Morgunblaðið - 06.06.2004, Qupperneq 6

FRÉTTIR
6 SUNNUDAGUR 6. JÚNÍ 2004 MORGUNBLAÐIÐ
www.sveit.is s: 570 2790
ævintýraheimur
...allt innifalið!
Fararstjóri Magnús Björnsson
Verð 258.000 kr. á mann í tvíbýli
Nánari upplýsingar í síma 570 2790 eða á www.sveit.is
K Y N N T U Þ É R S É R F E R Ð I R F E R Ð A Þ J Ó N U S T U B Æ N D A
3.-17. september
K
Ö
-H
Ö
N
N
U
N
/P
M
C
Þ
að má heita undarlegt að það heyrist fuglasöngur og jarm í
rollum þegar blaðamaður er að festa svefn. Engu líkara en
fuglar og kindur séu í svefnherberginu. En það eru dýrin
sem deila svefnherbergi með blaðamanni, því hann sefur í
tjaldi; herbergið náttúran með öllum sínum furðuhljóðum.
Samt er kyrrð og ró eftir amstur dagsins; dýrahljóðin tilheyra ekki að-
eins kyrrðinni heldur auka við hana. Kyrrðin aðeins rofin þegar einstaka
bíll brunar hjá.
Fjölskyldan er að gista á Gröf á Snæfellsnesi. Það er hlýtt úti og alltaf
sama furðulega mystíkin yfir tjaldhimninum. Í æsku er enginn himinn
blárri eða fegurri. En það fer samt alltaf jafn mikið í taugarnar á for-
eldrunum þegar hið óhjákvæmilega gerist – það byrjar að rigna. Tifið í
dropunum sem bylja á tjaldinu byrjar eins og náladofi og ágerist smám
saman. Regnið þéttist og þegar litla stúlkan vaknar klukkan fimm um
morguninn er komin hellidemba, orðið blautt og kalt í
tjaldinu og varla hundi út sigandi. Hún vekur pabba
sinn:
– Pabbi, ég þarf að pissa.
Það er kominn morgunn. Það fer aldrei á milli mála
ef sofið er í tjaldi, því þá myndast steikjandi hiti við sól-
arupprásina. Það væri ekki heitara þótt sólin skini inni í tjaldinu. Og
engin leið að verjast hitanum. Eina úrræðið að fara á kreik eins og hin
dýrin.
Sauðburðinum er að mestu lokið. Bústýran á Litla-Kambi er svo gest-
risin að gefa ókunnugum borgarbúum sem banka upp á brauð til að gefa
kindunum og hleypa þeim í heimahagann. Litla borgarstúlkan hleypur í
áttina til kindanna skríkjandi af kátínu. Þar til þær verða hennar varar
og snúa sér til hennar. Þá snarsnýr hún sér við og hleypur í fangið á
pabba sínum. Þar sem pabbi heldur á brauðinu, þá elta kindurnar. Og
litla stúlkan fer að skæla.
Um kvöldið skiptir engu máli hvar blaðamaður sest við grillið; hann
lendir alltaf í reyknum. Í raun verðugt rannsóknarverkefni fyrir vís-
indamenn. Á sama tíma er litla stúlkan að elta sápukúlur í garðinum og
dettur og dettur aftur. Það rifjast upp fyrir foreldrunum að það er fynd-
ið þegar börn detta – ef það er ekki á gangstétt.
Jafnframt rifjast upp að fólk er ekkert alltaf að læsa bílunum sínum í
sveitinni. Þó að við borgarbörnin læsum fáum við samviskubit yfir því.
Við erum að taka bita af eplinu og steypa ósnortnu samfélagi – lýsa van-
trausti á sveitungann. Taka þátt í óttavæðingunni, sem Michael Moore
hefur gagnrýnt svo mjög. – En læsum samt.
Það líður að miðnætti og litla stúlkan er ennþá vakandi. Það leyfist svo
margt í sveitinni. Hún horfir yfir á túnið á næsta bæ og sér kindurnar
sofa hjá lömbunum sínum. Nú er óhætt. Hún hnippir í pabba og segir:
– Mig langar til að klappa lömbunum.
Bíllinn er fullur af farangri, þótt ekki sé viðdvölin löng. Fullorðnir
þurfa að huga að svo mörgu. Og það rifjast upp fyrir blaðamanni ferð á
þjóðhátíð. Þá var farangurinn mikill, jafnvel pottar til sósugerðar og
ljóðabækur, og tveir hálfþrítugir menn hálfkvíðnir í rútunni innan um
ærslafulla framhaldsskólakrakka. Þeir settust aftast í rútuna og létu
fara lítið fyrir sér. En einhverra hluta vegna vöktu þeir athygli ungrar
stúlku sem sat framarlega og hún kallaði yfir rútuna:
– Oj, hvað þið eruð gamlir!
Blaðamaður og vinur hans sigu niður í sætin. Og stúlkan gleymdi
þeim um stund, þangað til henni varð litið aftur í rútuna og hrópaði:
– Oj, hvað þið eruð fúlir!
Þá er betra að kaupa bara skutbíl fyrir allan farangurinn og ferðast á
eigin vegum. Á leiðinni aftur í borgina er komið við á Hótel Búðum, þar
er sólskinsreitur. Lítil stúlka stendur við bryggjuna, lítur spennt á
pabba sinn og segir:
– Eigum við að henda steinum?
Borgarbörn
í sveitaferð
SKISSA
Pétur Blöndal
tjaldaði á
Snæfellsnesi
AÐ lokinni athöfn á Kabúl-flugvelli
á þriðjudag, þar sem Íslendingum
var formlega afhent stjórn alþjóða-
flugvallarins fyrir hönd Atlants-
hafsbandalagsins, átti Halldór Ás-
grímsson utanríkisráðherra fund
með Hamid Karzai, forseta Afgan-
istans, í forsetahöllinni í Kabúl.
Karzai sagðist í samtali við
fréttamenn vera viss um að undir
íslenskri stjórn myndi alþjóðaflug-
völlurinn í Kabúl blómgast enn
frekar. Völlurinn myndi færa fleiri
ferðir og aukin viðskipti til Afgan-
istans. „Flugleiðum er velkomið að
fljúga til Afganistans og taka far-
þega frá okkur yfir Atlantshafið, til
Bandaríkjanna. Fyrir okkur er það
jákvæð þróun að sjá að land sem er
svona langt frá Afganistan hafi
áhuga á að hjálpa til við að koma á
stöðugleika í Afganistan og að sjá
betri og friðsælli daga. Þakka ykk-
ur kærlega fyrir,“ sagði forsetinn.
Mikilvægur maður fyrir
það sem koma skal
Karzai hefur komið til Íslands og
líkaði vel. „Það er gott land sem er
gott að sækja heim og dvelja á um
stund til að halda sig frá skarkala
heimsins. Friðsælt og gott,“ sagði
hann.
Í samtali við Morgunblaðið eftir
fundinn sagði Halldór að Karzai
væri skemmtilegur maður. „Ég hef
hitt hann áður, hann er ákveðinn,
en léttur og alveg ljóst að þarna er
þjóðarleiðtogi á ferð. Hann skiptir
þessa þjóð gífurlegu máli, hann er
sameiningartákn afgönsku þjóðar-
innar og ég hef trú á því að kosn-
ingarnar í haust muni snúast um að
sameinast um hann og hans stefnu.
Hann er greinilega mjög mikilvæg-
ur maður fyrir það sem koma skal,“
sagði Halldór.
Karzai, sem er 46 ára Pastúni,
var skipaður forseti bráðabirgða-
stjórnar Afganistan í desember ár-
ið 2001, eftir að Talibönum var
komið frá völdum. Afganska þjóð-
arráðið, eða Loya Jirga, fól honum
ári síðar að mynda bráðabirgða-
stjórn og eru kosningar á dagskrá í
september næstkomandi. Karzai er
vel menntaður, talar reiprennandi
ensku og hefur þótt glæsilegur
fulltrúi þjóðar sinnar. Hönnuður
hjá Gucci-hátískufyrirtækinu hefur
reyndar kallað Karzai „best klædda
mann veraldar“ og hafa vestrænir
leiðtogar tekið honum fagnandi; El-
ísabet Bretadrottning sló hann t.d.
til riddara í heimsókn hans til Bret-
lands á síðasta ári.
Öryggis Karzais er vandlega
gætt af bandarískum öryggis-
gæslumönnum. Árið 2002 slapp
hann naumlega þegar gerð var til-
raun til að myrða hann í heimabæ
hans Kandahar þar sem Talibanar
eiga mikil ítök. Fyrir fundinn var
leitað á íslensku fréttamönnunum
sem voru staddir í Kabúl og farið
nákvæmlega yfir farangur þeirra
og kveikt á öllum myndavélum og
upptökutækjum, en árið 2001 var
Ahmad Shah Masood, helsti leið-
togi stjórnarandstöðunnar sem
barðist gegn Talibönum, drepinn af
mönnum sem sögðust vera blaða-
menn. „Við fórum í gegnum mörg
stig öryggisgæslu. Það var ekkert
leitað á okkur en það var ljóst að
það átti enginn að sleppa í gegn,
enda hafa þeir slæma reynslu af
slíkum hlutum,“ segir Halldór.
Útiloka ekki aðstoð
varðandi nýtingu vatnsafls
Utanríkisráðherra átti einnig
fund með fjármála-, uppbygging-
ar-, flugmála- og aðstoðarutanrík-
isráðherrum Afganistans. Hann
segir að á fundunum tveimur hafi
fyrst og fremst verið rætt um þau
málefni sem eru efst á baugi í land-
inu um þessar mundir, eins og
kosningarnar sem ætlaðar eru í
september á næsta ári, öryggis-
ástandið í landinu, eiturlyfjavand-
ann og uppbygginguna í Afganist-
an.
„Það er ljóst að þeir eiga marga
möguleika, t.d. má nefna að þeir
telja að virkjanlegt vatnsafl í land-
inu sé 25 þúsund megawött, en þeir
eiga enga virkjun í dag og mjög lít-
ill hluti þjóðarinnar hefur raf-
magn,“ segir Halldór. Aðspurður
segir hann að ekki hafi beinlínis
verið leitað eftir aðstoð Íslendinga í
þessum málum „en það er alveg
ljóst að þetta er eitt af því sem við
kunnum. Síðan er jarðhiti í landinu,
þannig að það eru gífurleg verkefni
þarna framundan og ekkert útilok-
að að við getum komið að þeim í
framtíðinni.“
Halldór segir að þeir ráðamenn
sem hann fundaði með séu greini-
lega hæfir einstaklingar með mikla
reynslu. „En þarna eru gífurleg
vandamál, löggæslu er mjög ábóta-
vant í landinu og dómstólakerfi
nánast ekki fyrir hendi. Baráttan
gegn eiturlyfjum hefur ekki skilað
miklum árangri enn sem komið er.
Þannig að mikið verkefni bíður
þessarar þjóðar, en maður hefur
það á tilfinningunni að það sé mikil
vinnusemi og áhugi hjá fólkinu. Það
virðast allir vera eitthvað að gera,
þegar maður fer um þótt að við höf-
um ekki haft tækifæri til að sjá
mikið. [...] Landið er ein rjúkandi
rúst og það mun taka langan tíma
að byggja það upp, en möguleik-
arnir eru til staðar ef það tekst að
varðveita friðinn. Það er að sjálf-
sögðu forsenda alls,“ segir Halldór.
Utanríkisráðherra átti fund með forseta Afganistans
Viss um að völlurinn mun
blómstra undir okkar stjórn
Morgunblaðið/Nína Björk Jónsdóttir
Vel virtist fara á með Halldóri Ásgrímssyni og Hamid Karzai á fundi þeirra
í forsetahöllinni. Karzai sagði að það væri ánægjulegt að land svo fjarri
Afganistan beitti sér fyrir uppbyggingu friðar og stöðugleika í landinu.
Halldór Ásgrímsson
utanríkisráðherra átti
fund með Hamid
Karzai, forseta Afgan-
istans, á þriðjudag.
Karzai sagði að það væri
honum mikið gleðiefni
að taka á móti Halldóri
og að Ísland skyldi hafa
tekið við stjórn Kabúl-
flugvallar. Nína Björk
Jónsdóttir var í forseta-
höllinni í Kabúl.
nina@mbl.is