Morgunblaðið - 14.12.2003, Blaðsíða 63
AUÐLESIÐ EFNI
MORGUNBLAÐIÐ SUNNUDAGUR 14. DESEMBER 2003 63
mannkynið lærði af mistökum
sögunnar. Við athöfnina bar
Ebadi ekki hinn íslamska
höfuðklút eins og írönskum
konum er gert skylt. Hafa
bókstafstrúarmenn í landi
hennar hótað henni dauða
vegna þess.
Feðraveldið kúgar
íslamskar konur
Mannréttinda-
frömuðinum Shir-
in Ebadi afhent
friðarverðlaun
Nóbels
Reuters
Shirin Ebadi friðarverðlaunahafi Nóbels.
Í ræðu sinni sagði Ole
Mjøs, formaður norsku
Nóbelsnefndarinnar, að nafn
Ebadi myndi lýsa upp sögu
friðarverðlaunanna og lét í
ljós ósk um, að breyting til
batnaðar yrði í landi hennar
og annars staðar.
ÍRANSKI lögfræðingurinn og
mannréttindafrömuðurinn
Shirin Ebadi tók við
friðarverðlaunum Nóbels í
Ósló á miðvikudag. Í
þakkarræðu sinni gagnrýndi
hún meðal annars Bandaríkin
fyrir að hafa hunsað
mannréttindi í baráttu sinni
gegn hryðjuverkum.
Ebadi vék í máli sínu að
föngum Bandaríkjamanna í
Guantanamo á Kúbu og
sagði, að þeir hefðu ekki
notið þeirra réttinda, sem
kveðið væri á um í
alþjóðlegum sáttmálum.
Spurði hún einnig hvers
vegna sum ríki ættu að vera
bundin samþykktum
Sameinuðu þjóðanna en
önnur ekki. Ráðist hefði verið
inn í Írak en tugum samþykkta
SÞ um Palestínu og Ísrael
aldrei verið framfylgt.
Ebadi sagði, að íslam og
mannréttindi gætu farið
saman. Í landi sínu, Íran, væri
það feðraveldið, sem kúgaði
konurnar og hún hvatti til, að
KRISTÍN Rós Hákonardóttir
og Jón Oddur Halldórsson
voru í gær útnefnd
íþróttamenn ársins úr
röðum fatlaðra
íþróttamanna.
Kristín Rós vann til fernra
gullverðlauna á opna breska
sundmeistaramótinu og því
kanadíska og þá var hún
sigursæl á Íslandsmóti og í
bikarkeppni fatlaðra. Þetta
er í níunda skipti sem hún
hlýtur sæmdarheitið.
Jón Oddur hlaut tvenn
gullverðlaun á
Evrópumeistaramóti fatlaðra
í frjálsum íþróttum og einnig
á opna breska mótinu og þá
sigraði hann í þeim greinum
sem hann tók þátt í á
Íslandsmóti fatlaðra.
Morgunblaðið/Kristinn
Kristín Rós Hákonardóttir og Jón Oddur Halldórsson.
Kristín Rós og
Jón Oddur best
MARGIR mótmæltu frumvarpi
um eftirlaun æðstu
embættismanna. Frumvarpið
var rætt á Alþingi í vikunni. Í
frumvarpinu er til dæmis lagt
til að formenn
stjórnmálaflokkanna, sem
ekki eru líka ráðherrar, fái
50% álag á launin sín. Það er
líka lagt til að eftirlaun fyrir
æðstu stöður í þjóðfélaginu
verði borgaðar beint úr
ríkissjóði en ekki lífeyrissjóði
starfsmanna ríkisins.
Verkalýðshreyfingin er ósátt
við frumvarpið. Núna er verið
að semja um kjör launafólks í
landinu. Frumvarpið muni
breyta kröfum launþeganna.
Mjög margir komu saman á
Austurvelli á fimmtudag og
mótmæltu frumvarpinu. Þar
voru til dæmis forystumenn
verkalýðshreyfingarinnar.
Sumir þingmenn hættu við að
styðja frumvarpið eftir
mótmælin.
Morgunblaðið/Kristinn
Margir mótmæltu á Austurvelli á fimmtudag.
Frumvarp um laun þingmanna
Á MIÐVIKUDAGINN spilaði
breska rokksveitin Muse í
Laugardalshöll. Það var fullt
af fólki að horfa á Muse og
líka íslensku hljómsveitina
Mínus. Hún spilaði á undan
Muse.
Muse eru búnir að gefa út
þrjár plötur. Nýjasta platan
heitir Absolution.
Bassaleikarinn Chris segir að
tónleikaferðalagið sem þeir
eru í núna sé það
skemmtilegasta til þessa.
Stemningin var afar góð í
Höllinni og allir skemmtu sér
vel.
Morgunblaðið/Árni Torfason
Krummi, söngvari í Mínus.
Morgunblaðið/Árni Torfason
Matthew Bellamy í Muse.
Muse og Mínus
í Laugardalshöll
Netfang: auefni@mbl.is