Morgunblaðið - 13.12.2004, Blaðsíða 8

8 MÁNUDAGUR 13. DESEMBER 2004 MORGUNBLAÐIÐ
FRÉTTIR
Hann er að spyrja hvað yðar náð vill fá fyrir pleisið.
Á þessu ári hafamargir sparkvell-ir verið teknir í
notkun hér á landi en um
er að ræða afrakstur sam-
starfsverkefnis Knatt-
spyrnusambands Íslands
og UEFA, auk þess sem
fyrirtæki leggja verkefn-
inu til fjármagn. Ungir
knattspyrnumenn og kon-
ur hafa nýtt þessa velli af-
ar vel á þeim stöðum þar
sem þeir hafa verið settir
upp og hafa vinsældir
íþróttarinnar aukist.
Í maí á þessu ári bárust 60 um-
sóknir til KSÍ frá sveitarfélögum
sem vildu taka þátt í byggingu
sparkvalla. KSÍ hefur greitt
kostnaðinn við gervigrasið en
sveitarfélögin bera kostnað af
öðrum þáttum verksins, s.s. að
girða og lýsa vellina upp.
KSÍ fékk um 150 millj. kr. til
ráðstöfunar frá Knattspyrnusam-
bandi Evrópu, UEFA, í tilefni 50
ára afmælis UEFA.
Samkvæmt samningi um bygg-
ingu sparkvallar skal hann vera
18x33 metrar að stærð, afgirtur
og upplýstur þannig að hægt sé að
nota hann árið um kring. Ekki er
áskilið að völlurinn sé upphitaður
en sveitarfélag getur kosið að hafa
hann upphitaðan. Er gert ráð fyr-
ir að allt að 50 sparkvellir verði til-
búnir í árslok 2005.
Einar Þorvarðarson fram-
kvæmdastjóri Handknattleiks-
sambands Íslands, HSÍ, var innt-
ur eftir því hvort menn þar á bæ
væru ekki smeykir við að knatt-
spyrnan mundi taka öll völd í nán-
ustu framtíð og skilja aðrar
íþróttagreinar eftir hvað varðar
fjölda iðkenda og vinsældir.
„Það er ljóst að sparkvellirnir
munu auka vinsældir knattspyrn-
unnar á Íslandi og útbreiðsla
íþróttarinnar á aðeins eftir að
aukast með þessum völlum. En
við höfum ekki orðið varir við
miklar breytingar hvað okkar
íþrótt varðar. Það hefur verið
stigvaxandi aukning í okkar röð-
um og við erum bjartsýnir á að svo
verði áfram. En við búum ekki svo
vel að eiga von á fjármagni til þess
að fara í útbreiðsluherferð líkt og
KSÍ er að gera. Þeir hafa aðgang
að mun meira fjármagni en við og
hafa nýtt það vel.“
Einar telur að knattspyrnan
hafi tekið „öll völd“ hvað varðar
markaðssetningu enda sé umfjöll-
un um íþróttina gríðarlega mikil.
„Við erum ágætlega settir hvað
beinar sjónvarpsútsendingar
varðar frá DHL-deildinni í hand-
knattleik en við erum langt á eftir
knattspyrnunni á þessu sviði. Ég
veit ekki hvað margar mínútur á
viku í sjónvarpinu eru frá knatt-
spyrnuleikjum, en það er gríðar-
legt magn, umfjöllun í blöðum og
netmiðlum er einnig mikil. Og allt
hjálpar þetta knattspyrnunni að
ná til sín fleiri iðkendum. Að auki
hefur verið mikil uppbygging á
undanförnum árum hvað varðar
knattspyrnuhús og sér ekki fyrir
endann í þeim efnum.“
Einar telur að erfitt verði fyrir
handknattleikinn að ná fótfestu á
þeim svæðum þar sem ekki sé
stundaður handknattleikur.
„Akranes er gott dæmi þar sem
handknattleikur var stundaður á
árum áður en nú hefur það félag
verið lagt niður. Það er oft erfitt
að fara af stað með slíka starfsemi
á ný en við gerum okkur vonir um
að uppbyggingarstarf á lands-
byggðinni skili sér þegar fram líða
stundir. Á Egilsstöðum eru 80-100
börn að æfa og á Ólafsfirði er
einnig verið að koma handknatt-
leiknum á kortið. En það þarf
fleiri til þess að koma af stað
handknattleiksliði en t.d. í körfu-
knattleik og það er ein ástæðan
fyrir því að minni staðir úti á landi
hafa ekki náð að halda úti hand-
knattleiksliðum. En við hjá hand-
knattleikshreyfingunni höfum
ekki gríðarlegar áhyggjur af því
að sparkvellirnir verði til þess að
aðrar íþróttir muni láta í minni
pokann fyrir knattspyrnunni. Það
er mikil samkeppni á þessu sviði
eins og í öðru,“ sagði Einar Þor-
varðarson.
Á fimmtudaginn í síðustu viku
var sparkvöllur formlega opnaður
við Brekkubæjarskóla á Akranesi.
Heildarkostnaður við mann-
virkið er á bilinu 15 til 16 milljónir
kr. KSÍ leggur til gervigrasið en
Akranesbær kostar undirlag, flóð-
lýsingu og grindverk sem umlyk-
ur völlinn. Að auki er völlurinn
upphitaður. Gísli Gíslason bæjar-
stjóri segir að líklega verði farið í
framkvæmdir við gervigrasvöll
við Grundaskóla á næsta ári en
Akranesbær lagði til um 13 millj.
kr. í völlinn við Brekkubæjar-
skóla.
Allir fá tækifæri
Ingvar Ingvarsson, aðstoðar-
skólastjóri Brekkubæjarskóla,
segir að aðsóknin á völlinn sé mik-
il og skólayfirvöld hafi tekið þá
ákvörðun að útvega bekkjum
skólans ákveðna tíma á vellinum
þannig að allir fái tækifæri. Að-
alsteinn Hjartarson, sviðstjóri
tómstunda og forvarnasviðs Akra-
nesbæjar, býst við að setja þurfi
upp „stundaskrá“ á völlinn eftir að
skóla lýkur enda ljóst að mjög
margir vilji nota völlinn.
Ekkert aldurstakmark er á
vellinum eins og stendur en völl-
urinn er fyrst og fremst ætlaður
börnum og unglingum.
Fréttaskýring | Gervigrasið hefur haft
mikla þýðingu fyrir knattspyrnuna
Sparkvellir
slá í gegn
Enn aukast vinsældir knattspyrnunnar
meðal yngri kynslóðarinnar
Gísli Þór Gíslason, nemandi í Brekkubæjar-
skóla, fagnar opnun sparkvallar við skólann.
Allt að 50 sparkvellir
tilbúnir í árslok 2005

Í maí á þessu ári bárust 60 um-
sóknir til KSÍ frá sveitarfélögum
sem vildu taka þátt í byggingu
sparkvalla. KSÍ hefur greitt
kostnaðinn við gervigrasið en
sveitarfélögin bera kostnað af
öðrum þáttum verksins. Einar
Þorvarðarson framkvæmdastjóri
Handknattleikssambands Ís-
lands, HSÍ, telur ekki að knatt-
spyrnan muni taka öll völd í nán-
ustu framtíð og skilja aðrar
íþróttagreinar eftir hvað varðar
fjölda iðkenda og vinsældir.
seth@mbl.is