Morgunblaðið - 21.03.2004, Side 2
FRÉTTIR
2 SUNNUDAGUR 21. MARS 2004 MORGUNBLAÐIÐ
Framtalsaðstoð
Annast framtalsaðstoð
fyrir einstaklinga
með og án reksturs.
Annast einnig
frestbeiðnir.
Pantið tímanlega
í síma 511 2828 eða með
tölvupósti bergur@fiton.is
Skattaþjónustan ehf.
Bergur Guðnason hdl.
Garðastræti 37 – Sími 511 2828
HÖRMUNGAR Í SÚDAN
Darfur-hérað í vesturhluta Súd-
ans er nú „vettvangur mestu stríðs-
hörmunga og grimmdarverka
heims“, að sögn Mukesh Kapila, sem
stjórnar hjálparstarfi Sameinuðu
þjóðanna í landinu. Átök hófust í
Darfur fyrir rúmu ári og Kapila seg-
ir að þau séu „hugsanlega skelfileg-
asta stríð“ sem nú geisar í heim-
inum. Hann lýsir árásum á þorp í
héraðinu sem „þjóðernishreins-
unum“ og líkir grimmdarverkunum
við fjöldamorðin í Rúanda 1994 þeg-
ar allt að milljón manna var myrt.
Fékk nýtt hjarta
Sigurður Þórarinn Sigurðsson,
sem fékk grætt í sig nýtt hjarta á
Ríkisspítalanum í Kaupmannahöfn í
byrjun febrúar sl., kom til landsins á
föstudagskvöld. Hann er tíundi ís-
lenski hjartaþeginn og hefur náð
ótrúlega góðum bata á skömmum
tíma. Læknarnir töldu hann ekki
geta lifað miklu lengur fengi hann
ekki nýtt hjarta.
Bætur fyrir tómar íbúðir
Varasjóður húsnæðismála veitti
23 sveitarfélögum samtals 70 millj-
ónir kr. í framlög vegna rekstrar fé-
lagslegra íbúða sem staðið hafa auð-
ar í lengri tíma og vegna
rekstrarhalla félagslegra íbúða sem
að staðaldri eru í útleigu. Þessi
framlög voru veitt í fyrsta skipti á
síðasta ári vegna ársins 2002 og bár-
ust umsóknir frá 55 sveitarfélögum
sem samtals áttu 1.965 félagslegar
íbúðir. Hæsta framlagið fær Ólafs-
fjarðarbær, 9,7 milljónir kr.
Meira um átröskun
Alvarlegum tilfellum átraskana
hefur fjölgað hérlendis að und-
anförnu. Stúlkum sem fara í megrun
er átta sinnum hættara við að þróa
átröskunarsjúkdóma en þeim sem
fara ekki í megrun. Ásókn í meðferð
hérlendis hefur aukist undanfarin ár
og er talin þörf á meðferðarteymi í
fullu starfi við meðhöndlun sjúklinga
með þennan sjúkdóm.
Danir óttast hryðjuverk
Um 60% dönsku þjóðarinnar ótt-
ast að þátttaka Dana í Íraksstríðinu
leiði til hryðjuverka í Danmörku, ef
marka má nýja skoðanakönnun. Um
þriðjungur aðspurðra kvaðst vilja að
dönsku hermennirnir í Írak yrðu
kallaðir heim. Stríðinu var mótmælt
víða um heim í gær þegar ár var liðið
frá því að það hófst.
Y f i r l i t
Í dag
Skissa 6 Myndasögur 64
Ummælin 14 Bréf 64/65
Listir 34/39 Dagbók 66/67
Af listum 34 Hugvekja 69
Forystugrein40/41 Þjónusta 69
Reykjavíkurbréf 40 Leikhús 70
Minningar 46/51 Fólk 70/77
Skoðun 52/57 Bíó 74/77
Umræðan 58/59 Sjónvarp 78
Veiðiþáttur 62 Veður 79
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi,
orri@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir
sport@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
SVEINN Andri Sveinsson, lögmað-
ur prestsins sem er til rannsóknar
hjá lögreglu fyrir meint kynferðisaf-
brot gegn börnum, segir það alrangt
sem fram hafi komið í fjölmiðlum að
skjólstæðingur sinn hafi játað á sig
refsiverðar sakir í yfirheyrslum hjá
lögreglu.
Sveinn segir að um meint brot sé
fjallað í 202. gr. hegningarlaganna,
þar sem segir að samræði eða önnur
kynferðismök við börn yngri en 14
ára séu refsiverð og varði allt að
fjögurra ára fangelsi. Skjólstæðing-
ur sinn hafi viðurkennt að hafa átt
„ákveðin kynferðisleg samskipti“ við
ungling sem þá var 15 ára. Slíkt sé
ekki refsivert samkvæmt lögum.
Neitar sök en játar „kyn-
ferðisleg samskipti“
MARGRÉT Tómasdóttir hjúkrunarfræðingur var
kjörin skátahöfðingi á Skátaþingi Bandalags ís-
lenskra skáta (BÍS) á föstudag. Þetta er í fyrsta
sinn sem kona gegnir embætti skátahöfðingja á Ís-
landi, en skátahöfðingi er leiðtogi skátastarfs í
landinu.
Alls höfðu 110 fulltrúar frá öllum skátafélögum á
landinu kosningarétt á Skátaþingi og hlaut Mar-
grét 68 atkvæði. Næstur í kjörinu var Ólafur
Proppé sem hlaut 42 atkvæði. Þriðji maður í fram-
boði var Hjörtur Brynjólfsson.
Þetta er í fyrsta sinn í 45 ár sem skátahöfðingi er
kosinn, en forverar Margrétar í embætti hafa flest-
ir verið sjálfkjörnir. Kosning skátahöfðingja fór
síðast fram árið 1959 en þá hafði Jónas B. Jónsson
fræðslustjóri betur gegn Agnari Kofoed-Hansen
flugmálastjóra.
Heiðarlegur slagur
Margrét var á kafi í málefnavinnu með skátum
þegar Morgunblaðið hafði samband við hana í gær.
Hún segir BÍS líklega fyrsta skátabandalagið í
heiminum með bæði kynin innanborðs. „Drengir
og stúlkur hafa verið saman með skátabandalag
hér á landi síðan 1944. Við vorum fyrst í Evrópu og
sennilega í heiminum til að vera með sameiginlegt
bandalag,“ segir Margrét.
Hún segir kosninguna hafa verið afar spennandi
og stemninguna á Skátaþingi góða. „Eins og alls
staðar í félagsmálum þar sem karlar og konur eru
þá hafa karlmennirnir oft verið sterkari. Þegar
þeir vilja vera í forystu þá eru þeir það. Þetta var
heiðarlegur slagur.“
Margrét hefur starfað innan skátahreyfing-
arinnar í um fjóra áratugi. Hún segist þó aldrei fá
leiða á skátastarfi. „Þetta er alltaf jafn skemmti-
legt. Starfið hefur auðvitað breyst mikið þessi ár.
En skátahreyfingin á mikið inni og á örugglega eft-
ir að eflast mikið á næstu árum,“ segir Margrét.
Meðal áherslumála Margrétar í embætti er að
efla samskipti skátafélaga við sveitarfélögin. „Við
eigum grunninn, við eigum dagskrána og aðstaða
skátafélaganna er góð. Nú þurfum við að fara að
framkvæma hlutina og reka skátahreyfinguna.
Hún á svo sannarlega erindi við ungt fólk og þjóð-
félagið. Þetta eru æskulýðssamtök sem kenna
frumkvæði og sjálfstæði. Einstaklingnum er tekið
eins og hann er, en jafnframt kennt að vinna í hóp
með öðrum.“
Skátafélögin sem mynda Bandalag íslenskra
skáta eru 28 talsins. „Ég tel að við þurfum að vera
með meiri þjónustu við skátafélögin og skáta-
starfið. Við þurfum að efla foringjaþjálfun og efla
samskipti við sveitarfélögin, sums staðar styðja
þau við skátafélög og annars staðar ekki. Það er
nauðsynlegt að sinna framkvæmdinni þar sem
skátastarfið fer fram,“ segir Margrét.
Margét er hjúkrunarfræðingur að mennt og hef-
ur starfað innan skátahreyfingarinnar í nær fjóra
áratugi. Hún varð ljósálfur í Kvenskátafélagi
Reykjavíkur árið 1965 og starfaði m.a. sem flokks-
foringi og umsjónarmaður skátastarfs hjá Kópum
á árunum 1968–1980. Margrét hefur aðeins misst
úr eitt landsþing skáta frá árinu 1962 og gegnt ótal
trúnaðarstörfum fyrir skátahreyfinguna á ferli sín-
um.
Gegndi embættinu í níu ár
Um tíma starfaði Margrét sem stundakennari
og lektor við Háskóla Íslands auk þess sem hún
gegndi starfi forstöðumanns heilbrigðisdeildar Há-
skólans á Akureyri í fjögur ár. Margrét gegnir
starfi sviðsstjóra hjúkrunar á slysa- og bráðasviði
Landspítala háskólasjúkrahúss.
Fráfarandi skátahöfðingi er Ólafur Ásgeirsson
þjóðskjalavörður en hann hefur gegnt embættinu
sl. þrjú kjörtímabil eða í níu ár.
Með Margréti í stjórn voru kjörin: Hallfríður
Helgadóttir aðstoðarskátahöfðingi, Eva Bergþóra
Guðbergsdóttir ritari, Sveinn Grétar Jónsson
gjaldkeri og Bragi Björnsson meðstjórnandi. Fyrir
í stjórn voru Helgi Grímsson aðstoðarskátahöfð-
ingi og Sesselja G. Halldórsdóttir meðstjórnandi.
Skátahreyfingin á mikið inni
Margrét Tómasdóttir
fyrst kvenna kosin
skátahöfðingi á Íslandi
Morgunblaðið/Árni Sæberg
Nýkjörinn skátahöfðingi, Margrét Tómasdóttir,
hefur starfað innan skátahreyfingarinnar í fjóra
áratugi og segir starfið alltaf jafn skemmtilegt.
ÞAÐ tók Bandaríkjamanninn
Cameron M. Smith 29 daga að ná
markmiði sínu að ganga þvert yfir
Vatnajökul. Þetta er í fjórða sinn
sem hann gerir tilraun til að
ganga yfir Vatnajökul að vetri og
var að vonum mjög ánægður með
árangurinn þó gangan hefði tekið
á hann líkamlega. Hann kom aftur
til Reykjavíkur á föstudags-
kvöldið.
„Mestur tíminn fór í að bíða af
sér veðrið eða gera við búnað,“
segir Cameron og í raun hafi hann
bara gengið í ellefu daga. „Ég
eyddi fimm dögum í Grímsvötnum
í óveðri,“ og segir vindhraðann þá
hafa verið 35 m/s og ekkert
skyggni. Biðin reyndi á hann and-
lega því að hann þurfti sífellt að
segja við sjálfan sig að hinkra að-
eins lengur eftir að veðrið lægði.
„Það reyndi mikið á mig lík-
amlega síðustu dagana. Ég þurfti
að ganga í mjög mjúkum snjó og
jafnvel skíðin mín komu ekki að
gagni. Ég óð snjóinn upp í mitti og
komst aðeins nokkra kílómetra
hvern dag. Tíu klukkutíma ganga
skilaði mér aðeins átta kílómetra
áfram,“ segir Cameron.
Spurður hvort það hafi komið til
greina að hætta á miðri leið segir
hann það varla hafa hvarflað að
sér. Hann hafi verið ákveðinn að
komast á leiðarenda í þetta sinn
eftir þrjár misheppnaðar tilraunir.
„Þetta er ein mesta áskorun sem
ég get hugsað mér,“ segir hann og
telur þetta hafa tekist nú þar sem
hann hafði þolinmæði til að bíða af
sér óveðrið. Einnig gerðu sprung-
ur í jöklinum honum ekki erfitt
fyrir eins og í fyrri leiðangri.
Skrifar bók
Nú er Cameron að skrifa bók um
leiðangra sína síðustu fjögur árin
þar sem mikið efni verður um Ís-
land. Spurður um næstu áskorun
segir hann það ekki ákveðið ennþá
en það gæti tengst siglingum.
Hann hafi líka rætt við Halldór
Kvaran, formann Íslenska Alpa-
klúbbsins, að ganga á norðurpól-
inn eða þvert yfir Grænlandsjökul.
Í augnablikinu liggi það ekki ljóst
fyrir.
Bandaríkjamanni tókst að ganga
þvert yfir Vatnajökul í fjórðu tilraun
Hafði þolinmæði til
að bíða af sér óveðrið
ELDUR kviknaði í mannlausum,
tveggja ára bíl í lausagangi á Höfn í
Hornafirði aðfaranótt laugardags.
Ökumaður bílsins, sem er af gerðinni
Hyundai coupé, skildi hann eftir í
gangi stutta stund meðan hann brá
sér út úr bílnum til að spjalla við
gangandi vegfaranda.
Lögregla var á leið í hús í ná-
grenninu til að stöðva slagsmál þeg-
ar hún keyrði fram á logandi bílinn.
Bíllinn er mikið skemmdur.
Eldur í bíl á Höfn