Eintak - 01.12.1993, Page 58

Lína Rut Karlsdóttir
Lína Rut læröi förðun í París
og kom svo heim og opnaði sína
eigin förðunarstofu; það var á þeim
tíma þegar aftur þótti orðið fínt að
konur gengju með farða, enda
blómstruðu viðskiptin. En Lína Rut
lét ekki staðar numið; hún tók
að nota mannslíkamann eins og
efnivið í listaverk og á endanum
afréð hún að fara í myndlistarnám í
Myndlistar- og handíðaskólanum.
Þaðan útskrifast hún innan tíðar.
JÓHANNA
Egilsdóttir
Þessi lágvaxna
kona í peysufötun-
um, þeim sem sáu
hana þótti sæta
furðu hvað hún var
mikið hörkutól. Jó-
hanna er goðsögn í
íslenskri verkalýðs-
hreyfingu; stofnandi
Verkakvennafélagsins Framsóknar,
baráttukona í kreppunni, amma
Jóhönnu Sigurðardóttur.
VlGDÍS FlNNBOGADÓTTIR
íslendingum þykir Vigdís taka sig
svo vel út í embætti forseta að þjóð-
in getur eiginlega ekki hugsað sér
að neinn annar sitji á Bessastöðum.
Þess vegna ætti hún helst að vera
forseti til eilífðarnóns - á þessu landi
þar sem konur þykja annars helst
ekki verðugar æðstu metorða.
Ingibjörg Brandsdóttir
„Svona gerir hún Imba Brands, þegar hún
kennir börnunum dans,“ er ennþá sungið,
þótt fæstir hafi hugmynd um við hvað er átt.
En Imba Brands, Ingibjörg Brandsdóttir, var
raunveruleg persóna og ef hún hefði verið
uppi núna hefði hún líklega rekið líkamsrækt
arstúdíó. En svoleiðis var ekki til á fyrstu
árum aldarinnar og Ingibjörg varð frumkvöð-
ull í líkamsmenntun barna og þó einkum
stúlkna. Hún kenndi sund og dans - af eðlis-
lægum og nauðsynlegum strangleik.
Lana Kolbrún
Eddudóttir
Lana Kolbrún vakti mikla
athygli þegar hún birtist í
sjónvarpsþætti Ingós og Völu
nýskeð og ræddi á hrein-
skilinn, skeleggan, skemmti-
legan og dálítið kímilegan
hátt um hlutskipti sitt í lífinu,
en hún er lesbía. Lana, sem
er tónlistarmenntuð starfar
annars á tónlistardeild
Ríkisútvarpsins og spilar í
Hljómsveit Jarþrúðar - sem
líkast til er eina hreinræktaða
kvennahljómsveit landsins.
Bryndís Schram
Bryndís hefur vasast í
mörgu. Hún lærði dans og
var ballerína, lagði stund á
frönsku og bókmenntir í
, Frakklandi; hún hefur verið
ð kennari, skólameistari, rit-
g stjóri, sjónvarpskona, leið-
ö sögumaður - ráðherrafrú
ö sem konverserar útlenska
| ráðamenn í veislum á
'x frönsku, þýsku, ítölsku. Og
í nú síðast framkvæmdastjóri
jjj Kvikmyndasjóðs.
Guðrún Halldórsdóttir
Guðrún rekur einhverja stærstu og blómlegustu mennta-
stofnun á íslandi líkt og stórt heimili, segja þeir sem þekkja
starfið í Námsflokkum Reykjavíkur þar sem um þrjú þúsund
manns sækja sér menntun á hverju ári. Og hjá Guðrúnu er
hægt að læra allt milli himins og jarðar; náttúrlega venjuleg
fög eins og ensku og stærðfræði, en líka búlgörsku, skokk,
japönsku, bútasaum, bókband, myndbandagerð, postulíns-
málun og skrift. En fólk er svosem ekki bara að skemmta sér
þarna, því þarigað kemur líka fólk sem af einhverjum ástæð-
um hefur lent í þeirri ógæfu að kunna ekki að lesa - sem hlýt-
ur að teljast alvarleg fötlun í nútímasamfélagi. Af þeim sökum
segir Guðrún að Námsflokkarnir séu ekki bara félagslegur
samastaður, heldur líka, og ekki síður, samfélagsleg nauðsyn.
Halldóra Björnsdóttir
Halldóra er prímadonna af yngstu kynslóð. Það eru ekki nema
svona tvö ár síðan hún útskrifaðist úr Leiklistarskólanum;
þaðan fór hún beina leið inn í hið virðulega Þjóðleikhús, á
fyrsta ári var hún komin í hvert veigamesta kvenhlutverk
samanlagðra leikbókmenntanna, hún lék sjálfa Júlíu í harm-
leik höfuðskáldsins Shakespeares. Síðan lék hún í hinni
makalausu sýningu Kæra Jelena, Þóru í Ferðalokum, en í jóla-
sýningu leikhússins leikur hún Nínu í Mávi meistaraskáldsins
Tsékovs.