Morgunblaðið - 23.09.2004, Blaðsíða 25

lögðust eindregið gegn innrás-
inni.
Nú síðast lýsti Kofi Annan að-
alritari Sameinuðu þjóðanna því
opinberlega að innrás Bush &
bandamanna hafi verið ólögleg.
Komið hefur skýrt í ljós að þeir
sem vöruðu við þessari ólögmætu
innrás hafa haft rétt fyrir sér.
Nægir að nefna Svíann Hans
Blix, yfirmann Vopnaeftirlits-
nefndar Sameinuðu þjóðanna,
sem varaði eindregið við árás-
inni. Lesa má m.a. um afstöðu
Hans Blix og greiningu á vand-
anum í bók hans ,,Disarming
Iraq“, sem kom út fyrr á þessu
ári. Þar segir Hans Blix m.a.:
,,Mörgum mánuðum eftir innrás
Bandaríkjanna og bandamanna
þeirra, get ég ekki annað en velt
því fyrir mér hvernig heimurinn
hefði brugðist við ef Vopnaeft-
irlitsnefndin hefði einfaldlega
verið sammála mati Bandaríkj-
anna og Bretlands – sem síðar
kom í ljós að var rangt eða afar
vafasamt – um álpípur, samninga
um úraníum, færanlegar til-
raunastofur með efnavopn, fjar-
stýrðar eldflaugar, o.s.frv. Hvað
ef Öryggisráð Sameinuðu þjóð-
anna hefði fengið heimild til
hernaðaraðgerða og hernáms og
síðan komið í ljós að engin bann-
vopn voru í Írak?“
Stefnubreyting
án samráðs
Halldór Ásgrímsson sagði, að-
spurður, í öllum fréttatímum út-
varps og sjónvarps sl. föstudag,
17. september (í fyrsta skipti), að
afstaða hans og Davíðs hafi
byggst á röngum upplýsingum
frá Bandaríkjunum. Spyrja má
enn einu sinni hvernig sú ákvörð-
un Davíðs & Halldórs í nafni Ís-
lands var tekin? Það er óhæft að
kyngja þessari lögleysu þeirra án
opinberrar rannsóknar! Geta þeir
fóstbræður tekið ákvörðun um
kúvendingu í utanríkisstefnu Ís-
lendinga án þess að bera hana
undir ríkisstjórn sína, utanrík-
ismálanefnd Alþingis (sem er
lagaskylda) eða þingflokka sína –
hvað þá Alþingi Íslendinga – nú
eða bara blessaða þjóðina sjálfa í
þingkosningum, sem fram fóru
nokkrum vikum eftir innrásina.
Opinber
rannsókn
Meira að segja heima hjá Bush &
Blair er ekki hægt að komast hjá
ítarlegri rannsókn á ferlinu. En
hér gerist ekkert. Eina meld-
ingin frá núverandi forsætisráð-
herra er að við eigum bara að
gleyma fortíðinni!
Það verður að fara fram ítarleg
rannsókn á þessum stuðningi Ís-
lands við innrásina, annað er
óviðunandi.
Styður maður vini sína sama
hvað þeir taka sér fyrir hendur?
Þetta er skoðun Staksteina. En
þannig haga raunverulegir vinir
sér ekki. Erum við Íslendingar
stoltir af þessum stuðningi við
innrásina? Nei, við skömmumst
okkar fyrir að vera taglhnýtingar
Bush & félaga. Það ber enginn
virðingu fyrir já-bræðrum.Vinur
er sá er til vamms segir.
Höfundur er viðskiptafræðingur og
framkvæmdastjóri Þjóðarhreyfing-
arinnar – með lýðræði.
MORGUNBLAÐIÐ FIMMTUDAGUR 23. SEPTEMBER 2004 25
UMRÆÐAN
BRÉF TIL BLAÐSINS
Morgunblaðið Kringlunni 1 103 Reykjavík  Bréf til blaðsins | mbl.is
23. ÁGÚST síðastliðinn sendi Hag-
fræðistofnun Háskóla Íslands frá
sér skýrslu um arðsemi menntunar
hér á landi. Í skýrslunni kemur með-
al annars fram að flestar tegundir
framhaldsmenntunar eru að skila
fólki prýðilegum arði. Hins vegar,
þegar kemur að grunnskólakenn-
urum, kemur fram að arðsemi
þriggja ára háskólamenntunar er
engin og að meðaltekjur fólks á ís-
lenskum vinnumarkaði, sem aðeins
hefur stúdentspróf eru ívið hærri en
meðallaun kennara. Ofangreindar
upplýsingar hafa vakið upp spurn-
ingar hjá mér, spurningar sem ég tel
að við kennarar eigum heimtingu á
að fá svör við. Ekki síður tel ég að
það fólk sem er í kennaranámi eða
hyggst leggja það fyrir sig verði að
fá þessi svör.
1. Telur sveitarstjórnarfólk að
kennarar eigi ekki að fá neinn arð af
sínu háskólanámi?
2. Forystumenn Samtaka atvinnu-
lífsins hafa verið með stór orð um
kröfur kennara. Telja þeir að kenn-
arar eigi ekki að fá neinn arð af sínu
háskólanámi?
3. Er íslensk kennarastétt dæmd
til að vera láglaunastétt til að fórna
ekki stöðugleikanum?
Ljóst er að mörg sveitarfélög
standa illa fjárhagslega og að yf-
irtaka grunnskólans á sínum tíma
var þeim miklu stærri biti en þau
reiknuðu með. Það breytir því þó
ekki að það þarf að greiða kennurum
laun sem eru í einhverju samræmi
við menntun þeirra. Aldrei stóð til að
kennarar niðurgreiddu þessa yf-
irtöku.
Í von um skjót og hreinskilin svör.
ÖRN GUNNARSSON,
Breiðvangi 73, 220 Hafnarfirði.
Um arðsemi menntunar
Frá Erni Gunnarssyni, grunn-
skólakennara, sem fjallar um
kjaramál kennara:
ÞAÐ ER ekki rétt að koma svona
fram við okkur nemendur og kenn-
ara. Krakkarnir í 4.bekk eru að fara
í samræmdu prófin í fyrsta sinn. Þau
hafa ekki skilið að það yrði verkfall
rétt fyrir próf og krakkarnir í 7.
bekk eru að fara í undirbúningspróf
fyrir samræmdu prófin. Þetta er
voða erfitt fyrir alla sem eru að fara í
prófin. Allir vilja verða eitthvað, t.d
alþingismenn, málarar, dansarar,
fótboltamenn. Sjáið þessa hluti sem
ég var að telja upp. Þú þarft alltaf að
læra að verða þetta allt. Þú þarft
kennara til að kenna þér, þú lærir
ekki hlutina einn. Einsog stelpa í
skólanum mínum sagði: „Þegar ég
fer í MR, þá spyr kennarinn mig:
„hvað er 1+1?“ og þá segi ég, „ég
veit það ekki, það var alltaf verkfall í
skólanum mínum.“ Sjáið þetta, alla
langar að fara í góða skóla. Rík-
isstjórnin er öll búin að fara í skóla
og er búin að hafa kennara. Ef þeir
hefðu aldrei haft kennara að kenna
þeim þá hefðu þeir aldrei orðið al-
þingismenn. Leyfið kennurum að fá
sanngjörn laun. Kennarar lengi lifi!
ÁSGERÐUR HEIMISDÓTTIR,
Hringbraut 85, 107 Reykjavík.
Mér finnst þetta
verkfall ósanngjarnt
Frá Ásgerði Heimisdóttur
í 6. bekk í Melaskóla:
Sími 594 6000
Dísilvélar
Loftkældar dísilvélar frá Yanmar
3 til 10 Hö m/án rafstarts
Við hjá fasteignasölunni Fasteign.is höfum verið beðin um
að finna 4ra herbergja íbúð í Lindahverfinu í Kópavogi.
Skilyrði er sérinngangur í íbúðina, jarðhæð eða hæð. Í boði
er bein sala eða möguleiki á makaskiptum á 160 fm raðhúsi
á einni hæð í Lindahverfinu.
Ef þú ert í söluhugleiðingum og eða vilt fá nánari upp-
lýsingar, þá vinsamlegast hafðu samband við Ólaf Finn-
bogason sölumann hjá Fasteign.is í síma 5 900 800 eða
gsm 6 900 820.
SKIPTI Á RAÐHÚSI OG 4RA HERB.
ÍBÚÐ Í LINDAHVERFI - KÓP.
SÍMI 5 900 800
Ólafur
Finnbogason
sölumaður B. ed.
Ólafur B. Blöndal löggiltur fasteignasali
HINN 11. september fór ég á djass-
tónleika í Hótel Örk í Hveragerði.
Ég pantaði mat og borð, til að geta
tryggt mér sæti nálægt sviðinu.
Maturinn var frábær og öll þjón-
ustan eftir því svo að ég gleymdi al-
veg okrinu á víninu. Hljómsveitin,
sem spilaði heitir „Hljóð í skrokk-
inn“, en hana skipa: Óskar Guð-
jónsson á saxófón, Ómar Guðjónsson
á gítar, Erik Quick á trommur og
Ólafur Stolzenwald á kontrabassa.
Ég er orðinn svo gamall að ég hef
ekki heilsu til að sækja íslenska næt-
urklúbba þar sem lifandi tónlist
hefst ekki fyrr en löngu eftir mið-
nætti. Hljómsveitirnar virða ekki
auglýstan tíma, þær spila ekki fyrir
þá sem eru mættir en bíða eftir þeim
sem e.t.v. koma ekki. Þetta er auð-
vitað dónaskapur gagnvart þeim
sem mæta en hluti af þessu er 100–
200% álagning samkomuhaldara á
áfengi sem þeir kvarta svo undan að
þeir þurfi að kaupa of dýrt (hærra
innkaupsverðverð – meiri gróði á
mann – færri viðskiptavinir).
Umræddir tónleikar voru auglýst-
ir kl. 22.00 en kvartettinn byrjaði að
spila kl. 21.50. Það var enginn svik-
inn af þessum tónleikum nema þeir
sem mættu of seint.
Ég vildi óska að fleiri hljómsveitir
tækju sér þessa drengi til fyr-
irmyndar. Þá mundi fólk e.t.v.
gleyma okrinu á víninu sem er ekki
bara ríkinu að kenna. Auðvitað er
hægt að skreppa út fyrir og fá sér
sjúss og ekki missir maður af miklu
ef hljómsveitin er ekki byrjuð að
spila.
P.s. Getur maður losnað við
tappagjald ef maður hefur með sér
tappatogara?
ÞÓRHALLUR
HRÓÐMARSSON,
Hveramörk 4,
810 Hveragerði.
11. sept-
ember í
Hvera-
gerði
Frá Þórhalli Hróðmarssyni:
Úrslitin úr
enska boltanum
beint í
símann þinn
Í GEGNUM tíðina
hafa tveir menn um-
fram aðra verið ötulir
við skrif og margvíslega
réttmæta gagnrýni á
opinbera sem og óop-
inbera aðila hér á landi.
Þeir hafa markað djúp
spor í þjóðarvitund okk-
ar Íslendinga og telja
má að án þeirra atbeina
væri umræða um frelsi
einstaklingsins, réttlæti
og réttarvitund hér á
landi mun fátæklegri.
Með áræði, skörpum
rökræðum og skynsemi
hafa þeir ávallt náð að
koma sínum málum vel
á framfæri og oft hlotið
mikla gagnrýni fyrir.
Hins vegar eru þeir fáir
sem í dag geta neitað
því að hugsjónum þeirra hefur fylgt
samkvæmni eins og rauður þráður í
gegnum tíðina. Þetta er ekki öllum
gefið, því miður.
Annar þessara ágætu prófessora
starfar við Háskóla Íslands og sætir
nú mjög ómálefnalegum árásum af
hálfu aðila sem ávallt hafa haft horn í
síðu hans og eru nú enn og aftur að
ráðast til atlögu. Þessir aðilar beita
ekkert venjulegum aðferðum við nið-
urrif og einbeita sér sérstaklega að því
hefna sín eftir eitthvert ímyndað stríð
sem aldrei var háð. Þessir aðilar særa
en vilja ekki sjást, naga en vilja ekki
nást og karpa en vilja ekki kljást. Það
er auðvitað fylgifiskur þess að láta í
sér heyra og láta eilítið á sér bera að
eiga í hnútukasti við einhverja sem
telja sig betri en aðra menn eða eru
ekki sammála öllu því sem fram er
borið. Það er hins vegar ótrúlegt að sjá
hversu ötull dr. Hannes Hólmsteinn
Gissurarson hefur verið við að svara
þessum óprúttnu röddum og telur
greinarhöfundur beinlínis að um af-
burða kurteisi prófessorsins sé að
ræða við þetta ágæta fólk. Þarna sér
maður þennan mann enn og aftur
standa einn og berskjaldaðan í baráttu
við fjöldann allan af fólki sem vill að-
eins koma honum illa. Það að ásaka
hann um e.k. ritstuld er fyrirsláttur
enda vissulega ekkert hæft í þeim
ásökunum.
Sá prófessor, sem
greinarhöfundur vill geta
næst, starfar við Háskóla
Reykjavíkur og er lög-
spekingur mikill, ráða-
góður mjög og býr yfir
bæði mikilli reynslu í
málflutningi og mennt-
un. Sá hefur staðið keik-
ur í gegnum ótal boðaföll
sem riðið hafa yfir hann
æ ofan í æ. Hann stend-
ur ávallt vörð um rétt-
lætið og er tilbúinn að
verja frelsishugsjónir af
miklum þrótti. Eins og
dr. Hannes þá virðist
sem prófessor Jón Stein-
ar Gunnlaugsson hafi
einnig sína djöfla að
draga sem nú leggjast á
árarnar og sigla á sömu
mið og ljósvíkingar Hannesar. Ávallt
er ætlunin að stunda nornaveiðar og
hamra á með óvild og beiskju. Það hef-
ur verið eins með Jón og dr. Hannes
að þar fer afar kurteis maður sem með
rökræðu og skynsemi nær að hrista af
sér flesta óværu og halda sínu striki.
Það er ljóst að ef undirritaður gæti
kosið sér hæstaréttardómara, rétt eins
og gerist víða um heim, yrði maður
eins og Jón Steinar Gunnlaugsson tví-
mælalaust fyrir valinu að öðrum ólöst-
uðum.
Það sem eftir stendur er að þarna
fara afar hæfir menn sem hvor um sig
er mjög framarlega á sínu sviði. Grein-
arhöfundur hefur ekki náð að kynnast
þessum mönnum svo einhverju nemi
en rétt eins og almennur borgari hefur
hann getað fylgst með vinnu þeirra,
málflutningi og rökræðu. Ljóst er að
þarna fara menn sem eru fremstir á
sínu sviði á meðal jafningja og verður
það aðeins sögunnar að dæma þá af
verkum sínum sem greinarhöfundur
telur fullvíst að verði góður dómur um
góða menn.
Af tveimur
prófessorum
Sveinn Óskar Sigurðsson
fjallar um Hannes Hólmstein
Gissurarson og Jón Steinar
Gunnlaugsson
Sveinn Óskar
Sigurðsson
’Hann stendurávallt vörð um
réttlætið.‘
Höfundur er framkvæmdastjóri.