Morgunblaðið - 15.02.2005, Side 6

6 ÞRIÐJUDAGUR 15. FEBRÚAR 2005 MORGUNBLAÐIÐ
FRÉTTIR
BÚIÐ er að heilbora nærri þriðj-
ung aðrennslisganga Kárahnjúka-
virkjunar, eða 13,5 km af 48,3 km
löngum göngum í heild sinni. Í viku
hverri mjakast risaborarnir þrír
áfram um 300–400 metra samtals
en að sögn Sigurðar Arnalds hjá
Landsvirkjun hafa mestar tafir orð-
ið í aðrennslisgöngum 3 í Hrafn-
kelsdal vegna leka og vatnsaga.
Bergið þar er ungt móberg frá ís-
öld, m.a. bólstraberg, og fer mikill
tími hjá starfsmönnum Impregilo í
að þétta göngin.
Aðrennslisgöng 3 verða styst, eða
um 5,5 km, en borunin er þó lengst
komin þar, eða um 3,8 km. Í hinum
aðrennslisgöngunum, þar sem berg-
ið er mun eldra og þéttara í sér,
hafa risaborarnir komist 20–25%
leiðarinnar. Göng 1 verða 14 km en
göng 2 rúmir tíu km.
Útivinna við sjálfa Kárahnjúka-
stífluna gengur hægar í frosthörk-
unum en Sigurður segir távegginn í
fremsta hluta stíflunnar „tosast
upp“. Hæstur verður veggurinn 45
metrar en búið er að steypa hann í
um 27 metra hæð. Starfsmenn
Impregilo eru nýlega byrjaðir á
grjótfyllingu í aðalstíflunni en frost-
ið hefur gert færibandinu erfitt fyr-
ir undanfarið. Því hafa stórvirkir
vörubílar verið notaðir í meira mæli
í grjótflutninginn. Búið er að fylla í
um 30% af stíflunni, eða 2,4 millj-
ónir rúmmetra af 8,7 milljónum
rúmmetra. Sigurður segir að meiri
hraði fáist í þessa vinnu þegar nær
dregur vori.
Að sögn Sigurðar ganga fram-
kvæmdir ágætlega hjá Arnarfelli
við Jökulsárveitu en vinna Suður-
verks við hliðarstíflur Kárahnjúka-
virkjunar liggur niðri þar til í mars-
mánuði.
Góður gangur er hjá Fosskraft
við byggingu stöðvarhúss og
spennusalar inni í Valþjófsstaðar-
fjalli í Fljótsdal. Steypuvinna er í
fullum gangi og nú styttist í að upp-
setning vélbúnaðar hefjist. Í lok
febrúar er stefnt að því að steypa
botn stöðvarhússins og þá koma
fyrstu stálhlutarnir í sográsina und-
ir túrbínum virkjunarinnar.
Hluti farms Jökulfells
átti að fara í stöðvarhúsið
Einhverjar tafir verða þó á
steypuvinnunni hjá Fosskraft þar
sem um 840 tonn af steypustyrkt-
arstáli, sem átti að nota í stöðv-
arhúsið, voru um borð í ms. Jök-
ulfelli sem fórst norður af
Færeyjum sl. mánudag. Var það
nærri helmingur alls farmsins. Ver-
ið er að útvega aðra stálsendingu í
staðinn.
Framkvæmdum við Kárahnjúkavirkjun miðar ágætlega
Ljósmynd/Landsvirkjun
Munni aðkomuganganna í Fljótsdal er farinn að taka á sig stærri mynd hjá starfsmönnum Fosskraft.
Nærri þriðjungur
ganganna að baki
RAFIQ Hariri var sérstaklega
eftirminnilegur maður. Hlátur-
mildur og skemmtilegur. Þannig
lýsir Geir H. Haarde fjármála-
ráðherra kynnum sínum af Raf-
iq Hariri, fyrrverandi forsætis-
ráðherra Líbanons, sem ráðinn
var af dögum í bílasprengjuárás
í Beirút í gær ásamt 12 öðrum.
Geir átti þess kost að hitta
Hariri að máli í Beirút haustið
2003 eftir ársfund Alþjóðagjald-
eyrissjóðsins og Alþjóðabankans
í Dubai. „Þá stoppaði ég í
nokkra daga í Líbanon en ég
var þar í opinberri heimsókn.
Ég átti þar fundi með forset-
anum, forsætisráðherranum,
fjármálaráðherranum og fleir-
um. Forsætisráðherrann var
sérstaklega eftirminnilegur
maður og gaf sér góðan tíma.
Við sátum í rúman klukkutíma
og spjölluðum saman,“ segir
Geir.
„Hariri var upphaflega frá
Saudi-Arabíu og hafði efnast vel
í viðskiptum að því að sagt var.
Samtal okkar fór fram á heimili
hans, glæsilegum vistarverum í
miðbænum. Það var létt yfir
honum, hann var hláturmildur
og skemmtilegur maður. Það fór
afskaplega vel á með okkur
þennan tíma,“ segir Geir.
Hann segist hafa fengið góða
yfirsýn yfir þróun mála í Líb-
anon í samtölunum við Hariri og
aðrar ráðherra sem hann ræddi
við.
Líbanon lykilland
„Líbanon er lykilland í þess-
um heimshluta, en þar er jafn-
framt óvenjulegt stjórnarfar,
sem byggist á samkomulagi á
milli trúarhópa. Þarna var
löngum mikil fjármálamiðstöð,
sem þeir hafa verið að endur-
reisa frá því á síðast áratug.
Fyrir utan hörmulegt manntjón-
ið er þessi árás áreiðanlega mik-
ið áfall fyrir alla uppbyggingu
bæði í fjármálaþjónustu og á
öðrum sviðum og bakslag í
þeirri þróun sem þarna hefur
átt sér stað í átt til friðar frá
1990.“
Eftirminnileg-
ur og skemmti-
legur maður
Geir H. Haarde fjármálaráðherra hitti Rafik Hariri að máli á heimili
Hariris í Beirút haustið 2003 og var myndin tekin við það tækifæri.
Ljósmynd/Ragnheiður Árnadóttir
BALDVIN Jónsson, fram-
kvæmdastjóri Food and Fun-
hátíðarinnar, segir þátt í mat-
reiðsluþáttaröðinni „Chef’s A
Field: Culinary Adventures That
Begin on the Farm“, sem tekinn
var upp á Íslandi í september sl.,
vera gríðar mikla landkynningu
en um 16 milljónir Bandaríkja-
manna koma til með að sjá þáttinn
á þessu ári. Útleggja mætti þátt-
inn á íslensku „Kokkur á vett-
vangi; Matreiðsluævintýri sem
hefjast á sveitabænum“.
Baldvin segir undirtóninn í
þættinum undirstrika það hversu
langt Ísland sé komið í því að
framleiða mat á grundvelli sjálf-
bærrar þróunar og slíkt stuðli að
afburða hráefni. En hráefni er
lykilatriði hvað varðar góða mat-
reiðslu að mati kokka segir Bald-
vin.
Þátturinn verður forsýndur nk.
föstudag í tengslum við Food and
Fun hátíðina og mun framleiðandi
þáttarins, Heidi Hanson, koma til
landsins í þeim tilgangi á sérstaka
boðsýningu sem verður í Kringlu-
bíói. Í hverjum þætti er fylgst með
landsþekktum meistarakokki í
Bandaríkjunum ná sér í ferskt eð-
alhráefni og vinna svo úr því.
Í Íslandsþættinum heimsækir
bandarískur meistarakokkur sjó-
menn á Eskifirði, bændur á Suður-
landi og kynnist aðferðum inn-
fæddra. „Undirtónninn í myndinni
er sú sérstaða Íslands að vera
núna nánast með alla mat-
vælaframleiðsluna undir þessum
formerkjum um sjálfbæra mat-
vöruframleiðslu, þ.e. að ekki sé
gengið of nærri auðlindum jarðar,
meðferð dýra sé skynsamleg
o.s.frv.,“ segir Baldvin og bætir
því við að þetta sé í fyrsta sinn
sem „Chef’s a Field“ þáttur sé tek-
inn upp utan Bandaríkjanna
Baldvin segir þáttinn vera
margverðlaunaðan og framleiddan
af PBS-sjónvarpsstöðinni. Í áhorf-
endahópi þáttarins sé mikið af
menntuðu fólki sem ferðist mikið
og sé í áhrifastöðum í Bandaríkj-
unum. PBS samanstendur af um
280 sjónvarpsstöðvum vítt og
breitt um Bandaríkin og mun hver
stöð sýna þáttinn u.þ.b. sex sinn-
um á næstu fimm árum að sögn
Baldvins. „Þá erum við komin með
eitthvað um 25–30 milljóna manna
áhorf,“ segir Baldvin.
Þáttur í bandarískri matreiðsluþáttaröð tekinn upp hér
Mun alls ná til um 25–30
milljóna Bandaríkja-
manna á næstu fimm árum
Morgunblaðið/Jim Smart