Morgunblaðið - 14.12.2003, Blaðsíða 59
BRÉF TIL BLAÐSINS
MORGUNBLAÐIÐ SUNNUDAGUR 14. DESEMBER 2003 59
Þú einfaldlega verslar í Reykjanesbæ fyrir andvirði gistingarinnar
10.800 kr. og notar kvittanirnar sem greiðslu fyrir glæsigistingu á
Hótel Keflavík. Fyrstir panta fyrstir fá. Pantanir í síma 420 7000.
Ísland sækjum það heim
ÞAÐ var sannarlega gaman að
hlýða á síðustu tónleika Stórsveit-
arinnar í Ráðhúsinu í síðustu viku,
þar sem Vestur-Íslendingurinn
Gills stjórnaði af mikilli innlifun.
Hljómsveitin lék ljómandi vel.
Jólalögin með Kristjönu, sem söng
að vanda eins og flestum finnst að
eigi að syngja sveiflutónlist, féllu
fólki í geð með jólin svona skammt
undan.
Stórsveitinni fer stöðugt fram og
er það sérstök ánægja að upplifa,
hversu trompetarnir og básúnurn-
ar hafa styrkst jafnt og þétt und-
anfarin örfá ár. Saxarnir hafa verið
miklu betur á sig komnir lengi vel
og góðum slagverksleikurum, bass-
istum og píanóleikurum fjölgar.
Þökk sé tónlistaruppeldi í skólum
landsins með Tónlistarskóla FÍH í
fararbroddi.
Þessir tónleikar fóru ákaflega
vel fram og átti þar efnisvalið mik-
inn hlut að máli. Stórsveitir mega
ekki leika fyrir almenning fram-
úrstefnutónlist eina saman, ef þær
ætla að finna sér viðurværi. Það er
aðeins afmarkaður hópur, sem
hlýðir á slíka tónlist sér til ánægju.
Hnetubrjóturinn hans Duke
reyndist mátulega gamall framúr-
stefnujazz fyrir hlustendur að
þessu sinni. Hefðbundna stórsveit-
arsveiflu þarf fólk alltaf að heyra á
slíkum tónleikum.
Blanda af nýju og gömlu er upp-
eldislega góð fyrir blandaðan hóp
áheyrenda, enda var sveitinni sér-
staklega vel tekið á tónleikunum.
Eftir að hafa fylgt Stórsveitinni í
gegnum árin, með Sæbjörn Jóns-
son og Sigurð Flosason í farar-
broddi, þykir mönnum vera kom-
inn tími til að snöggtum betur
verði gert af hálfu opinberra aðila
til að tryggja rekstur sveitarinnar
og þar með öryggi hennar og til-
veru. Hljómsveitina skipa mennt-
aðir atvinnumenn, sem leggja líka
sína vigt á vogarskálarnar í klass-
íska geiranum, sinfónískum,
kirkjulegum og víðar. Margir
þeirra eru það önnum kafnir, að
oft verður að kalla inn varamenn
til að bjarga ýmsum uppákomum.
Slíkt er auðvitað vegna þess, að
verið er að sinna launaðri vinnu til
að draga fram lífið. Ekki er hér
verið að tala um að setja menn á
laun í þessari áhugamannahljóm-
sveit, en gott væri að reksturinn
stæði svo vel undir sér að gefa
mætti félögunum jólabónus, þegar
annars vel rekin sveit skilaði
tekjuafgangi í lok árs. Til þess
verður að auka tillegg Reykjavík-
urborgar og mun fleiri verða að
koma að málum.
Stórsveitin er fyrir löngu orðin
hluti af menningarsamfélagi okkar.
Henni er fagnað á Jazzhátíðum og
vonandi á Listahátíðum framtíðar.
Þegar hún leikur er tyllidagur.
Það er borginni til mikils sóma,
að halda Stórsveitartónleika í Ráð-
húsinu og bjóða borgarbúum til
þeirra. Tónleikarnir ættu aðeins að
vera fleiri.
Hvernig væri að láta jafngildi
einna til tveggja heiðurslista-
mannalauna renna til sveitarinnar
árlega auk útvarps- og sjónvarps-
flutnings af og til? Hvar eru tón-
elsku menntamálaráðherrarnir og
útvarpsstjórarnir?
Samfélagið verður að hlúa að
sínum bestu listamönnum og eðli-
legt að þeir fái sína örvun, svo að
áhugi þeirra fyrir því að standa sig
vel dofni ekki.
Stórsveit Reykjavíkur, gleðileg
jól og farsæl komandi ár með þökk
fyrir þau liðnu.
HRAFN PÁLSSON,
Tómasarhaga 25,
Reykjavík.
Jóla- og nýárskveðja til Stórsveitar Reykjavíkur
Frá Hrafni Pálssyni
Pipar og salt
kvarnir
Verð
kr. 2.900
Klapparstíg 44, sími 562 3614
Nýbýlavegi 12 • 200 Kópavogi • Sími 554 4433
Opið virka daga 10-18, laugardaga 10-16
Föt fyrir
allar konur