Morgunblaðið - 21.01.2004, Qupperneq 35

MINNINGAR
MORGUNBLAÐIÐ MIÐVIKUDAGUR 21. JANÚAR 2004 35
Hnípinn er hópurinn
ungi sem í dag kveður
móður sína, Kristínu
Ólafsdóttur. Á aðeins fimm árum
hafa fjögur systkini á Tálknafirði
misst föður sem lést í sorglegu slysi
árið 1999, síðasta haust fórst móð-
urafi þeirra á sjó við Patreksfjörð og
nú 9. janúar lést móðir þeirra eftir að
hafa fengið heilablóðfall. Með virð-
ingu og þökk langar mig að minnast
bróður míns, afa bróðurbarna minna
og mágkonu með þessum sálmaversi:
Kristur minn, ég kalla á þig,
komdu að rúmi mínu.
Gerðu svo vel og geymdu mig
Guð í skjóli þínu.
(Höf. ók.)
Elsku Óli Sveinn, Árni Grétar, Ey-
dís Hulda, Gunnar Smári, og ástvinir
ykkar. Ég bið þess að styrkur Guðs
sé með ykkur á þessari erfiðu stundu
og að þið getið í framtíðinni notið
minninga um góðan föður, traustan
afa og móður sem vildi ykkur börn-
um sínum allt það besta. Blessuð sé
minning þeirra.
Þórdís Eygló.
Hún elsku Stína okkar er farin og
kemur ekki aftur, svo skyndilega og
ekkert hægt að gera. Ung kona í
blóma lífsins og framtíðin loks að
verða bjartari eftir þá erfiðleika sem
fylgja því að verða ekkja með ung
börn. En Stína gafst aldrei upp og
barðist sterk. Hennar helsta ein-
kenni var smitandi hlátur, kraftur og
þor. Sterkur geislandi persónuleiki
sem dró að sér alla sem henni kynnt-
ust. Stína var alla tíð sérstaklega
dugleg og ósérhlífin, manna fyrst á
staðinn ef eitthvað þurfti að gera.
Nú hverfi oss sviðinn úr sárum
og sjatni öll beiskja í tárum
því dauðinn til lífsins oss leiðir,
Sjá, lausnarinn brautina greiðir.
Þótt líkaminn falli að foldu
og felist sem stráið í moldu,
þá megnar Guðs miskunnarkraftur
af moldu að vekja hann aftur.
Í jörðinni sáðkornið sefur
uns sumarið ylinn því gefur.
Eins Drottinn til dýrðar upp vekur.
það duft, sem hér gröfin við tekur.
Sá andi sem, sem áður þar gisti
frá eilífum frelsara, Kristi,
mun, leystur úr læðingi, bíða
þess líkams, sem englarnir skrýða.
(Þýð. Stef. Thor. og Sbj. E.)
Stína, sem alltaf var svo hrifin af
englum, er nú orðin ein af þeim.
Við vitum að Jói og afi Óli hafa tek-
ið á móti henni.
Megi góður guð styrkja fjölskyld-
una á erfiðri stundu og í því tóma-
rúmi sem á eftir kemur.
Steinunn, Sveinn,
Sædís Rán og
Vigdís Una.
„Tilvera okkar er undarlegt ferða-
lag. Þannig hefst kvæðið Hótel Jörð
eftir Tómas Guðmundsson. Þessi
ljóðlína kemur upp í hugann þegar að
KRISTÍN
ÓLAFSDÓTTIR
✝ Kristín Ólafs-dóttir fæddist á
Patreksfirði 8. mars
1959 og ólst upp á
Sellátranesi í Pat-
reksfirði. Hún lést á
Landspítala – há-
skólasjúkrahúsi í
Fossvogi 9. janúar
síðastliðinn og var
útför hennar gerð
frá Tálknafjarðar-
kirkju 17. janúar.
kveðjustund er komið
og ótímabært fráfall
konu á besta aldri er
staðreynd. Kristín
Ólafsdóttir, eða Stína
Ólafs eins og hún var
alltaf kölluð, kvaddi
þennan heim sl.
fimmtudag, aðeins tæp-
lega 45 ára gömul. Við
þessi tímamót streyma
fram minningar og
reynt er af veikum
mætti að koma þeim á
blað í tilraun til að
þakka fyrir samveruna
í þessu jarðlífi.
Við hjónin fluttum vestur um vorið
1979 og kynntumst Stínu strax þar
sem hún var farin að búa með vini
Geirs, honum Stebba Jóa í blokkinni í
Miðtúninu. Það var áberandi hvað
þau voru sæl saman, og hún orðin
ófrísk að Óla Sveini. Ungt fólk flykkt-
ist um þetta leyti til Tálknafjarðar
vegna nýrra atvinnumöguleika, þeg-
ar Hraðfrystihús Tálknafjarðar
keypti nýjan togara, Tálknfirðing
BA. Á árunum 1981–1982 hófst mikið
byggingarár í sögu Tálknafjarðar, og
heil gata, Móatúnið, byggðist. Stína
og Jói tóku þátt í þeirri uppbyggingu
og byggðu hús sitt skáhallt á móti
okkur. Við vorum öll að fást við það
sama, koma upp húsi, eignast börn
og takast á við lífið, þannig að sam-
gangur á milli fjölskyldnanna varð
mikill. Ýmislegt var gert til að
krydda smábæjarlífið, haldnir
saumaklúbbar, farið á hjónaböll og
haldið upp á sjómannadaginn með
stæl. Þegar mennirnir voru á sjó var
setið yfir kaffibolla og spjallað um
heima og geima og það var alltaf gott
að ræða við Stínu, hún hafði yfirleitt
skoðanir á hlutunum sem hún hikaði
ekki við að koma á framfæri ef henni
sýndist svo. Jói tók mikinn þátt í fé-
lagsstörfum og hennar þáttur var
síst minni á þeim vettvangi. Hún sat
m.a. í hreppsnefnd Tálknafjarðar-
hrepps um árabil, var formaður
Verkalýðs- og sjómannafélags
Tálknafjarðar í nokkur ár og tók þátt
í nefndarstörfum á vegum sveitarfé-
lagsins. Það gat gustað í kringum
hana, ef henni var misboðið, en það
varði ekki lengi.
Stína og Jói eignuðust fjögur börn,
Óla Svein, Árna Grétar, Eydísi
Huldu og Gunnar Smára. Stína og
Jói lögðu mikla áherslu á gott uppeldi
barnanna sinna. Mikið íþróttalíf hef-
ur tíðkast hér á Tálknafirði í gegnum
tíðina, og með tilkomu íþróttahússins
urðu tækifæri til iðkana enn meiri.
Jói og Stína hvöttu börnin sín óspart
til íþróttaiðkana. Með árunum hafa
mannkostir þeirra og heilbrigði kom-
ið vel í ljós. Snemma árs 1999 lést Jói
sviplega af slysförum og allt í einu
stóð Stína frammi fyrir því að vera
orðin ekkja með fjögur börn. Eftir
áfallið var áberandi hvað hún hugsaði
mikið um velferð barnanna sinna, og
að halda minningu Jóa á loft. Það
voru erfiðir tímar sem fóru í hönd
fyrir hana og börnin, en sameigin-
lega tókust þau á við að yfirstíga erf-
iðleikana. Nú í seinni tíð virtist Stína
vera búin að finna hamingjuna á ný.
Vinur hennar Karl Þór á samúð okk-
ar vegna fráfalls vinkonu.
Stína var ekki langskólagengin, en
fékkst við ýmis störf á lífsleiðinni.
Hún var hörkudugleg og fylgin sér,
og samviskusöm. Kristín var hvata-
maður að því að aukin yrði þjónusta
fyrir eldri borgara sveitarfélagsins.
Hún var ráðin til starfa við það verk-
efni sem henni fórst vel úr hendi í
mörg ár. Okkur er það minnisstætt
hve natin hún var við þá sem hún
þjónustaði. Hún varð flestra hugljúfi
og kom fyrir að skjólstæðingar henn-
ar vildu ekki aðra aðstoð en frá henni,
ekki einu sinni frá sínum nánustu.
Stína var tímabundið við störf hjá
lögreglunni á Patreksfirði. Nú síð-
ustu árin veitti hún Íþrótta- og fé-
lagsheimili Tálknafjarðar og þar með
sundlauginni forstöðu. Þar undir til-
heyrði umsjón með tjaldstæði og
svefnpokagistingu í sveitarfélaginu.
Nú þegar að leiðarlokum er komið
og kveðjustundin runnin upp, þá er
þakklæti efst í huga okkar fyrir þær
stundir sem við áttum með Stínu á
lífsleið hennar. Þakkir fyrir m.a.
samveruna í saumaklúbbnum, fyrir
samveruna á þeim ferðalögum sem
við fórum í sameiginlega og fyrir
samstarfið hjá Tálknafjarðarhreppi,
og bara fyrir að vera Stína Ólafs sem
okkur þótti svo vænt um. Börnin
hennar standa nú frammi fyrir því að
vera föður- og móðurlaus. Við berum
virðingu fyrir þeirri yfirvegun og
æðruleysi sem þau hafa öll sýnt
þessa síðustu daga. Megi góður Guð
styrkja þau í sorg sinni og á þeim erf-
iðu tímum sem framundan eru.
Elsku Óli, Árni, Eydís og Gunnar,
Karl Þór og aðrir aðstandendur, við
vottum ykkur okkar dýpstu samúð.
Minning Kristínar Ólafsdóttur mun
lifa hjá okkur til æviloka.
Helga og Geir.
Hver minning dýrmæt perla að liðnum
lífsins degi,
hin ljúfu og góðu kynni af alhug þakka hér.
Þinn kærleikur í verki var gjöf, sem
gleymist eigi,
og gæfa var það öllum, er fengu að kynnast
þér.
(Ingibjörg Sig.)
Elsku Kristín, ég þakka fyrir að
hafa fengið að kynnast þér og gleymi
eigi þeim góðu minningum sem ég á
um þig, Stína mín, um Árna son þinn
og þína ljúfu fjölskyldu. Þú varst svo
sannarlega kona sem ég leit upp til
og dáðist að. Ég votta fjölskyldu
þinni mína dýpstu samúð að hafa
misst þig.
Blessuð sé minning þín.
Marín Hergils.
Erfidrykkjur
Heimalöguð kaffihlaðborð
Grand Hótel Reykjavík
Sími 514 8000
Ástkær móðir okkar, tengdamóðir, systir, mág-
kona og amma,
HELGA GUÐRÍÐUR VILHJÁLMSDÓTTIR,
Albany, Ástralíu,
verður jarðsungin frá Grafarvogskirkju föstu-
daginn 23. janúar kl. 10.30.
Blóm og kransar vinsamlegast afþakkaðir, en
þeim, sem vilja minnast hennar, er bent á
Samhjálp og Minningarsjóð Fríkirkjunnar í Hafnarfirði.
Gústaf Gústafsson,
Vilhjálmur Gústafsson,
Svala Karen MacFarlane, Kenneth MacFarlane,
Anna Vilhjálmsdóttir, Þórir J. Axelsson,
Fríða Pálína Vilhjálmsdóttir, Ásgeir Hólm,
Vilhjálmur Vilhjálmsson, Guðlaug Kristjánsdóttir,
Jóhannes L. Vilhjálmsson, Helga Jónsdóttir,
Guðrún E. Vilhjálmsdóttir, Robert Bachman,
Kyle og Corey Jay.
Móðurbróðir minn,
EINAR HANNES GUÐMUNDSSON,
Skipholti 21,
Reykjavík,
lést á Landspítalanum Fossvogi miðviku-
daginn 14. janúar síðastliðinn.
Hann verður jarðsunginn frá Fossvogskapellu
föstudaginn 23. janúar kl. 13:30.
Fyrir hönd vandamanna,
Guðmundur Gunnarsson.
Móðir okkar,
BERGLJÓT ÓLAFSDÓTTIR
kjólameistari,
andaðist í gær.
Bergljót Valdís Óladóttir,
Guðrún Sigríður Óladóttir,
Jóna Sigurbjörg Óladóttir,
Sigurður Hilmar Ólason,
Sævar Karl Ólason.
Ástkær eiginmaður minn, faðir okkar, tengda-
faðir og afi,
GUNNLAUGUR TRYGGVASON
bóndi á Þorsteinsstöðum,
Svarfaðardal,
lést föstudaginn 16. janúar.
Útför hans verður auglýst síðar.
Erla Rebekka Guðmundsdóttir,
börn, tengdabörn og barnabörn.
Ástkær eiginkona mín, móðir okkar, tengda-
móðir og amma,
SVANFRÍÐUR F. GUNNLAUGSDÓTTIR,
Fagrabæ 19,
Reykjavík,
lést á líknardeild Landspítalans í Kópavogi
fimmtudaginn 8. janúar sl.
Útförin hefur farið fram í kyrrþey að ósk hinnar
látnu.
Þeim, sem vilja minnast hennar, er bent á Minningarsjóð Krabbameins-
félagsins og Minningarsjóð Félags aðstandenda alzheimerssjúklinga.
Reynir Vilhjálmsson,
Halla Reynisdóttir, Árni Hrólfsson,
Valdimar Reynisson,
Steinunn Reynisdóttir, Ágúst Júlíusson
og barnabörn.
Ástkær faðir okkar, tengdafaðir, afi og langafi,
PÁLL SIGURÐSSON
bifreiðastjóri,
Austurbrún 6,
Reykjavík,
andaðist á líknardeild Landakots mánudaginn
19. janúar.
Jarðarförin auglýst síðar.
Aðstandendur.
Ástkær eiginmaður minn, faðir okkar, tengda-
faðir og afi,
GUNNLAUGUR SIGURÐUR
SIGURBJÖRNSSON,
Jaðarsbraut 15,
Akranesi,
lést á Sjúkrahúsi Akraness aðfaranótt þriðju-
dagsins 20. janúar.
Jarðarförin auglýst síðar.
Jóhanna Jóhannsdóttir,
Þóra Sigríður Gunnlaugsdóttir, Thomas Oskarsson,
Guðmundur Freyr Gunnlaugsson, Katrín Jakobsdóttir,
Jóhanna Marianne Oskarsson,
Björn William Oskarsson,
Gunnlaugur Þór Guðmundsson,
Jakob Þór Guðmundsson.