Morgunblaðið - 23.09.2004, Blaðsíða 39

með nokkuð nýjum hætti á lendum
framboðs og eftirspurnar. Vissulega
geta menn staðið uppi eins og hanar
á haug og galað út skoðun sína á
verðlagningu Bjarna en það eru ekki
þeir heldur markaðurinn sem ræður
verðinu. Bjarni gerir tillögu sem
markaðurinn annaðhvort samþykkir
eða hafnar, svo einfalt er það.
Það liggur hins vegar í augum
uppi að áhættan á að kaupa hlut í
Þóroddi nú samanborið við hlut í
Orra fyrir fimm árum síðan er mun
meiri. Hann á eftir að sanna sig sem
ekki bara góður kynbótahestur held-
ur þarf hann að verða framúrskar-
andi góður til að standa undir verð-
hugmyndum Bjarna. Þar fyrir utan
þarf hann að komast af, það er að lifa
yfir höfuð og einnig að halda ásætt-
anlegri frjósemi fram undir tvítugs-
aldurinn.
Eitt af því sem oftsinnis hefur ver-
ið haldið fram varðandi velgengni
Orra frá Þúfu er að vel hafi verið
staðið að markaðssetningu hans og
jafnvel svo langt gengið að fullyrða
að það hafi öðru fremur tryggt vin-
sældir hans. Þótt vel sé þekkt úr
heimi markaðsfræðinnar að mönn-
um hafi tekist að búa til „verðmæt
fyrirtæki“, sem ekkert hafa haft á
bak við sig, hafa slík fyrirbæri staðið
mjög stutt og oftar en ekki örfáir
skúrkar hagnast á slíku en sumir
þeirra lent í slæmum málum fyrir að
búa til slíkar loftbólur.
Óheppileg
samsæriskenning?
Árangur Orra frá Þúfu hefur
byggst á góðri frammistöðu af-
kvæma hans í kynbótadómum öðru
fremur. Einnig hafa afkvæmi hans
mörg hver staðið sig frábærlega vel
á öðrum vettvangi og á þessu hefur
vel heppnuð markaðssetning hests-
ins byggst.
Í viðtali í tímaritinu Hestar nýlega
ber Bjarni Þorkelsson reyndar
brigður á að gæði hestsins ein og sér
liggi að baki velgengninni og full-
yrðir að kynbótadómarar hafi mark-
visst ofdæmt afkvæmi Orra og með
því haft áhrif á ræktunar- og mark-
aðsvirði hestsins. Hann tekur reynd-
ar fram í viðtalinu að hann telji að
þessu samsæri sé lokið.
Ágúst Sigurðsson hrossarækt-
arráðunautur tekur engan veginn
undir þessa fullyrðingu Bjarna og
segir hana tóma vitleysu og að sínu
mati sé um að ræða furðulegar að-
dróttanir sem séu alls ekki réttar.
„Ég get sagt það hiklaust að Orri frá
Þúfu er einfaldlega mjög góður kyn-
bótahestur og búinn að sanna sig
rækilega sem slíkur. Afkvæmi hans
hafa komið inn í kynbótadóm og
hlotið sinn dóm á jafnréttisgrund-
velli við önnur hross,“ sagði Ágúst,
„svo einfalt er það nú.“
Ósagt skal látið hvort þessi um-
mæli Bjarna hafi einhver áhrif á
áhuga manna á kaupum á hlutum í
Þóroddi. Víst er að margt getur haft
áhrif á gengi bréfa í hlutafélögum til
lengri og skemmri tíma og er það vel
þekkt fyrirbæri.
Spennandi ferð
fram undan
Bjarni leggur nú upp í mjög
spennandi ferð með stóðhest sinn
Þórodd sem víst er að margur hesta-
maðurinn muni fylgjast spenntur
með. Bjarni metur hann greinilega
sem jafnoka Orra frá Þúfu og ef
hann reynist sannspár mun innan
fárra ára verða kominn nýr for-
ystuhestur í íslenskri hrossarækt.
Ætla má að því muni margir fagna
því kyrrstaða í ræktun er að sjálf-
sögðu ekki góður kostur. Það sem
hins vegar skyggir örlítið á, ef Þór-
oddur tekur við af Orra, er hversu
mikið hestarnir eru skyldir. Báðir
eru þeir afsprengi Hrafns frá Holts-
múla og Sauðárkróksræktunarinnar
en báðar þessar línur eru orðnar
mjög ríkjandi í íslenskri hrossarækt.
Laugarvatnshrossin hafa lengi
staðið í framvarðarsveit í íslenskri
hrossarækt án þess þó að fá full-
nægjandi góðkenningu brekkunnar
á eigin ágæti. Því má spyrja á þess-
um tímamótum hvort nú fari tími
Laugarvatnshrossanna að ganga í
garð, með Þórodd í broddi fylk-
ingar? Spyr sá sem ekki veit.
vakri@mbl.is
MORGUNBLAÐIÐ FIMMTUDAGUR 23. SEPTEMBER 2004 39
HESTAR FRÉTTIR
um 100 metra og höfðumst þar við
næturlangt undir beru lofti. Það
var kalt, líklega 50 stiga frost og við
vorum ekki í svefnpokum og höfð-
um ekki viðbótarsúrefni.“ Þrátt
fyrir hinn gífurlega kalda og súr-
efnissnauða næturstað þeirra í
8.750 metra hæð, sluppu klifr-
ararnir án kals. „Við sátum á bak-
pokunum okkar í níu klukkutíma og
gættum þess vel að sofna ekki, held-
ur nudduðum tær og fingur. Við
vissum nefnilega af Bandaríkja-
mönnum sem höfðu sofið aðeins
neðar á fjallinu og lifað af nóttina,
en þeir misstu fingur og tær.“
Uppgangan á Kanchenjunga árið
1979 var mikill tímamótaáfangi á
klifurferli Scotts því það var í fyrsta
skipti sem svo hátt fjall var klifið
með aðferð alpaklifrara, þ.e. með
léttum búnaði og án viðbótarsúr-
efnis. „Aðalerfiðleikarnir fólust í að
komast upp 900 metra háan vegg
og þetta var langt klifur auk þess
sem grimmur kuldinn gerði okkur
erfitt fyrir. Við vorum tvo og hálfan
mánuð á fjallinu og við vorum fjári
heppnir að komast á tindinn.“
Árið 1981 fór Scott á tind Shivl-
ing og var það talið erfiðasta klifur
sem nokkur hafði farið í á þeim
tíma.
Eftir áratuga klifur í Himalaja-
fjöllunum veit Scott mætavel
hversu mikilvægt það er að reiða
sig á aðstoð Sérpanna, sem eru ann-
álaðir fjallagarpar og trúræknir
búddatrúarmenn. Bera þeir djúpa
virðingu fyrir fjöllunum og sem
dæmi má taka að þeir gjalda mikinn
varhug við að misbjóða Gyðju snæv-
arins, en svo nefnist Everest á máli
Sérpa.
Scott segir að hlúa þurfi betur að
velferð Sérpanna þegar erlendir
leiðangrar nýta sér aðstoð þeirra.
Lág laun eru meðal þess helsta sem
þurfi að bæta með því að tryggja
þeim lágmarkslaun upp á 5 dollara
á dag.. „Sennilega hafa margir
þeirra ekki meira en 2 dollara á dag
nú um stundir,“ segir Scott. „Þeir
ættu einnig að eiga kost á sama
búnaði og gæðum eins og hver ann-
ar leiðangursmaður, aðgangi að
læknisþjónustu, þyrluhjálp og slíku.
Við sem förum í leiðangra með að-
stoð þeirra verðum að muna að við
fáum meira frá þeim, en þeir frá
okkur. Þess vegna eigum að fara að
þeim með virðingu.“
Fyrirlestur Scotts er á vegum Ís-
lenska Alpaklúbbsins, Ferðafélags
Íslands og Útiveru. Hefst dagskráin
sunnudaginn 26. september kl.
19.30 í sal FÍ í Mörkinni 6 og kostar
900 kr. inn.
BRESKI háfjallaklifrarinn Doug
Scott heldur fyrirlestur og mynda-
sýningu um klifur í Himalajafjöll-
unum á sunnudaginn undir yfir-
skriftinni „Sacred Summits“ eða
helgir tindar. Þar er sjónum m.a.
beint að hlutverki Everest og fleiri
fjallarisa í trúarlífi fólks sem bygg-
ir fjallahéruð í Himalajafjöllunum.
Doug Scott kom fyrst til Íslands
árið 1984 og er þetta sjöunda heim-
sókn hans. Hann er því vel þekktur
innan íslenska fjallgöngu-
samfélagsins og ekki síður út um
heim allan. Hann varð ásamt fé-
lögum sínum fyrstur til að klífa
Everest eftir suðvesturhlíð fjallsins
árið 1975 og var það jafnframt í
fyrsta sinn sem Bretar komust á
tind Everest. Mun Scott sýna mynd-
ir frá leiðangrinum og myndir frá
fyrstu uppgöngu á norðvesturhlíð
þriðja hæsta fjalls heims, Kanchenj-
unga (8.586 m), Shivling (6.543 m)
og Carzstenz (5.029 m) í Nýju-
Gíneu.
Doug er í fersku minni upp-
gangan á Everest 1975. „Við kom-
um á tindinn klukkan 18 og hófum
niðurferðina klukkutíma síðar,“
segir hann. „Við lækkuðum okkur
Einn þekktasti háfjallaklifrari heims á Íslandi
„Heppnir að komast á tindinn“
Doug Scott á tindi Everest 1975.
BORIST hefur eftirfarandi ályktun
frá foreldraráði Grunnskóla Húna-
þings vestra:
„Foreldraráð Grunnskóla Húna-
þings vestra mótmælir harðlega því
verkfalli sem skollið er á meðal
grunnskólakennara. Foreldraráð
krefst þess að deiluaðilar nái sáttum
og verkfalli verði aflýst án tafar.
Það er ólíðandi í nútímasamfélagi að
45.000 börn, sem eiga lögbundinn
rétt á grunnskólanámi, skuli vera
þolendur í þessum vinnudeilum.
Dragist verkfall á langinn er hætta á
að það tjón sem börnin verða fyrir
spanni yfir miklu lengri tíma en
verkfallið sjálft. Ábyrgð deiluaðila
er mikil og börnin okkar eiga ekki
að þurfa að vera vopn í slíkri deilu.“
Skora á deil-
endur að semja
fg wilson
Sími 594 6000
Rafstöðvar
Veitum ráðgjöf og þjónustu
fyrir allar stærðir og gerðir
rafstöðva
FGWILSONmase
VISA Ísland og Íþróttasamband
fatlaðra undirrituðu á dögunum
samning um samstarf vegna und-
irbúnings og þátttöku íslensks
íþróttafólks fyrir Ólympíumót fatl-
aðra í Aþenu.
Myndin er frá undirritun samn-
ingsins: Leifur Steinn Elísson, að-
stoðarframkvæmdastjóri VISA,
Sveinn Áki Lúðvíksson, formaður
ÍF, Kristín Rós Hákonardóttir og
Jóhann Kristjánsson.
Styrkja Íþrótta-
samband fatlaðra
RÁÐSTEFNAN Loft 2004 sem
haldin var í Hveragerði nýverið sam-
þykkti eftirfarandi ályktun:
„Ráðstefnan lýsir yfir eindregnum
stuðningi við heilbrigðisráðherra í að
breyta tóbaksvarnarlögum til sam-
ræmis við anda vinnuverndarlaga og
með lögum verði lagt bann við reyk-
ingum í öllum fyrirtækjum, stofnun-
um og á opinberum stöðum, þ.m.t.
hótelum, veitingahúsum, börum og
öðrum skemmtistöðum til þess að
tryggja öllum vinnandi mönnum
reyklaust vinnurými – alltaf alls
staðar. Skorað er á alþingismenn að
setja lög í þessum anda hið fyrsta.
Einnig eru stjórnvöld hvött til að
eyrnamerkja mun meira fé til tób-
aksvarna og tóbaksmeðferðar.“
Allt vinnu-
rými verði
reyklaust
LÖGREGLAN í Keflavík lýsir eftir
bifreiðinni ZL-654, sem er af gerð-
inni Audi 100, dökkgræn, árgerð
1991. Bifreiðinni var stolið á bif-
reiðastæði fyrir utan Stíflusel 5 í
Reykjavík laugardaginn 18. sept-
ember sl. Þeir sem geta veitt upp-
lýsingar um málið eru vinsamlegast
beðnir að hringja í rannsóknardeild
lögreglunnar í Keflavík í síma
420 2400.
Lýst eftir
stolinni bifreið
♦♦♦