Morgunblaðið - 21.01.2004, Side 19

AKUREYRI
MORGUNBLAÐIÐ MIÐVIKUDAGUR 21. JANÚAR 2004 19
Útsala - Útsala - Útsala
Klapparstíg 44 - sími 562 3614
Samvera eldri borgara
verður í Glerárkirkju
á morgun, fimmtudaginn
22. janúar, kl. 15.00
Gestir sr. Arna Ýrr Sigurðardóttir og Ásta Garðars-
dóttir ásamt nemendum úr Tónlistarskólanum.
Almennur söngur, kaffiveitingar og spjall.
Verið öll hjartanlega velkomin. Glerárkirkja
GLERÁRKIRKJA
Punkturinn 10 ára |Punkturinn
verður 10 ára næsta sunnudag, 25.
janúar og af því tilefni verða
haldnar sýningar sem sýna þver-
snið að því sem unnið hefur verið
þar síðastliðinn áratug. Fyrsta
sýningin verður opnuð á afmæl-
isdaginn kl. 14. en þær verða 10 í
allt og verður endað á sérstakri
jólasýningu. Sýningunum fylgja
fræðslufyrirlestrar eða/og nám-
skeið. Gestir Punktsins og að-
standendur ætla að gera sér glað-
an dag á afmælinu með því að
bjóða veitingar í húsnæðinu sem
er við Kaupvangsstræti.
UNICEF á Íslandi | Stefán Ingi
Stefánsson, nýráðinn fram-
kvæmdastjóri UNICEF Ísland, flyt-
ur fyrirlestur um starfsemi Barna-
hjálpar Sameinuðu þjóðanna á
Félagsvísindatorgi í dag, miðviku-
daginn 21. janúar,
kl. 16.30 í Þingvallastræti 23, stofu
14. Þar mun hann m.a. fjalla um
starf Barnahjálparinnar, og stofnun
og markmið íslensku landsnefnd-
arinnar.
Að efla sjálfstraust | Námskeiðið
„Að efla sjálfstraust og ná árangri“
verður haldið hjá Símenntun Há-
skólans á Akureyri þriðjudaginn 27.
janúar kl. 9–17.
Á námskeiðinu er fjallað um mik-
ilvægi sjálfstrausts í lífi og starfi.
Unnið er með þátttakendum í að efla
sjálfstraust og viðhalda því og rætt
um aðferðir til að ná betri árangri.
Kennari er Linda Bára Lýðsdótt-
ir, MA í klínískri sálfræði, ráðgjafi
hjá IMG Deloitte og stundakennari
við sálfræðiskor Háskóla Íslands.
Sérsvið hennar er persónuleg hæfni,
starfsþróun og einstaklingsmæl-
ingar í starfsmannastjórnun.
  
  
Innan handar | Nýtt fyrirtæki,
Innan handar, hefur verið stofnað á
Akureyri, en það býður fyrirtækjum
og stofnunum ráðgjöf og þjónustu á
sviði markaðs- og starfsmannamála.
Innan handar tekur m.a. að sér gerð
kynningar- og markaðsáætlana,
markaðsrannsóknir, þjónustu-
gæðakannanir, aðstoð við mótun
starfsmannastefnu, auk skipulagn-
ingar á þjálfun og fræðslu starfs-
manna. Mikil áhersla er lögð á náið
samstarf við viðskiptavini, vönduð
vinnubrögð, persónulega og sveigj-
anlega þjónustu og eftirfylgni verk-
efna. Eigendur Innan handar eru
Bryndís Dagbjartsdóttir viðskipta-
fræðingur og Guðný Pálína Sæ-
mundsdóttir viðskiptafræðingur.
Fyrirtækið hefur aðsetur í Gler-
árgötu 36, Akureyri.
  
Dalvík | Snjóruðningsmenn á Dal-
vík hafa haft í nógu að snúast síð-
ustu daga en í gærmorgun var
búið að opna allar götur fyrir
umferð, að sögn Þorsteins Björns-
sonar veitustjóra. Mjög snjóþungt
var á Dalvík eftir mikla snjókomu
síðustu daga. Þorsteinn sagði að
þegar mest var hafi 12–13 snjó-
ruðningstæki verið á ferð um bæ-
inn. Snjónum hafi verið mokað
upp á bíla og ekið í burtu. „Við
erum að rýma til fyrir meiri snjó,
enda aðeins janúar,“ sagði Þor-
steinn. Hann sagði bæjarbúar
hefðu sýnt ástandinu skilning og
lítið verið að kvarta, enda hefðu
menn unnið langan vinnudag við
snjóhreinsunina. Þorsteinn sagði
að kostnaðurinn við snjómokst-
urinn væri orðinn 3–5 milljónir
króna. Þá sér sveitarfélagið um
snjómokstur á móti Vegagerðinni
í dalbotnunum, í Svarfaðardal og
Skíðadal. Veðurstofan gerir ráð
fyrir hlýnandi veðri norðanlands
og hitastigi yfir frostmarki, alla
vega fram undir helgi en þá á
aftur að snúast í norðlægar áttir
með slyddu eða snjókomu.
Fært um
götur
bæjarins
Snjóþungt í Öldugötu: Mjög snjóþungt er á Dalvík eftir mikla
úrkomu síðustu daga en í gærmorgun var búið að ryðja götur
bæjarins. Það safnast jafnan mikill snjór í Öldugötu og þar náði
snjórinn upp undir kúpulinn á lausastaur í götunni. Nágrann-
arnir Ólöf Hafsteinsdóttir sem býr í Bárugötu og Sigurður Al-
freðsson sem býr við Drafnarbraut sjást hér með hunda sína við
ljósastaur í Öldugötu. Einn hvolpa Sigurðar fékk meira að segja
að spóka sig upp á kúplinum.
Morgunblaðið/Kristján
Afslappaðar á klifurgrindinni: Börnin á Dal-
vík kippa sér ekki upp við snjóskaflana í bæn-
um og þessar ungu dömur voru afslappaðar í
klifurgrindinni við skólann sinn.
SMIÐIR á Akureyri, sem vinna
úti við, hafa ekki farið varhluta
af tíðarfarinu undanfarna daga.
Pétur Kelley, verkstjóri hjá
Hyrnu, var að slá frá í fjölbýlis-
húsi sem fyrirtækið byggir fyrir
Búmenn við Stallatún í Nausta-
hverfi, þegar Morgunblaðið
heimsótti vinnustaðinn í gær.
Pétur sagði að þar væri allt
meira og minna frosið eða á kafi
í snjó og sjálfur þurfti hann að
nota heitt vatn við að slá frá
veggjum hússins. „Við erum
mun lengur að gera hlutina
þessa dagana en venjulega,“
sagði Pétur en þar voru menn
þó að slá upp, slá frá og járna-
binda af fullum krafti.
Félagi hans, Árni Jónsson,
sagði að starfsmennirnir hefðu
þurft að leita skjóls þegar veðrið
var sem verst í byrjun síðustu
viku en það var í fyrsta skipti
sem það kemur fyrir á þeim
5 árum sem hann hefur unnið
hjá Hyrnu.
„Hér eru alltaf einhverjir
að moka snjó,“ sagði Sverrir
Pálmason, smiður hjá SS
Byggis, þegar Morgunblaðið
heimsótti starfsmenn fyrir-
tækisins í viðbygginguna við
Brekkuskóla. „Það er hreint
ótrúlegt hversu mikið hefur
snjóað að undanförnu og mun
meira en undanfarin ár. Ég
ætla rétt að vona að þetta sé
búið enda gerir snjórinn ekk-
ert annað en að tefja alla
vinnu á svæðinu. Og við eig-
um eftir að moka töluverðu
magni í burtu,“ sagði Sverrir.
Starfsmenn fyrirtækisins
leituðu skjóls í tvo daga í síð-
ustu viku vegna veðurs.
Snjórinn tefur byggingaframkvæmdir
Pétur Kelley, verkstjóri hjá Hyrnu, notar heitt vatn á mótin. Starfsmenn Hyrnu við vinnu sína í fjölbýlishúsi í Naustahverfi.
Morgunblaðið/Kristján
Eiríkur Árni Oddsson, starfsmaður SS Byggis,
mokar snjó í viðbyggingu við Brekkuskóla.