Morgunblaðið - 23.09.2004, Blaðsíða 11

MORGUNBLAÐIÐ FIMMTUDAGUR 23. SEPTEMBER 2004 11
FRÉTTIR
Laugavegi 63
(Vitastígsmegin)
sími 551 2040
Ný sending
Silkitré og silkiblóm
Útitré - pottablóm
hengiplöntur
Mikið úrval
Sendum lista út á land
HAUST 2004
Peysa.......... 7.180
Bolur .......... 3.040
Buxur .......... 6.640
Skór............ 8.980
Eddufelli 2 Bæjarlind 6
sími 557 1730 sími 554 7030
Samkvæmisfatnaður
í úrvali
Fagurgali | Mislæg gatnamót voru
ofarlega á baugi á fundi borgar-
stjórnar á þriðjudaginn. Margrét
Sverrisdóttir, F-lista, sagði R-list-
ann standa fyrir úrelt viðhorf þegar
því væri haldið fram, að sporna ætti
gegn fjölgun einkabíla í stað þess að
greiða fyrir umferð. Þetta væri for-
ræðishyggja sem ekki þýddi að
pakka inn í fagurgala um sjálfbæra
þróun.
Gamaldags | Árni Þór Sigurðsson,
R-lista, sagði ábyrgðarlaust að
segja gatnakerfið sprungið. „Mér
finnst þetta bara rugl, þið verðið að
afsaka.“ Hann sagðist algjörlega
ósammála Margréti. „Ég tel að
hægri flokkarnir hér í borgarstjórn
Reykjavíkur standi fyrir gamaldags
og úreld viðhorf – ekki síst með til-
liti til umhverfismála.“
Skottúrar | „Í könnun sem hefur
verið gerð á ferðavenjum hér á höf-
uðborgarsvæðinu, þá kemur í ljós
að 60% allra ferða eru innan við
þrír kílómetrar,“ sagði Árni. „Tvær
af hverjum þremur af þessum ferð-
um eru farnar á bíl. Maður hlýtur
að leyfa sér að segja, að nú skulum
við staldra við og spyrja: Bíddu, er
þetta alveg endilega eðlilegt?“
Hreinskilni | Guðlaugur Þór Þórð-
arson, D-lista, þakkaði Árna Þór
fyrir hreinskilnina og að skýra
stefnu R-listans til mislægra gatna-
móta. „Hér stóð maður sem barðist
harkalega gegn umferðarmann-
virkjum í Reykjavíkurborg. Hann
gerði það bara mjög vel og var
sannfærandi. Og það er gott að
þetta viðhorf komi bara skýrt
fram.“
Útúrsnúningar | „Virðulegi for-
seti. Hér stóð maður sem er meist-
ari í að snúa útúr því sem sagt er,“
svaraði Árni og hann væri ekki á
móti umferðarmannvirkjum. „Þetta
mál snýst um það að menn staldri
við og spyrji: Á hvaða leið erum
við?“
Dugleysi | Dagur B. Eggertsson,
R-lista, sagði að ef allt væri eðlilegt
myndu bensínskattar höfuðborgar-
búa renna til framkvæmda í
Reykjavík. „Það er vegna sinnu-
leysis, kjarkleysis og dugleysis
þingmanna Reykjavíkur að það er
ekki þannig.“ Sundabrautin væri
forgangsmál.
Viljaskortur | Björn Bjarnason,
D-lista, sagði það ekki skort á fé
sem réði því hvort ráðist yrði í gerð
mislægra gatnamóta Kringlumýrar-
brautar og Miklubrautar. „Það er
skortur á vilja hjá þeim sem fara
með skipulagsmál borgarinnar, að í
þetta verk verði ráðist.“
„Problem“ | Björk Vilhelmsdótt-
ir, R-lista, sagði frá bandarískum
prófessor í verkfræði sem var hér í
heimsókn. Þegar hann var stopp
ásamt fylgdarmanni sínum á gatna-
mótum Kringlumýrar- og Miklu-
brautar var honum sagt frá hönnun
mislægra gatnamóta. „Prófessorinn
setti upp undrunarsvip og sagði:
What’s the problem?“ hafði Björk
eftir honum.
Stjórnarábyrgð | Guðlaugur Þór
sagði afskaplega erfitt að nálgast
upplýsingar um fjarskiptastarfsemi
Orkuveitu Reykjavíkur í stjórn fé-
lagsins. „Ég vek athygli á því að við
sem stjórnarmenn í þessu félagi
berum sambærilega ábyrgð eins og
stjórnarmenn í hlutafélagi.“
Málþurrð | „Ég veit satt að segja
ekki hvað þessi ágæti borgar-
fulltrúi, sem ég hef löngum litið á
sem eins máls mann innan Orku-
veitu Reykjavíkur, ætlar eiginlega
að tala um þegar Lína net er horfin
á braut frá OR,“ sagði Alfreð Þor-
steinsson, R-lista. Guðlaugur haldi
að allt í Orkuveitunni snúist um
fjarskiptamál.


 FRAMSÓKNARKONUR
leggja í dag upp í hringferð
um landið undir yfirskrift-
inni: Konur til áhrifa! og
ætla á næstu vikum að efna
til funda í öllum helstu þétt-
býliskjörnum landsins.
Verður fyrsti fundurinn í
Framsóknarhúsinu á Akra-
nesi í kvöld kl. 20. Að sögn
Unu Maríu Óskarsdóttur,
formanns Landssambands
framsóknarkvenna, er
markmiðið með hringferð-
inni að efla starf framsóknar-
kvenna og þar með starf Fram-
sóknarflokksins í heild sinni.
„Á baráttufundi framsóknar-
kvenna sem við héldum í höfuð-
stöðvum flokksins 25. ágúst sl. var
samþykkt að efla innra starf okkar
og fjölga konum í öllu starfi flokks-
ins. Í Framsóknarflokknum erum
við með jafnréttisáætlun og lög
flokksins mæla fyrir um 40% hlut
hvors kyns á framboðslistum og í
öllu starfi flokksins og við ætlum
okkur að reyna að framfylgja
þessu. Á fundum okkar á ferð um
landið munum við því annars vegar
leggja áherslu á að fá nýjar konur
til starfa og hins vegar hvetja kon-
ur innan flokksins til að bjóða fram
krafta sína til að efla hlut kvenna í
Framsóknarflokknum.“
Næsti fundur framsóknar-
kvenna á hringferð þeirra um land-
ið verður miðvikudagskvöldið 29.
september nk. í Framsóknarhús-
inu á Selfossi kl. 20.
Fundaherferð um
konur til áhrifa
Morgunblaðið/Þorkell
Ríkarður Ríkarðsson lítur yfir jeppa
sem framsóknarkonur nota í ferðinni.
FULLTRÚAR og starfsmenn for-
sætisnefndar danska þingsins eru í
heimsókn hér á landi. Byrjuðu þeir
daginn á fundi með Halldóri Ás-
grímssyni forsætisráðherra og
heimsóttu að því loknu Alþingi og
funduðu með forsætisnefnd.
Halldór Blöndal, forseti Alþing-
is, segir fundinn með dönskum
starfsbræðrum sínum hafa verið
gagnlegan. Þeir hafi haft áhuga á
að koma til Íslands og kynna sér
viðhorf og löggjafarstarfið hér. Á
fundinum hafi verið skipst á skoð-
unum og farið yfir þau mál sem
efst séu á baugi.
Halldór segir þingmenn og
starfsmenn norrænu þinganna
vera í góðu samstarfi sín á milli.
Þannig hafi tveir starfsmenn Al-
þingis, Guðlaugur Ágústsson yf-
irþingvörður og Þormóður Sveins-
son, nýlega heimsótt danska og
norska þingið til að kynna sér ör-
yggismál.
Að loknum hádegisverði í Perl-
unni með íslenskum þingmönnum
hittu Danirnir Ólaf Ragnar Gríms-
son forseta á Bessastöðum. Í dag
munu þeir heimsækja ýmsar stofn-
anir og fara til Þingvalla.
Morgunblaðið/Þorkell
Halldór Blöndal, forseti Alþingis, tekur á móti dönsku forsætisnefndinni.
Frá hægri eru það Kaj Ikast, 3. varaforseti danska þingsins, Poul Nød-
gaard, 2. varaforseti, og Christian Mejdal, forseti þingsins.
Kynntu sér íslenskt löggjafarstarf
ÞAÐ þarf enga snilligáfu til að vera
góður í stærðfræði heldur byggist
færni í greininni á mikilli vinnu og að
gefast ekki upp, sama á hverju bjátar.
Þessu heldur Timothy Gowers, pró-
fessor í stærðfræði við Cambridge-
háskóla, fram, en Gowers sem er
heimskunnur fyrir framlag sitt til
stærðfræðinnar, er staddur á Íslandi
á vegum Félags um eflingu verk- og
tæknifræðimenntunar. Gowers held-
ur fyrirlestur um mikilvægi stærð-
fræðinnar sem undirstöðu verk- og
tæknifræðigreina á Grand hóteli í dag
og veitir verðlaun í ritgerðarsam-
keppni barna um stærðfræði á morg-
un, föstudag.
„Sá sem er hæfilega góður í stærð-
fræði og langar að verða verulega
góður í faginu og stunda rannsóknir í
stærðfræði, getur orðið það með smá-
heppni og mikilli vinnu. Hann þarf að
hella sér út í viðfangsefnið og hugsa
virkilega stíft um úrlausnarefnin og
ekki gefast upp, jafnvel þótt vanda-
málið virðist erfitt eða jafnvel ómögu-
legt að leysa,“ segir Gowers. „Þá þarf
hann líka stundum að vita hvenær
hann á að gefast upp,“ bætir hann við.
Hlaut Fields-verðlaunin
Gowers hefur m.a. tekist að nýta
flóknar aðferðir til að sanna sumar af
tilgátum pólska stærðfræðingsins
Banach (1892–1945) auk þess sem
Heimskunnur stærðfræðingur staddur á Íslandi
Skortur á góðum
stærðfræðikennurum
Morgunblaðið/Sverrir
Timothy Gowers, prófessor í stærðfræði við Cambridge-háskóla.
hann hefur nýlega vakið athygli í
fléttufræði með því að leggja fram
nýja sönnun á setningu stærðfræð-
ingsins Emre Szemeredi en slíkt við-
fangsefni krefst gríðarlega djúps
skilnings á stærðfræði, að sögn þeira
sem þekkja til. Árið 1998 hlaut
Gowers Fields-verðlaunin eftirsóttu
fyrir rannsóknir sínar en þau jafn-
gilda Nóbelsverðlaununum.
Gowers mun koma víða við í fyr-
irlestri sínum og m.a. ræða um hvern-
ig Google-vafrarinn raðar vefsvæðum
upp eftir mikilvægi þeirra með aðstoð
stærðfræðinnar og dulkóðun á Net-
inu fyrir tilstilli stærðfræðinnar.
Gowers segir að í flestum vestræn-
um ríkjum og raunar víðast hvar í
heiminum kvarti fólk undan því að
stærðfræðikennsla í skólum hafi
hnignað á undanförnum áratugum.
Þá komi fólk inn í háskóla síður
undir það búið að fást við stærðfræði
en áður þekktist. Hluti skýringarinn-
ar kunni að vera að fólk með háskóla-
gráðu í stærðfræði fær mun betur
launuð störf í öðrum atvinnugreinum
en kennslu, og skortur er á góðum
stærðfræðikennurum, segir hann. Af
þessu leiði að kynslóð fram af kynslóð
læri stærðfræði af kennurum með
síðri menntun í stærðfræði.