Morgunblaðið - 28.03.2004, Side 6

FRÉTTIR
6 SUNNUDAGUR 28. MARS 2004 MORGUNBLAÐIÐ
Plúsfer›ir • Hlí›asmára 15 • Sími 535 2100
Krít
48.230kr.
Sama sólin - sama fríi›
-en á ver›i fyrir flig!
á mann miðað við að 2 fullorðnir og 2 börn, 2ja-11ára, ferðist saman.
59.020 kr. á mann ef 2 ferðast saman.
Innifalið er flug, gisting í 7 nætur á Skala, 10.000 kr. bókunarafsláttur
og ferðir til og frá flugvelli erlendis.
ÍSLENSKA hugbúnaðarfyrirtækið
Calidris hefur selt flugfélaginu Em-
irates í Sameinuðu arabísku fursta-
dæmunum hugbúnaðarlausnina „Re-
venue Integrity“ sem Calidris hefur
þróað. Þá hafa félögin samið um
tengda þjónustu til næstu sex ára.
Arna Harðardóttir, framkvæmda-
stjóri Calidris, segir að samningur-
inn skipti verulegu máli fyrir tekjur
Calidris en ekki síður markaðslega
þar sem Emirates sé bæði stórt og
virt flugfélag og eftir sé tekið í heimi
flugsins hvaða lausnir það velur fyrir
starfsemi sína. Þó að skammt sé síð-
an samningar voru undirritaðir er
Calidris þegar farið að fá fyrirspurn-
ir um lausnina frá flugfélögum sem
heyrt hafa af samvinnunni við Em-
irates.
Arna segir að Revenue Integrity-
hugbúnaðurinn miði að því að auka
tekjur flugfélaga með markvissum
hætti og minni tilkostnaði, s.s. með
því að bæta gæði bókana og auka
sætanýtingu. Kerfið greinir og leysir
vandamál sem tengjast „gölluðum “
bókunum, s.s. tvíbókunum og gervi-
bókunum, það fylgist með að reglum
varðandi miðaútgáfu sé fylgt og það
vinnur upplýsingar úr gagnagrunni
til að nota í markaðslegum tilgangi
s.s til að spá fyrir um tekjur, svo ein-
hverjir eiginleikar hugbúnaðarins
séu nefndir.
Arna segir að samstarfið hafi kom-
ist á eftir að Calidris var ásamt 19
öðrum hugbúnaðarfyrirtækjum boð-
ið að gera tilboð í hugbúnaðarlausn
fyrir Emirates. Hugbúnaður Calid-
ris hafi verið sá eini sem uppfyllti all-
ar óskir flugfélagsins og Emirates
hafi því haft tvo kosti í stöðunni, að
smíða kerfið sjálfir, eða kaupa það af
Calidris. Þeir hafi valið síðari kost-
inn. Arna segir Emirates vinna ákaf-
lega fagmannlega og af mikilli ná-
kvæmni en 15 mánuðir eru síðan
hafist var handa við samningsgerð-
ina.
Eigendur ekki stjórnendur
Calidris hefur verið starfrækt í
tæp tvö ár. 25 manns vinna hjá félag-
inu en búist er við auknum umsvifum
á næstunni og nokkurri fjölgun
starfsmanna í ráðgjöf, þjónustu og
hugbúnaðargerð. Félagið er ein-
göngu fjármagnað með eigin tekjum,
en samningur við Finnair síðustu
þrjú árin hefur skapað félaginu
rekstrargrundvöll og gert því kleift
að þróa hugbúnaðarlausnir sínar,
sem nú eru í notkun hjá Icelandair,
Finnair, Royal Jordanian og Aegean
Airlines í Grikklandi. Eitt af því sem
er sérstakt við félagið er staða stofn-
enda félagsins innan þess en þeir
Kolbeinn Arinbjarnarson og Magnús
Ingi Óskarsson, sem eiga samanlagt
80% í félaginu, hafa kosið að láta
framkvæmdastjórnina í hendur ut-
anaðkomandi fagstjórnanda, Örnu,
sem er yfirmaður þeirra. Þar að auki
sitja þeir sjálfir einungis í varastjórn
félagsins.
„Frumkvöðlar hamla oft vexti fyr-
irtækja. Það er því gott að stíga strax
til hliðar,“ segir Kolbeinn Arinbjarn-
arson sem hefur sölu- og markaðs-
mál á sinni könnu. Magnús einbeitir
sér hins vegar að vöruþróun og sam-
skiptum við Finnair, stærsta við-
skiptavininn.
Calidris hefur verið með jákvæða
EBITDA framlegð síðastliðin tvö ár
að sögn Örnu, en í ár er stefnt að því
að hagnaður verði af rekstrinum og-
veltan verði 260 milljónir. Arna er
bjartsýn á framtíð félagsins. Calidris
hefur markað sér vel afmarkaða
markaðssyllu og þörfin fyrir lausnir í
þessum geira er mikil að hennar
sögn, þar sem flugfélög eru almennt
mjög gamaldags þegar kemur að
upplýsingatækni. „Þau voru frum-
kvöðlar í notkun upplýsingatækni í
rekstri fyrir 40 árum, en sitja nú uppi
með gamla tækni á mörgum sviðum
sem hefur hamlað þeim á síðustu ár-
um,“ segir Arna Harðardóttir.
Eigendurnir undirmenn
framkvæmdastjórans
Reuters
Emirates flugfélagið þekkja Íslendingar kannski helst af búningum Chelsea
knattspyrnuliðsins, sem Eiður Smári Guðjohnsen leikur með.
Flugfélagið
Emirates kaupir
hugbúnað
af Calidris
Morgunblaðið/Golli
Arna Harðardóttir, Kolbeinn Arinbjarnarson og Magnús Ingi Óskarsson stjórna daglegum rekstri Calidris.
Umhverfið breytir um svip þegar maður er á leið á lífvarða-námskeið hjá World Federation of Bodyguards í grenndvið Þorlákshöfn. Ósjálfrátt fer maður að skimast um eftirlíkum í hrauninu, gámarnir virðast líkkistur í malarnám-
inu við Þrengslin og löng líkfylgd í bakspeglinum. En svo gerist ekki
neitt; hvunndagurinn rennur saman við grátt malbikið.
Rykugur Volkswagen-skutbíll rennir í hlaðið hjá Hlíðardalsskóla.
Blaðamaður stígur út og ungur maður í svörtum jakkafötum tekur á
móti honum. Hann heitir Gottskálk og er einn af leiðbeinendum
WFB. Í því sem hann réttir fram höndina hringir síminn hjá blaða-
manni, sem reynir að heilsa um leið og hann leitar að penna milli
sætanna, blöðum til að skrifa á og svarar í símann. Stundum getur
verið hasar í lífi blaðamannsins.
Í anddyrinu á Hlíðardalsskóla eru vélbyssa
og hnífur og í leikfimisalnum full taska af
byssum, kylfum, hnífum og sprengja. Vopnin
eru ekki alvöru þó að tilefnið sé alvöru. En þau
eru nauðsynleg þegar farið er ofan í saumana á
varasömu starfi lífvarða á 19 daga námskeiði,
sem sótt er af þremur Dönum, Bandaríkjamanni, Breta og Íslend-
ingi. Þeir eru flestir í tengdum störfum, reka öryggisfyrirtæki eða
kenna sjálfsvarnaríþróttir, og eru að bæta við sig þekkingu og þjálf-
un.
Það er ljót skella í veggnum á ganginum.
– Þetta er eftir höfuðið á einhverjum, segir lífvarðaneminn Kent
og brosir. Það reynist ekki fjarri sanni, því það eru líka skellur á lík-
amanum á lífvarðanemunum, enda ganga þeir í gegnum harðvítugar
þolraunir, s.s. yfirheyrslur og æfingar í bardögum. Og þeir eru bara
hinir ánægðustu með það. All rosalegt að fylgjast með atganginum.
Chad er með fjögur belti sem ekki fást í tískubúðum. Hann býður
blaðamanni að gerast æfingafélagi sinn.
– Sársauki er bara í höfðinu á þér, lofar hann.
– Uh, nei takk, svarar blaðamaður og reynir að vera kurteis.
Leiðbeinandinn Dan Sommers stendur í miðjum leikfimisal og
sýnir hvernig nota má lítið vasaljós sem vopn. Við hliðina á honum
stóð Lauge. Nú liggur hann máttlaus á gólfinu eftir að Dan þrýsti á
viðkvæman stað með vasaljósinu og veinar af sársauka. Um leið og
Dan sleppir hverfur sársaukinn. Lauge rís á fætur og ber sig nokk-
uð karlmannlega. Innan skamms eru lífvarðanemarnir farnir að æfa
brögðin hver á öðrum og liggja veinandi á gólfinu um allan salinn.
Minnir svolítið á fæðingardeild Landspítalans.
Þetta er síðasti dagur námskeiðsins og menn orðnir lúnir, enda
mikið búið að ganga á.
– Við reynum að gera þá þreytta, segir Dan. Það kallar fram
stressið og þá gefst tækifæri til að meta þá betur. Við erum að fram
á nótt og vöknum snemma á morgnana, þá eru fyrirlestrar í þrjá til
fjóra tíma í senn og síðan farið í verklegar æfingar. Það reynir á að
fara aftur og aftur út í kuldann og er lýjandi til lengdar.
Prófin sem lögð eru fyrir lífvarðanemana endurspegla að ólíkar
kröfur eru gerðar til þeirra; ekki aðeins um líkamsstyrk heldur
einnig siðferðisþrek. Það standast ekki allir prófið. Og það kemur á
daginn að starfið er ólíkt því sem blaðamaður hafði ímyndað sér.
Það felst fyrst og fremst í nákvæmri undirbúningsvinnu, skrásetn-
ingu og skipulagi; að mæla ýmsar vegalengdir frá einum stað til
annars, skoða aðstæður, velta fyrir sér mögulegum hættum og úr-
ræðum við þeim. Allt ratar í ítarlegar skýrslur, sem skilað er til
skjólstæðinganna. Galdurinn er sá að afstýra hættum; ekki bjarga
sér úr þeim. Í raun er hasarinn engu meiri en í blaðamennsku – ef
lífvörðurinn vinnur vinnuna sína.
Lífvarðanemarnir eru í svörtum jakkafötum í dag. Þeir eru á
tveim glæsibifreiðum að fylgja mikilvægum skjólstæðingi. Þegar bíl-
unum er ekið upp að húsinu er sett á svið árás. Tómas er í hvunn-
dagsfötum og leikur árásarmanninn. Þegar hann lætur til skarar
skríða er hann snúinn niður og hrópað:
– Contact!
Yfirmaður lífvarðanna hrópar:
– Car!
Á augabragði er búið að hendast með skjólstæðinginn aftur upp í
glæsibifreiðina og spóla af stað. Aðgerðirnar eru samhæfðar. Eiga
raunar að vera svo samhæfðar að lífverðir bregðist eins við í þeim
23 löndum sem WFB stendur fyrir námskeiðum. Þess vegna þarf að
fara nákvæmlega ofan í saumana á öllu aðgerðaferli; það má ekkert
fara úrskeiðis í þessari starfsgrein.
Og því þurfa lífvarðanemarnir að vanda sig í þjálfuninni. Í æf-
ingasalnum réttir Chad fram hnéð og sýnir Arnari hvernig hann
getur rekið vasaljósið í það þannig að það valdi sársauka. Chad finn-
ur staðinn með vasaljósinu og Arnar ýtir.
– Aaaaáá, hrópar Chad og haltrar í burtu. Einmitt þarna!
Morgunblaðið/Ásdís
Sársaukinn
er í höfðinu
SKISSA
Pétur Blöndal
fylgdist með líf-
varðanámskeiði