Morgunblaðið - 23.09.2004, Blaðsíða 41

MORGUNBLAÐIÐ FIMMTUDAGUR 23. SEPTEMBER 2004 41
DAGBÓK
Opnunartími
mán.-fös. kl. 11-18 & lau. kl. 11-14
Hverafold 1-3 • Torgið Grafarvogi • Sími 577 4949
Skipagötu 5 • Akureyri • Sími 466 3939
Láttu verðið koma
þér á óvart
Mikið úrval
af kápum, jökkum
og nýjum
haust-
vörum
NÝ LÖGMANNSSTOFA
Ég hef opnað lögmannsstofu á Skúlagötu 17,
101 Reykjavík. Heitið á stofunni er Lögmat ehf.
- lögmannsþjónusta.
Tek að mér alhliða lögfræðilega ráðgjöf og
málflutning. Nýir viðskiptavinir velkomnir.
Björn Daníelsson hdl.
Skúlagata 17, 101 Rvk,
s. 511-3600, fax 511-3601.
Netfang: logmat@logmat.is
Er þörf á stjórnsýsludómstól?“ er yfir-skrift málþings Lögfræðingafélags Ís-lands sem haldið verður 24. septemberá Hótel Sögu. Á málþinginu munu fyr-
irlesarar velta fyrir sér ýmsum hliðum málsins.
Þar á meðal mun Friðgeir Björnsson dómstjóri
fjalla um úrskurðarnefndir í stjórnsýslunni, en að
margra mati hafa slíkar nefndir mörg einkenni
stjórnsýsludómstóla. Slíkum nefndum hefur
fjölgað mjög mikið síðustu ár án þess að séð verði
að heildstæð og opinber stefna liggi þar að baki.
Þá mun dr. Matti Niemivuo, skrifstofustjóri í
finnska dómsmálaráðuneytinu og prófessor í op-
inberum rétti við Háskólann í Lapplandi, fjalla
um hvernig stjórnsýsludómstólar endurskoða
stjórnvaldsákvarðanir.
Páll Hreinsson, prófessor við lagadeild HÍ,
mun aftur á móti fjalla um hvort og þá hvernig
hægt er að koma þeim gæðum, sem talin eru ein-
kenna stjórnsýsludómstóla, inn í núverandi dóms-
kerfi án þess að leggja í þann kostnað að setja á
fót sérstakan stjórnsýsludómstól.
Hvert er hlutverk stjórnsýsludómstóla?
„Stjórnsýsludómstólar eru sérdómstólar sem
hafa sérþekkingu á stjórnsýslurétti og dæma um
hvort athafnir stjórnvalda séu bæði löglegar og
réttmætar. Í flestum löndum Evrópu telja menn
að þessir dómstólar veiti betra aðhald og tryggi
betur réttaröryggi og skilvirkni.“
Hví eru ekki stjórnsýsludómstólar á Íslandi?
„Í langflestum löndum Evrópu er að finna
stjórnsýsludómstóla sem dæma m.a. um gildi
stjórnvaldsákvarðana. Undantekning er þó með
þau ríki sem áður tilheyrðu danska einveldinu og
breska heimveldinu, en í þeim hefur slíkum dóm-
stólum almennt ekki verið komið á fót heldur
dæma hinir almennu dómstólar í slíkum málum.
Við Íslendingar tókum þetta fyrirkomulag í arf
frá Dönum og höfum því ekki stjórnsýsludóm-
stóla. Lengst af hefur lítil umræða verið um það
hér á landi hvort koma beri á fót slíkum dómstól.“
Hverjir eru helstu kostir og gallar stjórn-
sýsludómstóla?
Meðal þeirra sjónarmiða sem talin eru mæla
með því að hafa sérdómstóla sem dæma í málum
er lúta að lögmæti og réttmæti athafna stjórn-
sýslunnar eru reynsla og sérfræðiþekking dóm-
ara við slíka dómstóla sem talin er geta tryggt
betur réttaröryggi og skilvirkni á þessu sviði. Þá
hafa verið sniðnar sérstakar réttarfarsreglur þar
sem tekið hefur verið tillit til séreðlis þessara
mála. Á hinn bóginn hefur verið bent á að kostn-
aður eykst við að koma á fót sérdómstólum og
flókið verður oft hvaða mál á að bera undir hina
almennu dómstóla og hver undir stjórn-
sýsludómstóla.
Lögfræði | Málþing um þörf á stjórnsýsludómstólum á Íslandi

Páll Hreinsson er
fæddur í Reykjavík árið
1963. Hann varð stúd-
ent árið 1983 frá MH og
útskrifaðist með emb-
ættispróf í lögfræði frá
HÍ árið 1988. Páll
stundaði framhalds-
nám í stjórnsýslurétti
og stjórnsýslufræðum
við Kaupmannahafn-
arháskóla 1990–1991.
Páll gegnir nú starfi prófessors við lagadeild
HÍ auk þess sem hann hefur starfað sem
stjórnarformaður Persónuverndar frá því
stofnuninni var komið á fót.
Páll er kvæntur Láru Sverrisdóttur lánastjóra
í Íslandsbanka og eiga þau einn son.
Stuðla að réttaröryggi og skilvirkni
Bækurnar Þorpið og Krilla
MIG vantar bók sem heitir Þorp á
heljarþröm eftir Manuel Scorz-
arancas. Eins vantar mig unglinga-
bókina Krilla sem gefin var út fyrir
mörgum árum síðan. Þeir sem geta
liðsinnt mér vinsamlega hafið sam-
band í síma 552 2548.
Vinstri akreinin
ÉG var að keyra Sæbrautina um
daginn. Nema hvað að ekki virtist
ökumaðurinn á undan mér átta sig á
því að vinstri akreinin væri fram-
úrakstursakrein. Munum að umferð-
in á vinstri akrein á að vera hraðari
en á hægri akrein. Þetta er eitthvað
sem betur mætti fara.
Ólafur.
Barnagleraugu í óskilum
SVÖRT og brún barnagleraugu
fundust fyrir ofan Þorláksgeisla í
Grafarholti. Upplýsingar í síma
867 8346.
Kettlingar fást gefins
KETTLINGAR fást gefins, kassa-
vanir. Upplýsingar í síma 697 4872.
Garpur er týndur
KÖTTURINN Garpur hefur ekki
komið heim til sín síðan fimmtudag-
inn 16. sept-
ember. Hann
á heima á
Brekkustíg
19 í Vest-
urbænum.
Hann er ljós-
grár, brönd-
óttur, með
hvítar loppur
og bleika snoppu. Hann er eyrna-
merktur nr. 381 og með græna háls-
ól. Hann er frekar stór og auðþekkj-
anlegur á stórum plástri á skottinu
sínu. Hans er sárt saknað og ef ein-
hver veit eitthvað um ferðir hans,
vinsamlegast hafið þá samband við
Ingu Dagmar í síma 847 1118 eða
553 9077.
Velvakandi
Svarað í síma 5691100 kl. 10–12
og 13–15 | velvakandi@mbl.is
1. d4 d5 2. c4 e6 3. Rc3 Rf6 4. Rf3 Be7
5. Bf4 O-O 6. e3 b6 7. Be2 Bb7 8. O-O
Rbd7 9. Hc1 c5 10. dxc5 Rxc5 11. h3
Hc8 12. Bh2 dxc4 13. Re5 Ba6 14. Rxc4
Rfe4 15. Rxe4 Rxe4 16. Bd3
Staðan kom upp á Norðurlandamóti
barnaskólasveita sem lauk fyrir
skömmu í Laugalækjarskóla. Hjörvar
Steinn Grétarsson hafði svart gegn ís-
lenska félaga sínum Einari Sigurðs-
syni. 16... Bxc4! 17. Hxc4 Hxc4 18.
Bxc4 Rd2 svartur vinnur nú skiptamun
og þó nokkru síðar skákina. 19. Dc2
Rxf1 20. Kxf1 Dc8 21. Db3 Hd8 22.
Ke2 Dd7 23. Kf3 Dc6+ 24. e4 Bd6 25.
Bf4 Bxf4 26. Kxf4 Dd6+ 27. Ke3 Dd2+
28. Kf3 Dd1+ 29. Dxd1 Hxd1 30. b3
Kf8 31. Ke2 Hc1 32. Kd2 Hg1 33. g3
g5 34. Be2 Hh1 35. Bg4 Ke7 36. e5
Ha1 37. a4 Ha2+ 38. Ke3 Hb2 39. Bd1
h6 40. f4 Hb1 41. Kd2 a6 42. fxg5 hxg5
43. h4 gxh4 44. gxh4 Kf8 45. h5 Kg7
46. Kc2 Ha1 47. Be2 Ha2+ 48. Kd1 a5
49. Bc4 Kh6 50. Be2 Hb2 51. Ke1 Hxb3
52. Kf2 Hb4 53. Bb5 Hxb5 54. axb5
Kxh5 55. Ke3 Kg4 56. Kd4 Kf4 og hvít-
ur gafst upp. Allir þeir keppendur sem
unnu borðaverðlaun voru íslenskir en
Matthías Pétursson var einn þátttak-
enda sem hlaut 100% skor eða 5 vinn-
inga af 5 mögulegum.
SKÁK
Helgi Áss Grétarsson | dagbok@mbl.is
Svartur á leik.
FRAMLAG íslenskra kirkjulista-
manna til Norrænnar kirkjutónlist-
arhátíðar, sem fram fór á dögunum,
vakti mikla athygli og hafa erlendir
aðilar sótt mjög í nótur af íslenskri
kirkjutónlist, að sögn íslenskra að-
standenda hátíðarinnar.
Opnunarverk upphafstónleika
kirkjuhátíðarinnar í dómkirkjunni í
Árósum var Te Deum, eftir Jón
Þórarinsson, en að því stóðu danskir
flytjendur. Var að sögn viðstaddra
gífurleg ánægja með verkið sem
Jón samdi fyrir fjórum árum fyrir
orgel, kór og tvo trompeta.
Örtröð hjá Skálholtsútgáfunni
Félag íslenskra orgelleikara var
aðili að hátíðinni og skipulagði þátt-
töku listamanna fyrir Íslands hönd.
Jón Stefánsson, organisti í Lang-
holtskirkju, segir viðbrögð við ís-
lensku verkunum hafa verið áber-
andi góð og margir hafi spurt
íslenska listamenn hvar hægt væri
að fá nótur að þeim. „Mörg af þess-
um verkum eru mjög ný og óútgefin
og því vöktu þau mikla forvitni,“
segir Jón og bætir við að Skálholts-
útgáfan, sem kynnti sína útgáfu á
íslenskri kórtónlist og var einnig
með umboð fyrir Íslensku tón-
verkamiðstöðina í miðstöð hátíð-
arinnar, hafi verið umsetin lista-
mönnum. „Það var mikið að gera og
ég held að það hafi hreinsast upp
næstum allt sem þau voru með og á
endanum voru teknar niður pant-
anir hjá fólki.“
Hlutverk kirkjulistahátíðarinnar
er að kynna það sem er í notkun í
kirkjunni í hverju landi fyrir sig og
einnig nýtt efni og stærri tónverk.
Segir Jón kynningu Eyþórs Inga
Jónssonar organista á Akureyri á
íslenskri orgeltónlist einnig hafa
vakið mikla athygli. „Annars vegar
var málstofa, þar sem hann fór yfir
verkin og hins vegar tónleikar með
stærri verkum. Þessir atburðir tók-
ust framúrskarandi vel.“
Graduale Nobili-kór Langholts-
kirkju kynnti á hátíðinni íslenska
kórtónlist fyrir barna- og kvenna-
kóra og hélt alls átta tónleika á
þeim tíu dögum sem ferð kórsins
tók. Einnig hélt kórinn málstofu þar
sem sex karlar úr kór Langholts-
kirkju tóku þátt og kynntu ásamt
hluta Nobili-kórsins tónlist fyrir
blandaðan kór.
Troðfull St. Pálskirkja
Á sérstökum íslenskum tón-
leikum, sem haldnir voru í St. Páls-
kirkjunni í Árósum kynnti Nobili-
kórinn einnig sérsamið verk Hreið-
ars Inga Þorsteinssonar, „In
Paradisum“, sem var frumflutt á
þeim tónleikum og einnig verk eftir
Tryggva M. Baldvinsson, „Vesper“
eða „Aftansöng“ í fimm kórköflum
með þrem orgelhugleiðingum inn á
milli, en þar lék á organið Lára
Bryndís Eggertsdóttir, félagi í
Graduale Nobili og organisti.
„Kirkjan var alveg troðfull, gersam-
lega út úr dyrum og við fluttum
einnig fullt af öðru íslensku efni,
stærri verkum og fengum gífurlega
sterk viðbrögð við þessum tón-
leikum,“ segir Jón, en að sögn við-
staddra var það rætt meðal gesta
tónleikanna að þeir væru hápunktur
hátíðarinnar. Þá segir Jón verk
Hreiðars hafa vakið sérstaka at-
hygli bresks útgefanda hjá Oxford
University Press, og hafi hann vilj-
að gefa það og fleiri íslensk verk út
á nótum.
Tónlist | Íslenskir kirkjulistamenn
vöktu athygli á kirkjulistahátíð
Frábær viðbrögð við
kór- og orgelverkum
Morgunblaðið/Jim Smart
Stúlknakórinn Graduale Nobili og stjórnandinn Jón Stefánsson.