Morgunblaðið - 16.11.2003, Blaðsíða 58
58 SUNNUDAGUR 16. NÓVEMBER 2003 MORGUNBLAÐIÐ
HUGSAÐU STÓRT
EINI THX LÚXUSSALUR LANDSINS
Miðasala opnar kl. 13.30
Sýnd kl. 2, 4 og 6.Sýnd kl. 8 og 10.30. B.i. 16.
Sýnd kl. 2 og 4.
með ísl. tali.
Miðav
erð
kr. 50
0
Sýnd kl. 10. B.i. 12.
3D
gleraugu
fylgja hverjum
miða
Það sem þú veist um ótta kemst ekki nálægt þessu.
Beint átoppinn í
USA!
Hann hélt alltaf að hann
væri bara venjulegur álfur,
þangað til annað kom í ljós.
Nú er hann
á leiðinni í stórborgina
að finna pabba sinn.
Stórkostleg
grínmynd fyrir
alla fjölskylduna.
FRUMSÝNING
Power
sýning
kl. 10.
20
Sýnd kl. 5.40, 8 og powersýning kl. 10.20. B.i. 16
kl. 3, 5.40, 8 og 10.20. B.i. 16 ára
Stranglega bönnuð innan 16 ára!
Kvikmyndir.com
Skonrokk FM909
ÞÞ FBL
HJ MBL
HK DV
4. myndin frá Quentin Tarantino
Sýnd kl. 2, 4, 6, 8 og 10. B.i. 10 ára.
Sýnd kl. 2, 4, 6 og 8. Með íslensku tali.
FRUMSÝNING
Will Ferrell
Hann hélt alltaf að hann væri bara venjulegur
álfur, þangað til annað kom í ljós. Nú er hann
á leiðinni í stórborgina að finna pabba sinn.
Stórkostleg grínmynd fyrir alla fjölskylduna.
Sýnd kl. 2, 4, 6 og 8. Með íslensku tali.
Sýnd kl. 10.
Sýnd kl. 2. Með íslensku tali.
Miða
verð
kr. 50
0
FRUMSÝNING
Will Ferrell
Sýnd kl. 6, 8 og 10. B.i. 10 ára.
Sýnd kl. 4.
LJÓÐADISKAR eru torkennileg-
ar listafurðir. Falla einhvern veginn
á milli þilja; of óhreinir fyrir hinn al-
varlega ljóðaunnanda en of skrítnir
fyrir dægurtónlistarunnandann.
Foreldrar þessa olnbogabarns, þ.e.
bækurnar og hljómplöturnar eru því
frekar málið á meðan afkvæmið virð-
ist dæmt til að
lifa neðan jörðu.
En þessar stað-
reyndir/vanga-
veltur segja
samt nákvæm-
lega ekkert um
hið listræna gildi sem er auðvitað
upp og ofan eins og með allt. Hér
höfum við t.d. fínt verk í þessum oft
afskipta geira, verk sem gæti opnað
fordómafull eyru.
Hér er á ferðinni samstarfsverk-
efni þeirra feðga, Þórarins og Krist-
jáns Eldjárns. Sá fyrstnefndi leggur
til ljóðin á meðan sonur hans, sem
var mikilhæfur gítarleikari í lifanda
lífi, leikur á gítar undir. Um þrjátíu
ljóðahljóðverk er að ræða, flest um
mínúta að lengd.
Skemmst frá að segja virkar sam-
sláttur feðganna vel. Undirleikur
eða öllu heldur meðleikur Kristjáns
gæti til að mynda hæglega staðið
einn og sér, svo mikið er í hann
spunnið. Lítið er um óhljóð eins og
ýjað er að í titli, heldur eru stemm-
urnar dulúðugar, flestar fremur
myrkar. Fegurðinni skýtur þó reglu-
lega upp og það er einhver heillandi
hlýja og mýkt í gangi sem erfitt er að
henda reiður á. Kristján vinnur úr
þjóðlögum, djassi og rokki í þessum
stemmum en sveipar þær svo allar
með óræðri óhljóðaáru – en óhljóð-
listina stundaði þessi fjölhæfi gítar-
leikari þónokkuð meðfram öðrum
stílum.
Upplestur Þórarins er mjög
„venjulegur“, hann er hreinn og
beinn – enginn reiðilestur eða leik-
ræn tilþrif í gangi. Sem þjónar bæði
ljóðunum svo og spilamennskunni
vel. Oft myndast skemmtileg spenna
á milli látlauss lestursins og undur-
furðulegra hljómanna. Það er líkt og
þeir feðgar sitji saman í fallegri and-
akt inni í myrkvuðu herbergi þegar
hlustað er.
Ljóð Þórarins eru skemmtileg og
oft frábærlega glúrin. Gjarnan þá
hnyttin og stundum enda þau á
óvæntan, næsta súrrealískan hátt.
Bestu ljóðin eru svo þau sem búa yfir
rammalvarlegum boðskap, sem oft
er lyklaður inn í grínið. T.a.m. mað-
urinn sem vinnur hjá gildismati rík-
isins og er alltaf í sömu sporum, þótt
hann sé ætíð að skipta um skó.
Oft koma svo litlar hendingar sem
svínvirka, t.d. krókódílarnir sem
gráta mannstárum, það að vera jú-
kvæður frekar en jákvæður og að-
dáunin á Adolfi Sax og tregahorninu
hans.
Umbúðir og frágangur þeirra er
til fyrirmyndar. Sérstök myndin sem
prýðir hulstrið er byggð á draumi
sem Úlfur Eldjárn, sem er sonur
Þórarins og bróðir Kristjáns, átti en
hann sér um hönnunina.
Það er viss fegurð í því að hlusta á
tvo menn, tengda svo nánum blóð-
böndum, skapa saman. Þetta er inn-
siglað með fallegum texta í umbúð-
um disksins, þar sem Þórarinn rekur
upptökuferlið og ástæðurnar fyrir
því að diskurinn varð til. Það er viss
sorg og angurværð í orðum hans,
sem hittir í hjartastað.
Ljóðadiskar geta verið hundleið-
inlegir, og margir þeirra lítt til þess
fallnir að stinga oftar en einu sinni
undir geislann. Þveröfugt er farið
með hann þennan, sem er alveg af-
spyrnu vel heppnaður.
Tónlist
(Ó)(h)ljóð
Kristján Eldjárn og Þórarinn
Eldjárn
Ljóð, hljóð og óhljóð
Óhljóð
Ljóðadiskur þar sem feðgarnir Kristján
og Þórarinn Eldjárn sameina krafta. Upp-
taka gerð af Kristjáni og Guðmundi Pét-
urssyni.
Arnar Eggert Thoroddsen
GUÐMUNDUR Steingrímsson
stendur í ströngu þessa dagana.
Meðfram starfi sínu sem blaðamað-
ur er hann á fullu að kynna fyrstu
skáldsögu sína, sem ber titilinn
Áhrif mín á mannkynssöguna. Nú,
svo er það spilamennska með póst-
módernísku poppsveitinni Ske og
barn á leiðinni. En verra gæti það
verið …
Hvernig hefurðu það?
Ég er bara nokkuð brattur. Í svona
skemmtilega kæruleysislegu skapi.
Hvað ertu með í vösunum?
Þrjár krumpaðar og gamlar vísanót-
ur. Eina úr barnafataverslun í Kringl-
unni, aðra frá Ölstofu Kormáks og
Skjaldar og þá þriðju af Kaffi París.
Uppvaskið eða skræla kartöflur?
Uppvaskið. Ég er með tíu þumalfing-
ur þegar kemur að því að skræla
hluti. Þarf að vinna betur í fínhreyf-
ingunum. Hins vegar hef ég unun af
því að hreinsa skítugan disk með
heitu vatni og horfa á skítinn hörfa
eftir fletinum undan vatnsgusunni
og niður í vaskinn.
Hefurðu tárast í bíói?
Nei, ég næ yfirleitt að bíta saman
jöxlunum og halda aftur af tárunum.
En það verður erfiðara með árunum.
Hins vegar hef ég einu sinni óvart
klappað í bíó. Það var á About
Schmidt. Í myndinni var sena þar
sem allir klöppuðu að lokinni ræðu í
brúðkaupi. Ég gleymdi mér alveg og
klappaði líka. Blóðroðnaði náttúr-
lega og leit í kringum mig. Held að
enginn hafi tekið eftir þessu.
Hverjir voru fyrstu tónleikarnir sem
þú fórst á?
Fine Young Cannibals, Madness,
Lloyd Cole og Simply Red í Höllinni á
Listahátíð einhvern tímann. Þetta
voru tvö kvöld í röð. Töfrandi reynsla.
Ef þú værir ekki rithöfundur hvað
vildirðu þá vera?
Tónlistarmaður.
Hvaða leikari fer mest í taugarnar á
þér?
Mér finnst Ben Affleck alltaf vera
með eitthvert einkennilegt glott,
eins og hann sé svo ánægður með
að vera orðinn leikari og svona ríkur
þegar hann er að leika.
Hver er þinn helsti veikleiki?
Á það til að stökkva upp á nef mér í
þvermóðsku. En það varir yfirleitt
ekki lengi.
Finndu fimm orð sem lýsa persónu-
leika þínum vel.
Opinn, forvitinn, skilningsríkur, ákaf-
ur, þverhaus.
Bítlarnir eða Stones?
Stones. Maður spilaði þá í hljóm-
sveitum á menntaskólaárunum, og
svo fór ég á tónleika með þeim á
Wembley fyrir nokkrum árum. Þeir
eru magnaðir. Aldrei kveikt almenni-
lega á Bítlunum.
Humar eða hamborgari?
Í dag myndi mig langa í humar.
Hver var síðasta bók sem þú last?
Lygasaga eftir Lindu Vilhjálmsdótt-
ur. Mjög góð bók.
Hvaða lag spilarðu áður en þú ferð
út á laugardagskvöldi?
„Mein Herz Brennt“ með Ramm-
stein.
Hvaða plötu keyptirðu síðast?
Ég fór á plötumarkað um daginn og
keypti einhvern slatta. Queen, Blur,
Bob Dylan, Cowboy Junkies og The
Beach Boys, svo eitthvað sé nefnt.
Hver er unaðslegasti ilmur sem þú
hefur fundið?
Svona óræður þefur af sjó, þegar
maður stendur í fjöru einhvers stað-
ar og veðrið er sæmilegt. Annars
held ég að ég sé að missa þefskyn.
Það er eitt áhyggjuefnið um þessar
mundir.
Hvert er þitt mesta prakkarastrik?
Þau eru nokkur. Ég gerði einu sinni
afsteypu af bíllykli vinar míns og svo
vaknaði ég nokkrum sinnum eld-
snemma á morgnana og færði bílinn
hans. Svo skemmti ég mér við það
að horfa á hann leita að bílnum sín-
um. Ég hafði mjög gaman af þessu.
Hver er furðulegasti matur sem þú
hefur borðað?
Ég er algjör heigull þegar kemur að
mat. Ég segi bara hákarl. Ég smakk-
aði hann einu sinni og fékk stuð upp
í heila.
Trúirðu á líf eftir dauðann?
Ég veit það ekki. Mér finnst þetta
ekki vera raunverulegt „issjú“.
Maður á nóg með að lifa þessu, í
bili.
SOS
SPURT & SVARAÐ
Guðmundur
Steingrímsson
„Aldrei kveikt almenni-
lega á Bítlunum“