Morgunblaðið - 20.12.2003, Blaðsíða 23
ERLENT
MORGUNBLAÐIÐ LAUGARDAGUR 20. DESEMBER 2003 23
F
í
t
o
n
Ingvar Helgason hf. · Sími 525 8000 · Sævarhöfða 2 ih@ih.is www.ih.is · opið virka daga kl. 9-18
notaðir bílarIngvarHelgason
Nú setjum við
í jólagírinn...
Opel Astra 1.6 Gl 11/01 ekinn 28.000 km
ásett verð 1.560.000.
Tilboð 1.120.000.-
Peugeot 306 06/98 ekinn 101.000 km
ásett verð 670.000.-
Tilboð 470.000.-
Sangyong Korando 03/99 ekinn 106.000 km
ásett verð 1.240.000.-
Tilboð 820.000.-
Opel Astra 1.6 08/97 ekinn 117.000 km
ásett verð 580.000.-
Tilboð 340.000.-
Fullur salur af notuðum bílum á verði sem kemur
þér í sannkallað jólaskap. Komdu og skoðaðu,
sölumenn okkar taka vel á móti þér.
…og bjóðum til jólaveislu í björtum og hlýjum
sýningarsal Ingvars Helgasonar. Á borðum verða
notaðir úrvals bílar á gjafverði. Frábært tækifæri.
Opið í dag
frá kl.12 – 16
NORSKI heilbrigðisráðherrann,
Dagfinn Høyebraten, spáði því ný-
verið að innan 50 ára myndi fólk líta
á tóbaksnotkun
sem mjög sér-
kennilegan kafla
í sögu mann-
kyns. Í samtali
við Morgunblað-
ið segist Gro
Harlem Brundt-
land, fyrrv. for-
sætisráðherra
Noregs, geta
tekið undir
þessa skoðun.
Brundtland var þrisvar sinnum
forsætisráðherra í Noregi, seinast
1990–1996. Árið 1998 var hún valin
framkvæmdastjóri Alþjóðaheil-
brigðisstofnunarinnar (WHO) og
gegndi því starfi þar til fyrr á þessu
ári. Komu tóbaksvarnarmál komu
mjög inn á borð hennar í því starfi.
Það gerði hins vegar einnig annar
vaxandi vandi; offita, sem margir
telja að geti orðið jafnstórt heil-
brigðisvandamál í heiminum og af-
leiðingar reykinga. „Offita er vax-
andi heilbrigðisvandamál,“ segir
hún, „og það þarf að takast á við
vandann af krafti. Um er að ræða
eitt af tíu helstu vandamálunum,
sem að steðja í heiminum í dag.“
Brundtland segir að beinum af-
skiptum hennar af stjórnmálum sé
lokið. „Við keyptum okkur hús í
Nice í Suður-Frakklandi og munum
flytjast þangað búferlum á allra
næstu vikum. Við höfum hins vegar
verið á ferðalagi í haust, eftir að ég
hætti hjá WHO, bæði í Evrópu og í
Bandaríkjunum. Ég er sest í helgan
stein en mun hins vegar endrum og
eins taka til máls á opinberum vett-
vangi og ég hef líka verið beðin um
að sitja í óháðri sérfræðinganefnd
framkvæmdastjóra Sameinuðu
þjóðanna um umbætur á starfi sam-
takanna [sem sett var á laggirnar
eftir árás á höfuðstöðvar SÞ í Bagd-
ad í ágúst sl. í því skyni að koma
með tillögur um hvernig SÞ geti
brugðist við hryðjuverkaógninni].“
Brundtland segist ekki eyða
miklum tíma í Noregi og hún fylgist
ekki grannt með pólitískum atburð-
um þar. Hún vill litlu spá um þró-
unina í Evrópuumræðunni í Noregi
og á Íslandi, en sem kunnugt er
beitti hún sér fyrir því á sínum tíma
að Noregur gengi í Evrópusam-
bandið. Hún hafði ekki árangur sem
erfiði og segir nú að framtíðin hvað
varðar ESB sé mjög óljós.
„Hvort sem við erum að ræða um
tíma minn í framlínu norskra
stjórnmála eða árin hjá WHO þá
gildir það að hann einkenndist af
mikilli vinnu. Ég ferðaðist líka víða.
Í heildina litið er óhætt að segja að
ég var alltaf að fást við áhugaverð
og krefjandi verkefni,“ sagði Gro
Harlem Brundtland, fyrrverandi
forsætisráðherra Noregs.
Brundtland segist
sest í helgan stein
Gro Harlem
Brundtland
BRESKA stjórnin hefur stofnað
sérstaka sveit til að berjast gegn
farsímaþjófnaði en hann er helm-
ingur allra svokallaðra „götu-
glæpa“. 200 farsímum er stolið dag-
lega í Englandi og Wales og flestum
í London. Er greint frá þessu á
fréttavef BBC. Þar eru sérstök
gengi, sum frá Asíu og Afríku, sem
sérhæfa sig í þessum afbrotum.
Farsímafyrirtækin hafa einnig
lagt mikið af mörkum í þessari bar-
áttu og þau geta nú komið í veg fyr-
ir, að stolnir símar séu notaðir í
Bretlandi. Farsímanotendur í land-
inu voru 17 milljónir 1999 en eru nú
51 milljón.
Barist gegn
farsíma-
þjófnaði
AYMAN al-Zawahiri, sem er talinn
annar helsti leiðtogi hryðjuverka-
samtakanna al-Qaeda, segir að
Bandaríkjamenn
fari halloka í
heimi múslima,
svo sem í Afgan-
istan, í Írak, á
landsvæðum Pal-
estínumanna og í
öðrum ríkjum
araba. „Banda-
ríkjamenn eru á
undanhaldi í
Írak. Hermenn
þeirra eru bleyður því þeir hafa
ekki trú á leiðtogum sínum,“ sagði á
hljóðupptöku sem arabíska sjón-
varpsstöðin Al-Jazeera sendi út í
gær.
Upptakan með ávarpi Aymans al-
Zawahiri var að sögn send til Al-
Jazeera til þess að minnast orrustu
bandaríska hersins annars vegar og
talibana og al-Qaeda hins vegar við
Tora Bora fyrir tveimur árum. Þá
gerðu Bandaríkjamenn tilraun til
þess að ganga milli bols og höfuðs á
Osama bin Laden og fleiri leiðtog-
um al-Qaeda. Ayman al-Zawahiri
sagði að al-Qaeda hefði vaxið ás-
megin á undanförnum tveimur ár-
um, eða í kjölfar orrustunnar við
Tora Bora.
Fékk skipun frá bin Laden
Yfirvöld í Tyrklandi birtu í gær
formlega ákæru á hendur manni,
sem grunaður er um að hafa leikið
lykilhlutverk við skipulagninu
sjálfsmorðsárása í Istanbul í síð-
asta mánuði sem kostuðu 62 lífið.
Fullyrt er að maðurinn, Adnan Ers-
oz, hafi fengið skipun um það beint
frá Osama bin Laden, leiðtoga al-
Qaeda, að efna til árása á tvö sam-
komuhús gyðinga 15. nóvember og
breska sendiráðinu í Istanbul fimm
dögum síðar. Ersoz á yfir höfði sér
lífstíðarfangelsi ef fundinn sekur af
ákærunum.
Bandaríkin
sögð fara
halloka
Kaíró. AP.
Ayman al-Zawahri
♦ ♦ ♦