Morgunblaðið - 23.09.2004, Blaðsíða 19

MORGUNBLAÐIÐ FIMMTUDAGUR 23. SEPTEMBER 2004 19
MINNSTAÐUR
Fjárfestingafélagið
Vörður
Boðað er til kjörfundar í Fjárfestingarfélaginu Verði,
fimmtudaginn 30. september nk.
á Hótel KEA á Akureyri, kl. 18.00.
Dagskrá kjörfundar er kosning til fulltrúaráðs og önnur mál.
Allir sameigendur hvattir til að mæta.
Stjórnin.
FASTEIGNASALA
ÁTT ÞÚ 2JA, 3JA EÐA 4RA HERBERGJA
ÍBÚÐ Á HÖFUÐBORGARSVÆÐINU?
Okkur hefur verið falið að leita eftir fjölda íbúða til kaups, fyrir stórt
leigufélag. Íbúðirnar mega vera hvar sem er á höfuðborgarsvæðinu.
Staðgreiðsla í boði. Rúmur afhendingartími.
Frekari upplýsingar eru hjá sölufulltrúum XHÚSS.
Valdimar Tryggvason s. 897 9929
Bergur Þorkelsson s. 860 9906
Valdimar Jóhannesson s. 897 2514
Skeifan 19 • Sími 533 1060
VESTURBERG - 111 REYKJAVÍK
Falleg og skemmtileg 2ja herbergja íbúð á 1. hæð með svölum. Park-
et og flísar á gólfum. Mjög gott lyftuhús með myndavélakerfi. Stutt í
alla þjónustu, skólar, sundlaug o.fl. VERÐ 8,9 millj.
Lán frá bönkum eða sparisj. 7,1 millj. 4,2% vextir til 40 ára, grb. ca
32.000 á mán.
Sími 594 5000 - Fax 594 5001
Lynghálsi 4//110 Reykjavík//Lögg. fasteignasali Halla Unnur Helgadóttir
Vestmannaeyjar | Framhaldsskólinn í Vest-
mannaeyjum (FÍV) hefur útskrifað 560 nem-
endur með stúdentspróf á þeim 25 árum sem
hann hefur starfað, auk þess sem fjöldi hefur
lokið öðrum prófum. Ólafur Hreinn Sig-
urjónsson skólameistari hefur starfað frá
fyrsta degi við skólann og alls í tuttugu ár
sem skólameistari. „Ég byrjaði sem kennari
en fljótlega tók ég við sem aðstoðarskóla-
meistari. Gísli Friðgeirsson, þáverandi skóla-
meistari, ákvað síðan að taka sér frí eftir
fyrstu útskrift stúdenta héðan, 1984, og ég
var settur í starf hans. Hann ákvað eftir það
að snúa sér að öðru og kom ekki aftur til
starfa.“
Fyrsta starfsár skólans voru nemendur 85
og yfirmenn skólans þurftu að glíma við
margt á þeim tíma. „Menn voru óvanir því
hér í Eyjum að fólk væri að útskrifast úr
framhaldsskólum, það var ákveðin tregða í
hugsunarhættinum varðandi það að fara í
framhaldsskóla. Þetta var eitt af mörgu sem
skólinn þurfti að yfirvinna með bæjarbúum,
að breyta þessum hugsunarhætti. Til að
mynda þá voru margir sem kláruðu stúd-
entspróf hér fyrstu árin fljótir að fara í ann-
að nám, lærðu netagerð eða fóru í vélskóla.
Tóku eitthvað sem þeim fannst praktískt,“
sagði Ólafur en nú eru hlutirnir gjörbreyttir
og flestir fara í framhaldsnám.
Hann segir miklar breytingar hafa átt sér
stað á þeim tuttugu árum sem hann hefur
verið skólameistari. „Þetta er langur tími,
það er búið að skipta átta sinnum um
menntamálaráðherra á þessum tíma. Breyt-
ingarnar eru líka miklar í lögum og reglum
og talsverðar í því opinbera umhverfi sem
skólinn starfar í. Sumar breytingar hafa orð-
ið nokkuð ört, oft er varla farið að vinna eft-
ir nýjum reglum þegar þær breytast aftur,
þannig að okkur skortir nú aldrei verk-
efnin,“ sagði Ólafur.
Ólafur segir FÍV fyllilega sambærilegan
skóla við aðra á landinu. „Við erum bæði
með bóknám til stúdentsprófs og verknám.
Auðvitað getum við ekki boðið upp á allar
brautir eins og stóru skólarnir. Við höfum
líka einbeitt okkur að því sem við ráðum við
en okkar mottó í gegnum tíðina er að gera
vel það sem við erum að gera áður en við
förum að gera eitthvað nýtt.“
Í kringum 1990 fór nemendafjöldi yfir 300
en nú eru 240 nemendur skráðir í skólann.
Ólafur hefur engar sérstakar áhyggjur af
þessari fækkun. „Það hefur alltaf verið til-
hneiging að líta á það sem ókost hversu fáir
nemendur eru en við lítum á það sem stóran
kost. Við þekkjum nemendur vel, bakgrunn
þeirra, foreldra og þeirra hugsunarhátt og
væntingar. Það gerir okkur mun hæfari til
að laða fram það besta í hverjum og einum
nemanda.“
Ríkið rekur framhaldsskólana og er Ólaf-
ur nokkuð sáttur við þátt þess. „Ég held að
það sé ekki hægt að segja með góðri sam-
visku annað en að ríkið standi sig vel gagn-
vart framhaldsskólunum. Að minnsta kosti
eru þeir að reyna.“ Hann segir að fyrir
nokkrum árum hafi verið endurskoðað
hvernig peningum var úthlutað í skólana og
líkan reiknar nú út hvað hver og einn skóli á
að fá. „Ef það yrði farið algjörlega eftir því
þá hefðum við nú úr of litlu að moða en það
var tekin sjálfstæð ákvörðun um að styðja
við þá skóla á landsbyggðinni sem eru að
reyna að halda úti fjölbreyttu námsframboði.
Það hefur bjargað miklu fyrir okkur. Við
höfum á móti lagt mikið upp úr því að halda
okkur innan þess fjárramma sem okkur er
skipaður.“
Meira hugsað um innihaldið
Ólafur tók sér ársfrí frá störfum fyrir ári
og settist á skólabekk í Skotlandi. „Það var
auðvitað kominn tími til að líta aðeins upp og
horfa á þetta úr fjarlægð. Hlaða batteríin
eins og sagt er. Ég fór í háskóla í Glasgow,
hressti aðeins upp á og bætti við kunnáttu
mína í skólastjórnun.“ Hann segir framhalds-
skóla að mörgu leyti svipaða í Skotlandi og
hér. „Kerfin sem notuð eru til að halda utan
um skólamál eru svipuð en húsnæðið sem
framhaldsskólarnir eru í er mjög misjafnt.
Það er ekki eins mikið lagt upp úr því og hér
á landi, þarna er kannski meira hugsað um
það hvað er gert í húsunum. Vandamálin
sem þeir glíma við eru aftur á móti mun
stærri, þarna er mikill drykkjuskapur og eit-
urlyfjaneysla. Skólarnir sjálfir eru misjafnir,
margir mjög góðir en aðrir þar sem vanda-
málin eru mikil.“ Að lokum sagði Ólafur að
Skotar hefðu mikið að bjóða. „Það var tekið
vel á móti mér, skoskur almenningur er
mjög jákvæður og vill allt fyrir mann gera.“
Skólameistari Framhaldsskólans í Eyjum segir fámennan skóla hafa sína kosti
Hæfari til að laða fram það besta
Morgunblaðið/Sigurgeir Jónasson
Skólameistari Ólafur Hreinn Sigurjónsson
LANDIÐ
SUÐURNES
Grindavík | Erfitt er að manna fisk-
vinnslu í Grindavík nú í upphafi ver-
tíðar. Þótt enn séu nokkrir einstak-
lingar skráðir atvinnulausir þar og
alls um 260 manns á Suðurnesjum í
heild er útlit fyrir að flytja þurfi inn
fleiri erlenda verkamenn til að vinna
þessi störf.
Vertíðin hefur farið vel af stað hjá
Grindavíkurbátum og mikill afli bor-
ist á land hjá Þorbirni-Fiskanesi hf.
„Okkur sárvantar fólk í allar
vinnslur,“ segir Páll Ingólfsson,
starfsmannastjóri.. Hann segir að
mikið hafi verið auglýst eftir starfs-
fólki en enn vanti töluvert af fólki.
Hann segir að fólk sem skráð er at-
vinnulaust hafi verið boðin vinna en
það hafi ekki allt þegið starf. Fyr-
irtækið á aðild að rekstri hausaverk-
unar á Reykjanesi og segir Páll að
sömu sögu sé að segja þar, þótt tals-
vert hafi verið um uppsagnir á svæð-
inu og fjöldi fólks á atvinnuleysis-
skrá í Reykjanesbæ, takist ekki að
manna hausaverkunina.
Ólafur Örn Ólafsson, bæjarstjóri í
Grindavík, segir að atvinnuástandið
sé mjög gott og að allir geti fengið
vinnu. Síðastliðið vor voru 30 til 40
manns á atvinnuleysisskrá en núna
innan við tíu og fæstir þeirra hefðu
tök á að þiggja atvinnutilboð fisk-
vinnslunnar. Verulega hefur fækkað
á atvinnuleysisskrá á Suðurnesjum í
heild, frá því sem mest var. Í febrúar
voru tæplega 500 manns án vinnu en
nú eru 260 á skrá.
Hjá Svæðisvinnumiðlun Suður-
nesja fengust þær upplýsingar að
talsverð eftirspurn væri nú eftir fólki
í ýmis störf, meðal annars í fisk-
vinnu, þrif og þjónustu. Ketill Jós-
efsson forstöðumaður segir að tekist
hefði að manna stóru fiskvinnslufyr-
irtækin í Reykjanesbæ. Verr hefði
gengið að útvega fiskvinnslufyrir-
tækjum í Garði, Sandgerði og
Grindavík starfsfólk. Þótt fólk væri á
atvinnuleysisskrá gæti það hafnað
atvinnutilboðum ef það hefði gild
rök, til dæmis varðandi vinnutíma og
samgöngur. Sum fyrirtækin byrjuðu
klukkan sex eða sjö á morgnana og
það hentaði fjölskyldufólki oft illa.
Þá væru engar almenningssamgöng-
ur milli byggðarlaganna á Suður-
nesjum og það hamlaði fólki að
sækja vinnu í önnur sveitarfélög.
Loks væru dæmi um að fólk mætti
ekki vinna í fiski að læknisráði.
Breyting að verða
Páll segir að það sé ný staða hjá
fyrirtækinu að ekki sé hægt að
manna fiskvinnsluna, sama góða
starfsfólkið hefði sinnt þessu lengi.
Einhver breyting væri að verða á
þessu og hefði aðeins borið á þessari
þróun á síðustu vertíð. Þorbjörn-
Fiskanes hefur undanfarin ár verið
með erlent verkafólk í vinnu og segir
Páll nauðsynlegt að ráða fleira nú til
að leysa málin. Hann segir að nýjar
reglur geri það mun erfiðara en áður
að flytja inn verkafólk og það taki
lengri tíma að afla nauðsynlegra
leyfa. Hann er hissa á því að íslenskt
verkafólk líti ekki meira til starfa í
fiskvinnslu. Vinnustaðirnir séu orðn-
ir miklu betri en var fyrir fáeinum
árum. „Það er bara eins og fólk vilji
alls ekki vinna þessi störf,“ segir Páll
og furðar sig um leið á því að fólkið
geti á sama tíma skráð sig atvinnu-
laust.
Ketill Jósefsson segir að ef fólk
hafni vinnu án gildra raka félli það út
af atvinnuleysisskrá og missti bætur
í fjörutíu daga, samkvæmt ákvörðun
úthlutunarnefndar.
Fólk fæst ekki í fiskvinnslu
Morgunblaðið/Þorkell
Löndun Mikill afli berst á land í
Grindavík og fólk vantar til starfa.