Morgunblaðið - 19.12.2003, Síða 1

Jólaljósin
á húsunum
Húseigendur lýsa upp svartasta
skammdegið | Daglegt líf
Útgáfa tónlistar á mynddiskum
hefur stóraukist | Fólk í fréttum
Stjörnurnar
heim í stofu
Fólkið í dag
Bækur | Hvað gerir rithöfund að
rithöfundi?
Fatahönnun | Samsýning nemenda
við Listaháskóla Íslands
STOFNAÐ 1913 344. TBL. 91. ÁRG. FÖSTUDAGUR 19. DESEMBER 2003 PRENTSMIÐJA ÁRVAKURS HF. mbl.is
SÖNGVARINN Michael Jack-
son var í gær formlega ákærður
fyrir kynferðislegt ofbeldi
gagnvart barni. Er ákæran í níu
liðum og verði hann fundinn
sekur getur hann átt yfir höfði
sér allt að 24 ára fangelsi.
Á fréttamannafundi, sem
Tom Sneddon saksóknari efndi
til, voru ákæruatriðin ekki út-
skýrð að öðru leyti en því, að sjö
þeirra væru um kynferðislegt ofbeldi og tvö um
það, að Jackson hefði gefið barni áfengi með það í
huga að misbjóða því.
Jackson hefur kallað ákærurnar „lygi“ og for-
eldrar hans segja, að tilgangur saksóknaranna sé
sá einn að niðurlægja son þeirra. Búist er við, að
málið gegn Jackson eigi eftir að valda gífurlegu
fjölmiðlafári í Bandaríkjunum og jafnvel víðar.
Jackson
ákærður
Michael Jackson
Santa Maria. AFP.
JÖKLU var í gær veitt í hjáveitugöng þar
sem hún mun renna uns Kárahnjúkastífla er
fullgerð. Möl og stórgrýti var rutt út í far-
veg Jöklu skammt neðan stíflustæðisins, uns
haftið lokaðist og áin byrjaði að flæða inn í
göngin. Stjórnuðu yfirmenn Impregilo á Ís-
landi verkinu ásamt verkstjórum og tók á
þriðju klukkustund að loka farveginum.
Hjárennslisgöngin eru tvenn, annars veg-
ar þau sem Jökla rennur nú um og hins veg-
ar göng nokkru ofar í bergstálinu. Lítið var
í ánni og rann hún því með mestu spekt inn í
göngin og út úr þeim 835 metrum neðar.
Morgunblaðið/Þorkell
Jökla rann spök í sinn nýja farveg

Jökulsá/44
HERSTJÓRN Bandaríkja-
manna í Írak telur nú, að leið-
toga andspyrnunnar í landinu sé
fyrst og fremst að leita meðal
tiltölulega lágtsettra foringja í
stjórnarhernum og stjórnar-
flokknum fyrrverandi. Til þess
benda skjöl, sem fundust við
handtöku Saddams Husseins, og
hafa þau nú þegar leitt til þess,
að fjöldi manna hefur verið
handtekinn.
John Abizaid hershöfðingi
sagði í gær, að til að kveða niður
andspyrnuna og árásir á her-
menn bandamanna yrði að
handtaka eða ráða niðurlögum
þessa hóps. Sagði hann, að í að-
gerðum síðustu daga hefðu
margir þessara manna, meðal
annars millistjórnendur í Baath-
flokki Saddams, verið handtekn-
ir.
Nánari fréttir af handtöku
Saddams eru enn að berast og
kom það fram hjá ABC-sjón-
varpsstöðinni bandarísku í gær,
að hvíti og gulrauði leigubíllinn,
sem Saddam hafði til taks, hefði
meðal annars komið upp um
felustað hans. Bandaríkjamenn
höfðu veður af því, að hann not-
aði leigubíl til að fara á milli
staða og „feiti maðurinn“, sem
svo er kallaður, Qusay Rassoul,
sem sagði til frænda síns, stað-
festi það. Þegar hann sagði líka,
að Saddam gæti verið á svæðinu
við Adwar voru flugvélar sendar
á loft og úr þeim fannst bílinn.
Lágtsettir foringjar
sagðir stjórna árásum
Leigubíllinn benti á felustað
Saddams Husseins
HÁTT í þriðjungur Hollendinga veit ekki hvers vegna
jólin, mesta hátíð kristinna manna, eru haldin hátíðleg.
Kemur það fram í nýrri könnun.
Í könnuninni voru 750 Hollendingar, allt fullorðið
fólk, spurt um tilefni jólahátíðarinnar og reyndist meira
en fjórðungur þeirra ekki kunna á því skil. Nefndu sex
prósent annan atburð en fæðingu Krists.
Niðurstaðan var sú, að 29% mótmælenda voru ekki
viss um tilefni jólanna og 26% kaþólskra manna. Þannig
var því líka háttað með 35% þeirra, sem kváðust trúlaus-
ir. Var könnunin gerð fyrir NCRV, sem er kristileg sjón-
varpsstöð í Hollandi.
Til hvers eru jólin?
Haag. AFP.
LIÐLEGA fimmtungur
nemenda tveggja efstu
bekkja grunnskóla lands-
ins stundar tónlistarnám.
Hefur ásókn í tónlistar-
nám aukist mjög á síð-
ustu sex árum.
Fram kemur í niður-
stöðum rannsóknar
Rannsókna og greiningar
meðal nemenda 9. og 10.
bekkjar grunnskólanna
að hlutfall nemenda í tón-
listarnámi hefur aukist úr
13% árið 1997 í 20,4% í ár. Miðað er við að nem-
endur sæki tíma einu sinni í viku eða oftar.
Meiri aukning hefur orðið meðal pilta en stúlkna
en þó er enn hærra hlutfall stúlkna í tónlist-
arnámi, eða liðlega 22% á móti 18,8% meðal
stráka.
Hera Hallbera Björnsdóttir, félagsfræðingur
hjá Rannsóknum og greiningu, segir að rann-
sóknir sýni að það hafi forvarnargildi gagnvart
vímuefnum þegar unglingar læri á hljóðfæri,
með sama hætti og ástundun íþrótta og annars
æskulýðs- og tómstundastarfs.
Fimmtungur
stundar tón-
listarnám

Íþróttastarf/45




 



 

  ♦ ♦ ♦
ARIEL Sharon, forsætisráðherra Ísraels, hótaði í
gær að grípa til einhliða aðgerða gegn Palestínu-
mönnum innan nokkurra mánaða, stæðu þeir ekki
við sinn hluta Vegvísisins, áætlunar um frið í Mið-
Austurlöndum.
Sharon sagði, að ef Palestínumenn uppfylltu
ekki skyldur sínar, myndi hann gangast sjálfur fyr-
ir því að skilja á milli þeirra og Ísraela, flýta bygg-
ingu múrsins, flytja Ísraelsher frá mörgum svæð-
um og afnema ýmsar byggðir gyðinga á hernumdu
svæðunum. Þá yrði komið upp nýrri öryggislínu.
Hafa þessar yfirlýsingar Sharons verið harðlega
gagnrýndar af Palestínumönnum og talsmaður
Bandaríkjastjórnar sagði, að hún samþykkti ekk-
ert, sem ekki væri í samræmi við Vegvísinn.
Hóta einhliða
aðgerðum
Herzliya. AFP.
♦ ♦ ♦