Morgunblaðið - 28.03.2004, Side 4
FRÉTTIR
4 SUNNUDAGUR 28. MARS 2004 MORGUNBLAÐIÐ
MEIRA hefur verið um fyrirspurnir
um skipti á dánarbúum að undan-
förnu hjá embætti sýslumannsins í
Reykjavík en verið hefur í framhaldi
af gildistöku nýrra laga um erfðafjár-
skatt frá 1. apríl og umfjöllun þar um.
Rúnar Guðjónsson, sýslumaður í
Reykjavík, sagði aðspurður að meira
hefði verið um fyrirspurnir símleiðis
til embættisins síðustu dagana en áð-
ur hefði verið og einnig væri meira
um það að pantaðir væru tímar vegna
skipta. „Það hefur eitthvað aukist.
Fólk er að huga að þessu, bera fram
spurningar og átta sig á hvort það
þurfi að hefjast handa við eitthvað
varðandi skipti,“ sagði Rúnar.
Hann sagði að spurningar fólks
lytu einmitt að því hvort hagkvæmara
væri fyrir það að láta skiptin fara
fram samkvæmt eldri lögum eða nýj-
um lögum sem taka gildi í apríl.
Rúnar sagði að svipaður fjöldi bú-
skipta færi um hendur embættisins
frá ári til árs eða á bilinu 450 til 550
einkaskipti árlega. Þannig hefði til
dæmis árið 2001 verið lokið 529 einka-
skiptum hjá embættinu og á árinu
2002 hefðu þau verið 438 talsins.
Fleiri fyrir-
spurnir um
búskipti
TALIÐ er nær fullvíst að bílflakið
sem fannst í Hvítá í Árnessýslu síð-
astliðinn mánudag sé af gerðinni
Suzuki Swift sem lenti í ánni við
Brúarhlöð í 2. ágúst 2002. Tveir ung-
ir menn voru í bifreiðinni og tókst
öðrum þeirra að bjarga sér á land við
illan leik en félagi hans, Pálmi Þór-
isson, var talinn af nokkrum dögum
eftir slysið og hefur aldrei fundist.
Að sögn lögreglunnar hafa fleiri
hlutar bílsins að því er talið er fund-
ist í ánni að undanförnu og er málið
rannsakað hjá lögreglunni.
Morgunblaðið/Sig. Jóns.
Flakið talið vera frá
slysinu í ágúst 2002
ÁFORM eru uppi um að Reykja-
víkurborg selji húsið við Fríkirkju-
veg 11, sem nú hýsir skrifstofur
Íþrótta- og tómstundaráðs (ÍTR).
Húsið er kennt við Thor Jensen, en
hann lét reisa það á árunum 1907
til 1908 í tilefni þess að hann hafði
búið í þrjátíu ár á Íslandi. Reykja-
víkurborg eignaðist húsið árið
1963.
Anna Kristinsdóttir, formaður
ÍTR, segir borgaryfirvöld hafa orð-
ið vör við áhuga á að kaupa húsið
og því hafi verið kannað hvort sala
þess kæmi til greina. Anna segir
ákveðna þætti eins og aðgengismál
hafa truflað starfsemi ÍTR hingað
til. „Það er enginn möguleiki að
koma lyftu að eða öðru, svo við
sögðum að það væri ekkert því til
fyrirstöðu að skoða það að selja
húsið,“ segir Anna. „Við þurfum að
velta því fyrir okkur hvort borgin
eigi ekki að vera í fararbroddi þeg-
ar kemur að aðgengi fatlaðra að
skrifstofum og slíku.“
Borgaryfirvöld eru, að sögn
Önnu, ekki tilbúin til þess að selja
alla lóðina við húsið, því garðurinn
tilheyrir grænu svæði borgarinnar.
„Við höfum því verið að skoða
hvaða hluti lóðarinnar myndi fylgja
húsinu,“ segir Anna. Hún segist
reikna með að næsta skref sé að
auglýsa húsið til sölu, en yfirvöld
séu ekki komin á það stig. „Við höf-
um heldur ekki velt því fyrir okkur
hvar framtíðaraðstaða ÍTR yrði.
Þetta húsnæði hentar ekki endilega
vel undir starfsemi ÍTR og ekki
sem skrifstofuhúsnæði almennt.
Það væri líka borginni til sóma ef
hægt væri að koma aftur að upp-
runalegri notkun hússins.“
Björk Vilhelmsdóttir, formaður
stjórnar Fasteignastofu, segir
stjórnina hafa undanfarna mánuði
verið að vinna með öllum mála-
flokkum að langtímaáætlunum um
húsnæðisþörf og byggingu ef á þarf
að halda. Á sama tíma sé verið að
vinna að hugmyndum um þjónustu-
miðstöðvar, sem muni breyta hús-
næðisþörf ýmissa miðlægra stofn-
ana, eins og ÍTR,
Fræðslumiðstöðvar, Félagsþjón-
ustu og Leikskóla Reykjavíkur.
Björk segir borgina ekki vilja eiga
umframeignir, heldur aðeins þær
eignir sem nýtast.
Mikilli vinnu er einnig lokið við
skoðun á aðgengi fatlaðra að bygg-
ingum borgarinnar. „Sum eldri hús
er erfitt að gera aðgengileg. Þess
vegna gæti verið fýsilegra, bara af
þeim ástæðum að flytja starfsem-
ina í aðgengilegra húsnæði.“ Björk
segir hafa verið litið til Fríkirkju-
vegar 11 og 3 í þessu samhengi en
engar ákvarðanir hafi þó verið
teknar um sölu þeirra. Stjórn Fast-
eignastofu hefur hins vegar tekið
ákvörðun um að selja Tjarnargötu
35, þar sem Rauðakrosshúsið hefur
verið rekið, en Rauði krossinn er
nú að færa starfsemi sína úr hús-
inu. Einnig eru uppi vangaveltur
um sölu á hlut borgarinnar í
Heilsuverndarstöðinni við Baróns-
stíg. „Við erum að reyna að koma
því þannig fyrir að húsnæði sem
borgin á sé vel nýtt og aðgengilegt
öllum og hagkvæmt,“ segir Björk
að lokum.
Áforma sölu á
Fríkirkjuvegi 11
Morgunblaðið/Þorkell
Glæsihús Thors Jensens við Fríkirkjuveg 11 við Reykjavíkurtjörn, þar sem
ÍTR hefur verið til húsa, er eitt allra fallegsta timburhús Íslands.
ÁRLEG förðunarkeppni Hlíðaskóla
í Reykjavík var haldin í skólanum á
föstudaginn og var greinilegt að
ekki skorti hæfileikana hjá nem-
endum. Í skólanum er kennd svo-
kölluð fantasíuförðun í listasmiðju
skólans og er það ákaflega vinsælt
námskeið.
Hlíðaskólinn er eini skólinn sem
kennir börnum leiklist strax frá sjö
ára aldri og tengist förðunin því
námi. Morgunblaðið/Jim Smart
Framtíðar-
förðunar-
meistarar
ÖKUMAÐUR fólksbíls sem valt
nokkrar veltur út af veginum yfir
Hrútafjarðarháls er talinn alvarlega
slasaður og var hann fluttur með
þyrlu Landhelgisgæslunnar á Land-
spítala – háskólasjúkrahús í Reykja-
vík.
Slysið varð um kl. 5.30 í gærmorg-
un og lét vegfarandi sem kom á slys-
stað lögreglu vita. Hann sá slasaða
manninn liggja í vegkantinum og
hafði hann náð að skríða um 12
metra leið upp á veginn til að láta
vita af sér, að sögn lögreglunnar á
Blönduósi.
Óskað var eftir aðstoð frá þyrlu
Landhelgisgæslunnar og lenti þyrl-
an á slysstað um kl. 8 í gærmorgun
og var komin til Reykjavíkur með
hinn slasaða um kl. 9.
Slasaðist
alvarlega
í bílveltu
MARKMIÐ samnings um vaktstöð
siglinga er að tryggja öruggar sigl-
ingar í íslenskri lögsögu, en ráð-
herrar samgöngumála og dómsmála
undirrituðu samning um verkaskipt-
ingu vegna samningsins í gær.
Samningurinn er hluti breyttrar
verkaskiptingar milli ráðuneytanna
sem ákveðin var um síðustu áramót,
en þá fluttust umferðarmál til sam-
gönguráðuneytisins og málefni leitar
og björgunar fluttust til dómsmála-
ráðuneytisins.
„Markmið samningsins er m.a. að
tryggja öruggar siglingar í íslenskri
efnahagslögsögu, öryggi skipa, far-
þega og áhafna. Til að ná þessu
markmiði skal setja á fót vaktstöð
siglinga. Samhæfa skal rekstur vakt-
stöðvarinnar annarri vaktþjónustu á
vegum dóms- og kirkjumálaráðu-
neytisins með það fyrir augum að
auka öryggi, stytta viðbragðstíma
auk þess að samlegðaráhrif leiði til
hagræðingar sem m.a. má nýta til
uppbyggingar tæknibúnaðar og end-
urnýjunar fjarskiptakerfa til að
tryggja öryggi sjófarenda,“ segir í
tilkynningu ráðuneytanna af þessu
tilefni.
Fram kemur að samgönguráð-
herra fer með yfirstjórn mála er
varða vakstöðina en Siglingastofnun
fer með framkvæmdina. Hins vegar
tekur dómsmálaráðuneytið við dag-
legum rekstri vaktstöðvarinnar en
felur stofnunum og öðrum aðilum
framkvæmdina. Verkefnin verða svo
nánar útfærð í sérstökum þjónustu-
samningi á milli Siglingastofnunar
Íslands annars vegar og hins vegar
Landhelgisgæslunnar, Neyðarlín-
unnar og Slysavarnafélagsins
Landsbjargar, en gert er ráð fyrir að
starfsemin hefjist ekki síðar en 1.
janúar næstkomandi.
Samningur um
vaktstöð siglinga
Morgunblaðið/RAX