggja beitarland og nýja
hesthúsabyggð í Fossgerði, sem
hestamenn fá til afnota. Austur-
Hérað mun einnig tryggja að lagðar
verða reiðleiðir að og frá hest-
húsabyggðinni og mun sveitarfélagið,
í samráði við Vegagerð ríkisins,
ganga frá samningum við nærliggj-
andi jarðeigendur og tryggja fjár-
magn til lagningar og viðhalds reið-
leiða. Stefnt er að því að upplýstar
reiðleiðir verið komnar frá hesthús-
unum í Egilsstaði eigi síðar en haust-
ið 2005. Ekki liggur enn fyrir hver
kostnaður verður við að innrétta
hesthús og félagsaðstöðu. Gert er ráð
fyrir að í upphafi verði settar upp
rúmlega fjörutíu stíur og að þrír
fjórðu hlutar þeirra verði seldir á um
750 þúsund krónur hver, en í stíunni
rúmast tvö hross.
„Það er stór stund fyrir hestamenn
hér á svæðinu að þeir skulu loksins
vera búnir að eignast samastað eftir
30-40 ára baráttu,“ segir Ástráður
Magnússon, formaður Hesteigenda-
félagsins Fossgerðis. „Nú eignumst
við félagsaðstöðu og getum byggt
upp hringvelli og æfingavöll fyrir
unglingana, auk þess sem hluti af stí-
um í húsunum verður gagngert fyrir
hesta unglinganna, styrktar af bæn-
um. Þetta mál er allt mjög jákvætt og
eykur möguleika á að auka unglinga-
starfið til muna. Síðan er það draum-
ur okkar að geta í framhaldinu byggt
reiðhöll á þessu svæði,“ segir Ástráð-
ur.
Hestamenn byggja upp á
jörðinni Fossgerði
Morgunblaðið/Steinunn Ásmundsdóttir
Þrjátíu ára deilur leiddar til lykta með samningi um uppbyggingu hestaað-
stöðu í Fossgerði: F.v. Eiríkur Bj. Björgvinsson, sveitarstjóri Austur-Hér-
aðs, Ástráður Magnússon, formaður hestaeigendafélagsins Fossgerðis, og
Guðríður Guðmundsdóttir og Örn Stefánsson, seljendur Fossgerðis.
Þrjátíu ára römm-
um deilum vegna
aðstöðu hestamanna
við Egilsstaði lokið
Egilsstaðir | Undirritaður hefur
verið samningur um að Íslenskir að-
alverktakar byggi verslunarmiðstöð
á Egilsstöðum fyrir fasteignafélagið
Þyrpingu hf.
Byggingin verður 1.800 fermetra
stálgrindarhús og staðsett að Mið-
vangi 13 á Egilsstöðum. Liggur lóðin
samhliða þjóðvegi 1 um Egilsstaða-
nes.
Bónus, BT og Office 1 eru meðal
aðila sem verða í verslunarmiðstöð-
inni og hefur verið samið við ÍAV um
innréttingu þeirra rýma. Verslun
Bónuss mun verða í rúmlega helm-
ingi hússins. Þá er skv. skipulagi
gert ráð fyrir sjálfsafgreiðslubensín-
stöð við annan enda byggingarinnar.
Ýmsir aðilar í verslun og þjónustu
á Austurlandi hafa sýnt því mikinn
áhuga að fá inni í húsinu, en að svo
komnu máli er hluta hússins enn
óráðstafað. Áætluð verklok eru 1.
maí n.k. Íslenskir aðalverktakar
hafa fleiri járn í eldinum á Egilsstöð-
um. Þeir undirbúa nú byggingu
tveggja nýrra hverfa; í Selbrekku og
Votahvammslandi.
Nú skal byggt á Egilsstöðum: Stefán Friðfinnsson, forstjóri ÍAV, og Skarp-
héðinn S. Steinarsson, framkvæmdastjóri Þyrpingar, handsala samning
um byggingu 1.800 fm verslunarhúsnæðis á Egilsstöðum.
ÍAV byggja yfir
Bónus og BT