Morgunblaðið - 16.11.2003, Blaðsíða 53
AUÐLESIÐ EFNI
MORGUNBLAÐIÐ SUNNUDAGUR 16. NÓVEMBER 2003 53
Netfang: auefni@mbl.is
LANDSSÍMINN skoðar nú
möguleika á að kaupa
búlgarska
ríkissímafyrirtækið BTC fyrir
um 200 milljónir króna.
Stjórn Símans hefur fjallað
um málið og veitt
forstjóranum, Brynjólfi
Bjarnasyni, heimild til að
kanna málið áfram.
Síminn fékk áhuga á
búlgarska fyrirtækinu þegar
Björgólfur Thor Björgólfsson
fjárfestir benti þeim á það.
Björgólfur á aðild að tilboði í
kaup á meirihluta í BTC.
Orri Hauksson hjá
Símanum segir að þetta sé
áhugavert verkefni fyrir
fyrirtækið. Síminn geti veitt
ráðgjöf við uppbyggingu BTC,
bæði tæknilega og hvað
almennan rekstur varðar.
Síminn skoðar kaup í
búlgarska símanum
KRAKKARNIR í leik-skólanum Klömbrum við Háteigsveg
örkuðu upp á vatnshólinn svonefnda í úrhellis-rigningu og roki
á þriðjudag, hver og einn með blöðru í hendi.
Nákvæmlega klukkan eitt var blöðrunum sleppt út í vindinn,
á sama tíma og hjá mörgum öðrum leikskólum í Evrópu sem
taka þátt í verkefni sem kennt er við Comenius, heimspeking
og guðfræðing frá Tékklandi. Þrátt fyrir rokið og bleytuna
skemmtu krakkarnir sér vel yfir því að horfa á eftir blöðrunum
fjúka yfir Háteigskirkju og í áttina að Skólavörðu-holtinu.
Morgunblaðið/Kristinn
Slepptu blöðrum út í vindinn
ÍSLENSKA bíómyndin Nói
Albínói, sem Dagur Kári
Pétursson gerði, fær mjög
góða dóma í útlendum
blöðum og á útlendum
heimasíðum. Blaðið Empire,
sem er eitt stærsta blaðið
sem fjallar um bíómyndir,
segir að myndin sé lík
myndum eftir Jim Jarmusch
og Aki Kaurismäki sem eru
frægir leikstjórar.
Myndin fær fjórar stjörnur í
blaðinu en mest er hægt að
fá fimm. Gagnrýnandi segir
að myndin sé falleg og það
sé fjallað um unglingsár á
flottan hátt.
Heimasíða
sjónvarpsstöðvarinnar
Channel 4 segir að myndin
sé blanda af alvarlegri mynd
og fyndinni. Þar segir líka að
Tómas Lemarquis, sá sem
leikur Nóa, líti alveg eins út
og maðurinn sem lék
Dauðann í mynd eftir Ingmar
Bergman sem heitir Sjöunda
innsiglið. Munurinn sé bara
sá að Nói sé með húfu en
Dauðinn með ljá í hendinni!
Nói albínói
fær góða
dóma
FIMM nýliðar eru í íslenska
landsliðshópnum í
knattspyrnu sem mætir
Mexíkó í San Francisco í
næstu viku. Nýliðarnir eru:
Björgólfur Takefusa, Ómar
Jóhannsson, markvörður,
Ólafur Ingi Skúlason,
Kristján Örn Sigurðsson og
Guðmundur Viðar Mete.
Mikill forföll eru í íslenska
liðinu en margir leikmenn
gáfu ekki kost á sér en það
voru þeir Eiður Smári
Guðjohnsen, Hermann
Hreiðarsson, Brynjar Björn
Gunnarsson, Ívar
Ingimarsson og Jóhannes
Karl Guðjónsson, sem allir
spila með liðum í Englandi,
og Arnar Þór Viðarsson,
Rúnar Kristinsson, Arnar
Grétarsson, Marel
Baldvinsson og Indriði
Sigurðsson, sem spila í
Belgíu.
18 manna hópurinn er
þannig skipaður,
landsleikir leikmanna eru í
sviga fyrir aftan nöfnin:
Árni Gautur Arason (32)
Ómar Jóhannsson (0)
Helgi Sigurðsson (50)
Þórður Guðjónsson (49)
Ríkharður Daðason (43)
Tryggvi Guðmundsson (32)
Helgi Kolviðss., Karnten (29)
Auðun Helgason (27)
Ólafur Örn Bjarnason (14)
Bjarni Þorsteinsson (9)
Gylfi Einarsson (8)
Hjálmar Jónsson (5)
Ólafur Stígsson (8)
Veigar Páll Gunnarsson (4)
Ólafur Ingi Skúlason (0)
Kristján Örn Sigurðsson (0)
Björgólfur Takefusa (0)
Guðmundur V. Mete (0)
Fimm nýliðar mæta Mexíkó
Morgunblaðið/Kristinn
Logi Ólafsson og Ásgeir Sigurvinsson.
ÁTJÁN Ítalir og níu Írakar –
létu lífið í sprengjuárás í Írak
á miðvikudag. Ítalir eru
felmtri slegnir vegna
mannfallsins og stjórn Ítalíu
lýsti yfir þjóðarsorg í landinu.
Árásarmaðurinn ók tankbíl,
hlöðnum sprengiefni, að
aðalstöðvum ítalskra
herlögreglumanna í borginni
Nasiriyah í Suður-Írak. Hann
sprengdi síðan bílinn í loft
upp.
Ítalir eru með 2.400
manna lið hermanna og
herlögreglumanna í Írak.
Vinstrimenn á ítalska þinginu
kröfðust þess eftir árásina
að herliðið yrði kallað heim.
Stjórnin hafnaði þeirri kröfu.
Varnarmálaráðherra Ítalíu
sagði að „sama höndin“ og
framdi hryðjuverkin í
Bandaríkjunum 11.
september 2001 hefði nú
ráðist á Ítali. „Þetta er okkar
11. september,“ sagði
yfirmaður ítölsku
herlögreglumannanna.
Ítalskt dagblað sagði að
Ítalir hefðu haldið að þeim
stafaði ekki hætta af
hryðjuverkum en sú tálvon
væri nú brostin.
Þjóðarsorg
á Ítalíu
27 manns bíða
bana í árás í Írak
FJÓRIR hópar fjárfesta hafa
lagt fram nýtt hlutafé í
Norðurljósum, sem reka
meðal annars Stöð 2 og
Bylgjuna. Hver hópur leggur
fram 250 milljónir króna, eða
alls einn milljarð króna. Hefur
hlutafé fyrirtækisins um leið
verið fært niður um 80%.
Hluthafa-hóparnir eru
Kaupþing-Búnaðarbanki,
hópur á vegum Finns
Ingólfssonar, forstjóra VÍS,
hópur á vegum Jóns Ásgeirs
Jóhannessonar í Baugi, og
hópur á vegum Kára
Stefánssonar, forstjóra
Íslenskrar erfðagreiningar.
Tilboði Bretans Marcus
Evans var því hafnað.
Jón Ólafsson, sem átti
stóran hlut í Norðurljósum,
hefur selt allar sínar eigur á
Íslandi. Kaupandi er
Kaupþing-Búnaðarbanki.
Sigurður G. Guðjónsson
verður áfram forstjóri
Norðurljósa.
Fjórir hópar
kaupa í
Norðurljósum