Morgunblaðið - 08.01.2004, Page 12

FRÉTTIR
12 FIMMTUDAGUR 8. JANÚAR 2004 MORGUNBLAÐIÐ
* Spennandi jazzballett og freestyle námskeið fyrir
5-7 ára
8-10 ára
11-13 ára
14-16 ára
17 ára og eldri
Krefjandi og skemmtilegt jazzballettnámskeið
fyrir eldri og lengra komna.
Kennsla hefst 12. janúar.
Dugguvogi 12










JAZZBALLETT
JAZZBALLETT
Innritun er hafin
í síma 553 0786
eftir kl. 12.
UMBOÐSMAÐUR Alþingis kemst
m.a. að þeirri niðurstöðu í nýju
áliti sínu að ríkissaksóknari hafi
gengið lengra en honum hafi verið
heimilt að lögum í því hvernig
hann kaus að greina fjölmiðlum frá
afdrifum máls fyrrverandi for-
stöðumanns Þjóðmenningarhúss-
ins, Guðmundar Magnússonar, hjá
embætti hans. Telur umboðsmaður
að orðalag í bréfi ríkissaksóknara
til Guðmundar hafi ekki samrýmst
meginreglu í tilteknum ákvæðum
stjórnarskrárinnar og mannrétt-
indasáttmála Evrópu. Er þeim til-
mælum beint til ríkissaksóknara,
Boga Nilssonar, að hann endur-
skoði orðalag tilkynningar um að
fallið hefði verið frá saksókn á
hendur Guðmundi, komi fram ósk
þess efnis, og taki framvegis í
störfum sínum mið af þeim sjón-
armiðum sem fram koma í álitinu.
Guðmundi var árið 2002 vikið úr
starfi forstöðumanns Þjóðmenn-
ingarhúss vegna ávirðinga um brot
í opinberu starfi. Í maí á síðasta
ári leitaði Guðmundur til umboðs-
manns Alþingis og kvartaði yfir
bréfi ríkissaksóknara, dagsettu í
júlí 2002, þar sem kynnt var sú
ákvörðun að falla frá saksókn á
hendur honum vegna tiltekinna
ávirðinga sem bornar höfðu verið á
hann vegna embættisfærslu hans
sem forstöðumanns Þjóðmenning-
arhúss. Í bréfinu var því m.a. lýst
að Guðmundur þætti hafa „gerst
sekur um umboðssvik samkvæmt
249. gr. almennra hegningarlaga
nr. 19/1940“ með tilgreindri hátt-
semi. Þá kom fram í bréfinu að
fallið hefði verið frá saksókn út af
því „broti“, einkum með hliðsjón af
því að honum hafði þá verið vikið
úr starfi sínu m.a. vegna ávirðinga
sem fælust í „nefndu umboðssvika-
broti“. Í kvörtun til umboðsmanns
var því haldið fram að með þessu
orðalagi í bréfi ríkissaksóknara,
sem einnig hefði verið haft eftir
honum í fjölmiðlum, hefði ríkissak-
sóknari brotið gegn grundvallar-
reglu stjórnarskrárinnar og mann-
réttindasáttmála Evrópu um að
sérhver maður væri saklaus uns
sekt hans væri sönnuð.
Í áliti sínu rekur umboðsmaður
þessi ákvæði stjórnarskrár og
mannréttindasáttmálans og segir
að þau beri að skýra með þeim
hætti að það kunni að brjóta í
bága við fyrirmæli þeirra ef hand-
hafar opinbers valds lýsi mann
sekan um refsiverðan verknað áð-
ur en sekt hans hafi verið slegin
föst með dómi. Við það mat verði
einkum að horfa til þeirra orða
sem notuð séu í viðkomandi yf-
irlýsingu. Taka verði tillit til at-
vika hverju sinni og horfa til þess
hvar og hvernig orð eru sett fram
og af hvaða tilefni. Umboðsmaður
telur að það orðalag sem ríkissak-
sóknari hafi valið í umræddu bréfi
til Guðmundar, og haft hafi verið
eftir honum í fjölmiðlum, hafi ver-
ið skýrt og afdráttarlaust og falið í
sér afstöðu hans sem handhafa op-
inbers valds um að Guðmundur
hafi gerst sekur um refsiverða
háttsemi án þess að slík staðhæf-
ing hafi verið staðfest með dómi.
Umboðsmaður segir ennfremur
að eins og ákvæðum laga um nið-
urfellingu saksóknar sé háttað hafi
ríkissaksóknari haft svigrúm við
val á framsetningu tilkynningar-
innar til forstöðumannsins fyrrver-
andi og orðalagi í því sambandi.
Er það niðurstaða umboðsmanns
að orðalagið hafi eins og atvikum
var háttað ekki samrýmst þeirri
meginreglu sem felist í 2. mgr. 70.
gr. stjórnarskrárinnar og 1. mgr.
6. gr. mannréttindasáttmála Evr-
ópu. Tekur umboðsmaður það
fram að af hálfu ríkissaksóknara
hafi ekki verið látið þar við sitja að
greina frá því að ákæruvaldið hafi
ekki talið tilefni til að aðhafast
frekar í tilefni af rannsókn á ætl-
uðu broti Guðmundar.
Lög andstæð stjórnarskrá?
Í álitinu er birt ítarlegt svar rík-
issaksóknara til umboðsmanns Al-
þingis. Þar segir m.a. að spurning
eða vangaveltur um hvort það sé
andstætt ákvæðum stjórnarskrár
og/eða mannréttindasáttmála að
ákæruvaldið lýsi afstöðu sinni til
sektar sakbornings við niðurfell-
ingu saksóknar sé að mati rík-
issaksóknara öðrum þræði spurn-
ing um hvort lagaákvæði um
niðurfellingu saksóknar séu and-
stæð stjórnarskrá og/eða mann-
réttindasáttmála. Ríkissaksóknari
segir ennfremur að með hliðsjón af
þeirri umfjöllun sem málið hlaut
hafi ekki verið hjá því komist að
veita upplýsingar um lok þess hjá
embættinu. Jafnframt hafi ekki
verið eðlilegt að málalok færu
leynt. Segir ríkissaksóknari að
fjölmiðlar hafi í öllum tilvikum
sem embættið varðar haft frum-
kvæði að umfjöllun um mál fyrr-
verandi forstöðumanns Þjóðmenn-
ingarhúss.
Umboðsmaður Alþingis um mál fyrrv. forstöðumanns Þjóðmenningarhússins
Ríkissaksóknari gekk
lengra en lög heimiluðu
MIKILL styr hefur staðið um út-
boð á rekstri Hótels Egilsbúðar í
Neskaupstað undanfarnar vikur.
Reksturinn var boðinn út í nóv-
ember á síðasta ári og þegar tilboð
voru opnuð í desember kom í ljós
að af sex tilboðum voru fimm frá
núverandi rekstraraðilum og
tengdum einstaklingi. Fyrirtækið
B.G. Bros ehf. hefur rekið Eg-
ilsbúð frá árinu 1997 og eru for-
svarsmenn þess Guðmundur R.
Gíslason og Birgir Búason.
Bæjarstjórn bar að
bjóða reksturinn út
Rekstur Egilsbúðar hefur verið
nokkurt bitbein í Neskaupstað allt
frá því að kvartað var árið 2002 af
samkeppnisaðila til Samkeppn-
isstofnunar vegna samnings
Fjarðabyggðar við B.G. Bros frá
2001. Hafði sá samningur verið
gerður til fimm ára án þess að leit-
að væri opinberlega eftir tilboðum.
Var niðurstaða stofnunarinnar sú
að bæjarstjórn bæri að bjóða út
reksturinn. Það var gert í nóv-
ember sl. og auglýst í miðlum inn-
an fjórðungs. Bárust sem fyrr seg-
ir sex tilboð í reksturinn, fimm frá
núverandi rekstraraðilum og eig-
inkonu annars þeirra, en hæsta til-
boðið kom frá Kristjáni J. Krist-
jánssyni og konu hans Þórunni
Vilbergsdóttir, en þau reka veit-
ingastaðinn Zalza í Félagslundi á
Reyðarfirði.
Tilboðin miðuðust við mán-
aðarlega húsaleigu, en auk hennar
þurfa rekstraraðilar að greiða fyr-
ir húshitun og rafmagn. Munaði
um eitthundrað þúsund krónum á
tilboði Kristjáns og næst hæsta til-
boðinu, frávikstilboði B.G. Bross
ehf., sem gert var með fyrirvara
um breytingar á leigusamningi við
Fjarðabyggð og opnunartíma
hússins.
Tilboðin dregin til baka
Eftir að tilboð lágu ljós fyrir
ákváðu rekstraraðilar Egilsbúðar
að draga öll sín tilboð til baka.
„Við drógum okkar tilboð til
baka 9. desember, vegna þess að
við töldum vænlegast að hætta
rekstrinum“ segir Guðmundur R.
Gíslason framkvæmdastjóri B.G.
Bross. „Við buðum í til að halda
rekstrinum áfram, en þegar svo
svimandi hátt tilboð kom í rekst-
urinn og einhver taldi sig tilbúinn
til að reka húsið fyrir svo háa
leigu, töldum við okkur ekki hafa
neitt upp á dekk að gera og
ákváðum að draga okkur í hlé.
Þannig þyrfti ekki að karpa um
hvort Fjarðabyggð hefði tekið
hæsta eða næsthæsta boði.“
Guðmundur segir að nú fari
B.G. Bros fram á að Fjarðabyggð
standi við þann samning sem gerð-
ur var um rekstur hússins fyrir
tveimur árum og enn eru þrjú ár
eftir af. „Forsendur úrskurðar
Samkeppnisstofnunar eru brostn-
ar,“ segir Guðmundur. „Þær voru
byggðar á því að gisting í Egilsbúð
væri í samkeppni við gistiheimili í
bænum, sem nú er verið að loka.
Gisting í Egilsbúð hefur verið lok-
uð síðan í júlí sl. Nú á að vera
metnaðarmál fyrir sveitarfélagið
að standa við gerða samninga.“
Að sögn Guðmundar, sem er
bæjarfulltrúi meirihlutans í
Fjarðabyggð, er nú verið að fjalla
um málið hjá bæjarstjórn og
kanna hvort beri að setja rekst-
urinn aftur í útboð. „Við rekum
húsið uns annað kemur í ljós,“
segir hann. „Við höfum þó alla tíð
frá því að dómur Samkeppn-
isstofnunar lá fyrir sagt að við
myndum áskilja okkur að leita
réttar okkar fyrir dómstólum ef
þörf krefur.“
Tryggingakrafna
ekki getið í útboði
Eftir að B.G. Bros hafði dregið
tilboð sín til baka gerðist það næst
að Kristján J. Kristjánsson dró til-
boð sitt einnig til baka 23. desem-
ber.
„Við hefðum getað uppfyllt öll
nauðsynleg skilyrði og tryggingar,
en til þess að ganga að ýtrustu
kröfum þeirra aðila sem komu að
málinu mátum við áhættuna of
mikla,“ sagði Kristján í samtali við
Morgunblaðið. Gerð var krafa um
tryggingar af ýmsu tagi, m.a.
húsaleigutryggingu að upphæð 1,7
milljónir króna, en þess hafði ekki
verið getið í útboði og því lagaleg
forsenda til að ónýta tilboð.
Að sögn Kristjáns var bærinn
ekki bundinn af tilboðum þeim
sem bárust og gat hafnað þeim eða
tekið. Tilboð bjóðenda voru hins
vegar bindandi ef bæjarstjórn
kaus svo.
Sem fyrr segir er nú beðið úr-
skurðar um hvort beri að bjóða
rekstur Egilsbúðar út að nýju, en
þangað til sjá Guðmundur R.
Gíslason og B.G. Bros um starf-
semi í húsinu.
Styr um rekstur Egilsbúðar í Neskaupstað
Morgunblaðið/Ágúst Blöndal
Hótel Egilsbúð í Neskaupstað: Urgur hefur verið í mönnum vegna útboðs á
rekstri hússins og sýnist sitt hverjum.
SJÁLFSTÆÐISMENN í borgar-
ráði gagnrýndu áherslur R-listans í
skipulagsmálum á fundi ráðsins á
þriðjudag, og sögðu nýlega skýrslu
um búsetuóskir Reykvíkinga sýna að
ekki væri komið til móts við óskir
borgarbúa.
Eins og fram hefur komið í Morg-
unblaðinu eru það niðurstöður
skýrslunnar að Reykvíkingar kjósa
einna helst að búa í sérbýli með vel
skipulagðri aðkomu fyrir bílaumferð
og nægum bílastæðum. Í bókun
Sjálfstæðismanna um málið kemur
fram að R-listinn hafi ekki tekið tillit
til þessara óska, og nefnt sem dæmi
að aðeins hafi verið seldur bygging-
arréttur fyrir 115 einbýlishús í
Reykjavík á síðustu þremur árum.
Oftúlkun á niðurstöðunum
Fulltrúar R-listans höfnuðu alfar-
ið túlkun sjálfstæðismanna á skýrsl-
unni, og í bókun R-listans er þetta
kallað oftúlkun á niðurstöðunum.
Í bókuninni segir enn fremur:
„Ekki er hægt að taka einstaka nið-
urstöður og fullyrða að á grundvelli
þeirra sé stefnumörkun borgaryfir-
valda röng. Könnunin gefur vísbend-
ingar um óskhyggju fólks frekar en
getu, s.s. að margir kjósa að búa í
sérbýli þrátt fyrir að fjárhagsleg
geta þeirra leyfi ekki slíkt.“
Í bókun R-listans kemur fram að
taka þurfi tillit til mjög margra þátta
við skipulagningu byggðar, og borg-
aryfirvöld beri ábyrgð á því að halda
réttu jafnvægi milli íbúðabyggða og
tryggja jafnvægi milli gangandi og
akandi vegfarenda.
Ekki komið til
móts við óskir
Reykvíkinga
ÍBÚÐ á annarri hæð fjölbýlishúss
við Stekkjarberg í Hafnarfirði
skemmdist mikið í eldsvoða í gær
þegar kviknaði í út frá þurrkara.
Enginn slasaðist, enda tókst heim-
ilsfólki að koma sér út í tæka tíð og
brást þannig hárrétt við að sögn
stöðvarstjóra Slökkviliðs höfuðborg-
arsvæðisins. Eldurinn kom upp um
klukkan 14 og var lið frá slökkviliðs-
stöð í Hafnarfirði sent á vettvang.
Skamma stund tók að slökkva og
reykræsta íbúðina. Íbúðin sem
þurrkarinn var í skemmdist mikið.
Íbúð stór-
skemmd í eldi
♦♦♦