Morgunblaðið - 16.04.2005, Side 15

MORGUNBLAÐIÐ LAUGARDAGUR 16. APRÍL 2005 15
FRÉTTIR
Þegar keypt eru ný
Sólgler* með styrkleika
er kaupauki með öllum
nýjum gleraugum.
Við pöntun fylgir frítt par
af sólglerjum í þínum
fjærstyrkleika í eigin
umgjörð eða við bjóðum
þér nýja á hagstæðu
verði.
* Styrkleiki 0 til – 6.00 / 0 til + 4.00,
sjónskekkja til 1.00.
FRÍ
VORTILBOÐ
SÓLGLER!
GLERAUGU
www.opticalstudio.is
FJÖLMENNI var á kynningar-
fundi Ferðaklúbbs Ingólfs Guð-
brandssonar á fimmtudags-
kvöldið en þar var kynnt ein sú
stærsta hópferð sem skipulögð
hefur verið á Íslandi.
Farið verður umhverfis jörðina
á 30 dögum og tíu helstu áfanga-
staðir norðan miðbaugs heimsótt-
ir.
Ferðin byrjar í Delhi á Ind-
landi en meðal annarra staða
sem farið verður til eru; Agra og
Jaipur á Indlandi, Bangkok í
Tælandi, Peking og Shanghæ í
Kína, Tókíó í Japan, Honolulu á
Hawaí og San Francisco í Banda-
ríkjunum.
Allir þessir áfangastaðir eru í
miklu uppáhaldi hjá Ingólfi, það
besta sem heimurinn býður upp
á, og hefur hann margsinnis
komið til þeirra áður. Ferðin er
þaulhugsuð og skipulögð en þó
verður fólki gefið færi á að ráða
sér sjálft.
„Á fundinum sýndum við fólki
myndir frá áfangastöðum ferð-
arinnar og voru allir mjög heill-
aðir enda er mikið til ferðarinnar
vandað. Búið verður á fimm
stjörnu hótelum og allar kynn-
isferðir innifaldar í verðinu,“ seg-
ir Ingólfur.
„Fólk var það ánægt með kynn-
inguna að 30 manns staðfestu
ferð sína eftir fundinn og því er
orðið uppselt. Ég er þó að athuga
hvort hægt sé að bæta við nokkr-
um sætum. Ferðin á eftir að hafa
mikil áhrif á fólkið sem mun
koma til baka með nýja sýn á
heiminn.“
Sjálfur segist Ingólfur hafa far-
ið til 144 landa á lífsleiðinni og
mörgum sinnum til sumra þeirra.
Ferðin umhverfis jörðina á 30
dögum verður hafin annan októ-
ber næstkomandi.
Umhverfis jörðina á
30 dögum með Ingólfi
Morgunblaðið/Árni Sæberg
SAMÞYKKT var á fundi borgarráðs
Reykjavíkur að taka kauptilboðum í
byggingarrétt í 3. áfanga í Norðlinga-
holti og eru tilboðin um tvöfalt hærri
en í sams konar útboði sem fór fram
fyrir tæpu ári.
Fulltrúar Sjálfstæðisflokksins létu
bóka á fundinum, að tilboðin, sem tek-
ið var, endurspegli með skýrum hætti
þær alvarlegu afleiðingar sem lóða-
skortsstefna R-listans hafi valdið en
Reykjavíkurlistinn lét bóka, að þrátt
fyrir mikið og jafnt framboð lóða í
Reykjavík og nágrannasveitum und-
anfarin misseri, hafi tuga milljarða
aukið framboð lánsfjár sprengt upp
verð á fasteignamarkaði eldri fast-
eigna og nýrra, þ.á m. verð bygging-
arréttar. Með stefnu Reykjavíkur-
borgar við ráðstöfun lóða hafi
sameiginlegir sjóðir borgarbúa notið
góðs af þessum verðhækkunum, ekki
lóðabraskarar.
Í tilkynningu frá borgarfulltrúum
Sjálfstæðisflokksins í dag, segir að
verð á lóðum fyrir einbýlishús í Norð-
lingaholti hafi í útboði í júní í fyrra
verið 6,7 milljónir króna en sé nú 14
milljónir. Lóðaverð íbúðar í raðhúsi
var 4,3 milljónir í fyrra en er nú 8,7
milljónir og lóðaverð fyrir íbúð í fjöl-
býli var 2,7 milljónir en er nú 5,1 millj-
ón.
Í tilkynningunni segir Vilhjálmur
Þ. Vilhjálmsson, oddviti sjálfstæðis-
manna, að sala byggingarréttarins í
Norðlingaholti endurspegli með
skýrum hætti þær alvarlegu afleið-
ingar sem viðvarandi lóðaskorts-
stefna R-listans hafi valdið, en hún
eigi verulegan þátt í stórhækkandi
söluverði íbúða og hækkandi fast-
eignagjöldum, sem valdi fjölskyldum
í borginni miklum búsifjum. Ljóst sé
að R-listinn hafi hvorki getu né vilja
til að auka lóðaframboðið.
Upphæð til-
boða í bygg-
ingarrétt
tvöfaldaðist
HÆSTIRÉTTUR hefur vísað frá
dómi máli karlmanns, sem ákærður
var fyrir að hella eldfimu lími á nokkr-
ar hurðir í kjallara fjölbýlishúss í
Reykjavík og leggja eld að með þeim
afleiðingum að eldur læsti sig í hurð á
einni geymslunni og olli skemmdum.
Maðurinn var í héraðsdómi dæmdur í
5 mánaða skilorðsbundið fangelsi.
Fram kemur í dómi Hæstaréttar,
að enginn tjónþola hafði gert refsi-
kröfu í málinu. Við rannsókn málsins
lagði hins vegar formaður húsfélags-
ins fram slíka kröfu fyrir hönd félags-
ins samkvæmt ákvörðun stjórnar
þess. Hæstiréttur taldi, að ekki væri
unnt að líta á húsfélagið sem þann
sem misgert var við í skilningi al-
mennra hegningarlaga, enda til-
heyrðu þær eignir sem skemmdust
séreignarhlutum einstakra íbúðareig-
enda í húsinu. Var málinu því vísað af
sjálfsdáðum frá héraðsdómi. Málið
dæmdu hæstaréttardómararnir Ingi-
björg Benediktsdóttir, Jón Steinar
Gunnlaugsson og Ólafur Börkur Þor-
valdsson.
Íkveikjumáli
vísað frá dómi
♦♦♦